وبعد تفكير عميق...اتخذت قراري؟!

[anwar123456]

السلام عليكم, قبل فترة نزلت موضوع " بأنني محتار بين السفر والتعيين" ونصحي كثير من الاخوة بترك التعيين والسفر والبعض الاخر نصحني بالعكس, وبعد تفكير عميق ومشاورة الاصدقاء والاستخارة قررت انه في حالة حصولي على موعد سفر سوف اسافر بعونه تعالى واترك التعيين والخير في ما اختاره الله ولكن سؤالي انه في حال لا سامح الله ضاقت بي جميع السبل في امريكا هل بامكاني الرجوع الى وظيفتي راجيا من الاخوة ذكر تجارب عاشوها او سمعوا بها مع جزيل الشكر .اخوكم انور

[abo shams]

ولو هسه الشباب اغلبهم يكلولك ... انته مسويه حقل تجارب لامريكا ,,, وللعلم اني شخصيا اشوف مسألة عادية جدا
اذا احد سافر ولا سامح الله ما اتوفق فممكن باي وقت يبدي من جديد
موضوع انه الاحتفاظ بالعمل .. اني شخصيا اعرف صديق مهندس بوزارة الكهرباء اخذ اجازه بدون راتب
سافر شهر ال 12 اللي فات  هو وعائلته ووره شهرين رجع ...
وقف الاجازة وسوه مباشرة عمل .. لكن الطريقة و التفاصيل
تعذرني ممكن كثير من الاخوة بالراق اللي على راس عملهم لحد الان يفيدوك

[Awsaws]

يعني اعتقد ما كو حل غير تحصلين موافقه بطريقه او باخرى على اجازه طويله ويفضل طبعا تكون سنه
وان شاء الله يوفقكم ومترجعون ولو اعتقد اكثر يلي يخلون بالهم الرجعه يرجعون ومن الله التوفيق
تحياتي

[ام اديان]

ان شاء الله اذا الله قسملك وسافرت حاول تاخذ اجازه بدون راتب مثل مكال الاخ الفاضل ابو شمس اما الاجرأت اكيد تختلف حسب الوزاره ممكن تاخذ سنه او سنتين حسب ما تسمح بيه الوزاره.وتكدر تقطعها وتباشر قبل فترة انتهائها.وان شاء الله اذا سافرت الله يوفقك وماتحتاج ترجع للوظيفه وتحصل افضل منها بامريكا.بالتوفيق يارب.

[شبعاد]

اخي العزيز انا وزوجي اخذنا اجازة بدون راتب لمده اربعه شهور لان الوزارات اللي نداوم بيها تريد تقرير طبي لواحد من افراد العائله حتى توافقلنا على اجازة لمده سنة بدون راتب فاضطرينا ناخذ لمده 4 شهور على اساس اذا ماتوفقنا راح نرجع وفعلا احنا تقريبا 3 شهور بوحده من الولايات وماحصلنا شغل وقررنا نرجع بس اتصلنا بواحد من الاصدقاء بولايه اخرى وكال تعالو يمنا اكو شغل فجان كدامنا يااما نرجع للعراق او نروح يم صديقنا وبعد منرجع للعراق ونخسر وضائفنا .. وبعد تفكير اتخذنا قرارنا بالسفر للولايه الاخرى والحمدلله صارلنا شهر بيها ومااتندمنا على قرارنا اللي اصورة جان صحيح

[steven_siv]

السلام عليكم, قبل فترة نزلت موضوع " بأنني محتار بين السفر والتعيين" ونصحي كثير من الاخوة بترك التعيين والسفر والبعض الاخر نصحني بالعكس, وبعد تفكير عميق ومشاورة الاصدقاء والاستخارة قررت انه في حالة حصولي على موعد سفر سوف اسافر بعونه تعالى واترك التعيين والخير في ما اختاره الله ولكن سؤالي انه في حال لا سامح الله ضاقت بي جميع السبل في امريكا هل بامكاني الرجوع الى وظيفتي راجيا من الاخوة ذكر تجارب عاشوها او سمعوا بها مع جزيل الشكر .اخوكم انور

اخي العزيز
نصيحة مني اذا مامحتاج امريكا لاتجيها لان المقارنة صعبة جدا خصوصا اذا كنت مرتاح هناك هاي واحد
2 شي حاول اخذ اجازة بدون راتب حتى اذا مردت هناك لاتضيع المشيتين

[Mount Zion]

رفيقي



اذا ما تحرك السفن ما تكدر تمشي خطوه بامريكا

[أسراء الوردة]

نعم أذا تبقى الأمور معلقة راح يكون قرارك ضعيف ومع أول صعوبة تقرر العودة للعراق

[انيس الجالسين]

والله بصراحة اكولك ،، انت الظاهر بعدك ما ماخذ قرار !!!!
عمي احرك السفن واسمع كلام الرفيق ابو عروبة
ومثل ما يكولون : سبع حصوات ذبهن وراك واصعد بالطيارة
ولا تخاف ،، انت بس خليك متفائل وطموح وتوكل على الله قبل كل شي وابد ما راح تتندم

وعلى كل حال ،،
اذا كانت خدمتك فوق سنة او 5 سنوات (حسب الوزارة التي تنتمي لها)
تستطيع اخذ اوراقك التي تثبت بانك كنت خارج العراق وتقدمها الى وزارة الهجرة والمهاجرين
وتاخذ كتاب رسمي منها الى دائرتك التي كنت فيها قبل الانقطاع
ومن ثم ترفع معاملة عودة الى الوظيفة من دائرتك الى الوزارة التي تنتمي لها
تشرح فيها اسباب هجرتك من البلد واسباب انقطاعك عن الوظيفة
(طبعا الاسباب معروفة وهي التهجير القسري او التهديد بالقتل بسبب الاوضاع الامنية)
وفي غضون فترة معينة تعود الى وظيفتك وبنفس الخدمة والدرجة الوظيفية التي كنت فيها
(اذا كنت تستطيع الذهاب الى السفارة الامريكية وتأخذ منهم كتاب معنون الى دائرة الهجرة والمهاجرين يكون افضل)

وكلشي بالعراق العظيم ما مضمون
والقانون قد يناسبك ولا يناسب غيرك
والعكس صحيح

اخيرا ،،، نصيحة لك
اذا كنت متردد وتفكر بما تملك بالعراق فلن تتقدم خطوة ، لانك وبكل تأكيد ستبدأ بالمقارنة
وسترى كل عمل يعرض عليك لا يرقى لما كنت فيه!!
تصور نفسك ومن اول يوم ، انك ولدت من جديد ، وحينها سترى انك كنت في عالم الاموات
 
وبرأيي الشخصي هذه هي الحقيقة وليس تصور ، وستكتشف ذلك في اول مطار تدخله
ولا وجه للمقارنة مع العراق او جميع دول العرب ابدا ابدا

[سيناريو]

اذا انت توك محصل تعيين لازم تمر سنة تحت التجربة يالله يحقلك تقدم على اجازة سنة بدون راتب !! بدونها تعتبر مفصول
واني كدامك نفس مشكلتك بعدني ما مكملة سنة

[alzandawi]

اخويه لازم أراده قويه وقناعه وتوكل على الله  وأكيد الفائدة أكثر من الضرر

[um shaheen]

اخويه لازم أراده قويه وقناعه وتوكل على الله  وأكيد الفائدة أكثر من الضرر

+1

[securityiom]

اذا متكمل اول سنة تعيين مينطون اجازة سنة بدون راتب

[عمر-السامرائي]

اخوية اني نفس حالتك

اخذت اجازة سنة بدون راتب

وهسة اني في تركيا اني وزوجتي واطفالي

صارلي 5 ايام

[فرندو]

الأخ العزيز ارجو منك التمعن بالنقاط التالية قبل اتخاذ اي قرار :
1.السنكل ليس مثل العائلة حيث تكون حياة العازب اصعب من حياة صاحب العائلة .
2. موضوع اللغة الأنكليزية موضوع مهم جداً لمعرفة نظام الحياة في الولايات المتحدة و كل شيء يترتب عليها و تسهيلاتها .
3. نوع الولاية من حيث العمل و المساعدات تؤثر على كثيرا على حياة الفرد .
4. لا اعتقد بمقدور المتعين حديثا اخذ اجازة بدون راتب قبل مرور سنة على تعيينه و حصول تثبيته دائميا .
5. الوظيفة في العراق اصبحت من احلام العراقيين .
مع تقديري

[ابو شهد]

اخي العزيز السلام عليكم
بالنسبة الى موضوعك اني عندي وجهة نظر اذا سمحت لي
اني اعتقد اذا انت مخلي ببالك خط رجعة للعراق بعد السفر والي هو التعيين فانت بكل تاكيد راح ترجع مع اول صعوبة راح تواجهه بامريكا لان انت راح تكول اني شجابني الى امريكا وتركت التعيين واهلي وووووالخخخخخخ لكن العبرة مو بالتعيين وانما العبرة انه ما وراء التعيين وبعدين شراح تحصل الوضع بالعراق كل يوم متغيير ما كو استقرار عمي انت اذا تمرضت بالعراق بعد ما اتطيب اسم الله عليك من المرض لكن هاي حقيقة ارجو وضعها في حساباتك فكر بالمستقبل هل هناك مستقبل ........... الك الخيار


اخوكم ابو شهد ........

[mentalist]

اخويه صاحب الموضوع اذا انت مو فعلا متهدد او حياتك بخطر او متكدر تعيش بصيغه الحياة الموجوده في العراق الجديد بعد الاحتلال فابقى بالعراق احسنلك لان الهجرة مو سهله مثل واحد ينصلخ من جلده القديم ويطلعله جلد جديد يجوز ما يعجبك فلا تسويه الا اذا كنت مضطر جدا او متكدر تواكب الجموع الجاهلة او المغيبه عن الوعي الموجودة بالعراق هسه الى درجة الاصابة بالكابة وتكره العيش في العراق!
غير ذلك اكعد واستلم راتب ولم وسويلك بيت وبيها وبالطنب 

[alialiali10099]

حبيبي امريكا بالذات صعبة ورادلها ركض وتتحمل الضغوطات اذا انت مرتاح بالعراق وامورك زينه وماكووو تهديد على حياتك انصحك بانه تبقى احسلك
الي يخلي اباله رجعه للعراق ليش يسافرة وخصوصا اموره عدله
كل انسان حر قراراته
تحياتي بالتوفيق

[engineera]

اتصور اكو شغلة ثانية لازم تاخذها بنظر الاعتبار هو الي يكسر قانون الهجرة ويرجع قبل الكرين كارد بعد ماله حق يدخل لامريكا
ومااعرف حتى بعد سنة من ياخذه اله حق اذارجع للعراق يدخل امريكا مرة ثانية؟

[alzandawi]

اتصور اكو شغلة ثانية لازم تاخذها بنظر الاعتبار هو الي يكسر قانون الهجرة ويرجع قبل الكرين كارد بعد ماله حق يدخل لامريكا
ومااعرف حتى بعد سنة من ياخذه اله حق اذارجع للعراق يدخل امريكا مرة ثانية؟

.      اخويه هايه معلومه اول مره اسمع بيهه  يعني الي يرجع قبل الكرين كارد يصير عليه منع واله شنو قصدك أرجو التوضيح

[Awsaws]

اتصور اكو شغلة ثانية لازم تاخذها بنظر الاعتبار هو الي يكسر قانون الهجرة ويرجع قبل الكرين كارد بعد ماله حق يدخل لامريكا
ومااعرف حتى بعد سنة من ياخذه اله حق اذارجع للعراق يدخل امريكا مرة ثانية؟

اخي اعتقد هاي المعلومه بيها غلط اعرف اشخاص رجعو قبل الكرين كارت باستحصال موافقه قبل المغادره
مع تقدير

[alialiali10099]

اتصور اكو شغلة ثانية لازم تاخذها بنظر الاعتبار هو الي يكسر قانون الهجرة ويرجع قبل الكرين كارد بعد ماله حق يدخل لامريكا
ومااعرف حتى بعد سنة من ياخذه اله حق اذارجع للعراق يدخل امريكا مرة ثانية؟

اخي اعتقد هاي المعلومه بيها غلط اعرف اشخاص رجعو قبل الكرين كارت باستحصال موافقه قبل المغادره
مع تقدير

اني اعرف اذا رجع قبل الكرين كارت بعد ما يحق له دخول امريكا صح اذا اكووو احد يعرف على هل موضوع خلي يدخل يوضح النا ؟؟؟؟
اما بعد استخراج الكرين كارت يصبح مواطن مقيم في امريكا وله الحق بالتنقل اي ولاية وكذلك ممكن يروح الى اي دولة وحتى العراق ممكن يروحله.
تحياتي

[s350thebest]

الله يوفقكم جميعاً.

[Awsaws]

اتصور اكو شغلة ثانية لازم تاخذها بنظر الاعتبار هو الي يكسر قانون الهجرة ويرجع قبل الكرين كارد بعد ماله حق يدخل لامريكا
ومااعرف حتى بعد سنة من ياخذه اله حق اذارجع للعراق يدخل امريكا مرة ثانية؟

اخي اعتقد هاي المعلومه بيها غلط اعرف اشخاص رجعو قبل الكرين كارت باستحصال موافقه قبل المغادره
مع تقدير

اني اعرف اذا رجع قبل الكرين كارت بعد ما يحق له دخول امريكا صح اذا اكووو احد يعرف على هل موضوع خلي يدخل يوضح النا ؟؟؟؟
اما بعد استخراج الكرين كارت يصبح مواطن مقيم في امريكا وله الحق بالتنقل اي ولاية وكذلك ممكن يروح الى اي دولة وحتى العراق ممكن يروحله.
تحياتي

نعم ممكن يرجع قبل الكرين كارت باستحصال موافقه خاصه وطبعا الموافقه مسئله روتينيه واعرف ناس سوها ورجعو لتصريف بعض الاعمال وايضا عندي صديق سافر للصين قبل استحصال الكرين كارت يعني ماكو مشكله
مع تحياتي