اني راح اكلك حسب ما شفت و لاحظت
اذا افترضنه انو اجراءات ال IOM من بدايه الحصول على ال IZ نمبر الى يوم السفر تتكون من 10 مراحل على سبيل المثال.
فكلمن يعرف نفسه وين واصل هو من خطوات واجراءات ال IOM المعروفه للكل و على اساس وضعه سواء مقابل لو ما مقابل لو مخلص مقابلات لو فاحص طبي لو عايد فحص لو متصلين بالكفيل او ما متصلين وهكذا. ومن يعرف هو وين واصل راح يكدر يفسر شنو الهولد و شنو الاكتف.
الهولد: معناه انو حاله الملف واصل الى فد قسم من هايه الاقسام و واكف اهناك و معلق لسبب يتعلق بمتطلبات ذاك القسم ونقص بفد شي مطلوب ضمه للملف, يعني كل هولد مو معناه حالته مثل الهولد الثاني ويختلف عن الثاني لان حسب المرحله الي معلق بي ملفه . احتمال واحد معلق ملفه و هو بالمرحله التاسعه و احتمال اكو واحد معلق ملفه و هو بالمرحله الرابعه , فالاول من يروح الهولد راسا بعد فتره قليله يسافر و الثاني حته لو اتغير الهولد فكدامه بعد هوايه مراحل.
الاكتف: معناه الملف ديتحرك و بمراحل انجاز بخطوات حقيقيه فعالة, واحتمال الملف اكتف من بعد مقابلة الاولى و احتمال يصير اكتف بمرحله التجييك الامني قبل السفر, فبالحالة الاولى الاكتف يدل على انو المعامله دتمشي اسرع من غيره الي بنفس المرحله . وبالحالة الثانيه معناه انو امنيته على ابواب الانجاز وسفره قريب.
شكراً أخوية على التوضيح بس ممكن تشرحلي شنو البندينك رزلت اذا ماكو زحمة عليك
لا ماكو زحمه , بس هذا الحجي مجرد رأي بالموضوع حسب تفهمي للاجراءات من خلال الشفته.
يعني مو يطلعلي واحد و يطفر بالنص يكول شنو اثباتك . لان ادري اكو هوايه ناس مطفيه يدخلوه بامور الغيبيات و الطلاسم وها . ::)يه السوالف
معلينه نرجع لموضوعنه
اختي البنديتك ريزلت هي الحالة الطبيغيه الي يكون ما بين هايه الحالتين الاستثنائيتين .والي اغلب الملفات دتمشي على اساسه.
يعني لا هو معلق بقسم واحد لسبب نقص او انتظار امر يتعلق بالملف ولا هو فعال ويدعو الى التسريع ولا يدل انو هيه ماشيه اسرع من بقيه الملفات الي بنفس المرحله , ولا الملف داخل الى الخطوه الاخيره مال التنقل من قسم الى اخر, بمعنى الملف ماشي بدون لا عوائق ولا تسريع.
اكدر بطريقه مبسطه اوصل فكرتي بالنسبه للاكتف, هو مثل الي عنده جوكر (مثل ما يكولون) , يعني اذا هو بمرحله 6 اذا اكتف فمهناه هو بصدد اكمال هايه المرحله فاذا بمرحلة الفحص فيعني هو راح يفحص كلش قريب و اذا بعده ما مقابل يعني راح يقابل قريبا . و وراه يخلص مرحله 6 اذا بقه اكتف همينه فراسا يبدي خطوات السريعه لاكمال المرحله 7 وهكذا, و الي ما عنده جوكر يضل بالانتضار و الروتين الي هو حالة البيندينك ريزلت.
وتتدلل ورد الشام و اهل الشام
