اخوكم تايتن يحييكم من نيويورك

[titan]

السلام  عليكم     ااخوان انشاء الله الجميع بخير وتحية خاصة الى الاخ العزيز مودي وكروب ولاية نيويورك بلبداية احب اعتذر من كل الاعضاء الطيبين والي مافد يوم بخلوا بمساعدة او نصيحة لتاخري عن الكتابة لانه اليوم يلة لكيت انترنيت الرحلة كانت جدا متعبة بلبداية انطلقنا من مطار بغداد الى مطار عمان الساعة الرابعة والنصف عصرا تقريبا طبعا التاخير صار بسبب العاصفة الترابية يوم 14 وصلنا الى عمان بعد تقريبا ساعة ونص وكان الجو بارد بعده استقبلنا موظف الاي او ام  في مدخل المطار وكان شخص لطيف جدا بعدها سلمنا الجوازات الجوازات الى ظابط الجوازات الاردني طبعا الجوازات بقت يمة الى ثاني يوم بعدها اخذنا باص الى فندق جولدن توليب الي صاير بصف المطار والفندق كان جيد جدا بعد المبيت ليلة واحدة ثاني يوم الصبح جمعنا موظف الاي او ام واخذنا الى المطار ركبنا الطائرة المتجهة الى نيويورك حوالي الساعة 11 الا ربع وكانت طائرة عملاقة من نوع ايرباص طبعا هاي الرحلة كانت كلش طويلة ومملة انشاء الله كلكلم لمن تروحون تعرفون هذا الشي طولت حوالي 12 ساعة ونص  يقدمون وجبتين اكل + وجبات خفيفة وصلنا الى نيويورك مطار جون كندي الساعة 4 وخمس واربعين دقيقة طبعا صار تاخير حوالي نص ساعة بسبب الغيوم والضباب وكان الجو ماطر وكثرة الطائرات الهابطة في المطار فضل الطيار يفتر الى ان كدر يهبط بعدها دخلنا المطار ايضا كان اربع موظفين من الاي او ام بانتظارنا في مدخل المطار اخذونا الى ضابط الجوازات وختم جوازاتنا هسة انشاء الله من توصلون مطار عمان موظف الاي او ام راح ينطبكم كل واحد علاكة مكتوب عليها اي او ام حتى الموظفين يعرفوكم بعد ماانختمت جوازاتنا كان اكو باص بلخارج ينتظرنا الى الفندق كل الي وياية بلباص راحو للفندق بس اني نزلني السائق يم مطار لجواريد حسب مااذكر اسمة الي هو مطار محلي ولكيت موظفة الاي او ام بانتضاري الساعة 10 ونص تقريبا ركبت الطيارة الى مدينة syracuse طبعا الي هية الوجهة الاخيرة مالتي اني صار وياية شغلة عجيبة اني الوجهة الاخيرة مالتي كانت مدينة watertown بس المشكلة الكفيل مالي ترك المنطقة من زمان فلكيت المنظمة مغيرين المنطقة الى syracuse طبعا سبحان الله اني كنت رايد هاية المنطقة لانة ووتر تاون كانت بعيدة جدا  المنطقة كلش حلوة وين متروح راح تشوف خضار واشجار والداون تاون مالتها ايضا كلش تقريبا مدينة نيويورك مصغرة شوارع حلوة بنايات عالية واكو متنزه كبير بعد ماوصلت باطيارة من مدينة نيويورك لكيت موضف المنضمة مو الاي او ام لحد هنا انتهى دورهم اقصد المنظمة الي كافلتني وطبعا كانت اكو وياية عائلة من الكونغو لجوء اخذنا سوية بلسيارة الساعة كانت تقريبا 11 ونص ليلا وهسة اني حاليا ساكن وية اثنين عراقيين هم اس اي في بس بس نهاية الشهر راح يتغير مكاني لانه المكان الي احنا بيه كلش صغير وراح يسكن وياية في المكان الجديد ايضا شخص اس اي في راح يوصل يوم 31 انشاء الله الفود ستامب تطلع يوم الاثنين والكرين كارد باقل من شهر حسب كلام الكيس ووركر واي سوال اني حاضر حول المنطقة

[رافت العراقي]

  الحمد لله على السلامه

[ام الهنا]

حمداً لله على سلامة الوصول ،، وربي يجعلها مدينة الخير والرزق عليك .
وبالتوفيق ان شاء الله تعالى .....

ام الهنا

[محارب]

حمدا لله على سلامك
الله ينور دربك ويحميك

[engineermech]

الحمد لله على سلامة الوصول وان شاء الله ولاية الخير عليك

[الفرج2]

اهنئك اخي الغالي بسلامة الوصول واتمنى لك الاستقرار والطمأنينة وراحة البال في مكانك الجديد , يبدو ان امريكا كلها ارض خضراء مليئة بالاشجار والثيل لذلك الهوا يرد الروح ويبعث في نفسك راحة تخفف كل اعصابك وتبدو تنظر للامور باعصاب بارده , سبحان الله من وصلت لامريكا الي هسه ماكو يوم او لحظه مرت علي وصرت عصبي , بينما بالعراق جنت يوميه وكل ساعه اسب والعن وارجع ليوره واعصابي كلش تعبانه هههههههههههههههههههههههههههههههههههههههها

اهنيك اخويه مرة اخرى وادعو الله سبحانه وتعالى ان يتممها عليك بالراحة والسعادة ويفرجها على جميخ الاخوات والاخوة المنتظرين .

[gustavo]

الحمد لله على سلامه وصوصلك ..
ونتمنالك كل التوفيق بحياتك الجديدة انشالله ..

[a7med_al3ra8e]

الف الحمدلله على السلامه اخويه . ان شاء الله تستقر وترتاح في بلدك الجديد .

[فارس العراق 90]

حمدلله ع سلامه وبتوفيق انشاء الله

[مــودي]

حمد لله ع سلامتك تايتن ومنور نيويورك 

وارجع للكَروب داضربلك 21 اطلاقة ...تحياتي اخوية

[امين عبد الله]

الف الف الحمد لله على سلامة الوصول ويارب تتوفق ونسمع اخبارك الطيبة

[espero]

حمدالله على سلامتك وياربي يفتحها بوجهك

[saeedsaeed]

الف الحمد لله على سلامتك وربنا يهنيك بحياتك الجديده

[titan]

ممنون اخوان بارك الله بيكم على الردود الجميلة وصدك والله مثل ماكال اخوية الفرج 2 امريكا كلها خضار وحلوة  وتبرد الاعصاب مودي راجع انشاء الله بس دير باللك على شاجورك ليخلص

[دارين العراقيه]

الحمد لله على سلامة الوصول - والله يجعلة بلد الخير والسعادة وتحقيق كل الاماني

[*Ray]

الف مبروك وبالتوفيق بحياتك الجديده

[Abnaa Al-Iraq]

الحمد لله على سلامة الوصول وتمنياتي بالموفقية بحياتك الجديدة إن شاء الله

[windtalker]

الحمد لله على السلامة وموفقين انشاالله

[AbEr SbiL]

حمد الله عل السلامه وان شاء الله تحقيق الاماني يااااارب

[ALQUBIAS]

 

                           
                                                ألحمد لله على السلامة وألف مبروك وصولك وإنشاءالله كل التوفيق بالحياة الجديدة

[المهــــاجــر]

حمدلله ع سلامه وبتوفيق انشاء الله
ويــــــــــــــــــــــــــــوم الألــنــــــــــــــــــــــــــة جميـــعــــــــــــــــــــــاً
يـــــــــــــــــــــــــــــــــا رررررررررررررررب

[فادي نيويورك]

تهانينا اخوية ويم الية بجاه الحبيب المصطفى وروح لوطنك الثاني ولاتفكر ترجع ..ولجميع المؤجلين ان شاء الله

[F-18]

يابه الف الف مبروك الوصول بسلامة وانشالله تحقيق الاماني
تحياتي

[Wingo]

ألف مبروك و الحمد لله على سلامتك
الله يوفقك و ينور دربك و ييسر أمرك و يهديك للخير

[نداوي79]

الحمدلله عل سلامتك وان شالله بداية حياة سعيدة واتمنالك الموفقية

[iraqie]

  اول شي الحمد الله على السلامة ثاني شي  عندي سؤالين الاول   كول شخص لازم ايكون الوزن 23  كيلو   وهاند باك 5 كيلاوات زين الجنطة ام 23 كيلو اتصير اخذ  بس وحدة     ام التايرات     والسؤال الثاني    مو لازم ناخذ وياناشهادات التخرج زين هاي مالت الاعدادية من وين اجيبها من الاعدادية ولازم اصدقها ولازم اترجمها لو ماكو داعي السؤال الثالث الى هسة اتذكرته انو احد سئلك عندك  افلوس لو لا واحد فتش فلوسك لو لا مع الشكر والتقدير وانشاء الله اتعيش  حياة جديدة   وامنه وهنية يا رب

[lord.baghdad]

الحمد لله على السلامة وبالتوفيق بحياتك الجديدة شد حيلك

يوم الالنا

ياالله

تحياتي

[يمتة الفرج]

  الحمد لله على السلامه والله يوفقك بحياتك اخوية

[روزة اليرموك]

الحمد لله علاسلامة وبالتوفيق ان شاء الله

[titan]

  اول شي الحمد الله على السلامة ثاني شي  عندي سؤالين الاول   كول شخص لازم ايكون الوزن 23  كيلو   وهاند باك 5 كيلاوات زين الجنطة ام 23 كيلو اتصير اخذ  بس وحدة     ام التايرات     والسؤال الثاني    مو لازم ناخذ وياناشهادات التخرج زين هاي مالت الاعدادية من وين اجيبها من الاعدادية ولازم اصدقها ولازم اترجمها لو ماكو داعي السؤال الثالث الى هسة اتذكرته انو احد سئلك عندك  افلوس لو لا واحد فتش فلوسك لو لا مع الشكر والتقدير وانشاء الله اتعيش  حياة جديدة   وامنه وهنية يا رب

اسف اخوية على التاخر بلرد وشكرا على الدعاء ويارب للجميع اول سوال بخصوص الجنط طبعا هاية المسائلة انضربت بيها بوري جبت وياية بس جنطة وحدة متوسطة الحجم وطلع وزنها اقل من ثلاثين كيلو بينما الولد الوياية كل واحد جايب وياه جنطتين فيحقللك جنطتين + الهاند باك بلنسبة للشهادة اني اخذت وياية بس شهادةالتخرج من الكلية وهية اصلاا مترجمة بس صدقتها من الخارجية بس اذا كنت تريد تجيب وياك شهادة الاعدادية فبقت يمك وانت مخسران شي وانشاء الله  تفيدك بلتقديم على الدراسة تروح للااعدادية تطلعها وبعدين ترجمها وتصدقها لانه اني طلعتها بس مااخذتها وياية اما بلنسبة للفلوس احنا لمن وصلنا مطار نيويورك كلتلنا الموظفة الي شايل وياه اكثر من عشرة الاف دولار لازم يصرح عنهن واني كنت شايل اقل من نصف هذا المبلغ كتلها الصراحة واكو ورقة بيها مربعات صغيرة وكدام كل مربع yes وno فهية خلت عليهن كلهن نو بس مال تفتيش محد مفتش همة يعتمدون على حجيك وبلتوفيق وتصبحون على خير لانه الساعة يمي 3  ونص صباحا

[alzandawi]

الحمد لله على السلامه وبلتوفيق ان شاء الله

[** AL SHAEEA **]

الحمد لله على السلامة وبالتوفيق

[good55]

الحمدوالشكر على سلامة الوصول اخي titan المحترم
نتمنى لك الموفقية والنجاح في حياتك الجديدة وتحقق امانيك

[Everything]

حلوة ولايتك نيووورك تجنن بس تخوف اتصور شوية عندي
ربي يحفظك من كل شر وامورك كلها تمشي تمام الف الف مبرووك ويوم الالنا ونسافر

[سوسو اسو]

الحمد لله على سلاااامتك كوووويه الله يوفقك ان شاء الله

[متفائلة]

الف الف مبرووووووووووك ان شالله بالتوفيق وتحقيق كل امانيك الي كنت تحلم بيها ومتحققة ان شالله بامريكا تتحقق كلها يااااااربي ويوم النه 

[فادي نيويورك]

ويوم للاخوان كلهم جماعة نيويورك واولهم اخونا مودي الغالي

[شنايزر]

الحمدلله على السلامة

وبالتوفيق في حياتك

[عمدة فرجينيا]

الحمد لله عالسلامة اخوية وانشالله ولاية الخير عليك


اختكم
الملاك الحائر

[iraqie]

ربي ايوفقك من كل  قلبي دا ادعيلك 

[titan]

شكرا جزيلاا ياطيبين على الردود الرائعة وانشاء الله كل امانيكم تتحقق وتجون يمي انشاء الله