حبي السلام عليكم
الي اريد اكولة بس الله يساعدك على الانتظار
بس خليها هاي معلومة ترة جماعة 2008 مابقو بس القليلين جم واحد وكلها سافرت ولا تكلي اكو ناس اهواي ترة العوائل مال 2008 ينعدون على الاصابع الباقين وانت تكول كافي ذلة ومهانة اكو ناس اتسافر بست اشهر هاي انا مو وياك بيها لان الناس من سافرت بست اشهر مستوفية الشروط وكلشي ما عدها اي شي يعيق ملفهم
استحلفكم بالله وكونوا صادقين
الامنية والتجيك اتطول على واحد ما عندة شي لو واحد عند جريمة قتل او مسجون بغير دولة او مسويلة مكسورة مو راح تصير اتطول وية الي مو خوش ادمي
جم واحد اتعرفونة مسافر الى ايران وانرفض لانه سافر الى ايران بالنسبة الهاي الفقرة اعرف اهواي ناس انلغى ملفهم لان سافروا الى ايران
الي يشتغل وية الامريكان مترجم ومتعرض للضيم هذا مو اله الحق يسافر بست اشهر وهم الست اشهر اهواي كلش اهواي
السالفة الي اريد اوصلها انوا جماعة 2008 لو انتم مستوفين الشروط وماكو متعلقات بالكيس مالتكم جان سافرتوا من زمان بس التجيك ايطول لان اكو متعلقات بلكيس مالتكم وكلكم شفتوا التسريع اشلون صاير بالمنظمة مو مثل قبل
بالنسبة الى اعتصامك ماراح ايسوي اي شي يجيك واحد يكلك اخي احنة اسفين هذه المرحلة الي انته بيها هيه التجيك الامني وهاي بامريكا مو يمنة واحنة مانكدر انساعدك ويخلي ويروح راح تبقى انت وهم ما يسون اي شي لان ما يكدرون يتعدون عليك لان همه منظمة انسانية
اخي اعذرني من كلامي وانا ما اقصد اي احد من الاعظاء ولا شخصك الكريم بانتقادي بس حبيت انقلك صورة الحال لجماعة 2008
اخي العزيز بما انه انت انسان محترم و نيتك صافية و طلبت من الاخرين يكونون صادقين, راح اكون صادق وياك, و اتناقش وياك بالنقاط الي حضرتك ذكرته:
" بس خليها هاي معلومة ترة جماعة 2008 مابقو بس القليلين جم واحد وكلها سافرت ولا تكلي اكو ناس اهواي ترة العوائل مال 2008 ينعدون على الاصابع الباقين وانت تكول كافي ذلة ومهانة اكو ناس اتسافر بست اشهر هاي انا مو وياك بيها لان الناس من سافرت بست اشهر مستوفية الشروط وكلشي ما عدها اي شي يعيق ملفهم
استحلفكم بالله وكونوا صادقين
الامنية والتجيك اتطول على واحد ما عندة شي لو واحد عند جريمة قتل او مسجون بغير دولة او مسويلة مكسورة مو راح تصير اتطول وية الي مو خوش ادمي "
من سنة 2008 بالنسبة الي اعرف القليل الي جانوا ينتظرون سنين و هسه بالجديد يله تحركت ملفاتهم و قسم منهم سافروا بالاخير و ماعدهم اي شي لانه فعلا لو عدهم شي اصلا جان رفضوهم من البداية او اصلا ميسافرون بس ليش التاخير الصار محد يدري و ليش فجئة طلع سفرهم هم محد يدري.
و الناس الي اعرفهم من وجبات نهاية 2009 و 2010 هوايه كلش و المنتدى يشهد و الاغلبية كلهم متاخرين بسبب الامنية و اكثرهم عوائل وارامل ويتامي يعني معقوله ذوله كلهم عدهم قضايا اجرامية لو بسبب انتماء معين مع العلم مشكلين من كل المذاهب و الديانات و اذا التجييك الامني يطول على الموخوش ادمي يعني ذوله كلهم مو خوش اوادم معقولة هذا الكلام و خاصة بفترة التسريع الي سافروا قسم كبير منهم جانوا متاخرين الي بيهم سنة و اثنين و ثلاث يعني شنو مو خوش اوادم !!!! و شلون سفروهم بالاخير اذا همه مو خوش اوادم؟؟؟؟؟
و شنو رائيك بالي متاخروا وسافروا وره فترة قصيرة, و بعدين طلع عدهم مشاكل و بيهم ارهابيين شنو ذوله خوش اوادم ؟؟؟؟
" جم واحد اتعرفونة مسافر الى ايران وانرفض لانه سافر الى ايران بالنسبة الهاي الفقرة اعرف اهواي ناس انلغى ملفهم لان سافروا الى ايران "
زين شنويعني بحد ذاته السفر لايران جريمة يعني؟؟؟!!!! واحنا كلنا نعرف انه هواي ناس اسافر لايران لاغراض الزيارة و لاغراض العلاج, الي كل الدول الداير مدايرنا لو مانعة سفر العراقيين اله لو مصعبته و اني اعرف 2 عوائل و من الديانة المسيحية سافرت لايران لغرض علاج العيون .
" الي يشتغل وية الامريكان مترجم ومتعرض للضيم هذا مو اله الحق يسافر بست اشهر وهم الست اشهر اهواي كلش اهواي "
زين المترجم حقه على العين و الراس مع العلم هو راح برجله و محد جبره لغرض الكسب و العيشة زين الناس الي تهجرت و انسلبت بيوته و تكتلوا ابناءه و انخطفوا و راحت كل ممتلكاته شنوا ذوله مالهم حق و مامحسوبين على الاوادم و شنو ذنبهم لانه فقط ناس ابرياء ما اخذوا جانب احد و يضلون يتحملون عواقب غيرهم للابد؟؟؟؟؟؟!!!!!!!
" السالفة الي اريد اوصلها انوا جماعة 2008 لو انتم مستوفين الشروط وماكو متعلقات بالكيس مالتكم جان سافرتوا من زمان بس التجيك ايطول لان اكو متعلقات بلكيس مالتكم وكلكم شفتوا التسريع اشلون صاير بالمنظمة مو مثل قبل "
زين هاي الناس اذا ماجانت مستوفية الشروط بعد تقديم كل المستندات و الاوراق الثبوتيه و وافق عليهم المحلف و ماشية عليهم الاجراءات بصورة مستمرة من فحص طبي و دورة سفر و بصمات, زين شنو الباقي عليهم لعد و شنو هاي الشروط ؟؟؟ مع العلم هاي العالم كله على تواصل مع منظمة الهجرة يابا شنو الي ماخرنه فهمونه خاطبوا الامريكان شنو هو الي بقة شنو اسباب التاخير ؟؟؟ زين انطوا قرار نهائي حتى لو رفض حتى انشوف نفسنه و نرجع للـ UN اشوفله بلد توطين ثاني غير امريكا, ماكو فايدة و اذن من طين و الثانية من عجين .
" بالنسبة الى اعتصامك ماراح ايسوي اي شي يجيك واحد يكلك اخي احنة اسفين هذه المرحلة الي انته بيها هيه التجيك الامني وهاي بامريكا مو يمنة واحنة مانكدر انساعدك ويخلي ويروح راح تبقى انت وهم ما يسون اي شي لان ما يكدرون يتعدون عليك لان همه منظمة انسانية "
زين شنو الحل ؟؟؟؟؟؟؟؟؟؟!!!!!!!!!!!!!!
هذا الرجل و غيره صارلهم سنين ينتظرون لا هرة و لا ورة, يعني الى متى ؟؟؟؟؟؟؟؟؟ اربع سنين راحت من عمره ماتريدوا كولوا منريده و فضوها عالم انرفضت من امريكا و تحول ملفهم بسبب الرفض الامريكي الى غير دول و انقبلوا و عاشوا حياتهم , و حتى الدعوات داخل امريكا من منظمات و صحافة لغرض وضع حد هذا الموضوع ماكاعد اجيب نتيجة.
وهاي ظاهرة السفر الجديدة الي ميطول بيه الكيس 6 اشهر و بنسبة كبيرة, هاي ماشفناه الا بالـ 2008 وجزء من 2009 و هسه فقط بالـ 2012, ومعروف بشحة سفر القضايا لسنين 2010 و 2011.
و حتى المقابلات الي هسه صارت مال يوم الخميس شنو الي فرق ؟؟؟ نفس الحجي جنه انسمعة بالتلفون و نقرا بالرسائل صار هسه و جه لوجه , كلشي ماتغير .
اخوان مع احترامي الكم بما انه الصراحة و الصدق و اجب فمطلوب منه نحجي واقع و مو على اساس استنتاج و تخمين هذا متاخر معناها عنده شي و داعتكم لو عنده شي جان من البداية رفضه المحلف و خلص الموضوع ليش همه خايفين لو مستحين من احد.
و اذا امريكا حقه اجيك على الكل وتتاكد منه قبل مايدخل اراضيه فالاجئ هم اله حق لانه انسان و من حقه يعرف راسه من رجليه مو اشتله سنين طويله بحجة تجييكات امنية , لو يقبلوا لويرفضوا ماكو داعي لكل هذا التاخير.
