هل هذا شيء طبيعي

[@wesam brother@]

اخواني الاعزاء السلام عليكم..بعد 20 يوم يصير الفحص الطبي اكسباير ولحد الان لم اقابل محلف فهل هذا الشي طبيعي واكو واحد مثلي لو ماكو علما المقابلة الاولى قبل 13 شهر...التقديم من بغداد وشكرا لكم مقدما ويا رب الفرج للجميع

[نيوتن]

وعليكم السلام اخي العزيز ماعندي معلومة دقيقة يمكن صايرة وية اعضاء امقدمين من دول الجوار

ان شاء الله تعيد الفحص وتقابل بنفس الشهر

نيوتن من بغداد 103

[kunda]

اي نعم اخي العزيز طبيعي وصارت هواية سابقا

[Haider ALtaie]

ان شاء الله تكون طبييعي

[ehab282003]

هايه اخبار غير مفرحه ,,, ياربي يفرجها ع الكل بجاه الحبيب محمد

[securityiom]

صديقي صار سنتين ينتظر مقابلة ثانية عاتييي

[hodhod13]

السلام عليكم
اخويه اني هم نفس الشي صلي 11 شهر من قابلت مقابلة اولى ولحد الان انتظر مقابلة ثانية وهم ياهو اشوفه يقابل مقابل اولى ور شهر يقابل ثانيه زين احنه ليش هيج مادري حضنه لو شنو والله اعلم

[firas baghdadi]

الحقيقة هو اكو هيجي حالات بس هي النسبة الاقل . فانتوا لازم تراسلوهم باستمرار
واحتمال انتوا اصلا مقابلين اولى مبكر جدآ. يعني الكيسات القديمة كلنا ورة سنتين يلة دزوا علينا مقابلة أولى. بس عندي صديق قابل اولى ورة 6 اشهر من التقديم وتأخرت الثانية مالتة مثلكم بحيث بعدين تساوينا اني ويا.
احتمال همة ديسون هيجي حتى يمشون تقريبا بالسرة على كل الكيسات.
والموضوع بسيط وميحتاج اي قلق.

ان شاء الله الكل تقابل وتنقبل وتسافر
 تحياتي

[cristiano ronaldo]

اخي العزيز
اني قابلت مقابلة اولى ورة سنة وشهرين من حصولي ع الكيس نمبر وورة سنة قابلت ثانية كلمن وحظة

والفحص صار اكسباير شي عادي تعيدة والله كريم

انشالله يحددولك مقابلة بأقرب وقت

[hodhod13]

اخوية العزيز اني مقدم من 3/2011 انطوني كيس نمبر وبشهر 4/2012 مقابلو اولى وهاي حدخل سنة وانتظر مقابلة ثانية والفحص هسه اكسباير وحته بصمات سويت والمقابلة الثانية ماكو والله كريم

[firas baghdadi]

السلام عليكم
اخواني baghdad antigen, hodhod13,cristiano ronaldo و بالنسبة لصديق ehab282003 الي صار سنتين دينتظر ثانية

كم واحد بيكم عنده ربط قوي بغير كيسات؟
اذا ممكن . بدون زحمة عليكم.

مع الشكر الجزيل

[firas baghdadi]

السلام عليكم
اخواني baghdad antigen, hodhod13,cristiano ronaldo و بالنسبة لصديق ehab282003 الي صار سنتين دينتظر ثانية

كم واحد بيكم عنده ربط قوي بغير كيسات؟
اذا ممكن . بدون زحمة عليكم.

مع الشكر الجزيل

مرحبه اخويه العزيز فراس ..
اني وحدي بالكيس مالتي و ما عندي ربط بغير كيسات .. و  حته لو نكول احتمال التاخير سببه الامنيه اني ما مسافر بره العراق ابد و ما خادم عسكريه لان ملحكت عليها ..
تحياتي لحضرتك

الامنية الاولى مالها علاقة بالسفر السابق ولا بالخدمة العسكرية اخوية العزيز. الامنية الاولى على اسمك وبصماتك وصورتك وجوازك ومستمسكاتك ....الخ . من تقابل محلف ويعتمد على اقوالك وتاريخك المدني والعسكري يلة تبلش الامنية اللي ابالك. هذا الي اعتقده. وحجينا بهذا الموضوع سابقآ في موضوع مختلف وليش غيروا السياسة مال الامنية. حيث كانت سابقآ تبدأ بعد مقابلتك للمحلف.
ان شاء الله متكون الامنية مالتك هي السبب. ويكون السبب مجرد حظ.. ومع ان أولوية السفر مثل مدنشوف هي للعوائل اتمنالك ان شاء الله ربي يوم مقابلتك القريبة ويوم السفر القريب
تحياتي

[baghdad antigen]

صح اخ فراس مثل مكلت اني هم ما اتوقع الامنيه الها دخل بس جان قصديبحته لو افترضنا انه الها دخل ..
شغل المنظمه عبثي و هوسه من فوك ليجوه و ما عدنه غير انه نتحمل خربطتهم ..
مشكور على دعواتك هذا من طيب اصلك و ان شاء الله يوم تفرحنه بسفرك باقرب وقت ..
تحياتي

[firas baghdadi]

صح اخ فراس مثل مكلت اني هم ما اتوقع الامنيه الها دخل بس جان قصديبحته لو افترضنا انه الها دخل ..
شغل المنظمه عبثي و هوسه من فوك ليجوه و ما عدنه غير انه نتحمل خربطتهم ..
مشكور على دعواتك هذا من طيب اصلك و ان شاء الله يوم تفرحنه بسفرك باقرب وقت ..
تحياتي

اخوك من جماعة الطابوكة

تحياتي