حالة ملفي غريبة

[securityiom]

السلام عليكم
اخوان اعتقد اكثركم يعرف انه تاجل سفري قبل يومين من موعد السفر وخابروني وكلولي اكو عليك تجيييكات امنية صارت اكسباير
وهسة صار عندي الفحص اكسباير وتغيرت حالة ملفي وصارت هولد بس الي محيرني التجييك الامني مكتمل بعدة والسفر انتظار زين شنو سبب التاجيل مااعرف معقولة علمود الفحص الطبي جان باقي اسبوعين ويسقط

[cristiano ronaldo]

والله يااخوية ما اضن علمود الفحص الطبي وفوك كل هذا من انطوك موعد سفر جان باقيلة اسبوعين ويسقط وهاي فترة طويلة
يعني الامنية بقت مكتملة مصارت انتضار ورجعت اكتملت ؟

[ام اديان]

ان شاء الله تعيد الفحص وينطوك موعد ثاني قريب بأذنه تعالى وادعي ان شاء الله تبقى الامنيه مكتمله متتغير. وبالنسبه لتأجيل الموعد تره محد يعرف شون يشتغلون ولا اسباب التأجيل الا في حالات قليله.الله يوفقك ويسهل امرك.

[الفرج2]

ان شاء الله تعيد الفحص وينطوك موعد ثاني قريب بأذنه تعالى وادعي ان شاء الله تبقى الامنيه مكتمله متتغير. وبالنسبه لتأجيل الموعد تره محد يعرف شون يشتغلون ولا اسباب التأجيل الا في حالات قليله.الله يوفقك ويسهل امرك.

         الموعد تره محد يعرف شون يشتغلون ولا اسباب التأجيل الا في حالات قليله.الله يوفقك ويسهل امرك.



  والله هذوله يدوخون اكبر واحد ,, شللون يشتغلون ؟؟؟ ما ادري .

[ثفتي بالله كبيرة]

اخي الكريم سكيورتي اي او ام
نفس الحالة صارت ويانة احنا ملفين مربوطين ربط قوي
علقو ملفاتنا من اول يوم بشهر 12 الى 15/2/2013
وكانت الامنيتين مكتملة وخلالها رجع الفحص الطبي اكسباير وفحصنا وضلت الملفات معلقة وبعد الفحص صارت الامنية انتظار
يعني خصم الحديث اللي يريدون يأخرو يلعبون طوبة بملفه وبدون اسباب
ماعليك اخي غير الصبر
واذا انت بعمان روحلهم بأيام الاستفسار او دزلهم رسائل كل اسبوع حتى ينتبهون لخربطتهم
حسبي الله ونعم الوكيل بيهم

[عيني بعين الله]

السلام عليكم و رحمة الله و بركاته

الاخوان سكيورتي و ام اديان و ثقتي بالله كبيرة و لا يهونون البقية

قيل اذا كنت لا تستحي فأفعل ما تشتهي لقد وقعنا و لله الحمد بأناس كفرة فجرة هم موظفو اي او ام عمان الخسة و الدنائة يا اخواني انا لست من النوع الذي يشتم و يسب لكني من قسوة الاي او ام اصبحت كذلك تصور يا اخي سكيورتي اعطوني موعد سفر يوم 9 / 12 / 2012 و موعد حباية ما قبل السفر يوم 6 / 12 / 2012 و كان يصادف يوم خميس و عندما ذهبت لمستشفى ابن البيطار قال موظف الاستعلامات اسمك و رقم ملفك ليس في القائمة؟؟؟؟؟ و تصور كان في وقتها باقي لي يومين للسفر و على سبيل المثال بعت الصوبة ب 25 الف و دبة الغاز ب 20 الف و عدت و اشتريت الصوبة ب 150 الف و دبة الغاز ب 60 الف و سيحل الصيف قريبا و ساشتري المبردة التي توسلت لكي ابيعها ب 25 الف ساشتريها ب 250 الف وووووو على كل حال ما زلت في بغداد لا اعرف ما ذا ينتظرني من هؤلاء الانذال؟؟؟؟ فوضت امري الى الله رب العباد فيهم

يا اخي خلي عينك بعين الله و تفرج عليك يا رب و تسافر و تصير سوالف

ثق اني قلبي يتفطر من الحزن لحالك و لوضعك

تقبل تحياتي

اخوك

ابو محمد

[ام اديان]

الاخ ( عيني بعين الله ) والله كلامك يقهر وفعلا وضعك صعب اسأل الله العلي القدير ان يفرجها عليك وعلى الاخ سكيورتي وعلى كل شخص مثل وضعكم  فرجا عاجلا ويفرحكم بالسفر وتسافرون وتستقرون ان شاء الله بجاه محمد وال محمد.

[Emerald]

الله يفرجها عليكم اخواني عيني بعين الله وسكيورتي يارب وتصير سوالف وتفرج على الجميع

[securityiom]

شكرا اخواني عالمشاعر الطيبة بس والله تعبت وفكرت بعد ماسافر بس كلما افكر اشوف الوضع تعبان ارجع افكر بالسفر وكلما احجي وية واحد عالحياة بامريكا يبجي بوجه الله يكول الحياة صعبة وكله تعب ومابيه مستقبل زين وين المستقبل بالعراق ؟؟ والله دخت

[ام اديان]

اخي لا تدوخ نفسك بالحجي واللي يكلك ما مرتاح بامريكا وما بيها  مستقبل ليش ميرجع.الحياة مو سهله بكل مكان ولازم الواحد يتعب حتى يحقق مستقبل جيد لعائلته واقلها عدهم امان مو مثل هنا نخاف من نطلع من المفخخات والعبوات .ريح بالك وخليها على الله.

[securityiom]

والله شفت هواية ناس راجعه من برة وكلهم نفس الحجي وهبطوا معنوياتي واني جنت كلش متحمس للسفر وخصوصا انه تهددنا سابقا بس الحجي مال عالم خلاني اتراجع وبصراحة اني اخاف على عائلتي مو على نفسي

[ثفتي بالله كبيرة]

مثل مكالت الاخت ام اديان اللي ممرتاح بامريكا ليش ميرجع
اخوية هي الحياة متعبة بكل جوانبها بس على الاقل تكون مرتاح نفسيا ومأمن على عائلتك
لان بالعراق رح يكون التعب ضعفين تعب نفسي وجسدي
ونسأل الله الفرج القريب لك وللجميع
اختك ثقتي بالله كبيرة

[slam hawk]

الله يساعدك

[Emerald]

اخي العزيز سكيورتي كل واحد يكولك ممرتاح بامريكا اسمحلي اكولك هذا يااما شخص كذاب او فاشل
رايح علمود المساعدات ويريد ينام 24 ساعة وميسوي شي ومن تخلص المساعدات ميريد يشتغل ويتعب يكوم يتبجبج ويسود الدنيا على نفسه وغيره
ف يااخي العزيز احنا كلنا نريد نروح علمود نبني حياتنا صح راح نتعب بس ماكو راحة تجيك بدون تعب بكل مكان بالعالم وعلى الاقل التعب بامريكا يجيب تقديره مو مثل العراق والدول العربية
وانت خلي عينك بعين الله واترك هالاشخاص السليين لان امريكا بلد مفتوح وتكدر تتحرك وتشتغل بي وكولشي تسوي حتى اذا ممرتاح بولايتك تكدر تغيرها فلاتسمع هالكلام اخي مادام انت متعذب ونيتك صافية ورايح تريد تبني مستقبلك وتتعب الله ميكطع بيك وان شاءالله نسمع خبر سفرك قريبا

تحياتي اختك
Emerald سورية

[securityiom]

شكرا عالردود الحلوة ماقصرتوا