لا عداله في اجراءات التسريع

[النسيم المهاجر]

[hrالسلام عليكم

 جتي اخبار التسريع بشي مفرح لكل من جان ينتظر والي باقي من 2007 و2008 و2009 وكالو بلكن حسو بضروفنه القاسيه ومصاريفنه الي خلصت والتعذيب النفسي الي كلما نخابر ماكو غير جواب غير التجييك الامني حتى صرنه مانصدك هاي الحجه وبعد ماكثرة الشكاوي ووصلت الاخبار الى اعلى المناصب من هاي المعاناة اجتي الاخبار المفرحه بتسريع السفر بسسسس المنظمه الدوليه للهجرة حولت الخبر السعيد الى اتعس خبر بالنسبه للمتأخرين لانه كل يوم نسمع جماعه 2012 و2011 ديسافرون وبأعداد مهوله وغير معقوله وكل حوالي 30 كيس جديد يمكن ديمشي كيس واحد من 2008 و2009 مما صار بينه احباط غير معقول وكلما نخابر نفس الحجه وماكو اي شي يحرك بينه الامل وكمنه نفكر هاي التسريع راح يخلص واحنه مثل ماحنه ومثل كل سنه صار 4 سنوات ننتظر وكل جماعتنه اخذو الكرين كارت وقربو ياخذون الجنسيه واحنه مثل ما احنه وكمنه نتمنى انو يرفضونه ونخلص من هل الهم الي بده ومادينتهي.

النسيم الجاثم من 2008 -------------------- اين العداله في التسريع الذي يسرع المفروض يسرع المتاخرين لانه بحاجه الى التسريع وليس الغير  صح؟ ]

[securityiom]

اين العداله في التسريع الذي يسرع المفروض يسرع المتاخرين لانه بحاجه الى التسريع?

[his]

كلامك مضبوط  100%
لكن........

ما عندنا الا الصبر والدعاء

ابو محمد - عمان

[rayanchase]

اخي لاتتعب حالك اني مقدم من 2009  شهر 4

 

اخي  احنه لازم نصبر و بيها حكمة هالصبر



تحياتي

[Ashurram]

لا عاب حلكك.... منو يسمع معاناتنة

[ArUsH]

والله صح

موطلعت روحنه 

[قحطان ابو نور]

والله ياصديقي مااعرف شكلك بس الصراحة ماعدنا غير الدعاء والله سبحانه وتعالى  يسهل امورنا شنسوي ,, نكول الله كريم ,,, لان فعلا اكو جماعة من 2011 هواية طلعوا ومعاملاتهم ماشية .





          اخوك ابو نور     عمان 2009

[OK H.K]

والله عمي كلامك كله صح...بس شنسوي نكول حسبنا الله ونعم الوكيل

[mastermind]

كلامك صحيح اخي العزيز واكثر اللي تم تسريع معاملاتهم اللي قدمو سنة 2011 
الله يسهل على الجميع يا رب

[SIV NASSA]

صح

[omar50cent]

زين اخواني و جماعة 2010 اكو اخبار عليهم لو لا

[وسام سعد 1998]

حبيبي الغالي البارحا اجاني اتصل من مرت خالي مسؤلة المهجرين في الولاية وتكول التسريع راح يكون  للمقدمين صارلهم سنتين واكثر وراح ينضرون كملف خاص وبصورة خاصة وحالين ديشتغلون اكثر من شفت وسافرو الى بغداد المحلفين يعني صار ضعف من الموضوفين عن قبل  هيج افتهمت وكل واحد ياخذ نصيبة ومن الله التوفيق

[النسيم المهاجر]

[hعيني وسام

شكرا لردك كل الاخبار دتجي على تسريع المتأخرين اكثر من سنتيين وكل التسريعات والسفرات دتجي لجماعه سنه واقل فالحجي شي والتطبيق شي ثاني احنه نريد نتائج ملموسه مو بس حجي كل لكرايبك حجيكم شي وعملكم شي ثاني اذا صدك هذا التسريع لازم مع اعتذاري للجدد لازم يوقفون كل الاجراءات على الجدد ويلتزمون بالشغل على المتاخرين يعني تكون العمليه بالدور وهذه العداله طبعا او خل يسوون فد حل للقضيه ملينه من الحجي بدون افعال دائما دتجي الافعال عكس الاقوال وشوف الردود الكل مايدني لانه الكل لمسو الواقع بسفر الكيسات الجديدة واني مو مجرد كتبت الموضوع بدون دلاائل لانه اني اعرف الناس شوكت جتي وشوكت صار سفرها الي اعرفهم طبعا وارجع واكول اذا رادو يحققون العداله لازم يسرعون بالدور من المتاخرين للمقدمين الحليين وهاي العداله والكل مايدني بها الامر حتى الجديد اكيد يكول خطيه المتاخرين خل يمشوهم .

                       النسيم الجاثم بسبب ؟؟؟ ماعرف شنو السبب   وارجع واكول كلمه التسريع المفروض تخص المتاخرين لانه شون تسريع وهو مامتأخر ؟؟؟؟ شون اي تسريع هذا؟    (  تأخر × تسريع )  ؟؟؟؟؟ صح لو غلطان اني r]

[abo shams]

كلامك صحيح اخي العزيز واكثر اللي تم تسريع معاملاتهم اللي قدمو سنة 2011 
الله يسهل على الجميع يا رب

اخوان  ... هو صحيح الملفات المتاخره من سنوات اللي قبل 2010 لحد الان نايمه عليه طابوكه وهذا شي محد يناقش بي .. لكن تره الملفات الجديده ايضا نايمه يعني مثلا اواخر 2010 وبادية 2011 همين تره مو كله تتمشي ... يعني ما تعرف شنو النظام اللي ديتبعو بتمشية الملفات ..
اكو ملفات تبارك الله كلش سريع تتمشي و لو اتشوف الاي زت بينكم تضحك على نفسك .. يعني الجماعه بامرسكا لا عدهم سره ولا شي .. يغمظ عينه ويختار ملف .. بعد اللي تمشي اموره شايف كل الخير وبالعافية عليه

[البلدوزر]

صحيح

[securityiom]

بس ملفات 2011 ديمشون اكثر شي

[الفتلاوي]

قل ترجيع ولا تقل تسريع !!

[سهم التميمي]

موت والله موت

[Wingo]

اخوي أملنا بالله ، ما لنا غيره و ما عدنا غير الدعاء
أكيد هذا التأخير فيه حكمة ربانية إحنا ما نعرفها
و ما تعرف إحتمال بهذا الشهر يصير تسريع واضح بملفاتنا و يبدون يمشون القديم و الجديد بشكل متوازي، و اخونا وسام سعد ديبشرنا بتسريع القديم ، فإن شاء الله خير
أنا متفائل رغم مرور أكثر من 3 سنوات ، إن مع العسر يسرا

[ankawa_2010]

هو وين يعرفون العدالة
العراقي دائما مظلوم وين ما يروح
الله ينتقم من الي كان السبب

[وسام سعد 1998]

حبيبي نسيم اول شي انشاء سفرك قريب ... ومرت خالي  تكول  ابملغيهم  بهل شي بس هما ديمشون حسب حالة الكيس  بس اغلبية للصار اكثر من سنتين هسه ديبلشون  بيهم  .... ومن  الله التوفيق للجميع

[jack black]

 والله احنا الملفات القديمه انظلمنه اني يوان 2007 ولحد الان جاثمممممممممممممممممم مادري اضحك ماادري   

[النسيم المهاجر]

[hعيني وسام

يعني همة مبلغيهم وهمة ديمشون حسب حاله الكيس يعني المبلغ  مدايتابع الموضوع وطبعا الموظف الي مثل كرايبك مايتعب نفسه ويقرا منو متاخر اكثر من الاخ يجي يحط ايده على كيس ويشتغل بي من الصبح علما يخلص دوامه هو جاي يكضي شغله مايفكر منو متاخر من لا rوكبمن يحود النار للخبزة مالته كل لكرايبك الصدك انو المتاخرن ضلو متاخرين ترا متغير شي .


                                                            النسيم الجاثم ]

[ابن بطوطه]

حقك اخي العزيز
وهيه الحياه بصوره عامه مابيه عداله العداله بس يم رب العالمين بس يا اخي كلمن ياخذ قسمته ويكولون انه الملفات بصوره عامه كلهه رج تمشي بس همه بدوا بالملفات التازه يعني الجديده و لازم يمشون القديم همين  و سمعت من صديق قبل كو يوم اتصلوا بيه من اليو ان انه طلعله توطين و لموضفه كالتله ماكو بعد امريكا توطين عل غير دوله هذا الحجي بالاردن و العهده عل القائل و الله اعلم الله يصبرك و يصبرنه
ابن بطوطه عمان

[butterfly212]

اخوان اني وياكم ماكو عدالة في اجراءات التسريع  بس كونو على ثقة مو كل الي قدمو ب 2011 ملفاتهم ماشية اكو مقابلين مقابلة وحدة بس واكو ينتضرون حتى مقابلة مامقابليهم ولا الرموز الهة علاقة ابد بموضوع التسريع  وماعرف بصراحة على شنو ديمشون بالتسريع لان اني لحد الان ماشفت اي تسريع منهم بعدني لحد الان مقابلة وحدة بس وصارلي سنة ونص  واحتمال التسريع يشمل جماعة 2012 اكثر شي وليش همات ماعرف ولا دافهم على شنو معتمدين بالتسريع وليش اكو ملفات تمشي واكو لا

[ĈAŃDŶ]

مرحبا ...
مختصر لكل الكلام احنا الاجراءات صارت علينا دبل دبل جيك لهذا متاخرين

[abu shahab]

 

[s350thebest]

[hrالسلام عليكم

 جتي اخبار التسريع بشي مفرح لكل من جان ينتظر والي باقي من 2007 و2008 و2009 وكالو بلكن حسو بضروفنه القاسيه ومصاريفنه الي خلصت والتعذيب النفسي الي كلما نخابر ماكو غير جواب غير التجييك الامني حتى صرنه مانصدك هاي الحجه وبعد ماكثرة الشكاوي ووصلت الاخبار الى اعلى المناصب من هاي المعاناة اجتي الاخبار المفرحه بتسريع السفر بسسسس المنظمه الدوليه للهجرة حولت الخبر السعيد الى اتعس خبر بالنسبه للمتأخرين لانه كل يوم نسمع جماعه 2012 و2011 ديسافرون وبأعداد مهوله وغير معقوله وكل حوالي 30 كيس جديد يمكن ديمشي كيس واحد من 2008 و2009 مما صار بينه احباط غير معقول وكلما نخابر نفس الحجه وماكو اي شي يحرك بينه الامل وكمنه نفكر هاي التسريع راح يخلص واحنه مثل ماحنه ومثل كل سنه صار 4 سنوات ننتظر وكل جماعتنه اخذو الكرين كارت وقربو ياخذون الجنسيه واحنه مثل ما احنه وكمنه نتمنى انو يرفضونه ونخلص من هل الهم الي بده ومادينتهي.

النسيم الجاثم من 2008 -------------------- اين العداله في التسريع الذي يسرع المفروض يسرع المتاخرين لانه بحاجه الى التسريع وليس الغير  صح؟ ]

 
يا الله.

[jumbo]

انشاء الله ينظرون النا بعين المساوات