تاجل سفري

[securityiom]

مرحبا اخوان
هسة خابروني جان موعد سفري يوم 5-3 وبلغوني السفر تاجل لان التجييكات الامنية صارت اكسباير بعد مابعت غراضي وخسرت فلوس كلهة بالكسران وماخذ اجازة سنة بلة راتب الله ينتقم منهم

[NEW]

مرحبا اخوان
هسة خابروني جان موعد سفري يوم 5-3 وبلغوني السفر تاجل لان التجييكات الامنية صارت اكسباير بعد مابعت غراضي وخسرت فلوس كلهة بالكسران وماخذ اجازة سنة بلة راتب الله ينتقم منهم

لا حول ولا قوة الا بالله

اخي الله يصبرك

وان شاء الله ميتاخرون عليك وينطوك موعد جديد

[عيني بعين الله]

اخي العزيز

متألم جدا لما حصل لك و انا متفهم جدا لوضعك لانني مررت بمثله تماما قبل ثلاثة اشهر

الله كريم تفرج و تصير سوالف و تأكد ان الله ما يسوي شي بي اذية لذلك الحمد لله رب العالمين

الله يساعدك و قلبي معاك و يا رب تفرج بسرعة

اخوك

ابو محمد

[Emerald]

لاحول ولاقوة الابالله الله يساعدك اخي ويكون بعونك الله عالظالم سووها بلا معنى هالامنية هي مرة وحدة وخلص ليش هيج يسوون بالعالم!!
بلكي الله متطول وتسافر بسرعة وتفرج علينا وعليك يارب


تحياتي اختك
Emerald

[firas baghdadi]

الله يساعدك اخي على هاي المشكلة
بس موضوع الغراض وبيعتها هي وراك وراك زين سويت واني وياك لازم تبيع بسعر قليل شتسوي لعد الله يعوض ان شاء الله
بس موضوع الاجازة اللي مقدمها ولمدة سنة انت غلطان بتاريخ بداية الاجازة المفروض تسوي تاريخ بداية الاجازة وانت بداخل المطار ومكمل كل شي بس بقى تصعد بالطيارة لأن الموضوع يخوف اكو ناس تأجل سفرهم حتى قبل يوم من الموعد

تقبل مروري

[الفرج2]

لا حول ولا قوة الا بالله العلى العظيم , ندعو الله ان تفرج عليكم وان يمن الله عليكم برحمته الواسعه

[securityiom]

شكرا لمشاعركم عذروني ترة كلش مختنك ومااكدر اجاوبكم بالوقت الحالي لان اعصابي اتدمرت

[*Ray]

الله يساعدك   ان شاء الله يتصلون بيك عن قريب

[المصارع]

حسبنا الله و نعم الوكيل

[um shaheen]

ربي رحمتك
ياربي يا ألهي ينطوك موعد قريب يعني صدوك ظلم الله لا يوفقهم

[كلــــــــــــوري المحبة]

الله يكون بعونك وربي يفرجها عليك وينطوك موعد سفر باقرب وكت

[securityiom]

كافي بعد دمرونة ب 2010 وهسة بعد ماريد سديت ملفي وانته الموضوع وشكرا الكم اخواني واخواتي

[المصارع]

اياك ان تتخذ قرار و انت في حالة غضب

حقك ان تغضب و لكن فكر بالايام التي قضيتها انتظار و اكيد واجهت صعوبات و ضغوطات نفسية و خلي في بالك انت مكمل كل شي يعني انتظر شهر مو فد مشكلة رتبها شلون مكان و هدي اعصابك و طكلك جكاره و برد كلبك و خليها على الله بس لا تنفذ هذا قرارك

سلام

[firas baghdadi]

احنا مقدمين على اللجوء بسبب التهديدات اللي مرينا بيها ولازالت تهدد حياتنا وحياة اطفالنا
بعد واحد يزعل على المنظمة ويبطل . مادري غريبة  !!!!!!!!!!!
والله كلمن وظروفة وكل انسان يعرف سلامته وسلامة عائلته وين
بالنسبة الية باقي وياهم الى ان اموت
ماعندي غير حل
استهدي بالرحمن وتحمل ماعندك غير حل
الله يصبرك ويصبرنا ان شاء الله

تقبل مروري

[um shaheen]

اخويه العزيز ابد لا تستعجل والله حرام انت تحملت هوايه ميخالف اعتبرها امتحان من رب العالمين وبالنسبه لشغلة التصفيه فعوضك على الله ويارب الي يروح يجي الاحسن من باذن الله
اخويه لا تستعجل رحمه على اهلك الطيبين والله بعدين تتندم وهمه لعنة الله عليهم ميهم شي بالعكس يمكن يفرحون يخلصون من ملف فكر زين ونصيحه من اخت لاختها اهدىء شويه واصبر وربنا يعنيك على مابتلاك
تحياتي
اختك ام شاهين

[Wingo]

لاحول و لا قوة إلا بالله
الله يكون بعونك و الله يعوضك خير على هذا الظرف الصعب
إصبر أخي هذا إمتحان من رب العالمين و لا تستعجل بإتخاذ أي قرار هسة لأن الإنسان صعب يتخذ قرار صحيح و هو في هذا الوضع النفسي الصعب
الله يفرج همك و إن شاء الله تفرحنا بخبر سفرك قريبا

[Sia]

الله يكون بعونك ويصبرك

[sparky]

نسال الله العلي القدير ان يلهمك الصبر والايمان في هذه اللحظات الحرجه جدا والله يكون بعونك

[Awsaws]

وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
الله يصبرك ويقدملك يلي بي خير
تحياتي

[حزيران]

حسبنـــا الله ونعم الوكيل.

يعني همة هسة حسو على الامنيه اكسباير...اي غير من ينطون موعد سفر يجيكون شنو اللي احتمال ايصير اكسباير بالملف.

يعني شنو هذا السستم اللي ديمشون علية وشنو هالموظفين الاغبياء اللي لازمين الملفات .

واحد مستعد نفسيا وفرحان وبايع غراضة ...يطلعون كلشي من عينه بلحظة.

الله ينتقم منهم ومن اهمالهم ...

اخوية لتتسرع بقرارات تتندم عليهه بعدين..انت صبرت صبرت ...روح سافر لهناك واريدك تخابرهم مناك تبرد كلبنا وكلبك.

زهكونا وطلعونا عن طورنا الله ينتقم منهم.

[skystar]

مقدر ظرفك والله العظيم
ولو انت ضايج بس اسمع مني
اني برأيي ترجع تباشر بدائرتك لأن محد يعرف شوكت يصير السفر
اني مقدم اجازة سنة مثلك بدون راتب بس كاتب بالطلب واعتبارآ من تاريخ الانفكاك ومتفق وية زميلي بالشغل وهو ميعرف شنو الموضوع مال السفر مالتي بس متفق ويا كتلة بيوم اللى اخابرك سويلي بداية الاجازة والانفكاك
وفي نيتي ان شاء الله اخابرة من المطار بعد مااتأكد من كلشي
ههههههه واحتمال وراها ينزلوني من الطيارة كلشي يصير بعد تبقى يم ربك

والله يسهل ان شاء الله

اني هم مثلك اخذت اجازة وراها اتاجل سفري لسنة كاملة رأسا قطعت الاجازة وداومت بدوامي . ومن انطوني موعد جديد بعد سنة سويت نفس ما سوه الاخ الكريم فراس الي اقتبست كلامه مشكور على اقتراحه انسب حل

[nancy86]

الله يساعدك ويسهل امورك

[الحـلم الوردي]

هم رجعت شغلة الغاء السفر مو كلنا انتهت وي التسريع

اخي العزيز لا تستعجل

ان شاء الله ايحددولك موعد ثاني باقرب وقت


كان الله في عونك

[dhia]

اخويه الغالي لتزعل ودفره بيهم ... والحمد لله خابروك واجلو سفرك وانته بالبيت مثل حالي  اني خابروني  واجلو سفري الي جان مقرر يوم 13/2 وكالت بلا شوو( عندك  اشووووووووويه زغيره من التجيك الامني تبعك منو كامل) من دفره بيها والكيسات الي  ويايه مجموعهم 4 سافرو  وبقيت وحداني وهم اكول الحمد لله  خابروني واني بالبيت مو بالمطار والجنطه ويايه والنا رب رحيم

[عمدة فرجينيا]

يعني صدك انقهرت من هالخبر .. الله ايعينكم اخوية وعسى ان تكرهوا شيئا وهو خير لكم الله كريم رحمة الله واسعه

[ام اديان]

مرحبا اخوان
هسة خابروني جان موعد سفري يوم 5-3 وبلغوني السفر تاجل لان التجييكات الامنية صارت اكسباير بعد مابعت غراضي وخسرت فلوس كلهة بالكسران وماخذ اجازة سنة بلة راتب الله ينتقم منهم
[/quot
 







لا حول ولا قوة الا بالله الله ينطيك الصبر .عبالنه خلصت شغلة التأجيل . الله كريم اخي ان شاء الله ينطوك موعد قريب.

[ابومريومة]

الله يكون بعونكم

[smart81]

لا حول ولا قوة الا بالله الله لا يوفقهم والله يسهل امرك وتسافر باقرب وقت

[Nooraldeen Mustfa]

الله لا يعافيهم ولا يرحمهم دنيا واخره على هذا العمل اللا انساني.. مجموعة من الموظفين الفاشلين عديمي الكفاءة.
اصبر اخوي والله سبحانه وتعالى ارحم وهو يختار لك الافضل لان البشر لا يعرف اين صالحه وتذكر هذا الحديث العظيم للرسول (ص):
عن عبد الله بن عباس رضي الله عنهما قال : كنت خلف النبي صلى الله عليه وسلم فقال لي : يا غلام إني أعلمك كلمات : احفظ الله يحفظك ، احفظ الله تجده تجاهك ، إذا سألت فاسأل الله ، وإذا استعنت فاستعن بالله ، واعلم أن الأمة لو اجتمعت على أن ينفعوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك ، رفعت الأقلام وجفت الصحف .
                                                                    صدق رسول الله (ص).


اخوك نور الدين

[الموعود]

اخوية
هما لازم ينطوك خطر رحلة قبل ميصير اي شي اكسبير مثل الامنية او التشيك الامني يعني لازم حاسبين احسابها
انت التشيك الامني بالموقع مكتمل لو ان بروسس؟
وانت من بغداد لو من عمان امقدم؟

[Abdullah2006]

الله يكون بعونك ويعوضك كل خير

[A_FOX]

اخي العزيز
هذا ما صار بي بالضبط قبل 8 اشهر ولحد الان ؟ بس الفرق اني قبل السفر بيومين الغوا السفر ؟
اصبر وخلي انشوف تاليها ولا يهمك واتركها على الله

[احساس عاشق]

الله يكون بعونك ياطيب والله خبر محبط

بس خلي بالك اخوية الله مكاتب لك متسافر بهالوقت المحدد

(( عسى ان تكرهو شيئاً وهو شرً لكم ))

وبالنسبه لموضوع غلق الملف اعرف انت ضايج ومقهور من الي صار بس مابيدك شي

ولاتتاخذ قرار بساعه غضب تتندم عليه بعدين استهدي بالرحمن وفكر زين

وربك يكتبلك الي بي الخير

[CHF]

  لا حول ولا قوة لا بالله العلي العظيم


زين اخوان موعد سفرنه المفروض الاثنين ولحد هسه محد خابرنه , اخر مكالمة كانت قبل اكثر من اسبوعين فقط حددوا النه موعد سفر . مو المفروض يتصلون بينه؟؟؟


لو هم أتأجلت؟؟؟

[التوكل على الله]

السلام عليكم
والله اني اختي اليوم اتصلو بيها وكالولها اتاجل سفرج احتمال شهر او شهرين وعود احنه نتصل بيج مع العلم ان موعد سفرها كان 11/3/2013ومااعتقد عدها اي شي اكسباير لان مقابله المحلفين والبصمات كانت بشهر السادس من عام 2012وماادري ان يكون السبب انه اتصلنه اليوم بالمنظمه وكلنالهم انتو لحد هسه ممتصلين بالكفيل ولا نعرف اسم المنظمه الي رح تتبنه الموضوع اشو وراها بكم ساعه اتصلو بينه واجلو السفر عبالك أحنه ذكرناهم وفوكاها اختي وعمتها راحو يوم 25/2 لمستشفى ابن البطار علمود فحص الضغط وكلولها تجون يوم 10/3/2013 حتى تاخذون الحبايه ومااسولفلكم عل الاحباط الي صار عدهم وحتى عندي اني وعائلتي لان اني واختي قابلنه بنفس اليوم بشهر السادس 2012 بس احنه مقابله المحلف عدنه مازالت فعال يعني حضرت المحلف لحد هسه ممنطي بينه قرار يعني بعدنه معلقين  والله كريم فان الله لايؤخر امرا الا لخير

[صبراً جميلاً]

حسبنا الله و نعم الوكيل عليهم هذا كله بسبب اهمالهم الله لا يهنيهم دمرونا و خربوا حياتنا ، اصبر اخويه اصبر و اكثر من الاستغفار ، الله يفرح قلبك ان شاء الله باقرب وقت ، امين يا رب العالمين .

[الصابر76]

الله يكون بعونكم اخي لا تيأس وعلى كيفك من ترتاح وتروح الصدمة جاوبني اخي العزيز ضروري تكتبلهم ايميل وتكلهم اذا سفري تأجل فضروري تكتبولي أيميل بهذا الموضوع لان هواي تجي مكالمات خاظئة وصارت بيه وبالناس الي اعرفهم يخابروهم على تأجيل موعد مقابلة وبعدين تطلع المقابلة ما متأجلة فضروري تهدأ وتكتبلهم

تحياتي

[ابو سماني]

الله المســــــــــتــعــان يــا أخــي أصـــبر وقــل

اللــهم آجـــرني في مصـــيبــتي وأخــلف لي خــيرا مــنــهــا

إن شـــاء الله بأمريكــا تحصــل أحـــسن أثاث وأحــلى بيــت

والله يعــوض خســارتك...وأعــلم أهــم شيء بهذا الكون بعد الايمــان بالله

الســــــــتر والعــافــيـــــــــة .... نعــمتـــان لا يضـــاهيــها اي نعمة

تــمنــياتي بالســفر القريب وأستـــلمهم برســائل مرتبة مع شرح الحالة

ابو ســماني

[امل الوصول]

حسبي الله و نعم الوكيل ...
كل تأخيرة بيها خيرة ...
شئ يقهر بس شنكول كلشي بأمر رب العالمين يقول له كن فيكن ....

[securityiom]

شكرا اخواني وخواتي واسف على الاحباط الي سببته الكم بس اكللكم بعد اسبوعين الفحص يصير اكسباير واني انتظر ولادة طفل يعني بعد هم وراية مقابلة واعادة فحص وامنية والله شبعت قهر الله يقبله ب 2010 خسرت 45  ورقة من وراهم وهسة اتكررت الحالة وخسرت بحدود 35 ورقة والموضوع يحتاجلة سنةاقل شي والله تعبت ومابيه حيل من نهاية 2008 الى هسة انتظر

[غــريـبــه!!!]

الله يكون بعونك اخي انشاء الله يتصلون بيك هالاسبوعين

[أبو أياد]

الله يعوضك خير ، انشاء الله فترة قصيرة ويحددولك موعد سفر. لاتهتم

تحياتي

[@المهندس@]

مرحبا اخوان
هسة خابروني جان موعد سفري يوم 5-3 وبلغوني السفر تاجل لان التجييكات الامنية صارت اكسباير بعد مابعت غراضي وخسرت فلوس كلهة بالكسران وماخذ اجازة سنة بلة راتب الله ينتقم منهم

ألله كريم أخويه securityiom
عسى أن يكون هذا التأخير لمصلحه يعلمها ألله
يارب ينطوك موعد سفر قريب وتوصل سالم وتصير سوالف

تحياتي لحظرتك

أخوك@المهندس@
سوريا / دمشق

[albabley]

السلام عليكم

حبيبي لاتضوج اني موعد سفري يوم 17/12 ويوم 16 اني والجهال مكيفين وبلعنا الحباية ولابسين هدوم العيد وبطلتهم من المدرسة وهاي فرحة الهم طبعا واجرت البيت وبعت كل الغراض ماخليت ولا ابرة وبابن البيطار خابروني كالو اتاجل سفرك ..... هاي شلونك بيها وهسة من بيت لبيت مثل البزازين والجهال بلا مدرسة .... الله كريم تفرج

[ام راما]

حسبي الله وهو نعم الوكيل
الله يعينك اخويا وانشاء الله يعوضك خير
اختك ام راما

[سرب الطيور]

حسبنا الله ، الله يعينك اخوية مايغير حالنا الا الدعاء اسال الله ان يجعل لك من امرك فرجا ومخرجا
وان شاء الله يهديهم ويتصلون عن قريب بجاه رب العالمين
تمنياتي لكم باليسر والتوفيق
اختكم سرب الطيور

[الريم 2000]

حسبي اللة ونعمة الوكيل اللة يتبرك اخي وماكو غير الصبر اامين
اختك الريمممم 2000

[جورجيا]

ادري وين جانوا لعد
شوكت اكتملت وشوكت صايره اكسباير
ادري ذولا محد يحاسبهم
هيج يتحكمون بمصائر عالم
حسبي الله ونعم الوكيل

[بتر فلاي2]

حسبي الله ونعم الوكيل اللـه يساعدك اخي ويكون بعونك ويعوضك كل خير بلكي يارب شغلة متطول ولادة الطفل تصير هناك

[احبكم1]

مرحبا اخوان
هسة خابروني جان موعد سفري يوم 5-3 وبلغوني السفر تاجل لان التجييكات الامنية صارت اكسباير بعد مابعت غراضي وخسرت فلوس كلهة بالكسران وماخذ اجازة سنة بلة راتب الله ينتقم منهم

والله مصيبه الله ايكون ابعونك

[nuha 22]

مرحبا اخوان
هسة خابروني جان موعد سفري يوم 5-3 وبلغوني السفر تاجل لان التجييكات الامنية صارت اكسباير بعد مابعت غراضي وخسرت فلوس كلهة بالكسران وماخذ اجازة سنة بلة راتب الله ينتقم منهم

اخي الكريم .. قدر الله وماشاء فعل .. انت هسة لتفكر باي شي وخليها على الله  هي تصفى لان اذا تضل تفكر وتنقهر متحصل شي اهم شي سلامتك وسلامة اولادك ترة كلشي بي صالح والله سبحانه وتعالى هو اعلم بيك فنصيحتي انسى الموضوع وفكر هسة بالمولود الجديد الي راح ينور بيتكم وان شاء الله قدومة خير وسعد عليكم

تقبل مروري اختكم نهى من عمان

[البيروتي]

اخي العزيز الي صار بيك صار باهلي قبل شهرين بالضبط 

اول شي راح اكولك الله يصبرك ويصبر كل واحد يمر بهيج حالة لان اني اعتبرهة اصعب شي بكل حالات الهجرة وانشاء الله كل مانع خير

بس راح انصحك بشي لتعب نفسك وتبعث رسايل خليهة على الله
خل نفوت بالمفيد اني بالنسبة الى اهلي بعد التاجيل الملف ضل فعال بس الامنية صارت انتضار والسفر ضل انتضار و بعد شهر من التاجيل الامنية كملت من جديد بيومهة جيكت الملف الصبح وشفت الامنية مكتمل والسفر بعدة انتضار والملف فعال بعد اخوك كمت اكمز وضليت اكمز واكمز والناس تباوع علية وتضحك ويكولولي شبيك طبعا اني بلبنان وتعال شيفهمهم المهم بنفس الدقيقة خابرت الاهل كلتلهم هاليومين يخابروكم نعم اني متاكد هاليومين وعم الفرح بالبيت واهلى كامو يكمزون يمكن واني فررررررررررررررررررررحت المهم علمود ما اطول عليك ضلينه ننتضر فات اسبوع وماكو موعد وبعد عشرة ايام من اكتمال الامنية فتحت الموقع كالعادة الصبح واني جاي افتح الموقع ملكيت الامنية مكتملة هههههههههههههههههه لكيتهة انتضاااااااااااااااااااااااااااااااااااااااااااااااااااااار كلت استغفر الله والنعم بالله وحسبي الله ونعم الوكيل فيا اخي عوفهة على الله وانشاء الله تكونون بامان ويرجعون ينطوكم موعد من جديد وتخلص وتصير سوالف

اخوك البيروتي تقديم 2009 الشهر السابع مع الاهل من بغداد بعد التهيديد هربت الى لبنان وقدمت عاليو ان بال 2011 وانشاء الله خير

ملاحظة / اني قريت موضوعك بنس الساعة الي نزلت بيه الموضوع بس اليوم يلا صار عندي مجال لصعوبة الحياة بلبنان وعدم توفر الوقت

[ehab282003]

اخي العزيز

متألم جدا لما حصل لك و انا متفهم جدا لوضعك لانني مررت بمثله تماما قبل ثلاثة اشهر

الله كريم تفرج و تصير سوالف و تأكد ان الله ما يسوي شي بي اذية لذلك الحمد لله رب العالمين

الله يساعدك و قلبي معاك و يا رب تفرج بسرعة

اخوك

ابو محمد

بارك الله بيك

[البيروتي]

Up

[البيروتي]

شلونك بيهة هاي أهلي نطوهم موعد سفر ثاني واجلوهم قبل السفر بيوم بس أحسن من اول تأجيل هذاك اتاجل قبل اربع ايام

[سالم يوسف]

 الله يكون بعونك