السفارة الكندية قابلتني بس عندي قلق

[على حب الله]

مرحبا اخوان

اني الحمد لله قابلت بالسفارة في بيروت ووقعت الصك واستلمت اوراق الفحص

ولكن !!!!!!

السفير ذكرلي جملة من طلعت انو مو تعتبرها  الموافقة النهائية


هل من الممكن انو حتى لو انطوني اوراق الفحص ممكن تلغي؟او يحدث رفض من السفير؟

ياريت العندة خبرة يجاوبني لانه بصراحة قلق جدا

تقبلو فائق تقديري واحترامي

[سامرالهاشمي]

up

[/size][/size][/size]

[ابو اوس 2]

الف مبروك وان شاء الله موعد سفر قريب
ارجو ان تشرح لنا عن المقابلة والاسئلة التي وجهت لحضرتك
مع الشكر

[على حب الله]

اخي العزيز ابو اوس2

اشكرك على دعائك وربي يسهل امرك وامر الجميع


بالنسبة لاسئلة المقابلة هي من ضمن الفورما عن  مكان الولادة ,مكان الخدمة العسكرية والتواريخ, سنة التخرج لاخر مرحلة تعليمية,اسباب الخروج من العراق؟,اسباب عدم العودة الى العراق؟,منو عندك بكندا ؟اسماؤهم وعنوانهم اي مقاطعة؟المهن الي تجيدهة ,تقارير طبية تمتلكهة؟

يعني التركيز على الاسئلة من خلال تكرارها بين فترة واخرى


والله يوفق الجميع

تحياتي

[ابو اوس 2]

اشكرك اخي على حب الله على تعاونك معي
اخي هل طلبو منك دفتر الخدمة العسكرية وهل فقدانه يؤثر بشكل سلبي لا قدر الله او الموضوع عادي في حالة ذكر السبب لفقدانه ؟؟؟؟؟؟؟؟؟؟
اعذرني لازعاجك بكثرة الاسئلة
الله يوفقك انت وعائلتك ويسهل امركم

[على حب الله]

العفو اخوية ابو أوس 2 تدلل اني برسم الخدمة

بالنسبة لدفتر الخدمة العسكرية نعم طلبو مني وفتشو بيه ورقة ورقة وسالوني عن التواريخ ومكان الخدمة واستنسخو عدهم على الرغم من انو توجد نسخة بالفورمات فقط لاول صفحتين لكن السفير استنسخةبالكامل

واعتقد انو وجودة بالمقابلة مهم جدا لكن .... في حال يوجد عذر قوي لفقدانة مممممكن انو يساعدك بس والله اني اعتبر وجودة جدا ضروري ان شااء الله يقتنع السفير بسبب الفقدان لدفتر الخدمةالعسكرية

تمنياتي لك بالموفقية

[ابو اوس 2]

اكرر شكري وامتناني لحضرتك اخي الغالي على حب الله
على سعة صدرك وتعاونك معي
وسؤال اخر لو تسمح بالنسبة موضوع حزب البعث هل تطرق له بالاسئلة وكيف ؟؟؟؟؟
وبالنسبة لسؤال هل تعمل الان او لا او كيف تعيش هل تطرق له ؟؟؟؟؟؟؟
دعائي لك بالتوفيق

[على حب الله]

اخوية العزيز ابو اوس

بالنسبة لحزب البعث خصوصا لم يتطرق له ولكن بشكل عام انو هل تنتمي لاي حزب معين سواء اكان في النظام السابق او في النظلام الحالي وتشعر بانك مضطهد بسبب انتماءك لحزب معين

واما بالنسبة للحالة المعيشية فمتطرقة الهة نهائيا فقط سالو اذا كانت عندك اقامة بالبلد اللي ساكن بيه حاليا  او لا وايضا سال السفير عن المهن اللي تزاولهة سواء في العراق او حاليا  فقط لاغير


تحياتي لحضرتك

[ابو اوس 2]

اخي على حب الله
اشكرك كثيرا اخجلتني بكرم اخلاقك وروح المساعدة التي تمتلكها
ان شاء الله في ميزان حسناتك
بالتوفيق

[Dark...Angel]

الف مبرووووووووووووووك واخيرا الحمد لله ولشكر 
ان شاء الله عن قريب تبشرنا عن موعد سفرك

بس سؤالي لحضرتك من تفتح الموقع شوكت يطلعلك
انو استلمو ملفك ؟؟

تحياتي

[على حب الله]

اخويةالعزيزdark angel

اشكر جزيل الشكر  وان شاء الله يوم اللي تبشرنا بموعد مقابلتك عن قرييب


حبيبي بالنسبة للموقع عندي مشكلة بيه ماعرف شنو كلما ادخل المعلومات يطلع عندي خطأ


فخليتها على الله والحمد لله بس للعلم انو اني سلمت الفورمات للسفارة بتاريخ حزيران 2012

والحمد لله لم اكمل ال11 شهر من الفورمات واتصلو بيه لموعد مقابلة والغريب انو موعد مقابلتي ثاني يوم من اتصال السفارة بيه

وان شاء الله تفرحنة هالايام بموعد مقابلتك

تحياتي

[المبشر]

اتمنى من ربي السفر القريب والاستقرار لحضرتك . تمناتي بالموفقية

[على حب الله]

حبيبي المبشر

تسلم اخوية العزيز تمنياتي لك بالتوفيق وان شاء الله يوم اللي تبشرنة بسفرك

تقبل تحياتي

[ابو ماهر]

السلام عليكم اخوان
اني عندي استفسار واتمنى اتفيدوني بالختصار اني قدمت عاى المفوضيه بعمان شهر 9 واخذت ورقةالحايه وبالعاشر قدمت على الكفاله الخماسيهوبعد اربعةاشهر رجعوا الاوراق لغرض اكمالها حسب كلام الكفيل ولحدهذه اللحظه ماكو اي خبر اي من شهر الثاني 2013 الى هذا يومنه يعني اكو هيجي حاله مثلنه
علما اني قدمت شهر 10/2012