المحرر موضوع: ܦܪܡܠܗܘܢ ܚܕܘܬܝ ܒܥܐܕܐ ܕܡܘܠܕܝ  (زيارة 1084 مرات)

0 الأعضاء و 1 ضيف يشاهدون هذا الموضوع.

غير متصل بولص دنخـا

  • عضو فعال جدا
  • ***
  • مشاركة: 145
  • الجنس: ذكر
    • مشاهدة الملف الشخصي
    • www.nohadra.com

:'(ܦܪܡܠܗܘܢ ܚܕܘܬܝ ܒܥܐܕܐ ܕܡܘܠܕܝ

ܢܝܣܢ ܚܕܘܬܐ ܕܡܘܠܕܐ ܕܐܬܘܪܝܐ
ܡܐܝܟܐ ܐ݇ܬܐܠܗ ܐܗ ܩܡܨܐ ܒܪܒܪܝܐ
ܕܡܟܠܐ ܡܢܝ ܚܕܘܬܝ
ܕܡܪܚܩ ܡܢܝ ܦܨܚܘܬܝ
ܘܥܠ ܙܒ݂ܢ̈ܐ ܘܕܪ̈ܐ
ܡܟܠܐ ܠܫܡܫܐ ܕܚܐܪܘܬܝ.

ܒܟܠ ܚܕܐ ܦܢܝܬ݂ܐ ܡ̣ܢ ܐܪܥܝ
ܒܢܗܫܐ ܝܠܝܗܝ ܣܝܦ̈ܐ ܫܠܕܝ
ܡܩܘܕܐ ܝܠܝܗܝ ܠܩܝܢܘܬܐ ܕܚܝܝ
ܒܦܪܣܐ ܝܠܝܗܝ ܝܗܠ̈ܐ ܕܪܗܝܒ݂ܘܬ݂ܐ
ܒܦܪܣܐ ܝܠܝܗܝ ܝܗܠ̈ܐ ܕܡܘܬ݂ܐ
ܠܦܪܡܬܐ ܕܚܕܘܼܝܬ݂̈ܐ ܕܡܘܠܕܝ
ܘܡܟܠܝܬܐ ܠܫܡܫܐ ܕܚܐܪܘܬܝ.

ܢܝܣܢ، ܪܘܫܡܐ ܕܒܪܵܝܬܐ
ܪܘܫܡܐ ܕܓܡܝܪܘܬܐ ܕܐܝܬܘܬܝ
ܢܝܣܢ، ܡܕܝܢܝܘܬܐ ܕܐ݇ܢܫܘܬܝ
ܓܘ ܥܕܥܐܕܘܟܼ ܟܠܐ ܝܠܗ ܙܒ݂ܢܐ
ܢܦܠܗ̇ ܫܡܫܐ
ܢܦܠܗ ܣܗܪܐ
ܛܒ݂ܘܬ݂ܐ ܘܫܪܪܐ
ܠܝܬܠܝܗܝ ܦܝܫܐ ܕܘܟܐ
ܒܝܫܬܐ ܩܪܡܠܗ̇
ܡܘܬ݂ܐ ܦܪܣܠܗ
ܥܠ ܛܘܪܐ ܘܪܘܡܬܐ
ܕܒܝܬܢܗܪ̈ܝܢ ܐܬ݂ܪܝ.

ܡܝܬܠܗ̇ ܛܒ݂ܘܬ݂ܐ ܒܟܠ ܦܢܝܬ݂ܐ ܕܐܪܥܝ
ܫܘܬܦ̈ܐ ܕܬܘܪܣܝܝ ܘܠܚܡܝ
ܕܐܒ݂̈ܐ ܦܪ̈ܘܛܐ ܒܩܝܕܡܬܐ ܘܪܡܫܐ
ܒܢܗܫܐ ܠܫܠܕ̈ܐ ܕܫܒ݂ܪ̈ܝ
ܕܥܬܝܕ̈ܐ ܕܐܘܡܬـܝ
ܡܩܘܕܐ ܠܚܩܠܝ
ܬܘܪܣܝܐ ܕܚܝܝ
ܒܫܒ݂ܩܝ ܫܘܠܚܝܐ
ܬܚܘܬ ܪ̈ܚܡܐ ܕܠܝܠܐ
ܬܚܘܬ ܪ̈ܚܡܐ ܕܫܡܫܐ
ܠܐ ܒܝܬܐ ܒܒܦܝܫܝ
ܠܐ ܓܦܐ ܚܡܘܝܝ.

ܠܐܟ݂ܐ... ܓܘ ܡܬـܝ ܙܥܘܪܬܐ
ܘܬܡܐ... ܓܘ ܟܠ ܦܢܝܬ݂ܐ ܕܒܝܬ݂ܢܝܣܢܐ
ܘܵܠܝܼ ܒܫܪܝܐ ܠܟܠܒ̈ܗ ܣܪ̈ܝܚܐ
ܘܚܡܪ̈ܘܢܐ ܨܗܝ̈ܐ ܕܕܡܐ
ܒܢܗܫܐ ܒܓܼܪܝ ܒܥܐܕܐ ܕܒܝܬܝܠܕܝ
ܣܒ݂ܐ ܘܡܪܥܝܐ ܫܡܘܪܝܗܝ ܒܢܗܪ̈ܐ
ܒܪܚܠܒ݂ܐ ܒܚܛܦܗ ܡ̣ܢ ܩܦܠܐ ܕܝܡܗ
ܒܣܪܛܐ ܠܟܪ̈ܣܐ ܕܛܥܝܢ̈ܐ
ܒܢܝܙܝ̈ܗܝ ܒܪܒܪ̈ܝܐ
ܒܢܬ݂̈ܢ ܒܙܬ݂̈ܐ ܕܒܝܫ̈ܐ
ܥܠܝܡ̈ܢ ܢܝܫ̈ܐ ܕܓܘܠܠܬ݂̈ܐ
ܠܝܬ ܦܝܫܐ ܚܝܐ ܡ̣ܢ ܒܢ̈ܝ ܡܬ݂ـܝ
ܫܒ݂ܘܩ ܡ̣ܢ ܚܘܡܝ̈ܐ
ܬܚܘܬ ܕܫܠܕ̈ܐ ܕܒܢ̈ܝ ܐܘܡܬـܝ.

ܡܘܕܝ ܬܢܢ ܠܟܠܝܗܝ ܐܢܝ ܕܝܪ̈ܐ
ܡܘܕܝ ܬܢܢ ܠܟܠܝܗܝ ܐܢܝ ܣܗܕ̈ܐ
ܡܘܕܝ ܬܢܢ ܠܟܠܝܗܝ ܐܢܝ ܡܗܘܡܢ̈ܐ
ܡܘܕܝ ܐܡܪܢ ܩܐ ܓܪ̈ܡܐ ܕܒܒܝ ܘܝܡܝ
ܡܘܕܝ ܬܢܢ ܒܘܬ ܗܟܪܝ ܘܛܘܪܥܒܕܝܢ
ܘܡܬܘܬ̈ܢ ܛܡܝܪ̈ܐ
ܡܘܕܝ ܐܡܪܢ ܩܐ ܐܪܥܝ ܩܕܬܐ
ܘܐܟܝܬܘ ܒܫܬܝܐ ܡ̣ܢ ܡܝܐ ܕܚܫܐ
ܘܐܢܐ ܓܘ ܫܘܩܐ ܕܥܨܝܨ̈ܐ
ܓܘ ܓܠܓ̰ܘܬܐ
ܓܘ ܟ̰ܩܟ̰ܩܬܐ
ܘܕܘܪ̈ܫܐ ܣܦܝܩ̈ܐ.

ܡܘܕܝ ܐܡܪܢ ܩܬܘܟ݂ܘܢ ܝܐ ܒܢܘܢ̈ܐ ܕܐܘܡܬـܝ
ܕܐܟ݂ܝ ܗܩܢ ܠܐܗܐ ܓܘܢܚܐ
ܚܝܘܬܝ ܝܠܗ̇ ܙܡܪܬܐ ܕܡܘܬܐ
ܐܢܐ ܫܢܓܼܠܝ ܠܚܫܐ
ܐܢܐ ܫܢܓܼܠܝ ܠܢܦܠܬܐ
ܐܢܐ ܫܢܓܼܠܝ ܠܬܒ݂ܪܬܐ
ܗܠ ܕܣܩܕܠܗ̇ ܡܢܝ ܐ݇ܢܫܘܬܐ.

ܝܐ ܥܪ̈ܘܩܐ ܡ̣ܢ ܡܘܬܐ
ܝܐ ܒܨܘܝ̈ܐ ܠܟܒ݂ܝܢܐ ܕܫܝܢܐ
ܠܐ ܥܪܩܝܬܘܢ
ܠܐ ܫܒ݂ܩܝܬܘܢ ܠܝ ܒܢܦ̮ܫܝ
ܘܓܘ ܓܠܘܬܐ ܙܡܪܝܬܘܢ ܒܐܪܥܝ
ܓܘ ܓܠܘܬܐ ܩܪܝܬܘܢ ܒܒܢܝܬܐ ܕܡܬـܝ
ܓܘ ܓܠܘܬܐ ܙܡܪܝܬܘܢ ܒܕܥܪܬܐ
ܘܐܢܐ ܒܡܝܬܐ ܒܫܠܝܘܬܐ
ܒܥܠܘܠ̈ܐ ܕܡܬـܝ
ܘܒܝܬܢܝܣܢܐ ܒܡܝܬܐ ܒܫܠܝܘܬܐ
ܒܟܠ ܩܘܪܢܝܬܐ ܕܐܬܪܝ.

ܬܫܥܝ ܘܬܡܢܝܐ ܫܢ̈ܐ ܥܒ݂ܪܗܘܢ
ܠܩܛܠܐ ܕܥܡܝ
ܬܫܥܝ ܘܬܡܢܝܐ ܫܢ̈ܐ ܥܒ݂ܪܗܘܢ
ܠܫܒ݂ܩܬܐ ܕܐܬܪܝ
ܬܫܥܝ ܘܬܡܢܝܐ ܫܢ̈ܐ ܥܒ݂ܪܗܘܢ
ܠܣܠܒܬܐ ܕܐܪܥܝ
ܬܫܥܝ ܘܬܡܢܝܐ ܫܢ̈ܐ ܥܒ݂ܪܗܘܢ
ܠܐ ܛܠܒܬـܝ ܠܒܢܝܬܐ ܕܒܝܬـܝ
ܬܫܥܝ ܘܬܡܢܝܐ ܫܢ̈ܐ ܥܒ݂ܪܗܘܢ
ܘܐܢܐ ܒܚܝܐ ܓܘ ܚܫܝ.

ܫܒ݂ܘܩ ܕܗܘܐ ܕܘܟ݂ܪܢܐ ܕܣܝܦܐ
ܚܝܠܐ ܕܛܠܒܬـܝ ܠܐܪܥܝ
ܫܒ݂ܘܩ ܕܗܘܐ ܕܘܟ݂ܪܢܐ ܕܣܝܦܐ
ܚܝܠܐ ܕܚܘܝܕܐ ܕܐܘܡܬـܝ
ܫܒ݂ܘܩ ܕܗܘܐ ܕܘܟ݂ܪܢܐ ܕܣܝܦܐ
ܚܝܠܐ ܕܒܢܝܬܐ ܕܡܬـܝ
ܫܒ݂ܘܩ ܕܗܘܐ ܕܘܟ݂ܪܢܐ ܕܣܝܦܐ
ܚܝܠܐ ܕܡܕܥܪܬܐ ܕܙܕܩܝ
ܡܕܥܪܬܐ ܕܐ݇ܢܫܘܬܝ
ܘܕܥܪܬـܝ ܠܐܪܥܝ.

ܫܡܥ ܠܩܠܐ ܥܠ www.nohadra.com