المنتدى العام > صندوق الشكاوي

الاخوة الاعضاء الاخوة الادارة دقيقة من كرمكم

<< < (4/4)

*George*:
ابو شمس الوردة
طبعا اسمحلي شوي راح اطلع عن الموضوع
من بداية هاي الهوسة الى حد هذا اليوم اني انصح انو محد يرد على هاي الطفيليات لكن الي صار انو اكثر الاعضاء خطية دا يمشون ورا هاي الطفيليات بسبب فقر معلوماتهم وتصورهم انو اكو شي اسمه عراب واكو شي اسمه محلل لجوئي واكو شي اسمة مصدر بالاي او ام
ما اعرف الناس الى متى تبقى على بساطتها مع العلم اكو شي اسمة انترنت ويكدرون يشوفون بعينهم من مصادر رسمية
انب بصراحه  من الناس الي استفادت من هذا المنتدى وبشكل كبير خصوصا اني هسه حاليا بالايام الاولى في امريكا
تعرف شكد معلومات الاخ العزيز ابو قمر فادتي والله بحيث امشي واني مغمض وعبالك اني صارلي كم سنة عايش هناك
استغل هذا ردي واشكر اخوية ابو قمر وبارك الله فية
هيج انسان من حقة يكول اني عراب المنتدى وطبعا هذا رايي الشخصي
مو يجيك واحد كيمونة بعدة على كولة نسوان كبل بالكماط ويخبصنا بهوستة
تحياتي الك ابو شموسة الوردة واعتذر على الاطالة

AbEr SbiL:
ابو شمس تحية طيبه الك

والله ماعرف شحجي وكول اشو قبل 3 سنوات اكو مشاكل بس بسيطه وتنحل بوكتها هسه اشو الحجي عل العام والغلط والسب شنو تغيرت نفوس الاعضاء من ورة الانتظار القاتل والسفر لو الحياة خارج المنتدى يعني بشغل لو بالبيت تنعكس هنه شنو القضيه اخوان اهدي النفوس وارخي اعصابي لعد تحمله مابية الكفايه والله العظيم اذا بقه المنتدى عل وضعه هيج بعد اسبوع محد يدخل واني واحد منهم اريح بالي ؟؟؟؟؟؟؟؟؟

ROCK:
وين ما تروح اكو الزين والشين.. والإنسان المعطاء هو الي دائماً يتعرض الإساءة .. يبقى الي شخصيته قوية وواثق من نفسه يكدر يتجاهل كل الردود الي ما إلها معنى ...

لا تنسى انه الموقع هو منتدى عام لطرح المشاكل ..  والمزعج الي اعانيه من سنة 2008 داخل هذا المنتدى .. هي مواضيع الانسحاب وإعلان توقف المشاركات الي ما إلها اي معنى سوى إثارة المشاعر والابتعاد عن الهدف الرئيسي للمنتدى .. عناوين رنانة لمواضيع خاوية

الي يتعرض للمساس اكو إدارة ممكن يتصل بيها.. او يتجاهل الرد عملا بالقول المأثور

لو كل كلب القمته حجرا لأصبح مثقال الحجر بدينار

Sound of Soul:


السلام عليكم
اخونا ابو شمس موضوع الاخت ريم البارحة انا قمت بمسح كل الردود اللي كان فيها تجاوزات
سواء عليها او على ايا كان وفتحت الموضوع بعدها
وعطيت فرصة الكم حتى تتناقشون بموضوعية حول الموضوع لكن مثل ما
شفت الردود كلها كانت هجوم ودفاع ومالها اي علاقة بمضمون ما طرحته الاخت ريم كندا فقمت بحذفه
اما عن الاساءات اخي مثل مدتشوفون بالفترة الاخيرة التجاوزات كثرت والتقارير الدتوصل النا يوميا كثيرة
 اي عضو يتعرض لاساءة سواء بالعام او الخاص بامكانه يراسل الاداريين الذهبيين لان احنا
ما بايدنا نبند اي عضو بالمنتدى ممكن نطرح راي حول اي تجاوز لكن القرار مو بايدنا واعتقد كلكم تعرفون هل شي
فاتصور لو اكو اي تجاوز على الاخت ريم وهي اخت عزيزة وقديمة بالمنتدى وتعرف القوانين فالافضل ان تراسل الادارة العليا
وهي اكيد اللي رح تتخذ الاجراء اللازم للحد من هاي التجاوزات وشكرا لتعاونكم معنا اخواتنا واخوتنا الاعزاء .

ĈAŃDŶ:
مرحبا ...
اي واحد يجاوز عليكم بس دزولي الاسماء واقتباس للرد او الرسالة
واني رح اوصلها فورا للجهة المسؤولة

واعتذر نيابة عن كل الاداريين عن الاساءات الي دتتعرضولها هاي الفترة ..

تحياتي واحترامي
كاندي ..

تصفح

[0] فهرس الرسائل

[*] الصفحة السابقة

الذهاب الى النسخة الكاملة