ܕܠܵܐ ܚܲܪ̈ܒܹـܐ ܘܙܲܝـܢ̈ـܐ

[عوديشو سادا]

܀ ܕܠܵܐ ܚܲܪ̈ܒܹـܐ ܘܙܲܝـܢ̈ـܐ ܀

ܒܝܲܡܵܐ ܘܡܲܕܒـܪܵܐ ܪ̈ܘܼܚܹܐ ܚܲܝܠܬܼܵܢ̈ܐ
ܕܚܝܼܠܘܼܬܼܵܐ ܚܦܸܩܠܵܗ̇ ܠܠܸܒܵܐ ܕܣܲـܢܝܵـܢ̈ܐ
ܕܠܵܐ ܗܲܝܡܵܢܘܼܬܼܵܐ ܥܲܡܡ̈ܐ ܓܸـܕܫܵܢ̈ܐ
ܛܵܠܡܝܼ ܠܲܢܘܝܼܠܹ̈ܐ ܫܲܒܼܛܵܐ ܕܡܸܣـܟܹـܢ̈ـܐ܀

ܒܩܵܠܵܐ ܕܦـܘܪܩܵܢܵܐ ܩܵܝܡܝܼ ܙܲܒܘܼܢ̈ܐ
ܠܪܹܫܵܐ ܕܚܲܢܦܘܼܬܼܵܐ ܬܲܠܚܝܼ ܒܸـܢܝܵـܢ̈ـܐ
ܪܘܼܫܥܵܐ ܒـܪܕܵܝܵܐ ܒܗܲܝܟܠܹ̈ܐ ܕܣܵܛܵܢܹ̈ܐ
ܡܗܲܝܡܢ̈ܐ ܓܲܢܿܒܵـܪܹ̈ܐ ܕܒܼܵـܚܵܐ ܩܘܼܪ̈ܒܵـܢܹـܐ܀

ܒܚܲܝܠܵܐ ܫܲܪܝܼܪܵܐ ܗܵܘܝܼ ܐܵܢ̈ܝ ܡܗܲܝܡܢ̈ـܐ
ܫܢܝܼܓܼ̈ܐ ܠܩܲـܕܝܼܫ̈ܐ ܒܚܘܼܒܵܐ ܡܟ̰ـܘܼܓܒܸܢ̈ܐ
ܙܵܟܼـܝܼ ܠܪ̈ܲܫܝܼܥܹـܐ ܘܐܘܼܠܨܵܢܹ̈ـܐ ܕܙܲܒܼـܢ̈ـܐ
ܒـܝܲـܕ ܗܲܝܡܵܢܘܼܬܼܵܐ ܕܠܵܐ ܚܲܪ̈ܒܹـܐ ܘܙܲܝـܢ̈ـܐ܀

ܪܘܼܚܵܐ ܕܙܲܕܝܼـܩܹ̈ܐ ܡܛܵܝܵܐ ܠܲܥـܢܵـܢܹ̈ـܐ
ܢܦܵـܩܵـܐ ܡܼܢ ܥܵܠܡܵܐ ܦـܪܵܩܵـܐ ܡܢ̄ ܐܘܼܠܨܵܢ̈ܐ
ܢܝܵܚܵܐ ܡܢ ܒܝܼܫ̈ܐ ܡܢ̄ ܐܝܼـܕܵܐ ܕܢܲܓܼܕܵܢܹ̈ـܐ
ܚܦܵـܩܵܐ ܠܲܟـܪ̈ܘܼܒܹـܐ ܫܲܒܼـܛܵܐ ܕܪܲܒܵـܢܹـܐ܀

ܥܲܡ ܟܲܘܟܼܒܼ̈ـܐ ܕܠܸܠܝܵܐ ܫܸܠܝ̈ـܐ ܚܘܼܒܵـܢ̈ـܐ
ܡܙܘܼܓܹ̈ܐ ܥܲܡ ܣܵـܗܪܵܐ ܢܘܼܗܪܵܐ ܕܥܲܠܠܵܢܼ̈ـܐ
ܡܸܫܬܘܼܬܼܵܐ ܕܪܵܘܡܵܐ ܒܲـܪ̈ܩܹـܐ ܨܸܡܚܵܢܹ̈ـܐ
ܒܙܲܗܪܝܼـܪܵܐ ܪܲܒܵـܐ ܟܠܗ̄ܘܼܢ ܡܲܘܕܝܵـܢܹ̈ـܐ،،،

ܟܲـܕ ܠܡܲܪܙܵܐ ܕܝܲܡܵܐ ܒܐܵ̈ܢ̈ܝ ܬܲܚܡܲܢܝܵܬܼܵـܐ
ܪܚܝܼܩܵܐ ܡܢ ܟܸܢܫܵܐ ܘܟܼܠ ܒܲـܪܢܵܫܘܼܬܼܵܐ
ܟܡܵܐ ܠܗܝܼܩܵܐ ܐܝܼـܘܸܢ ܠܚܘܼܒܵـܐ ܘܛܲܝܒܘܼܬܼܵܐ
ܕܲܪ̈ܒܹـܐ ܕܓܵܘ ܠܒܝܼ ܠܲܝܬܠܗ̄ܘ̇ܢ ܢܝܼܚܘܼܬܼܵܐ܀

ܐܵܢ̈ܝ̄ ܕܲܪ̈ܒܝܼ ܥ̄ܬܝܼܩ̈ܐ ܟܝܼܡܹܐ ܝ̄ـܢܵܐ ܣܸـܢܝ̈ـܐ
ܝ̄ܠܝܼـܕܹ̈ܐ ܡܼܢ ܫܸܢܹ̈ـܐ ܒـܝܲـܕ ܐܸܟܬܼܵـܐ ܒܸـܢܝ̈ـܐ
ܒܙܲܒܼـܢ̈ـܐ ܚܲܪ̈ܝܼܦܹـܐ ܒܚܲܦـܘܼܬܼܵܐ ܣܸـܡܝ̈ـܐ
ܡܼܢ ܡܲܪܝܼܪܘܼܬܼܵܐ ܐܲܦ ܚܲܝܹ̈ـܐ ܫܸܢܝ̈ـܐ܀

ܒܩܵܠܵܐ ܕܚܹܐܪܘܼܬܼܵܐ ܩܪܹܐܠܝܼ ܒܝܼ ܝܲܡܵܐ
ܒܚܲܝܹܐ ܒܲܪܢܵܫܵܐ ܒܠܸܒܵܐ ܬܲܡܝܼܡܵܐ
ܠܵܐ ܫܡܝܼܥܠܗ̄ܘܼܢ ܠܩܵܠܝܼ ܟܸܢܫܵܐ ܘܐܲܦ ܥܲܡܵܐ
ܩܸܫܝܘܼܬܼܵܐ ܕܙܲܒܼܢܵܐ ܠܟܼܠܲܢ ܒܸܛܠܵܡܵܐ܀

ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ