طلب 5000 مترجم عراقي ومنحهم الفيزا خلال 72 ساعة

[abo mays]

    
  
البينة/ خاص أكد دبلوماسي عربي ان السفارات الامريكية قد طلبت بشكل عاجل خلال الشهر الفائت خمسة آلاف مترجم عراقي لاسباب غير واضحة.

واضاف الدبلوماسي العربي العامل في سفارة بلاده في القاهرة ان هنالك حملة امريكية محمومة تقوم بها السفارات الامريكية في البلدان العربية والاجنبية وفي العراق خصوصاً من أجل ترغيب مترجمين عراقيين ممن عملوا سابقاً مع القوات الامريكية في العراق لغرض التوجه الى سفاراتها في اي بلد للحصول خلال 72 ساعة على الفيزا ومن ثم الكرين كارد بكل سهولة لاسباب مجهولة ومقلقة. ويذكر ان عددا كبيرا من هؤلاء المترجمين كانت قد رفضت طلباتهم سابقاً من قبل القوات الامريكية قبيل انسحابها وكان قبول البعض يستدعي معاملات معقدة ورشاوى. وشدد الدبلوماسي العربي ان مثل هكذا توجه يُعدّ مقلقاً ويجب ان يُدق له ناقوس الخطر في العراق قبل اي مكان آخر. ويذكر ان الاتفاقية الاستراتيجية العراقية الامريكية قد نصّت في أحد بنودها على عبارة مطاطة تشير الى ان من ضمن التزامات الولايات المتحدة الامريكية، هو حماية العملية الديمقراطية في العراق.  
                                              تحياتي ... ابوميس


http://www.al-bayyna.com/modules.php?name=News&file=article&sid=62810
الرابط /

[أسراء الوردة]

الأخ الكريم

شكراًً للموضوع

العراق حسم أمره .... من المؤكد أنهم يعدون العدة للتدخل ببلد عربي

لاحول ولا قوة ألآ بالله العلي العظيم

[abn_albld]

الاخ ابو ميس تحية طيبة
بس ناوشني التقديم وين ؟

[alzandawi]

الله الساتر

[securityiom]

هاي الجريدة معروفة بعدم مصداقيته شنو همه عايزين مترجمين لعد السافروا شنو نصهم يتمنون يشتغلون
تحياتي

[أحمد واشنطن]

مترجمين مجنسين موجودين داخل امريكا كومه، عشرات الالاف... مصدر الخبر مو موثوق و الخبر نفسة خالي من المنطق

[single man]

يعني هاي الجريدة غير رسمية و ممكن يكون الخبر غير صحيح
لكنه غير مستبعد
تحياتي

[ankawa_2010]

5000 الاف خلال 72 ساعة وين الامنية الاولى وين الثانية ؟؟؟

[saif salih]

لا والحلو انه 5000 مترجم عراقي
زين لويش عراقين يعني على راسهم ريشة مال هنود حمر


سيف صالح

[alomaree]

اولا انشاء الله يكون الخبر كاذب . وثانيا اذا لا سامح الله هذا الخبر الصحيح فمعناهة راجعين الربع لبغداد ( ولو شوية صعبة خاصة مع الاقتصاد الامريكي بوضعة الحالي ) لان الاخبار الحالية مال العراق ما تبشر بخير .

[جورجيا]

خبر غريب 

[ألن في بلاد العجائب]

ههههههههههههههههههه اي مو تدري امريكا ما بيها مترجمين و هسه انحصروا بزاويه فديدزون عليهم 

جريدة البينه جريده لنشر النكات و الاخبار المضحكه و ما بيها اي مصداقيه قابل هي النيويورك تايمز لو التلغراف 

[dreng]

هاي الجريدة معروفة بعدم مصداقيتها

خبر لايصدقه عاقل

[تـًعـًبـًنـي حـًكـمًك ياًزمـًن]

هيه المشكله مو بالخبر المشكله بالموقع اتوقع مخترقي لان حسب علمي اني مصمم مواقع واشتغل بنظام الجافا والدوس .. حللت الروابط مالته  وشفت المنتدى محاوليين يخترقو  هكرية . واتوقع ناجحين لان بي ثغرات اهوايه وثاني شي الصفحه جنها مقتبسه شلون هسه اني اكدر اسوي صفحه عن عنكاوا بس برابط يكون ملغم وهذا هيج الموقع  . بس الرابط مو ملغم لان الشاب ناقل الخبر مناقل رابط المنتدى .  فنشاريين هذا الخبر الوهمي حتى يحصلون على اكبر عدد من الضحاية . من كل الدول .. المهم تره الي ناقل الموضوع مسكين وفاعل خير لا اكثر ميعرف خطيه تحياتي اخوكم عمر العزاوي ..

[أحمد واشنطن]

عمر كلامك صحيح صالي يومين دايخ حاسبتي تخربط من وره فايروس... بعد ما افتح أي لنك بالموقع

[اجونة]

اولا انشاء الله يكون الخبر كاذب . وثانيا اذا لا سامح الله هذا الخبر الصحيح فمعناهة راجعين الربع لبغداد ( ولو شوية صعبة خاصة مع الاقتصاد الامريكي بوضعة الحالي ) لان الاخبار الحالية مال العراق ما تبشر بخير .

+1

[zanab]

اخوان احب اؤكد لكم ان هذا الخبر عار عن الصحة لاني اعرف هواي مترجمين بعدهم ينتضرون سفر وبعضهم اجاهم رفض 
وعليه هذه الصحيفة او الخبر ليس له صحة ابداً ابدً ؟؟؟

[Ŗảaḟaṱ Hấmẕā]

اشاعات تحياتي لك

[طنةطنة]

مو كل شيء نقراه نصدكة اكو اهواي جرايد بس تحشي اخبار بالبلاش هاي مضى اكثر من 16 يوم وكلشي ما شفنه