السلام عليكم اخوان , حبيت اشارككم بموضوع اعتبره كلش مهم , وأحب استفاد من تجربتكم وتستفادون من تجربتي.
مشكلتين تواجه مستخدمين الموبايلات في امريكا
المشكلة الأولى : دعم اللغة العربية , إذا الموبايل مايدعم اللغة العربية , تطلع الأحرف متقطعة مثال ( ب غ د ا د) وهكذا كل التطبيقات , من الفيسبوك إلى الفايبر إلى الرسائل .... وحتى المتصفح , لكن ممكن تجنب هذي المشكلة في المتصفح من خلال تنصيب المتصفح (أوبرى) , هذه المتصفح يدعم الأحرف العربية حتى لو كان الجهاز مايدعم العربي.
تعرفون انو الموبايلات تنفسم قسمين من ناحية النظام التشغيلي , 1- مجموعة الأندرويد 2- مجموعة الأبل (الآيفون)
نظام الأندرويد , اي موديل اندرويد اقل من 3.00 مايدعم العربي حسب ماقريت , وتجربتي بهذه المجال جانت بجهازين
جربت جهاز الآيفون 4 , ولكيتهم يدعمون اللغة العربية
اما الأندرويد , فجربت أيل جي اوبتمس أيليت , اندرويد 2.3 لكيته مايدعم العربي والأحرف العربية كلهه متقطعة , وماكو كيبورد عربي , اكو كيبورد تكدر تنزله وتنصبه عربي, لكن بيه مشاكل مو مثل الأصلي.
تجربتي الثانية ويه الأندرويد , جانت ويه أيلجي أيسكيب , حديث 2012 , اندرويد 4.2 , لكيته يدعم الأحرف العربية , وكيبورد عربي , بس بيه مشكلتين بسيطة , اولا حرف الـ ث شكله ج ابو التلث نقاط بالكيبورد , لكن لمن تكتبه يطلع ث ماكو مشكلة , المشكلة الثانية هيه , كل حرف س يضهر ش في كثير من الحالات .
المشكلة الثانية مع الهواتف في امريكا , موضوع الربط مع الشبكة .
اول شي حبيت اوضلحكم نظام الأنترنت بأمريكا
1- 2G بطيئة جدا جدا وتتقطع , تذكرك بسرعة النت بالعراق , مقبول للتصفح فقط.
2- 3G السرعة مقبولة نوعا ما , يعني تصفح + اتصال صوتي احيانا مقبول واحيانا ضعيف, اليوتيوب يشتغل لكن بتقطع احيانا
3- 4G افضل قليلا من الـ 3G
4- 4G LET اسرع انواع الأنترنت , يناسب كل انواع الإتصالات والفديو. موجودة فقط في الإشتراكات السنوية بشكل عام.
حسب علمي انو الموبايلات الحديثة وخاصة الي تجي من العراق مابيهه بس 4G LET وهذه النوع من النت ماموجود بس من خلال الإشتراك السنوي , وهذا النوع من الأشتراك مكلف , يعني من 85-140 دولار بالشهر , وعقد لمدة سنة اقل شي.
وإذا اشتركت بخدمة الدفع المسبق , مثل السمبل موبل , او سترايت توك ..... وجهازك 4G LET ذاك الوكت الأنترنت حيتشغل على سرعة 2G بطيئة جدا جدا.
تجربتي ويه الآيفون فون 4 , لكيته يشتغل بيه الـ 3G بس مايشتغل الـ 4G
حته يشتغل نظام الـ 4G بالتلفون , لازم يكون بالتلفون يدعم HSPA+ 4G over 1700Mhz وهذه الشي ينرادله تقره موصفات الجهاز ياله تعرف, حقيقة تجربتي ويه اصحاب محلات الموبايل , لكيتهم جاهلين جدا بهذه الموضوع , ويغطون جهلهم بالجذب ثم الجذب ثم الجذب حته يبيعولك.
هذه قائمة ببعض الموبايلات الي تدعم الثري جي والفور جي من موقع سمبل موبل
http://www.mysimplephones.com/Simple-Mobile-Smart-Phones/يرجى الأنتباه الشديد على الموديل يعني مثلا سامسونك كالاكسي 3 مو كل موديلاته تدعم الـ 4G بس موديل Samsung Galaxy SIII T999 4G
لكن المشكلة ما أعرف إذا كان يدعم العربي لو لا عن تجربة , رغم انو هوه نظامه اندرويد 4.0 يعني المفروض يدعم الأحرف العربية , بس ما اعرف بيه كيبود عربي لو لا.
ياريت يا أخوان تشاركوني بخبراتكم بموبايلاتكم . علمود الكل يستقاد .
