خبر عاجل اوباما يجدد حاله الطوارى حول العراق

[فارس العراق 90]

ورد توا على قناه الشرقيه اوباما يجدد حاله الطوارى حول العراق وسيقومون بتواصل لحل الازمه الحاده التي صابت العراق حاليا اضاهر متصفه هاي شغله العراق الا يدخلون الامريكان بيه

[امين عبد الله]

يعني اذا دخلوا مرة ثانية فاكيد راح يمددون العمل ببرنامجي ال SIV و ال IOM وحتى اشعار آخر. بس لازم يسفرونا بالاول

[الطيار العراقي]

انسى .................... امريكا ما تستخدم كارت محروك ..............هم هواي اذكى من هيجي شي

[والله اكسر الخاطر]

  يا الله وينهم خللي يرجعون


اكبر غلط سوووه من طلعوا




والله اكسر الخاطر

[جورجيا]

هو اوباما خربها وكعد على تلها
شيريد يصلح مدكولي
هاي ضمن حملة الانتخابات مالته اضاهر
لان محد يريده

[امين عبد الله]

ما ادري اذا  رجعوا فالاخ ( كلش حباب ) حيلغي فكرة السفر لو لا ؟؟

[abo shams]

الاغرب ...
هو انه وقع امر ... بحل جميع المشاكل السياسيه بالعراق ...
لعد الجماعه شنو ديضحكون علينه باجتماعاتهم العاجله و مشاورات بنائه و ثنائيه و ثلاثيه و خماسية ؟؟؟
ها صدك الجاعه كاضيه .. جاي و جذب .. وبوك فلوس براسنه و عزايم و اجه غداء العمل وراح عشاء المؤتمر ...
ايا مسكين يا الكائن اللي اسمه مواطن عراقي

[فادي نيويورك]

ان شاء الله شباب ايطيروهم حتى العالم ترتاح من الدمار الذي الم بالبلد ..شكرا على الموضوع

[يمتة الفرج]

وين الله ويرجعون عالاقل ترجع الشركات ويرجع الشغل مثل قبل الواحد عالاقل يلتهي وينسى الامنية 

[ankawa_2010]

ورد توا على قناه الشرقيه اوباما يجدد حاله الطوارى حول العراق وسيقومون بتواصل لحل الازمه الحاده التي صابت العراق حاليا اضاهر متصفه هاي شغله العراق الا يدخلون الامريكان بيه

عزيزي صاحب الموضوع
هو الحكومة العراقية او اي حزب او قائمة مثل ما يسموها
يكدرون يتحركون ويسون شي بدون علم وموافقة الامريكان؟
واذا واحد منهم سوة شي وما عجب الامريكان مباشرة ( يترزل )
اخوي ذول الجماعة مجرد موظفين ومطيعين للاوامر بدون نقاش
لمصالحهم الشخصية بدون استثناء الكل ومعلينة بالاعلام

[gustavo]

شنو يجدد حاله الطوارىء؟
يعني شيصير؟
مثلا؟
السياسين العراقيين اغلبهم هم دمى مطيعه لحلفائهم الامريكان .
بس اعتقد انه نقل الخبر خاطىء ..
يعني استنفار الجهود الدبلوماسيه الامريكيه لحل الازمه الراهنه بالعراق وليس التدخل بكل جوانبه ..
تحياتي.

[engineermech]

ربك يصفية لا تخاف

[Baguncero]

الي شبكنا يخلصــــــــــــــــــــــــــــــــنا

Baguncero

[TOMMY735]

يعني والله اليقرة حجيكم يتعجب,واحد يكول نتمنى الامريكان يرجعون وواحد يكول اكبر خطا طلعوا وواحد يكول على الاقل الشغل يرجع.سبحان الله ,ليش هو منو دمر البلد غير الامريكيين

بعدين هاي الحكومة التحجون عليهة جاي وجذب وسوالف ترة كلكم رحتوا انتخبتوهة والمراكض صار على مراكز الانتخاب كلمن يكول اذا ما انتخب تصفى لذولة وذاكة يكول اذا ما انتخب تصفى لذولاك

اكو مثل امريكي يعجبني يكول if you vote don't complain,and if you don't vote you can't complain too.

وهسة احنة كلنة دنترك العراق ونهاجر ونترك مصيرة مجهول بس باجر عكبة ننسال ترة.والتاريخ هم يذكر كل واحد ترك بلدة لغير رجعة

اكو عندي رفيق المهنة طيار ايطالي ومدرب يكوللي لتفكر بيوم من الايام مترجع لبلدك يكول اني لو بمكانك لو اعرف اغير عقلية وفكر واحد قافل ووراهة اموت,,اذن اني المنتصر

انتقوا كلماتكم اخوان ولتكونون سلبيين لهالدرجة

تحياتي الكم

[مــودي]

لاحبي الدمر البلد الحكام ارجع وسوي فيد باكَ,,وللحظة هاي المالكي ديكمل الخارب ,,رأيي طبعا ,,واحترامي للجميع

تسلم ابو الفوارس ع الخبر

[allawi]

حالة الطواريء أعلنها جورج دبليو بوش في العام 2003 جرت العادة على تجديد حالة الطواريء بخصوص العراق واهم موضوع تتضمنه هو حماية الاموال العراقية من مطالبة الدائنين والمطالبين بتعويضات نتيجة حروب النظام السابق.

هذا الموضوع بأختصار وما اتصور أكو شي جديد وبالنسبة لبعض الفضائيات تأول الموضوع وتفسره غير تفسيرات وهو ما يتحمل تأويلات كثيرة.

[** AL SHAEEA **]

شكرا اخويه فارس العراق على نقل الخبر

[كوكي 2004]

أخوان البارحة بالأخبار عالشرقية طلع سبتايتل يكول ( امريكا تبلغ اسرائيل بأنها جاهزة لضرب ايران ) وطبعآ كلنه نعرف بأنه هذا كله اعلام وكلام لا اكثر
وان كان صحيح فحالة الطوارئ بالعراق هو ليس خوفآ على العراق او العراقيين ولكن خوفآ على مصالحهم وخططهم بالمنطقة لا اكثر ولا اقل

تحياتي للجميع والله يستر علينا كلنه

[فادي نيويورك]

لاحبي الدمر البلد الحكام ارجع وسوي فيد باكَ,,وللحظة هاي المالكي ديكمل الخارب ,,رأيي طبعا ,,واحترامي للجميع

تسلم ابو الفوارس ع الخبر

نفس رأي الاخ مودي العراقي

[ابو عزوز القيسي]

أخوان البارحة بالأخبار عالشرقية طلع سبتايتل يكول ( امريكا تبلغ اسرائيل بأنها جاهزة لضرب ايران ) وطبعآ كلنه نعرف بأنه هذا كله اعلام وكلام لا اكثر
وان كان صحيح فحالة الطوارئ بالعراق هو ليس خوفآ على العراق او العراقيين ولكن خوفآ على مصالحهم وخططهم بالمنطقة لا اكثر ولا اقل

تحياتي للجميع والله يستر علينا كلنه

  اوافق بشده مع كلام الاخت (كوكي) والحقيقة لمن طلعوا الامريكان الوضع بالعراق تحول من سيء الى اسوء و بقاء الامريكان في العراق هو حماية للعراقين من المليشيات والقاعده الي تمولها وتدعمها دول الجوار مثل اشقاءنا العرب واخواننا الفرس الاشراف,, يعني احنه محمين لمن تصير امريكا بجانبنا و هذا الكلام مو حبآ بالامريكان بس يقال عدو عدوي صديقي والامريكان اشرف من كل الي حواليك ,,اعتقد رأيي يوافق عليه الاغلبية و بالنسبه لاخونا الطيار ,,,احنا لمن انتخبنا جنا نتمنى ينجح فد شخص شريف ينقذنا وينقذ الاخرين من بطش الظلمه الي كاعد يحكمون في الوقت الراهن لكن دون جدوى الظلمه ايديهم طايلة وحولوا الخسارة الى نصر و لزمو الحكم مرة ثانية ,,ولمن تصير نسبة التصويت للظلمه اقل بقليل من نسبة الصالحين معناه احنه في خطر حقيقي لئن نسبة الموالين للظلمة هي نفس نسبة المناهضين لها ,,والعاقل يجب ان يتصرف يعني ينقذ نفسه وعائلته من الدمار الي راح يلحق بي واحنه اغلبنا هنا بوجه المدفع لئن عملنا موظفين مع الجيش الامريكي او الشركات الاجنبية الحقيقة كنا نخدم بكل امانه ومع ذلك سمينا بالخونه,, لذلك اخي اذا عندك كلمة طيبه تواسي بيها اللاجئين المساكين الموجودين هنا فقل والا فاصمت فقد شبعنا من هتفاتكم الهدامة يا أبطال حكومة العراق الجديد,, والحكيم تكفيه اشارة

اسف على الاطالة وشكرآ يا فارس العراق.

[ياهو]

  ;Dامريكا ترجع للعراق ورى طياح الحظ اللي شافته والله ضحكتوني

[سلوان 1982]

;Dامريكا ترجع للعراق ورى طياح الحظ اللي شافته والله ضحكتوني

يلة خلي ترجع حتين العلم تستفاد وهمين يقدمون اس اي في 

[مــودي]

والله يمكن اذا يتقسم 1000 قطعة ميرجعون

[محارب]

ما ادري اذا  رجعوا فالاخ ( كلش حباب ) حيلغي فكرة السفر لو لا ؟؟

اي مو اذا رجعوا راح اشتغل بالشهر دفتر
والله ياخ امين اسافر لان حالتي خطره

[espero]

حالة الطواريء أعلنها جورج دبليو بوش في العام 2003 جرت العادة على تجديد حالة الطواريء بخصوص العراق واهم موضوع تتضمنه هو حماية الاموال العراقية من مطالبة الدائنين والمطالبين بتعويضات نتيجة حروب النظام السابق.

هذا الموضوع بأختصار وما اتصور أكو شي جديد وبالنسبة لبعض الفضائيات تأول الموضوع وتفسره غير تفسيرات وهو ما يتحمل تأويلات كثيرة.

+1

[ABO GADA]

السلام عليكم اخوان ...هنا  اريد ابدي  رايي 
اذا  انتبهتو  لخبر  بان الرئيس اوباما  يريد  يسوي  تقييم  حته ايطلع العراق من البند السابع والديون اللي متلتله ورانه من ايام النظام السابق
خصوصا  مساله الديون الكويتية اللي هيه اكبر  عقبة اللي تواجه خروج العراق من البند السابع او الوصاية الدولية ..هاي  وحده

ثانيا ..انتبهو الرئيس اوباما  سحب 9000  من المارينز من اليابان من جزيرة اوكيناوا صارلهم اكثر من 45  سنة هناك

ثالثا .الانتخابات الرئاسية جاية والديموقراطيين  سياستهم التفاوض اكثر  من الذهاب للحرب

هنا  اني  ما اريد اهبط  معنويات البعض  اخواني  بس  هيه  هاي الحقيقة يعني مو كل اخبار الشرقية مضبوطه  ميه بالمية

      والسلام

[البلدوزر]

رجعو لو مارجعو المهم عندي الفيزا تطلع

[ابو عزوز القيسي]

رجعو لو مارجعو المهم عندي الفيزا تطلع

+1

[اسدبغداد]

والله ملينه من جذب الامريكان


عداوات الوكت وياي ... عادن
وعليه افلام يابه افلام ... عادن
بطولة يسرى هم وياهه ... عادن
امام

[متفائلة]

ورد توا على قناه الشرقيه اوباما يجدد حاله الطوارى حول العراق وسيقومون بتواصل لحل الازمه الحاده التي صابت العراق حاليا اضاهر متصفه هاي شغله العراق الا يدخلون الامريكان بيه

عزيزي صاحب الموضوع
هو الحكومة العراقية او اي حزب او قائمة مثل ما يسموها
يكدرون يتحركون ويسون شي بدون علم وموافقة الامريكان؟
واذا واحد منهم سوة شي وما عجب الامريكان مباشرة ( يترزل )
اخوي ذول الجماعة مجرد موظفين ومطيعين للاوامر بدون نقاش
لمصالحهم الشخصية بدون استثناء الكل ومعلينة بالاعلام

حجيك صحيح مية بالمية

[TOMMY735]

abo 3zoz al qaisy thx for your behavior and your polite reply,youre not the one to tell me when to shut up,and how the hell i speak to you when you already put marines marking under your name,you accused me of being a supporter for the new government but i do say that am proud to be an iraqi air force  pilot officer and served my country and also from a family of officers who sacrificed for our country when i lost my father my uncles in the different wars of iraq,and you telling me to shut up!!!!!

shame on you ,

am done talking to you cuz you dont even worth it and do me a favor dont reply cuz i wont answer you
peace,

sorry for the english keyboard my freinds