شباب حصلت على تعيين ومحتار ارجو منكم النصيحة

[anwar123456]

السلام عليكم شباب حصلت تعيين والحمد لله  وبراتب جيد جدا وهسه محتار بين شغلة السفر والتعيين ناس تكول ابقى شعندك بامريكا وناس تكول شعندك باقي بالعراق واريد نصيحتكم وهسه محتار رحم لوالديكم...

[احساس عاشق]

وعليكم السلام اخوية انور

انت طبيب نفسك واعرف بوضعك وحالك
اذا تنظر الحال البلد من سيئ الى اسوء وناس تركت املاك وعقارات وطلعت بس بنفسه من اجل العيش بسلام

اني هم مثلك متعين بس مقرر اترك هالشي من اجل العيش بامان

اتمنالك كل التوفيق

[anwar123456]

بارك الله بيك اخي العزيز احساس عاشق على الرد والنصيحة وكثر الله من امثالك يا طيب ...

[Hawk 80]

مرحبا اخي العزيز اني مثل رأي اخي احساس عاشق واني اشوف لو تفكر بالسفر احسن اقلها ضامن مستقبلك تعيش بأمان لان لا تصدك العراق يستقر حتو لو تغير الحكومه مادام موجوده طائفيه رح يبقه البلد ممستقر .

ومثال عله ذلك اني مهندس ميكانيك وقدمت عله تعييين بسنه 2008 وطلعلي تعيين بسنه 2011 وبالمطار وبراتب محترم والله تركته علمود السفر ولحد الان اكدر اتعيين ومااريد لان ماريد ابني مستقبلي بهل البلد الفاشل.

وبعد انته وقرارك..... تحياتي

[anwar123456]

بارك الله بيك اخي العزيز Hawk 80 على الرد والنصيحة وكثر الله من امثالك يا طيب تقبل تحياتي .

[ابو الاوبترا]

صدك تحجي ... اني متعيين من 2005 ولحد هسه وراتبي خير من الله
والله لو اعرف اطلع بقارب لامريكا اطلع وما ابقى بهالبلد التعبان
ولو يجي الله متصير جارة للعراق وانطيك طرح لحد بعد يوم القيامة بسنة ونص
مو مكيف هسه لكتلك تعيين تعوف امريكا
عمي كول الله عوف العراق وعوف التعيين
ونصيحة من اخوك
اذا تعيينك بمؤسسة امنية لا تروح لان تأخر الامنية مالتك هواية اضافة الى حياتك راح تصير بخطر وممكن احتمال جبير جدا متشوف عمان مو امريكا
فة امشي بنصيحتي روح لامريكا وعيش حياتك الباقية
واسئل شكو واحد طلع لامريكا كال نفس الحجاية اللي هيه
متندم على كل يوم بعمري عشت بي بالعراق
تحياتي

[Awsaws]

اخي العزيز ما دام انت دا تقارن معناتها ممكن تعيش بلعراق وطبعا هاي راح تكون عثره دائما بسفرك لان من تسافر راح تجيك ايام تكول لو ممسافر وراضي بلتعين  بس اكلك شغله احلا من الاحساس بلامان ماكو ولباقي كله يهون خلي احساسك بلامان هو الميزان فاذا انت تشعر بلامان بلعراق فاني اعتقد لو متسافر احسلك بس اذا انت تشوف وضع العراق غير مناسب الك فانصحك بلسفر واترك كل التردد ورى ضهرك والتوفيق من عند الله
كما انصحك اولا واخرا بصلاة الاستخاره

[anwar123456]

اخي العزيز ابو الاوبترا بارك الله ع النصيحة والرد وانشاء الله وربك يختار بيه الصالح..

[baghdad antigen]

و الله اخي اني شكد حاولت اقنع نفسي انه باجر لح يصير احسن بس اشو ديصير اسوأ مو احسن ..
و طبعا كل معارفي بالخارج من احجي وياهم يكلولي جنه ما عايشين ..
اكو هوايه شغلات احنا فاقديها بس تعودنا عليها و صارت طبيعيه و ابسط مثال الامان ..
فكر بيها و شوف وضعيتك و ان شاء الله البي خير يصير ..
اتمنالك الموفقيه

[mrlooseurself]

عيني اتعين احسنلك ياسفر
ابقى مادام راتب جيد

[ahmed gray]

اولا انت مقدم على سفر يعني كم راتبك 1000$في الشهر انا كنت احصل كل يوم {!!!!!} وعفت العراق العظيم من المنافقين والحاسدين وانا في دوله عربيه ومقدم على هجره وانا ان شاء في المراحل الاخيره من السفر ولا افكر في العراق ,لان بلد الشقاق والنفاق على قول سيدي ومولي امير المؤمنين علي ابن ابي طالب .

اخي اغلب العراقين {يخازون مايجازون}

وبعدين مثل ماقال ابو المثل {مصير التنكة كحف}.عذرا الامثال تضرب ولاتقاس 



المهندس /احمد الربيعي

[repentant]

ان كان عمرك اقل من 25 سنه سافر افضل اما ان تجاوز عمرك 35 تعيين افضل لك والله اعلم...........زلكن تقدر تاخذ اجازة وتسافر وترجع

[iron man]

اخي العزيز محد يكدر يقرر عنك...بس بالامكان نشاركك افكارنا...اني مهندس متعين من 2003 حالياً راتبي الحمدلله وشكر مكفيني بزيادة عندي منصب بالوظيفه ويوم بعد يوم اترقى بمجال عملي سيارتي اخر موديل صح بعدني ساكن ويه اهلي بس الحمدلله على كل حال...واذا اخونا ابو الاوبترا عنده استعداد يروح لامريكا بقارب اني اروحلها مشي بس خل يطوني فيزا..اكلك ليش لئن كل ما اروح للشغل اتلفت اباوع بالسيارة اليمي اخاف يركعني بكاتم لو ماارجع للبيت بسبب تفجير...لو ياساتر ترجع الوضعيه زفت مثل كبل و انذبح علهوية خاصتاً واكو ناس ديطبلون للطائفية من جديد..كل ميخلص اليوم احمدالله جفاني شر بني ادم الي اذا بلغلط اطخ بيه يسوي فصل وجيب الليف ودي الليف وبوس عمك وبوس خالك وخاصتاً اكو بشر عايشه على هالسوالف...اريد اطلع علمود مستقبل اطفالي يدرسون بمدارس مال اوادم وبكليات بيها حظ اريد جواز ادخل بي كل الدول والكل تحترمني ...ما اكول امريكا جنه واول سنتين راح اعاني بيها الا ان اوكف على رجليه ...اريد اخلص من الحر من التراب من الكهرباء المطفيه من البشر التعبان مع احتراماتي للطيبين الي بدو ينقرضون للاسف...اخويه العزيز امشي بالطريقين اتعين ولتلغي ملفك الى ان توصل الى قرار يناسب ويارب التوفيق

[أحمد واشنطن]

اذا تسأل على الاراء الشخصية، اني اعوف التعيين وابو التعيين، بس بنفس الوقت انت اخذ الوظيفة واشتغل الى ان يجي موعد السفر على الاقل مطلعلك كم فلس. حظا سعيدا...

[anwar123456]

شكرا اخواني الطيبين على الرد والنصيحة وخصوصا الاخوة:

baghdad antigen, mrlooseurself,  repentant, safaa as, أحمد واشنطن, Awsaws  .تقلبوا تحياتي

[الفرج2]

وعليكم السلام اخوية انور

انت طبيب نفسك واعرف بوضعك وحالك
اذا تنظر الحال البلد من سيئ الى اسوء وناس تركت املاك وعقارات وطلعت بس بنفسه من اجل العيش بسلام

اني هم مثلك متعين بس مقرر اترك هالشي من اجل العيش بامان

اتمنالك كل التوفيق

انت طبيب نفسك واعرف بوضعك وحالك

    صدكني بس انت تستطيع ان تقرر لنفسك لانك اعلم من اي شخص اخر بظروفك وما يحيط بك .

   عندي حجايه وحده اقولها عموما وليس لك فقط وانما للكل , عامه ,, اذا انت مرتاح ومأمن على نفسك واهلك وما محتاج اي شي , ومكيف نفسك لما يجري في العراق من طربكات ,, فانصحك نصيحه اوجه الله تعالى ,, لا تطلع ابقى يم اهلك وناسك . يعني مع احتراماتي لا تتبطر على نعمتك , وترفسها برجليك ,, اما اذا كان الوضع عكس ذلك فانعل صفحة ابو الوظيفه لا ابو خيرها وراتبها .

   هذا الحجي بصراحه هو الواقع , لان الله سبحانه وتعالى ايضا سيقول لك ,, اعطيتك نعمتي لكنك تبطرت عليها ,, اما الاضطرار فمحد يلومك عليه اخويه العزيز .

[anwar123456]

حبيبي الفرج 2 شكراً على الرد والنصيحة وبارك الله بيك, انا نزلت الموضوع من باب " من شاور الناس ملك عقولهم " واكيد يوجد ناس بالمنتدى يمروا بنفس الظرف وعلى فكرة كلامك مضبوط 100% والقرار الاخير الي.تقبل تحياتي

[Emerald]

اخي العزيز اذا السفر مالتك بعده مصاير فلا تدوخ روحك من هسه اتعين وخلي حياتك تمشي طبيعي الا ان يجي موعد السفر وانت تقرر شنو الي احسن الك ولحياتك ولاتمشي على حجاية احد مال يكولك ابقى ولاتبقى انت شوف شتريد وشنو الاحسن الك والي حيريحك وسوي ...
وتمنياتي الك بالموفقية


اختك Emerald من سورية

[anwar123456]

شكرا اختي العزيزة Emerald على الرد والنصيحة وبارك الله بكِ وكثر الله من امثالك.تقبلي تحياتي

[المحترف الارجنتيني]

اخي العزيز اتوكل على الله وابقى عالاقل شي مضمون بيدك

[marwan iraq]

اخوية العزيز مثل ما كالوا الاخوان قبلي توكل على الله وسافر على الاقل تضمن مستقبل وحياة آمنة الك ولعائلتك لان العراق من سئ الى أسوء ولا تصدك العراق يرجع ويستقر .

[snsoon572]

مرحبا اخي العزيز اني  اشوف لو تفكر بالسفر احسن اقلها ضامن مستقبلك تعيش بأمان

[slam hawk]

هههههههههههه خطية والله

[ابو شهد]

السلام عليكم ورحمة الله وبركاته
الى الاخ العزيز السائل
انت تكول حصلت على تعيين وفي نفس الوقت انت مقبل على سفر اني انصحك لوجه الله انه العراق الجديد ما بيه اي فائدة والله العظيم يوم بعد يوم البشر بالعراق جي يتحول الى وحوش ليس الكل مع احترامي لكن الاغلبية المفروض انه الانسان كلما يكبر بالعمر يحاول يهذب نفسة لانه راح يكون قدوة للناس الي اصغر من عنده بالعمر لكن بالعراق الامر معكوس كلما يكبر بالعمر يرجع لورة والي يتمرض خو الاطباء يسووه حقل تجارب وهواي امور يطول شرحها .
لكن انت اذا متحير انتضر خل يصيرلك سنة بالتعيين وبعدها اخذ اجازة سنة بدون راتب وبعدها سافر اذا الوضع عجبك ابق واذا ما عجبك ارجع الى بلد العراق الفاشل بكل معنى الكلمة والي الموت بيه بطيئ وارجو ان تسامحوني على هاي الكلمة .
مع العلم انه اني مهندس مدني خريج سنة 2004


اخوكم ابو شهد .........

[الفرج2]

السلام عليكم ورحمة الله وبركاته
الى الاخ العزيز السائل
انت تكول حصلت على تعيين وفي نفس الوقت انت مقبل على سفر اني انصحك لوجه الله انه العراق الجديد ما بيه اي فائدة والله العظيم يوم بعد يوم البشر بالعراق جي يتحول الى وحوش ليس الكل مع احترامي لكن الاغلبية المفروض انه الانسان كلما يكبر بالعمر يحاول يهذب نفسة لانه راح يكون قدوة للناس الي اصغر من عنده بالعمر لكن بالعراق الامر معكوس كلما يكبر بالعمر يرجع لورة والي يتمرض خو الاطباء يسووه حقل تجارب وهواي امور يطول شرحها .
لكن انت اذا متحير انتضر خل يصيرلك سنة بالتعيين وبعدها اخذ اجازة سنة بدون راتب وبعدها سافر اذا الوضع عجبك ابق واذا ما عجبك ارجع الى بلد العراق الفاشل بكل معنى الكلمة والي الموت بيه بطيئ وارجو ان تسامحوني على هاي الكلمة .
مع العلم انه اني مهندس مدني خريج سنة 2004


اخوكم ابو شهد .........

بلد العراق الفاشل بكل معنى الكلمة والي الموت بيه بطيئ


والله يا اخويه صدقت ولا حاجه للاعتذار ,,,,,, بس كلي ,, شلون يصير الفشل اذا مو هو هذا ؟؟ وشلون يصير الموت البطيء اكثر من هذا اللي يعانونه بعض المساكين في العراق ,, لانهم شرفاء ,, سبحان الله ,, شلون اقلبت موازين ومقاييس الامور , الشرف صار صفه سيئه يتعذب صاحبها فى هذا البلد ,, مع الاسف والله .

[cobraus]

اخي العزيز اني ما اريد اكون متشائم لكن المستقبل مظلم او منعرف بعد ساعه شنو ممكن ايصير فكر بمستقبلك بنظره بعيده لو تلاحظ العراقيين الوحيدين الي يحنون للماضي يعني البلد من سئ الى اسوأ

[سيناريو]

اشرد خوية مو قبل يومين احتركت بغداد حرك وبعدك تسأل توكل على الله هاي فرصة يحلم بيها الالاف من العراقين

[نورس البحر]

الاخ anwar123456
بعد اطيب تحية
قرات ما طرحته من استفسار واحببت ان اعطيك ما جال في نفسي وهو الاتي
اولا : اكيد ان العراق مكان ليس مثاليا عندما يتم مقارنته مع بقية الدول المتحضرة واكيد كلنا نقرأ ونسمع عن التقارير التي تصدرها المنظمات الدولية حول الحالة الانسانية والصحية والتعليمية وما الى ذالك وطبعا ومع الاسف دائما نرى اسم العراق ياتي في اسفل القائمة من بين دول العالم , ولا نريد ان ندخل بالاسباب والمسببات لاننا سوف لن نرضي جميع الاراء ولن سوف يكون المجال او المكان مناسبا ,
ثانيا : بالرغم من ذلك هنالك امور لا نستطيع ان ننساها وهي انه بلدنا ولدنا فيه واهلنا فيه وذاكرتنا هناك وامواتنا هناك (هذه كلها مسائل جذب وتزداد وتقل بزيادة هذة الامور وقلتها اي عندما تضاف لهذه الامور وجود حافز مالي جيد , وسكن جيد , وعلاقات مجتمعية جيدة , وعدم وجود تهديد مباشر يهدد حياتك ) فاكيد ستكون الكفة تميل باتجاه البقاء داخل البلد الذي ننتمي الية ولا نحتاج عمل شاق او نظطر لدراسة لغة جديدة او ان ندخل الى انفسنا واولادنا عادات غربية اسرية هي تعاكس التربية او الدين الذي تربينا علية
طبعا الحافز المادي مهم جدا وهو الذي جعل موطني البلدان الغربية من امريكا وبريطانيا والدنمارك واسبانيا وغيرها كثير يتطوعون لكي يخدموا في جيوشهم التي دخلت العراق وطبعا الكلام هنا للذين يتطوعون لاغراض مادية وحوافز اخرى وليس الاخرين المجبرين او المكلفين بخدمة الجيش
نلاحظ ان هولاء لم يتطوعوا ويتركوا الغرب وبلدانهم من اجل لا شيء بل من اجل الامتيازات والمادة . هم جاءوا الى العراق مع الفارق ان حياتهم مهددة لكونهم في المحك,

من خلال هذا المقصد ان ما يناسب شخص ليس بالضرورة ان يناسب شخصا اخر فاكيد هنالك اختلافات عديدة
وان مسالة النجاح في الحياة واخذ الفرص هذه كلها بامر من الله هو الذي يمنح لعبادة متى شاء

النصيحة بشكل مختصر .  الاختيار بهذه المسائل تبقى انت من تقررها بموجب ما عندك من معطيات

ارجوا ان تتقبل وجهة نظري
وتتقبل تحياتي

اختكم نورس البحر
من سوريا

[Mount Zion]

اذا انكليزيتك ممتازه ف سافر

اما اذا متواضع باللغه ف انصحك تفكر زين

معظم الي جاوبوك ايدوك بالسفر لان همه بعدهم بالعراق

اعتقد بس الاخ الفرج ابو الكتابه الزركه كلك فكّر بالموضوع ، اعتقد هو بامريكا  ،

اللغه والامكانيات الي تملكها هيه المقياس حسب نظره وجهي 

مو تعرف تفرمت حاسبه ولغتك قويه بال Yes , وتكول اني مهندس حاسبات ولغتي فول  . ،

الله يوفقك بكل الاحوال

[ابوجنة]

السلام عليكم

  يمكن كلامي ماراح يضيف شي لان الاخوان فاضو علينا بالمعلومات الرائعة والتعليقات الواقعية ، اني متعين جديد ومهندس اتصالات وشغلي كلش زين ولله الحمد ولكن فكرة السفر ابدا ما طلعت من بالي ولا لحظة، صدكني احساس الامان شي مهم وظروري ولكن بنفس الوقت القرار هو قرارك انت واعتقد مشاركتنا وياك بهذا الموضوع هي فد شي نسبي ولا تعتمد عليه رجاءا ، خلي مقايسك للموضوع هي المعتمدة مو كلامي ولا كلام الشباب "على الرغم من الواقعية المطلقة بكلامهم جميعا" ولكن انت انسان مخير مو مسير وبيدك القرار وقد يكون كلامنا سلبي عليك ، احنانريد ندعمك بالشي الي نعرفه كلمن وتجربته، لان الي مسافر يكلك علواى باقي احسن على الاقل اهلي وناسي ، والي هنا يكول شنو هلعيشة الي تكصر العمر يومية محروكة الدنيا وطالعنا واحد تافه بشعارات سياسية مبطنة، ادعي من الله انه يهديك للطريق الصحيح وسوي خيرة لانه ما خاب من استخار ولا ندم من استشار وهذه استشارتنه الك بقت الخيرة وانشاء الله زينه ، دعواتي الك بالتوفيق يارب..

اخوكم
ابو جنة المصلاوي ... كردستان العراق

[هذا عراقي]

اخوية اتعين وانتظر السفر والله كريم بس ترة فرصة السفر متتعوض بس التعيين ممكن الله يرزقك هناك وهنا

نسال الله ان يفرج على الجميع بحق محمد وال محمد

[securityiom]

والله اني نفس حالتك واني متعين صار 5 سنوات واجاني موعد واخذت اجازة بس اتاجل سفري ورة مال تاجل سفري كلت هاي هية راح الغي فكرة السفر من حياتي وانته الموضوع بس الوضع الي ديصير بالعراق مو طبيعي وماوراه استقرار وهسة من قريت اراء الاخوان والله هسة اريد اسافر اليوم قبل باجر لان كل الي احجي وياهم سلبيين ويكلولي حتروح تكدي هناك واكعد هنا وراتبك زين ومكانك زين

[دحدوحة]

اخي الموضوع مو تعيين وحالة مادية الناس هنا وهناك عايشة بس طريقة المعيشة تختلف بلد بيه امير بس ماكو امان لو بلد بيه فقير بس تنام مامن علة روحك واطفالك بالمستقبل

[يوزارسيف]

السلام عليكم ورحمة الله وبركاته
الى الاخ العزيز السائل
انت تكول حصلت على تعيين وفي نفس الوقت انت مقبل على سفر اني انصحك لوجه الله انه العراق الجديد ما بيه اي فائدة والله العظيم يوم بعد يوم البشر بالعراق جي يتحول الى وحوش ليس الكل مع احترامي لكن الاغلبية المفروض انه الانسان كلما يكبر بالعمر يحاول يهذب نفسة لانه راح يكون قدوة للناس الي اصغر من عنده بالعمر لكن بالعراق الامر معكوس كلما يكبر بالعمر يرجع لورة والي يتمرض خو الاطباء يسووه حقل تجارب وهواي امور يطول شرحها .
لكن انت اذا متحير انتضر خل يصيرلك سنة بالتعيين وبعدها اخذ اجازة سنة بدون راتب وبعدها سافر اذا الوضع عجبك ابق واذا ما عجبك ارجع الى بلد العراق الفاشل بكل معنى الكلمة والي الموت بيه بطيئ وارجو ان تسامحوني على هاي الكلمة .
مع العلم انه اني مهندس مدني خريج سنة 2004


اخوكم ابو شهد .........

الاخ ابو شهد ، انا أيضاً مهندس مدني خريج 2004 ممكن اعرف أي جامعة انت خريج ؟

يوزارسيف
بغداد

[skystar]

اخي العزيز محد يكدر يقرر عنك...بس بالامكان نشاركك افكارنا...اني مهندس متعين من 2003 حالياً راتبي الحمدلله وشكر مكفيني بزيادة عندي منصب بالوظيفه ويوم بعد يوم اترقى بمجال عملي سيارتي اخر موديل صح بعدني ساكن ويه اهلي بس الحمدلله على كل حال...واذا اخونا ابو الاوبترا عنده استعداد يروح لامريكا بقارب اني اروحلها مشي بس خل يطوني فيزا..اكلك ليش لئن كل ما اروح للشغل اتلفت اباوع بالسيارة اليمي اخاف يركعني بكاتم لو ماارجع للبيت بسبب تفجير...لو ياساتر ترجع الوضعيه زفت مثل كبل و انذبح علهوية خاصتاً واكو ناس ديطبلون للطائفية من جديد..كل ميخلص اليوم احمدالله جفاني شر بني ادم الي اذا بلغلط اطخ بيه يسوي فصل وجيب الليف ودي الليف وبوس عمك وبوس خالك وخاصتاً اكو بشر عايشه على هالسوالف...اريد اطلع علمود مستقبل اطفالي يدرسون بمدارس مال اوادم وبكليات بيها حظ اريد جواز ادخل بي كل الدول والكل تحترمني ...ما اكول امريكا جنه واول سنتين راح اعاني بيها الا ان اوكف على رجليه ...اريد اخلص من الحر من التراب من الكهرباء المطفيه من البشر التعبان مع احتراماتي للطيبين الي بدو ينقرضون للاسف...اخويه العزيز امشي بالطريقين اتعين ولتلغي ملفك الى ان توصل الى قرار يناسب ويارب التوفيق

تمام

[dhiya2007]

بسم الله الرحمن الرحيم(لو كنت اعلم الغيب لاستكثرت من الخير وما مسني السوء)صدق الله العلي العظيم.الله عز وجل وضع سنن الهيه للكون منها سنن ماديه مثل قانون الجاذبيه ومنها معنويه مثل العدل والكل يخضع لهذه السنن سواء من اهل الخير او الشر سواء مسلم او غيره فمن يرمي نفسه من شاهق يموت حتف انفه حسب القانون الالهي ومن يجعل الظلم سبيله يفقد الملك لان العدل اساس الملك.ولو نظرت لحالنا ورأيت رغم الثروات والطاقات ماراح يصير بينا حظ والسبب الظلم .اني متعيين من 2006 وراتبي 1500000 وعندي بعد شغله ثانيه خير من الله والحمد لله ولكن مابيها طعم لأن ما دا اتنفس هواء العدل وشنو الفائده اني عندي وجاري ميت من الفقر فقررت اترك كلشي واروح على الاقل بالي راح يرتاح والله الموفق وهو ارحم الراحمين