الحمد لله على سلامتك أخ سهم التميمي ويارب الله يفرج عليك وعلي وعلى الجميع وتخلص من هذا الوضع الصعب.
أخ سهم التميمي الصحة والعافية بيد الله سبحانه وتعالى بس الله منطينا العقل يعني بصراحة هاي الشي إلي انت دتسويها غلط بغلط, والله آني حالتي مثلك ويمكن يكون اسوء لانه صارلي 2 سنين و4 شهور بس انتظر تجييكات ولحد الآن ماكو شي ولكن مرات من تجيني نوبات الحزن والقهر رأساً احاول اتحرر نفسي من التفكير السلبي وما اخليها تستمر معي لانه اهم شي هو الصحة ولازم تحافظ عليها لانه كلنا نعرف الحزن والقهر يأثر على الجسد ويسبب امراض والبعدين ما يفيدك بشي لا يقدم ولا يأخر فأنت هم تسوي نفس الشي حاول أن تبتعد على القهر والحزن قدر الأمكان وبالنسبة للسكن, غلط تضل لوحدك بالسكن فلازم تشوف لك شخص او عدة اشخاص تسكن وياهم لانه الوحدة تتعب النفس وخاصتاً نحنا بهيجي ظروف فدائما نحتاج نشوف اشخاص حوالينا ونلتهي وياهم وننسى حالنا لانه هاي شغلة مؤقتة وماراح تستمر للأبد فأنت توكل على الرحمن وأقرب إلى الله وأصبر وأبعد عن القهر كل البعد وإرتفاع الضغط شغلة بسيطة صارت عندك فلا تخاف ولا تفكر بيها ومن تحس بأي تفكير سلبي حاول أن تتصل معانا وغيرنا من الأصدقاء قبل ما توصل لمرحلة القهر وبالأخير يأثر على الصحة,,, نسأل الله العظيم رب العرش العظيم أن يشفينا ويشفيك ويشفي جميع المسلمين وأن يفرج عنا آميييين يارب العالمين.
وهاي أيميلي على ياهو ماسنجر kamalzakhoy@yahoo.com إذا تحتاج اي شي تكدر تتدردش معي وآني بالخدمة
تحـــياتي
كـــمال زاخــوي
