مستقبل شبابنا وشاباتنا!! موضوع للمناقشة

[BlueEyes]

مستقبل شبابنا وشاباتنا
لقد اصبح مستقبل شبابنا وشاباتنا في هذه الايام في ظل الظروف الراهنة في خطر فهم الان مخيرون بين اختيارين هما اما البقاء في العراق واكمال الدراسة بالنسبة للطالب وممارسة المهنة بالنسبة للعامل والموظف لكن على حساب حياتهم...
او ترك كل شيء خلفهم والسفر والهجرة من اجل ان يشعروا بالامان..
فما هو الاختيار الافضل؟؟ البقاء ام السفر؟؟

[teena]

مشكور اخي على هذا الموضوع حقيقة هذا ما اعاني منة منذ بداية هذة الحرب فبقيت حتى اكمل دراستي لكن هذا قرار خطا اتخذته حيث الامور تزداد الى الاسوأ لذلك سوف ارحل لان حتى الكليه اغلقت .......اتمنى ان اكمل في بلد اخر  ....حيث ان  الامان هو الذي يعطي العقل الموهبة والتواصل  و هو  اهم  شىء  حاليا........

[nuhra]

شكراا بلو ايس على طرحكي لهذا الموضوع المهم
وهذا اللي هوايا من العوائل ديعانوه .... يعني ما ادري شلون الطلبة ديداومون بكلياتهم ومدارسهم بس الله يكون بعونهم ... اني كملت دراستي العام  وطبعا جان اكو صعوبات هوايا من مفخخات وتفجيرات والخ
بس هالسنة هوايا اصعب والوضع كلش خطر ديصير يوم على يوم ... ومثل ما كلتي اللي باقين باقين على حساب حياتهم ... او يمكن ما عدهم الامكانية للسفر او ميريدون يتغربون خارج العراق

وبالنسبة للخيار الثاني اللي هو السفر كذلك بيه خطورة يعني مو سهلة الواحد يعوف بيتة واهلة ويسافر ومثل مدا نشوف المعاملات اتطول والعوائل تتبهذل ..

فباقي امرنا بايد الله وربي يكون بعون كل العراقين سواء كانو بداخل العراق او خارجة لانه كلهم ديعانون

[الزعيم مالك]

طبعا موضوع صدق لازم انسان يكون له الارادة بتخاذ هكذا موقف بين ؟ وبين ؟
المهم واهم من كل شيء لازم الانسان يكون مقتنع بما يتخذ من قرار ولايرجع ويتندم على مامضى
المهم الي اريد اوصلة للاعضاء صدقوني ماكو راحة وين ماكنا واين ماذهبنا لان بلدنا مو بأمان
اني افضل البقاء في بلد ولدت فيه ولكن احب السفر كثيرا وليس الهجرة وترك وطني
مشكور بلو أيس



الزعيــــــــــــــــــم

[hewy]

شكرا يا بلو ايز على طرحك للموضوع الحساس جدا

بصراحة الدراسة شي واجب ان يكمله الانسان لانها دعم ملموس للمستقبل ...بس اكيد لكل شي ضريبة واللي يريد شي يعوف شي .
واكو شي احب اكوله ان الانسان مرة يموت مو اكثر .وهوايا ناس طلعوا من العراق حتى ينجون بحياتهم وماتوا بالطريق او ماتوا بالبلدان اللي وصلوها ومحصلوا غير الالم والبهدلة .واكو اللي توفقوا بحياتهم .
لذا ماكو مقياس ..لان ماكو واحد يشبه الثاني .
اني اتحمل ظروف بلدي وحبي اله اكثر من حبي لنفسي فاني باقية ومتحمله ظروفه وبصراحة كلشي صار عادي عدنا .
غيري ميتحمل هذه الظروف او عنده ظروف تجبره على الهجرة فالله وياه .
العمر مرة ينعاش فلا تضيعون الفرصة لان الندم ميعيد الفات ابد.فانتوا اخيار باختيار قراراتكم لان انتوا اللي راح تعيشون نتائجها
وانشاء الله موفقين

[لانس كونوي]

موضوع مهم جداً أختي BlueEyes



البقاء صعب

خاصةً بالنسبة لطلبتنا

لكن السفر إلى المجهول أصعب

وحرام أن يترك طلبتنا الدراسة

نحن بحاجة إلى العقول المتفتحة والمتنورة أكثر من أي وقت مضى


أنا برايي أفضل الشمال الحبيب

ولوحظ مؤخراً إنتقال طلبة أبناء شعبنا للدراسة في أربيل

لأنه لا أمل لنا في بغداد لا اليوم ولا غداً




مشكورة ويعطيكِ العافية أختي BlueEyes

[Red_Flower]

البقاء صعب

خاصةً بالنسبة لطلبتنا

لكن السفر إلى المجهول أصعب

وحرام أن يترك طلبتنا الدراسة

نحن بحاجة إلى العقول المتفتحة والمتنورة أكثر من أي وقت مضى


أنا برايي اذا اكو منفذ طلعه للخارج ليش لا بعد احسن من البقاؤ بلدول العربيه
اتمنى التوفيق للجميــع في حياتهم