السلام عليكم
حبيت افتح هذا الموضوع حتى نكدر نحصل احصائية مصغرة لجماعة iom بغداد الي بعدهم ما مسافرين اعرف الاحصائية راح تكون غير دقيقة لكنها تقريبية الى حد معين فالي اريده من الجميع الي مقدمين من بغداد و مستلمين موافقة المحلف المبدئية ان يشاركون مشاركة بسيطة و مراح تاخذ من وقتكم مجرد ثواني فقط تكتب العدد و بس و خلال فترة وجيزة راح نقطف ثمار هذا الموضوع من خلال الحصول على احصائية تقريبية فالي اريده كل واحد بيكم يذكرلي عدد اجمالي يشمل افراد عائلته و اصدقائه و كلمن يعرفهم خارج المنتدى يعني مثلا اذا هو عند 4 افراد بالكيس مالته و اخوه عنده كيس بيه 2 و عنده اصدقاء اثنين واحد عنده 3 و واحد عنده 5 فراح يكون العدد الاجمالي 14 بكل بساطة فقط يذكر العدد الاجمالي فراح تشوفون خلال فترة كم يوم راح نحصل على احصائية لا بأس بيها و خلال اسبوع تقريبا الاحصائية تكون متكاملة على مستوى المنتدى و العدد الي راح نوصله راح نضربه في 2 على اعتبار نص جماعة بغداد ما يعرفون بالمنتدى و لكن اعيد و اكرر اريد فقط اعداد الي محصلين قرار التاجيل
اخواني هذا الموضوع مهم جدا جدا بالنسبة لجماعة بغداد و ما اتصور المشاركة بيه راح تاخذ من وقتكم و مهما تكون المشاركة بسيطة لكن مع بقية المشاركات راح تكون الها قيمة و فائدة لان راح نحصل على احصائية تقريبية
مشكورين مقدما على تفاعلكم وي الموضوع و بارك الله بيكم
و راح ابدي بنفسي انا العدد الي اعرفه 2 بس انا و واحد وياي
