المحرر موضوع: حلم لو حقيقة !! ملفات مغلقة وبالموقع غير شكل !! (زيارة 1709 مرات)

المهندس سيوفي · « **في:** 10:22 07/06/2013 »

اخوتي اعزائي

هم سامعين بملفات كانت مرفوضة وانغلقت وبعد معاينة الملف عالموقع الكاهن بانتظار النتيجة والمقابلة الاولى والثانية مكتمل والفحص الطبي اكسباير والتجييك الامني بالانتظار ؟؟؟

احنه اجانه رفض محلفين من 2010 وبعدين سويت استئناف باسمي واسم والدتي واخوية وانقبل الاسئناف بس الي بحجة امك واخوك مادزوا الاستئناف مالتهم رديت عليهم في وقتهه بالتلفون وكلتلهم امي كبيرة بالعمر ومنيلهه ايميل وشجابهه عالسوالف هاي همة ماشين وراية!!

تركت فكرة السفر من 2010 واصابني الفضول اسل عالموقع واشوف شكو ماكو وهنا الصدمة

ملفات امي واخوية مثل ماذكرت في بداية كلامي بانتظار النتيجة والمقابلة الاولى والثانية مكتمل والفحص الطبي اكسباير والتجييك الامني بالانتظار

هل سامعين بملفات مغلقة وتم اعادة فتحهه اوتوماتكيا؟؟ اني ماكذبت خبر دزيت ايميل للمنظمة اتاكد من حالة الملفات وبانتظار الرد

انتو شنو رايكم ؟؟ خربطة من الموقع ؟؟ لو شنووو

ارجو الرد والتفاعل

تحياتي
المهندس سيوفي

ابو سماني · « **رد #1 في:** 10:27 07/06/2013 »

أخــي المــنظــمة على خــربطــتــهـا

بــس تبقى تعــمل بنظــام ومــتابعة دقيقة

وأن كــان هــناك تلكأ وخــربطــة في عـملــها فهذا يأتي

من اوامر امريكية تغير المعادلة في عملهـا تجـاه المسـافر

مثل بالمطــار ويرجـع أو يجيه سفر ويلغى وغــيرهـا

أمــا مســـألة المــوقع هــناك من ســافر وملفه

غير محــدث وبقي بأنتظــار النتيجة وهذه حالات نـادرة

تصــوري حــول قضــيتك هــي ان ملفكم تم فتحه وقبولكـم إن شــاء الله

لأن الفترة طــويلة من أستئنفتوا ولكــن لا تنسه تعطيهم رقم الجــوال للتواصل معك

تقبل تحياتي وبالتوفيق
ابــو ســـماني

المهندس سيوفي · « **رد #2 في:** 10:54 07/06/2013 »

ابو سماني --- اشكرك عالرد

شنو اللي يخليك تتوقع انه ملفاتهم انفتحت بعد ماتبلغت بصورة رسمية منهم انه قضاياهم انغلقت؟؟ وهل سامع بهيج حالات قبل ؟؟

ابو سماني · « **رد #3 في:** 11:03 07/06/2013 »

لأنـــه حضــرتك قدمــت أستئـنــاف و90% من إلي أستئنفوا

يوافقــون عــليهم...بالاضــافة بالموقع يكــتبون مغلق وليس انتظار النتيجة

تقبل تحياتي
ابـو ســماني

المهندس سيوفي · « **رد #4 في:** 11:10 07/06/2013 »

صحيح الاستئناف انقبل بس كالوا بس لرقم القضية مالتك

اما والدتي واخوية اللي كل واحد بيهم بكيس نمبر مختلف كالوا انغلقت قضيتهم وبايميل رسمي ؟؟؟

ممكن الرد

ابو سماني · « **رد #5 في:** 12:16 07/06/2013 »

مقتبس من: المهندس سيوفي في 11:10 07/06/2013

صحيح الاستئناف انقبل بس كالوا بس لرقم القضية مالتك

اما والدتي واخوية اللي كل واحد بيهم بكيس نمبر مختلف كالوا انغلقت قضيتهم وبايميل رسمي ؟؟؟

ممكن الرد

الكـــــــــلام أكــثر من هــذا من الغــيبيـات

لذلك الافضــل تســـأل عن ملفهم بإيمـيل بدون تبينلهم أنه مغلق

فقــط أســـتفـســــــــار طــبيـعـي ....وأنتــظر الرد وأطـلب مـنهم الاتصــال

الهـاتفــي لأن محــتاج معرفة تفاصيل الفـايل بس أبد لاتتطــرق لغلق الفايل امامهم

تقبل تحياتي
ابـو ســماني

ARMY STRONG+1 · « **رد #6 في:** 12:20 07/06/2013 »

وين هل غطه يمعود سيوفي أخبارك انگطعت مشتاقين ورده

المهندس سيوفي · « **رد #7 في:** 13:15 07/06/2013 »

حبيبي ارمي الداعي اشوق !! عندك فكرة عن حالتي ؟؟

المهندس سيوفي · « **رد #8 في:** 20:25 07/06/2013 »

لورنس السفاح · « **رد #9 في:** 20:36 07/06/2013 »

سيوفي عيني شلونك اخبارك ان شاءالله بخير
بالنسبة لسؤالك
ولو هو راح تبين من يردون ع الاميل الي دزيته الهم
بس اني اكول ههههههههه ولو مااريد احبطك
بس هم بكلشي مخربطين بس بشغلة الفحص تقريبا غير شكل
يعني
لو الكيس شغال كان اتصلوا بيكم ع اعادة الفحص الطبي
لان من ال2010 اكيد الفحص احتاج اعادة
وان شاءالله يطلع كلامي غلط
منور حبي

A_FOX · « **رد #10 في:** 21:02 07/06/2013 »

اخي العزيز مساء الخير
انتظر رد المنظمه فهي الحسام الفاصل ؟
تقبل تحياتي

المهندس سيوفي · « **رد #11 في:** 08:30 08/06/2013 »

حبيبي لورنس أشكرك عالرد
بس حبيت أوضح نقطة جداً مهمة انه رقم تلفوني اللي كنت أتواصل بيه ويه المنظمة عفته ورة مااجتني سالفة الرفض
وبعدهه ماحدثت رقم تلفوني الجديد وياهم ههههه
اللي اتوقعه انه متصلين بيه والخط مغلق
والدليل على ذلك انه قبل يومين فعلت الخط من جديد
ولكيت مسج واصلني بتاريخ 13/2/2012
يكولون بيه احنه من المنظمة الدولية للهجرة يرجى معاودة
الاتصال بنا

هسه شنو رأيك ؟؟

securityiom · « **رد #12 في:** 09:06 08/06/2013 »

منور استاذ سيف

جورجيا · « **رد #13 في:** 15:02 08/06/2013 »

هلو سيوفي
اشرقت وانورت
وينك غايب كل هل مده
انشاء الله خير واتواصل وياهم بلاميل وحدثلهم رقم تليفونك الجديد
تحياتي
اختك
جورجيا

alialiali10099 · « **رد #14 في:** 15:13 08/06/2013 »

حبيبي امورك وامور اخوت والوالدت ماشية كلش طبيعي وماطول الموقع شغال يعني اموركم ماشية بدون غلق الملف

احمدمالك · « **رد #15 في:** 19:35 08/06/2013 »

يا اخي اتفائل بالخير انشاء الله خير ماطول مشت ملفاتكم انشاء الله يسهل امركم

احمد

المهندس سيوفي · « **رد #16 في:** 22:42 08/06/2013 »

مقتبس من: جورجيا في 15:02 08/06/2013

هلو سيوفي
اشرقت وانورت
وينك غايب كل هل مده
انشاء الله خير واتواصل وياهم بلاميل وحدثلهم رقم تليفونك الجديد
تحياتي
اختك
جورجيا

هلا والله جورجيا الج وحشة . معقولة لحد هسة ما مسافرة
ترة جريمة ورب الكعبة !!! والله انك بطله لحد هسة مستمرة بالمنتدى ههههههه

خلينه على تواصل ان شاء الله

المهندس سيوفي · « **رد #17 في:** 21:43 09/06/2013 »

للرفع والمساعدة

firas baghdadi · « **رد #18 في:** 21:48 09/06/2013 »

للرفع والمساعدة

الأخبار:

المحرر موضوع: حلم لو حقيقة !! ملفات مغلقة وبالموقع غير شكل !! (زيارة 1709 مرات)