اخواني/اخواتي اني جديد على هذا المنتدى وسمعت بي سابقا هوايه وما اعرف ليش جنت بعيد عنه مع العلم بي هوايه نقاشات واسالة مفيده على العموم.
اني بصراحه مقدم على برنامج IOM من زمان ومكمل مقابلة اولى وثانيه ورايح دورة تثقيفية ايضا وعدت الفصح الطبي بتاريخ 29/05/2012
اني اعرف هم اكو ناس عادت هذا الفصح اكثر من 3 مرات بس اني سؤالي الكم
الموقع يكول انه اني مكمل التدقيق الامني وحاليا بس الفحص الطبي عندي IN PROCESS (فعال) فشنو توقعاتكم لمثل هيجي حالة رجاء؟
بالمناسبة اني اخر دكتور واللي هوه انتهى يمه الفحص الطبي اريد اشهدلة واكول انه هوه صدك خوش انسان لسبب بسيط من سالته وتعرفون احنه كلنه بحيره وكلنه بس نريد جواب ولو شويه يبرد القلب هوه بصراحه حجه حجلي كلش حلو ومنطقي على سير العمليه ونظرته جانت تفائليه لان هوه بنفسه كال انه اجتنه فتره ركود وهسه رجعنه نطلع ناس واني ممون منه بصراحه هوايه والله ينطي على كد نيته يارب هوه حته توقعاته جانت انه بلكت اسمع خبر سفر خلال شهر ونص او شهرين والله اعلم ولو الحق يقال هوه مأكدلي شي لا ابدا بس توقعاته وان شاء الله خير.
السؤال المهم انه اني احتاج اخذ والدتي اسويلها عمليه بتركيا وارجع بس خايف خلال هاي الفتره يخابروني او لا
اني ما اعرف همه ايخابروني لو يدزولي ايميل هاي اذا الله سهل وصارت الشغله يعني؟ وبعدين التفلونات اسيا وعراقتنا تشتغل Roaming هناك لو متتحصل وهاي المشكله اني كلش حاير وما اعرف شسوي
اني الحيرة قاتلتني والانتظار اللي صارله سنين شيبني ومتاكد كلكم عايشين الموضوع اذا مو اكثر من هيجي.
شكرا الكم مقدما على كلشي.
