المحرر موضوع: تفاصيل مقابلة المحلفين ,,, ومعلومات مفيده  (زيارة 6630 مرات)

0 الأعضاء و 1 ضيف يشاهدون هذا الموضوع.

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
السلام عليكم ورحمة الله وبركاته

بالبدايه اسف لان البارحه كتبت الموضوع وخليتكم تنتظرون هوايه ... بس صدكوني وضعي تخربط بسبب التعب اللي شفته وقبل يوم كنت منايم من وره القلق

اني موعدي كان يوم 25-6 الساعه 10 صباحاً ... وبسبب الظروف اللي اعيشها حاليا ... كلت خلي اكون من وكت بالسفاره اامنلي ... وصلت بال 8 ونص ... طبعا بوابة الدخول اللي هيه صايره من جهة جامع ام الطبول ... وصلت والجيش ساعدوني شلون اكدر اوصل للسفاره ... وابشركم وصلت واشوف عدد هائل ... يعني اكو جماعه جايين من ال 6 الصبح ... واني وصلت بال 8 ونص وصدكوني ما ابالغ اذا كلت الكم العدد بال 400 شخص !!!

ومو كلهم اي او ام ... لا قسم طلب فيزا دراسيه ... وقسم أس آي في ... وقليل جدا جايين علمود شغل ... ويجيكم العدد التقريبي لجماعه الاي او ام

طبعا مثل مكلت الكم موعدي اني بال 10 كان بس مصاحو اسمي غير الساعه 11 ونص ... وخلف الله ع المبرده العملاقة اللي خاليها ب بداية الممر لا جان العالم اغمى علها من الحر ...

دخلت وتفتشت التفتيش الروتيني ... ودخلوني للقاعه اللي بيها جماعة ال آي أو أم فقط ... اللي بيها الناس جماعة المقابلة الاولى والثانيه ... وهنا هم اخترعت ... العدد التقريبي 250 الى - 300 شخص ... بس للعلم عوائل كووووووولش هواية ... واكثر من السنكل ... يعني نسبة العوائل تكاد ان تصبح 90 بالميه من المقدمين اذا مو اكثر ...

المهم انطوني رقم تستسلي وانتظر احد ينادي برقمنه علمود نفوت اني وعائلتي من اجل مقابلة المحلفين ... اللي هيه لحد الان كانت رعب بالنسبة اللي ...

اكو موضوع يمكن تستهينون بيه ... بس صدكوني كولش مهم واللي هو من تروح لأي مقابلة آي أو أم ... لازم تاخذ وياك اكل ... اي شي ... المهم تسكت بيه معدتك لان عبالك الواحد من القلق يجووووع ... وللعلم هناك ماكو اي ماركت ... ف تشوف الناس كلها جايبه سناكس وياهم وعصاير ... ( نقطة جدا مهمه وخاصة لأصحاب العوائل )

وما نادو اسمي الا بعد ان اصبحت الساعه 2 ونص الظهر ... المهم طبيت للمقابلة وكانت المحلفه شابه متوسطة العمر ... نازكه لطيفه الابتسامة متفارق وجهه ... وهذا ينطيك نوع من الامل وتقليل الضغوطات اللي بيها ... طبعا الغرفه اللي قابلوني بيها تقريبا 2.5 متر × 2.5 متر وبيها سبلت ابو الطنين ... تخايل شنو البرد ... يعني اني وعائلتي كمنه نتراااااااااااااااااجف ههههههههههه

المهم .. عندي نقطة وهيه المهمه لموضوع مقابلة المحلفين ... بعض الشباب يجي بالمنتدى ويكول انه مقابلة المحلفين جدا صعبه ... والبعض يكول اصلا مقابلة اسهل من المقابلة الاولى ... شباب الموضوع نسبي صدكوني ... اول جزء من المقابلة يكون للتحقق من معلومات الشخص وبمطابقته بالاوراق اللي كدامهم ... اسمك مواليدك سكنك الحالي اسماء عائلتك ومن هالامور ... بعدين تجاوبك اساله روتينه اللي هيه تجاوب ب نعم او لا مثلا خدمت بالجيش العراقي ... او انظميت لمجموعه ارهابيه ... ومن هيج امور الاجابه عليها سهله جدا ...وبعدين توقع على اجاباتك

بعدين يجي سرد قصة التهديد وهنا تكتبها هيه بالتفصيل واظن انه الموضوع لمطابقتها مع الكلام اللي انكال بالمقابلة الاولى ... المهم الحمد لله والشكر اني كملت المقابلة وجانت كولش اوكي ... ولله الحمد وحده

طولت المقابلة ساعه ونصف وراها تشكرت مني ورجعت لقاعة الانتظار وبعد فتره نادوني لاخذ عناوين الكفلاء وراها اخذو باج الانتظار مني

وبهالفتره ... كلت لازم انتزع اكبر كم من المعلومات من الموظفين هنا ... وكافي بس اباوع

سالت شخص مسؤول عن اجراء المقابلات الاولى وسالته

اولا : هل هناك تسريع على الملفات ؟
الجواب : ماكو شي هنا اسمه تسريع عام ... وانما لكل شخص وحالته والمحلف هو الشخص اللي يكدر يتنبأ تقريبا بموعد سفرك

ثانيا: هل صحيح برنامج أس آي في راح ينغلق ؟
الجواب: نعم الخبر صحيح ومؤكد

ثالثاً: هل هناك كميه كبيره من المرفوضين ؟
الجواب: لكل مقدم وحالته والنسبة الاكبر اكيد المقبولين قبول اولي من المحلف

رابعا: هل كلام المحلفة دقيق  من حيث الاجرائات اللي حتصير ع الكيسات من حيث التجييك الامني وفترته والي كالته راح يصير ؟
الجواب: المحلف كلامه صحيح بس العائق الوحيد هو الاجرائات اللي تسويها المنظمه ... والكميات الكبيره من المقدمين هيه سبب تأخير اجرائات الجميع

..................................................................

خلصت من عنده واتشكرته ... و وره محجيت وياه شفت المحلفه واكفه وحده رحت وبطريقة دبلوماسبة اتشكرت منها وحاولت اسالها ع القضيه مالتي

سالتها انه اني حاليا اعيش ظروف صعبه  ... واعرف انه سؤالي صعب بس هل تعتقدين انه انه بامكانج ولو تقديريا انه تنطيني ممكن بعد شكد يتم قرار حضرتكم على قضيتي  ... والجواب الصاعقه كان هو ... اليوم يتم القرار على قضيتك بانه اذا كانت تستحق السفر او لا ( طبعا هنا ما اسولفلكم الصخونه اللي صارت عندي من كلتلي هيج )

وسالتها كتلها تتوقعين لو تمت الموافقة بعد كم ينتهي التجييك الامني و اسافر ... ولو وقت تقريبي ( الجواب الصاعقه كان ... ما اكدر اتنبأ بالضبط بس اعتقد بعد 4 اشهر  !!!!!!!!!!!!!!!!!

موتتني اجوبتي تسوي توحد ههههههههههههه ... تشكرتها وكتلها ذاتس فري الوت انفورميشن ذات اي كن تيك ان ذس فيو منتس ... ماي ابلتي ايندس هير ... وضحكت وكالتلي لا تقلق واتمنالك الموفقيه


وراها طلعنه من السفاره ورحنه لبيوتنه ... وصدكوني هستوني كعدت من النوم وكتبت الكم الموضوع ... واي احد عنده اي استفسار على اي كلته يسالني وعيوني اله

واتمنالكم يا اعضاء هذا المنتدى الاكثر من رائع انه تتوفقون وتسافرون باقرب وقت وتخلصون من وضع البلد اللي يوم عن يوم تسوء حالته

ملاحظه : اصحاب الكيسات اللي تبدي 141 بدو بالمقابللات الاولى ... وهايه بشاره لاصحاب التقديم الجديد

ارجو انه اكون ما قصرت معاكم وحاولت اردلكم ولو جزء بسيط من اللي قدمه اللي هذا المنتدى الاكثر من رائع بأعضائه وادارته

تحياتي للجميع

اخوكم ابو محمد





غير متصل abo mays

  • عضو فعال جدا
  • ***
  • مشاركة: 998
    • مشاهدة الملف الشخصي
    • البريد الالكتروني
تسلم عزيزي

اتمنى من الله ان يحقق امانيك واماني كل اعضاء المنتدى ...

اخوك ابوميس

غير متصل الفضلي

  • مبدع قسم الهجرة
  • عضو فعال جدا
  • *
  • مشاركة: 892
  • الجنس: ذكر
    • مشاهدة الملف الشخصي
الاخ ابو محمد  شكرا لك التوضيح ونقل المعلومات الي اخوتك في المنتدي ونتمني لك السفر  القريب خلال الايام  والاشهر القادمة
على قدر أهل العزم تأتي العزائم ...... و تأتي على قدر الكرام المكارم
و تكبر في عين الصغير صغيرها ....... و تصغر في عين العظيم العظائم

غير متصل اختيار صعب

  • عضو فعال جدا
  • ***
  • مشاركة: 162
    • مشاهدة الملف الشخصي
اله يوفقك مع عائلتك ويوم تبشرنة بلسفر  ان شاء الله  بس رحمات والديك أخوية رقم الكيس  139 ولحد هسا كلشي ماكو يصير هذا شي
أخوك العبدللة 
ساعدنا يارب

غير متصل aboalawe

  • عضو فعال جدا
  • ***
  • مشاركة: 196
    • مشاهدة الملف الشخصي
    • البريد الالكتروني
رحمه الله والديك اخويه ما قصرت وفعلا هيه المده للامنيه تعتمد على حجيك و القصه مالتك و ظروف العسكريه مالتك اذا خادم عسكريه واتمنه الموفقيه للجميع

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
تسلم عزيزي

اتمنى من الله ان يحقق امانيك واماني كل اعضاء المنتدى ...

اخوك ابوميس

اخويه ابو ميس ... الموفقية للجميع ياربي

تحياتي لك يا طيب

اخوك ابو محمد

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
الاخ ابو محمد  شكرا لك التوضيح ونقل المعلومات الي اخوتك في المنتدي ونتمني لك السفر  القريب خلال الايام  والاشهر القادمة

ممنون منك اخي

اخوك ابو محمد

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
اله يوفقك مع عائلتك ويوم تبشرنة بلسفر  ان شاء الله  بس رحمات والديك أخوية رقم الكيس  139 ولحد هسا كلشي ماكو يصير هذا شي
أخوك العبدللة 

كل اللي اكدر اساعدك بيه ... اني خلي تكون حجته قوية من يطالب بتسريع ملفه

والشاطر يفهمني

تحياتي لك

اخوك ابو محمد

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
رحمه الله والديك اخويه ما قصرت وفعلا هيه المده للامنيه تعتمد على حجيك و القصه مالتك و ظروف العسكريه مالتك اذا خادم عسكريه واتمنه الموفقيه للجميع

بالضبط اخي وهذا اللي ردت اوصله لحضراتكم

تحياتي لك

اخوك ابو محمد

غير متصل um shaheen

  • مبدع قسم الهجرة
  • عضو مميز جدا
  • *
  • مشاركة: 2843
  • الجنس: أنثى
    • مشاهدة الملف الشخصي
بارك الله بيك اخونه العزيز ابو محمد ويارب بميزان حسناتك
يارب الفرج بالقريب العاجل لكل المنتظرين
تحياتي
اختك ام شاهين

غير متصل انسام المهندس

  • عضو فعال جدا
  • ***
  • مشاركة: 148
  • الجنس: ذكر
    • مشاهدة الملف الشخصي
    • [url=http://uploads.ankawa.com/][img]http://uploads.ankawa.com/uploads/13721676741.jpg[/img][/url]
الف مبرووووك اخويه العزيز ابو محمد ويارب السفر العاجل
وحبيت اسئلك بخصوص قصه التهديد وبما انو انت الي صاحب التهديد اكيد .... سؤالي هل المحلفه سئلت الاهل عن القصه بشكل مفصل مثل ماسئلتك لان باعتبار اهلك ماعاشو التهديد الشخصي مثل ما انت عشته ؟؟؟؟ اني هذا الي اريد اعرفه لاني مامخبر اهلي بكل تفاصيل تهديدي وخايف عليهم يموتون خوف عليه
تحياتي الك
انسام المهندس 134

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
بارك الله بيك اخونه العزيز ابو محمد ويارب بميزان حسناتك
يارب الفرج بالقريب العاجل لكل المنتظرين
تحياتي
اختك ام شاهين

اختي العزيزه ام شاهين ... ربي يبارك بيج ويوفقج ... تسلمين يا عزيزه

تحياتي

ابو محمد

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
الف مبرووووك اخويه العزيز ابو محمد ويارب السفر العاجل
وحبيت اسئلك بخصوص قصه التهديد وبما انو انت الي صاحب التهديد اكيد .... سؤالي هل المحلفه سئلت الاهل عن القصه بشكل مفصل مثل ماسئلتك لان باعتبار اهلك ماعاشو التهديد الشخصي مثل ما انت عشته ؟؟؟؟ اني هذا الي اريد اعرفه لاني مامخبر اهلي بكل تفاصيل تهديدي وخايف عليهم يموتون خوف عليه
تحياتي الك
انسام المهندس 134

اخي العزيز انسام

المحلفة سألت الاهل كل التفاصيل الصغيره والجبيره ... ودير بالك تره تطابق اقوال افراد الكيس شيئ جداً ضروري ... انتبه لهايه النقطة الهامه

تحياتي لك

اخوك ابو محمد

غير متصل ابو فرقان

  • مبدع قسم الهجرة
  • عضو مميز
  • *
  • مشاركة: 1710
  • الجنس: ذكر
  • اللهم يسر وفرج
    • مشاهدة الملف الشخصي
الف مبروك ابو محمد ويوم السفر ان شاء الله

ابو فرقان

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
الف مبروك ابو محمد ويوم السفر ان شاء الله

ابو فرقان

اخويه ابو فرقان ... الله يبارك بيك وان شاء الله يوم سفرك

تحياتي الك يا طيب

اخوك ابو محمد

غير متصل اختيار صعب

  • عضو فعال جدا
  • ***
  • مشاركة: 162
    • مشاهدة الملف الشخصي
اله يوفقك مع عائلتك ويوم تبشرنة بلسفر  ان شاء الله  بس رحمات والديك أخوية رقم الكيس  139 ولحد هسا كلشي ماكو يصير هذا شي
أخوك العبدللة 

كل اللي اكدر اساعدك بيه ... اني خلي تكون حجته قوية من يطالب بتسريع ملفه

والشاطر يفهمني

تحياتي لك
ربي يفتحها بوجهك أخوية هوة بعد شكو اكثر من تهديد والطاقات نارية وبيها موت بس كود عاد يحسون بالألم والخطر لو العالم كلة ميعوض اللي راح بس شنسوي نستمر على أرواح الباقي  ربي يسلمك ويستر علجميع وتبشرنة بلسفر انت وعائلتك الكريمة بلتوفيق

أخوك العبدلله
ساعدنا يارب

غير متصل ابوجنة

  • عضو فعال جدا
  • ***
  • مشاركة: 176
    • مشاهدة الملف الشخصي
الله يسهل امرك وتستاهل كل خير ابو محمد الوردة, المعلومات كلش ممتازة وتفيدنا بهل وكت، يعني الي فهمته من كلامك احنا جماعة التقديم الجديد جانا السرا ؟؟؟ اني 142 يعني برأيك شوكت مقابلة اولى؟؟

تحياتي

اخوك ابو جنة
If you fail to plan ..... Plan to fail

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
الله يسهل امرك وتستاهل كل خير ابو محمد الوردة, المعلومات كلش ممتازة وتفيدنا بهل وكت، يعني الي فهمته من كلامك احنا جماعة التقديم الجديد جانا السرا ؟؟؟ اني 142 يعني برأيك شوكت مقابلة اولى؟؟

تحياتي

اخوك ابو جنة

والله يا اخي بدون اي مبالغه سالت عائلتين مقدمين قبل شهرين وهسه قابلو ... وانته قيس

تحياتي لك

اخوك ابو محمد

غير متصل أبو الحكم

  • عضو مميز جدا
  • *****
  • مشاركة: 2247
  • الجنس: ذكر
  • Don't mess with me
    • مشاهدة الملف الشخصي
الله يوفقك والله يسهلك والله يعجل من سفرك يارب والمدة اللي نطتها اللك للسفر صحيحة وتكاد ان تكون دقيقة زائد او ناقص كم يوم وطبعا هاي الكم يوم تعتمد على المنظمة ونصيحة من اخوك همة مو كالولك هسة النتيجة تستلمها بعد ستين يوم ؟؟؟ مو صح بس انت لاتسكت واخبصهم خبص ايميلات وكلهم وضعي مو تمام للمنظمة بالايميلات ولاتنطي حالة تهديد معينة بس كولهم احس نفسي متراقب وخايف كلش واذا صار بية شي او بعائلتي لاسامح الله ترى انتوا المسؤولين والخطية بركبتكم هههههه , وكلامي هذا الفائدة منه حتى لتنام قضيتك من يوصل قرار المحلف النهائي من تخلص التجييكات مالتك لان اني سبق ونوهت ان التجييكات متطول اكثر من ست اشهر كحد اقصى بس بعدها تنام قضيتك بالمنظمة بسبب الضغط الهائل جدا للكيسات والعدد اللي شفته حضرتك اني نوهت عنه البارحة وللعلم هو عدد طبيعي جدا وهاي الناس كلها ترى متعرف ولاسامعه بمنتدى عين كاوه الا ماندر وهذولة كلهم يسافرون بالجملة فلحد يكون اني مأيس وماكو سفر واجراءات بسيطة وواحد ينزل موضوع يكول البند السابع اذا طلع العراق منه هم يأثر لو ميأثر هههههه , والله متت ضحك من قريته , الله يسهلك اخوية واسف على الاطالة

وان شاء الله يوم اللي تكتب موضوع عن وصولك بالسلامة لامريكا

بالتوفيق ان شاء الله لك ولكل عراقي شريف اتعبته ظروف هذا البلد
[/font] [/size] [/quote][/size][/size][/color]
http://www.youtube.com/watch?v=d5wsmrCWgUU


الشعب لو كان حياً ما استخف به      فرد ولاعاث فيه الظالم النهم

الحكومة نتاج لثقافة الشعب             فهنيئاً لكُم عراقكم الجديد










غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
الله يوفقك والله يسهلك والله يعجل من سفرك يارب والمدة اللي نطتها اللك للسفر صحيحة وتكاد ان تكون دقيقة زائد او ناقص كم يوم وطبعا هاي الكم يوم تعتمد على المنظمة ونصيحة من اخوك همة مو كالولك هسة النتيجة تستلمها بعد ستين يوم ؟؟؟ مو صح بس انت لاتسكت واخبصهم خبص ايميلات وكلهم وضعي مو تمام للمنظمة بالايميلات ولاتنطي حالة تهديد معينة بس كولهم احس نفسي متراقب وخايف كلش واذا صار بية شي او بعائلتي لاسامح الله ترى انتوا المسؤولين والخطية بركبتكم هههههه , وكلامي هذا الفائدة منه حتى لتنام قضيتك من يوصل قرار المحلف النهائي من تخلص التجييكات مالتك لان اني سبق ونوهت ان التجييكات متطول اكثر من ست اشهر كحد اقصى بس بعدها تنام قضيتك بالمنظمة بسبب الضغط الهائل جدا للكيسات والعدد اللي شفته حضرتك اني نوهت عنه البارحة وللعلم هو عدد طبيعي جدا وهاي الناس كلها ترى متعرف ولاسامعه بمندى عين كاوه الا ماندر وهذولة كلهم يسافرون بالجملة فلحد يكون اني مأيس وماكو سفر واجراءات بسيطة وواحد ينزل موضوع يكول البند السابع اذا طلع العراق منه هم يأثر لو ميأثر هههههه , والله متت ضحك من قريته , الله يسهلك اخوية واسف على الاطالة

وان شاء الله يوم اللي تكتب موضوع عن وصولك بالسلامة لامريكا

بالتوفيق ان شاء الله لك ولكل عراقي شريف اتعبته ظروف هذا البلد
[/font] [/size]
[/size][/size][/color]
[/quote]

ممنون منك اخي على نصيحتك وكلامك منطقي

تحياتي لك

اخوك ابو محمد

غير متصل دشتي

  • عضو فعال جدا
  • ***
  • مشاركة: 164
  • الجنس: ذكر
  • الدشتي هي مسقط رأسي
    • مشاهدة الملف الشخصي
اخويه ابو محمد

والله حقك اني من يمي صخنت هههههههههه

تحياتي

اخوك دشتي  ;) ;) ;)

غير متصل ابو ملاك المغترب

  • عضو
  • *
  • مشاركة: 26
    • مشاهدة الملف الشخصي
اخي العزيز ابو محمد

ان شاء اللة موفق

اني قابلت محلفين قبل 9 اشهر تقريبا ولحد الان انتظار النتيجة

مااريد اضوجك بس ترة الموضوع يعتمد على الحظ

شكرا للجميع

ابو ملاك المغترب


غير متصل Awsaws

  • عضو مميز
  • ****
  • مشاركة: 1356
    • مشاهدة الملف الشخصي
الف مبروك وشكرا على السرد الجميل تمنياتي بالتوفيق

غير متصل ام اديان

  • مبدع قسم الهجرة
  • عضو مميز
  • *
  • مشاركة: 1736
  • اللهم صل على محمد وال محمد
    • مشاهدة الملف الشخصي
شكرا للمعلومات اخي الكريم .ان شاء الله يوم سفرك


ضاقت فلما استحكمت حلقاتها - فرجت وكنت اظنها لا تفرج

غير متصل أبو الحكم

  • عضو مميز جدا
  • *****
  • مشاركة: 2247
  • الجنس: ذكر
  • Don't mess with me
    • مشاهدة الملف الشخصي
ابو ملاك فدوة لوجهك الطيب ياحظ هذا اللي تحجي عليه ؟؟؟ !!! انت رق الكيس مالتك 125 وجايك تعليق وحالة مقابلة المحلفين مالتك بالموقع مكتمل يعني يعني مكسيمم نهاية السنة مسافر انت . شلون تكول حظ وبموضوع اخر تكول نايمة عليه الطابوكة اخوية انت مليار بالمية بمقابلة المحلفين مسولف هواية سوالف مالها داعي خلت المحلف ياخذ عليك نظرة انه ملفك يحتاج الى تدقيق وتحليل اكثر لو مسافر لهواية دول وماخذ الدول فلاحة ملاجة ومن اسمك انت مغترب , اخوية حظ ماكو لان كيسات رقمها 137000 ترى سافرت كول يالله وانظر للموضوع بنظرة تحليلية بسيطة جدا واخذها من اخوك ماكو حظ بهالموضوع وهالموضوع بسيط جدا ترى , واللي يسافر بسرعه اني اكلك شنو ظروف ملفه ولادوخ نفسك بيها وهسة افصلها اللك كلها

اولا تلكي ممسافر خارج العراق ابد

ثانيا مخادم عسكرية

ثالثا مكان بحزب البعث

رابعا قصته قصيرة جدا وتدل على موت محقق لاسامح الله

خامسا يكون شخص ذكي جدا ومشتغل وية الامريكان ويعرف بالضبط شلون يتعامل وياهم

سادسا كافي خيره شره وماعنده خلل امني

هذولة وربك اللي خلقك يسافرون بأقل من سنة واي مسؤول عن كلامي واقسم بالله العظيم على كل كلمة كتبتها اللك

اتمنالك السفر القريب ان شاء الله وقصتك تصير سوالف وية المنظمة

تحياتي ياطيب
اخي العزيز ابو محمد

ان شاء اللة موفق

اني قابلت محلفين قبل 9 اشهر تقريبا ولحد الان انتظار النتيجة

مااريد اضوجك بس ترة الموضوع يعتمد على الحظ

شكرا للجميع

ابو ملاك المغترب


http://www.youtube.com/watch?v=d5wsmrCWgUU


الشعب لو كان حياً ما استخف به      فرد ولاعاث فيه الظالم النهم

الحكومة نتاج لثقافة الشعب             فهنيئاً لكُم عراقكم الجديد










غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
اخويه ابو محمد

والله حقك اني من يمي صخنت هههههههههه

تحياتي

اخوك دشتي  ;) ;) ;)


والله يا اخي من صدك صخنت هههههههههه

تحياتي لك

ابو محمد

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
ابو ملاك فدوة لوجهك الطيب ياحظ هذا اللي تحجي عليه ؟؟؟ !!! انت رق الكيس مالتك 125 وجايك تعليق وحالة مقابلة المحلفين مالتك بالموقع مكتمل يعني يعني مكسيمم نهاية السنة مسافر انت . شلون تكول حظ وبموضوع اخر تكول نايمة عليه الطابوكة اخوية انت مليار بالمية بمقابلة المحلفين مسولف هواية سوالف مالها داعي خلت المحلف ياخذ عليك نظرة انه ملفك يحتاج الى تدقيق وتحليل اكثر لو مسافر لهواية دول وماخذ الدول فلاحة ملاجة ومن اسمك انت مغترب , اخوية حظ ماكو لان كيسات رقمها 137000 ترى سافرت كول يالله وانظر للموضوع بنظرة تحليلية بسيطة جدا واخذها من اخوك ماكو حظ بهالموضوع وهالموضوع بسيط جدا ترى , واللي يسافر بسرعه اني اكلك شنو ظروف ملفه ولادوخ نفسك بيها وهسة افصلها اللك كلها

اولا تلكي ممسافر خارج العراق ابد

ثانيا مخادم عسكرية

ثالثا مكان بحزب البعث

رابعا قصته قصيرة جدا وتدل على موت محقق لاسامح الله

خامسا يكون شخص ذكي جدا ومشتغل وية الامريكان ويعرف بالضبط شلون يتعامل وياهم

سادسا كافي خيره شره وماعنده خلل امني

هذولة وربك اللي خلقك يسافرون بأقل من سنة واي مسؤول عن كلامي واقسم بالله العظيم على كل كلمة كتبتها اللك

اتمنالك السفر القريب ان شاء الله وقصتك تصير سوالف وية المنظمة

تحياتي ياطيب
اخي العزيز ابو محمد

ان شاء اللة موفق

اني قابلت محلفين قبل 9 اشهر تقريبا ولحد الان انتظار النتيجة

مااريد اضوجك بس ترة الموضوع يعتمد على الحظ

شكرا للجميع

ابو ملاك المغترب



كلامك صحيح اخي وكل الكلام اللي كلته ينطبق على حالة ملفي

بس شوية عبالك عصبي ... هدي اعصابك اخي

تحياتي الك

اخوك ابو محمد

غير متصل baghdad antigen

  • عضو فعال جدا
  • ***
  • مشاركة: 679
  • الجنس: ذكر
    • مشاهدة الملف الشخصي
الف مبروك اخ ابو محمد و ان شاء الله تجيك الموافقه بسرعه

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
الف مبروك اخ ابو محمد و ان شاء الله تجيك الموافقه بسرعه

baghdad antigen ممنون شكرا جزيلا


غير متصل دشتي

  • عضو فعال جدا
  • ***
  • مشاركة: 164
  • الجنس: ذكر
  • الدشتي هي مسقط رأسي
    • مشاهدة الملف الشخصي
أخويه 137

اني 131 و لحد الآن ما مقابل محلفين . الاي او ام شغلهم مخربط كاموا يتصلون بالتليفون بخصوص المقابلات و غيرها بدون ايميلات عبالك مندوبين مبيعات لو شركة مال توظيف و حتى هذه الشركات تستخدم الأيميل بكل شي

اني بتاريخ 30-4 الجماعة خابروني 4 مكالمات خلال اربع دقائق و ما كنت اكدر ارد و بعد ما اتصلوا و لحد الآن كومة ايميلات و شكاوي و تليفونات و ماكو فائدة يعني شغلهم مخربط ما يعرفون واحد ديصلي او مايكدر يرد او نايم او بأجتماع هذا هو اسلوبهم كلش تعبان و شغلهم بعيد عن التنظيم

اخي اني ايظا اشتغل بمنظمة دولية تعنى بحقوق مواطنين و بيها معاملات بس مو بهالشكل المخربط. لازم تكون اكو اصول عمل و احترافية و اسس سليمة و متابعة مو موظف بكيفه يشتغل يتصل او ما يتصل حسب الي يعجبه. و حتى من دزيت الشكوى بيهم ما حصلت شي.  بس شنو نكدر نسوي مثل ما يكول المثل لحيتنا بايديهم و منتظرين والفرج ان شاء الله من صاحب الفرج

تحياتي و عذرا للأطالة

اخوك دشتي

غير متصل أبو الحكم

  • عضو مميز جدا
  • *****
  • مشاركة: 2247
  • الجنس: ذكر
  • Don't mess with me
    • مشاهدة الملف الشخصي
استاذي الفاضل اني نهائيا مو عصبي حضرتك فهمتني خطأ بس اني حبيت اوضح للاخ ابو ملاك المغترب انه ماكو شي اسمه حظ بموضوع المنظمة واللجو وكل الموضوع يعتمد على صاحب القضية وبيده ياخر موضوعه ويأخر سفره وبيدة يسرع من سفره وكلها عبارة عن امور بسيطة لازم يسويها المتقدم سبق وشرحتها واني اخوك عراقي ورجل متواضع جدا وهاديء جدا وغايتي الاولى والاخيرة في تعليقاتي ان اساعد الناس بما املك من معلومات وان اخلصهم من عذابهم ومن فهمهم الخاطيء لبعض الامور وارشادهم الى الفهم الصحيح

وشكرا
ابو ملاك فدوة لوجهك الطيب ياحظ هذا اللي تحجي عليه ؟؟؟ !!! انت رق الكيس مالتك 125 وجايك تعليق وحالة مقابلة المحلفين مالتك بالموقع مكتمل يعني يعني مكسيمم نهاية السنة مسافر انت . شلون تكول حظ وبموضوع اخر تكول نايمة عليه الطابوكة اخوية انت مليار بالمية بمقابلة المحلفين مسولف هواية سوالف مالها داعي خلت المحلف ياخذ عليك نظرة انه ملفك يحتاج الى تدقيق وتحليل اكثر لو مسافر لهواية دول وماخذ الدول فلاحة ملاجة ومن اسمك انت مغترب , اخوية حظ ماكو لان كيسات رقمها 137000 ترى سافرت كول يالله وانظر للموضوع بنظرة تحليلية بسيطة جدا واخذها من اخوك ماكو حظ بهالموضوع وهالموضوع بسيط جدا ترى , واللي يسافر بسرعه اني اكلك شنو ظروف ملفه ولادوخ نفسك بيها وهسة افصلها اللك كلها

اولا تلكي ممسافر خارج العراق ابد

ثانيا مخادم عسكرية

ثالثا مكان بحزب البعث

رابعا قصته قصيرة جدا وتدل على موت محقق لاسامح الله

خامسا يكون شخص ذكي جدا ومشتغل وية الامريكان ويعرف بالضبط شلون يتعامل وياهم

سادسا كافي خيره شره وماعنده خلل امني

هذولة وربك اللي خلقك يسافرون بأقل من سنة واي مسؤول عن كلامي واقسم بالله العظيم على كل كلمة كتبتها اللك

اتمنالك السفر القريب ان شاء الله وقصتك تصير سوالف وية المنظمة

تحياتي ياطيب
اخي العزيز ابو محمد

ان شاء اللة موفق

اني قابلت محلفين قبل 9 اشهر تقريبا ولحد الان انتظار النتيجة

مااريد اضوجك بس ترة الموضوع يعتمد على الحظ

شكرا للجميع

ابو ملاك المغترب



كلامك صحيح اخي وكل الكلام اللي كلته ينطبق على حالة ملفي

بس شوية عبالك عصبي ... هدي اعصابك اخي

تحياتي الك

اخوك ابو محمد
http://www.youtube.com/watch?v=d5wsmrCWgUU


الشعب لو كان حياً ما استخف به      فرد ولاعاث فيه الظالم النهم

الحكومة نتاج لثقافة الشعب             فهنيئاً لكُم عراقكم الجديد










غير متصل أبو الحكم

  • عضو مميز جدا
  • *****
  • مشاركة: 2247
  • الجنس: ذكر
  • Don't mess with me
    • مشاهدة الملف الشخصي
اخوية دشتي حقك في كل كلمة كتبتها بس اهم شي صحتك واعصابك وهديء نفسك ترى ماكو شي يستاهل بعد الصحة

اخوية العزيز الشغل مال المنظمة مو مخربط او مثل ماتفضلت حضرتك او مثل ماكال بعض الاخوان روتين , الشغل بالمنظمة ميلحكوله مئة موظف ويمكن مئتين موظف ميلحكوله , وحضرتك ذكرت انك تعمل في منظمة انسانية وتعاملكم يختلف , الانسانية هنا ليس لها مكان في الشرح, الموضوع عبارة عن لود كبير جدا جدا جد ولو تسألني شنو الحل انت برأيك اكلك الحل ان نجيب روبوتات الية للسيطرة على المفات والقيام بأعمالها الادارية وطبعا كلامي هذا ليس دفاعا عن المنظمة ابدا ابدا ابدا , ولكن تصور ان الملفات وصلت الان الى 145000 الف في بغداد فقط فتصور كم عدد الموظفين الذين نحتاجهم لاكمال معاملات هكذا عدد من الملفات وكل ملف يذهب الى عشرات الدوائر ويرجع مرة اخرى وكلها يجب السيطرة عليها من قبل الموظفين واكو مسألة اكيد حضرتك تعرفها انه الموظفين بالمنظمة م مختلف الجنسيات العربية وحضرتك اكيد تعرف بهيج شي يكون صعب التواصل فيما بينهم لان كل شخص يحمل قناعات معينة للعمل وللنشاط وللقيام بواجبه وهذا ايضا من الناحية الادارية البحته يؤثر في انجاز المعاملات رغم هذا المنظمة عدها برامج ارشفة ومعالجة سريعه جدا جدا جدا ودقيقة جدا جدا جدا وفوق ماتتصور وحتى التدريب عليها يحتاج الذهاب الى امريكا لاخذ دورة , المطلوب من حضرتك ان تتحلى بالايمان والصبر اولا وثانيا ارسل كل يومين والثالث ايميلات للمنظمة واكتب بكل ايميل معاناتك ولاتكلي ميفيد , لايفيد ونص واهم شي اهم شي اهم شي بالايميل السبجكت مالته اي العنوان حاول تكتب بي شيء يتعلق بتهديد او شيء ارجنت اي عاجل مع الاخذ بنظر الاعتبار الاسم الكامل لك ورقم الكيس كما يرسلوه هم لان عنوان الايميل يخضع الى برمجة الكترونية وتحليل الكتروني تحدد به سرعه الاجابة وتعطي له الاولوية بالاجابة وانت جرب بايدك حاول تكتب ايميل عادي بدون العنوان اللي كتلك عليه واكتب نفس الايميل بالعنوان اللي كتلك عليه مع الاخذ بنظر الاعتبار ان فحوى الرسالة هو نفسه راح تشوف ان الرد اولا سيكون على الايميل اللي كتلك اكتب بي اسمك ورقم الكيس مالتك كما يرسلوه ه في ايميلاتهم مع كلمة الاستعجال في موضوع معين راح تشوف الاول اسرع بكثير واقسملك بالله كل اللي يسوون مثل ماكتلك الاتصال بهم يكون ثاني او ثالث يوم وتكدر تشوف بنفسك واني نصحت واحد من الاخوان ان يسوي هيج وهو كان عنده مقابلة محلفين وسوى مثل ماكتله لان مقابلته بالموقع يوم فعال ويوم غير فعال وسوى هيج وارسل ايميل للمنظمة والمنظمة اتصل بي بعد ثلاثة ايام بالضبط وحجى وياهم حجي خشن كلش وكلهم اني متهدد وكان كلامه شديد اللهجة جدا واثر على الموظف والموظف شافله موعد مقابلة بعد يومين بالضبط وكله تكدر تقابل بعد يومين عندي فراغ اكدر اخليك بي وجاوبه وكله اي , تدري هذا الحجي من شوكت من نص الشهر الخامس , وقابل وكمل والحمد لله مقابلته كانت سهلة وشوف بعدها خربطة المنظمة كل فترة يدزلهم ايميل للاستفسار عن النتيجة ويتصلون بي واخر شي كلوله انت اصلا بعدك لى جدولة المقابلة والمفروض تقبل بالايام العشرة الاولى من شهر تموز !!! شوف رباط سالفتي انه الجدولة مالته وين كانت ومن كتله سوي هيج شلون تقدمت شهرونص مقابلته والحمد لله صححوا الموضوع اله واموره هسة ماشية فيااخوية توكل على الله وسوي اللي كتلك عليه وان شاء الله خير

واتمنى ان اكون افدتك في شيء بسيط وان شاء الله السفر العاجل بأذنه تعالى والتوفيق في السفر لك ولكل عراقي انظلم بهذا البلد
أخويه 137

اني 131 و لحد الآن ما مقابل محلفين . الاي او ام شغلهم مخربط كاموا يتصلون بالتليفون بخصوص المقابلات و غيرها بدون ايميلات عبالك مندوبين مبيعات لو شركة مال توظيف و حتى هذه الشركات تستخدم الأيميل بكل شي

اني بتاريخ 30-4 الجماعة خابروني 4 مكالمات خلال اربع دقائق و ما كنت اكدر ارد و بعد ما اتصلوا و لحد الآن كومة ايميلات و شكاوي و تليفونات و ماكو فائدة يعني شغلهم مخربط ما يعرفون واحد ديصلي او مايكدر يرد او نايم او بأجتماع هذا هو اسلوبهم كلش تعبان و شغلهم بعيد عن التنظيم

اخي اني ايظا اشتغل بمنظمة دولية تعنى بحقوق مواطنين و بيها معاملات بس مو بهالشكل المخربط. لازم تكون اكو اصول عمل و احترافية و اسس سليمة و متابعة مو موظف بكيفه يشتغل يتصل او ما يتصل حسب الي يعجبه. و حتى من دزيت الشكوى بيهم ما حصلت شي.  بس شنو نكدر نسوي مثل ما يكول المثل لحيتنا بايديهم و منتظرين والفرج ان شاء الله من صاحب الفرج

تحياتي و عذرا للأطالة

اخوك دشتي

http://www.youtube.com/watch?v=d5wsmrCWgUU


الشعب لو كان حياً ما استخف به      فرد ولاعاث فيه الظالم النهم

الحكومة نتاج لثقافة الشعب             فهنيئاً لكُم عراقكم الجديد










غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
أخويه 137

اني 131 و لحد الآن ما مقابل محلفين . الاي او ام شغلهم مخربط كاموا يتصلون بالتليفون بخصوص المقابلات و غيرها بدون ايميلات عبالك مندوبين مبيعات لو شركة مال توظيف و حتى هذه الشركات تستخدم الأيميل بكل شي

اني بتاريخ 30-4 الجماعة خابروني 4 مكالمات خلال اربع دقائق و ما كنت اكدر ارد و بعد ما اتصلوا و لحد الآن كومة ايميلات و شكاوي و تليفونات و ماكو فائدة يعني شغلهم مخربط ما يعرفون واحد ديصلي او مايكدر يرد او نايم او بأجتماع هذا هو اسلوبهم كلش تعبان و شغلهم بعيد عن التنظيم

اخي اني ايظا اشتغل بمنظمة دولية تعنى بحقوق مواطنين و بيها معاملات بس مو بهالشكل المخربط. لازم تكون اكو اصول عمل و احترافية و اسس سليمة و متابعة مو موظف بكيفه يشتغل يتصل او ما يتصل حسب الي يعجبه. و حتى من دزيت الشكوى بيهم ما حصلت شي.  بس شنو نكدر نسوي مثل ما يكول المثل لحيتنا بايديهم و منتظرين والفرج ان شاء الله من صاحب الفرج

تحياتي و عذرا للأطالة

اخوك دشتي


كول با الله اخويه

واللي الك ميصير لغيرك

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
استاذي الفاضل اني نهائيا مو عصبي حضرتك فهمتني خطأ بس اني حبيت اوضح للاخ ابو ملاك المغترب انه ماكو شي اسمه حظ بموضوع المنظمة واللجو وكل الموضوع يعتمد على صاحب القضية وبيده ياخر موضوعه ويأخر سفره وبيدة يسرع من سفره وكلها عبارة عن امور بسيطة لازم يسويها المتقدم سبق وشرحتها واني اخوك عراقي ورجل متواضع جدا وهاديء جدا وغايتي الاولى والاخيرة في تعليقاتي ان اساعد الناس بما املك من معلومات وان اخلصهم من عذابهم ومن فهمهم الخاطيء لبعض الامور وارشادهم الى الفهم الصحيح

وشكرا
ابو ملاك فدوة لوجهك الطيب ياحظ هذا اللي تحجي عليه ؟؟؟ !!! انت رق الكيس مالتك 125 وجايك تعليق وحالة مقابلة المحلفين مالتك بالموقع مكتمل يعني يعني مكسيمم نهاية السنة مسافر انت . شلون تكول حظ وبموضوع اخر تكول نايمة عليه الطابوكة اخوية انت مليار بالمية بمقابلة المحلفين مسولف هواية سوالف مالها داعي خلت المحلف ياخذ عليك نظرة انه ملفك يحتاج الى تدقيق وتحليل اكثر لو مسافر لهواية دول وماخذ الدول فلاحة ملاجة ومن اسمك انت مغترب , اخوية حظ ماكو لان كيسات رقمها 137000 ترى سافرت كول يالله وانظر للموضوع بنظرة تحليلية بسيطة جدا واخذها من اخوك ماكو حظ بهالموضوع وهالموضوع بسيط جدا ترى , واللي يسافر بسرعه اني اكلك شنو ظروف ملفه ولادوخ نفسك بيها وهسة افصلها اللك كلها

اولا تلكي ممسافر خارج العراق ابد

ثانيا مخادم عسكرية

ثالثا مكان بحزب البعث

رابعا قصته قصيرة جدا وتدل على موت محقق لاسامح الله

خامسا يكون شخص ذكي جدا ومشتغل وية الامريكان ويعرف بالضبط شلون يتعامل وياهم

سادسا كافي خيره شره وماعنده خلل امني

هذولة وربك اللي خلقك يسافرون بأقل من سنة واي مسؤول عن كلامي واقسم بالله العظيم على كل كلمة كتبتها اللك

اتمنالك السفر القريب ان شاء الله وقصتك تصير سوالف وية المنظمة

تحياتي ياطيب
اخي العزيز ابو محمد

ان شاء اللة موفق

اني قابلت محلفين قبل 9 اشهر تقريبا ولحد الان انتظار النتيجة

مااريد اضوجك بس ترة الموضوع يعتمد على الحظ

شكرا للجميع

ابو ملاك المغترب



كلامك صحيح اخي وكل الكلام اللي كلته ينطبق على حالة ملفي

بس شوية عبالك عصبي ... هدي اعصابك اخي

تحياتي الك

اخوك ابو محمد

على راسي كلامك والله

غير متصل بصراوي مظلوم

  • عضو فعال جدا
  • ***
  • مشاركة: 202
    • مشاهدة الملف الشخصي
الف مبروك وانشأ الله السفر  اخي جار الانتظار انت  تأتي بكلام من يمك وكأنك انت تعمل مع المنظمة حبيبي  بالنسبة للحظ مؤ أني الي  قلته وانما من كنا نتصل بالمنظمة قبل  كان الاتصال مباشر مؤ مثل هسة من تتصل ما تحصل اي نتيجة او ما تكدر تتكلم وياهم اكثر من مره ومن كنا نتصل بالمنظمة الي بالأردن  ما سبب تاخيري واني قديم والجدد يطلعون تكول نصا ً كلماً وحظا فيا حبيبي أجنة جماعة الطابوكة الذهبية 2008 ليش لحد هسة ما سافرنا جماعة iz-10

تحياتي ابو علي البصراوي

غير متصل أبو الحكم

  • عضو مميز جدا
  • *****
  • مشاركة: 2247
  • الجنس: ذكر
  • Don't mess with me
    • مشاهدة الملف الشخصي
اخ ابو علي البصراوي

ماكلت ولاحرف من يمي نهائيا

استاذي الفاضل معلومة لحضرتك ماكو ولاعراقي (( لوكل ناشيونال )) يعمل لدى المنظمة واني اخوك لوكل ناشيونال وساكن في بغداد واتمنى تكون تعرف شنو يعني لوكال ناشيونال وكل الذين يعملون في المنظمة في بغداد هم عرب وعراقيين حاملين للجنسية الامريكية وحامل الجنسية الامريكية غير مسموح له بتاتا الخروج الى الريد زون خارج الكرين زون اللي هي المنطقة الخضراء
هاي اولا

ثانيا يااستاذي اني نوهت ان كلام الموظفين في المنظمة غير دقيق بالمرة واي شي يجي على بالهم يكولوه اللك وبس , واذا انت معتمد على كلام من المنظمة وتريد يكون للعراقيين اتصال مباشر بالمنظمة ليش تكول حظ لعد اذا الموظفين يكولون السفر حظ فأني لااريد اتصل بيهم ولااتشرف بسماع صوتهم ابدا ومقارنتك مااشوف مكانها صحيح هنا اخوية وموضوع الحظ وكلام موظفين المنظمة وان كان صحيحا فهو للخلاص من الالحاح فقط مو اكثر اما عن رأيي اني فماكو موظف يكول هيجي لان ببساطة معناها همة مالهم فايدة اذا موضوع السفر حظ , لعد انتوا شنو شغلكم اذا موضوع السفر حظ ؟ شلون حظ يعني بس فهمني ؟؟؟ انت عندك قصة تهديد والمنظمة بالمقابلة الاولى تسويلها تدوين فقط زائد تدوين ايميلاتك وتقدمها للمحلف اللي يمثل الدولة اللي تقبل اللجوء مالتك واللي هي امريكا بحالتنا احنا والباقي يعتمد على قرار المحلف والتجييك الامني اللي ميطول اكثر من ست اشهر وربك اللي خلقك وهذا كلام مباشر من المحلفين فوين الحظ بعد اذا المسألة كلها تعتمد عليك انت وعلى قصتك وعلى طريقة طرحك وتعاملك وية المنظمة واذا الموضوع موضوع حظ مثل ماتفضلت من باجر اني اشكك شهادة الماستر مالتي بالهندسة وكل شهاداتي الاخرى واروح اشتريلي خرزة مال حظ وبخت واظل افرك بيها واسافر وادزلك ايميل من امريكا واكلك يابة الحظ مالتي والخرزة مالتي سفرتني , اخوية هذا شلون كلام اروحلك فدوة , وشغلة ثانية ترى الطابوكة الذهبية انت اللي جبتها لروحك تدري شلون؟؟؟ من نمت عليها انت للطابوكة واجيت هنا بالمنتدى تصيح طابوكة وجماعه الطابوكة والطوابيك هنا بالمنتدى صارت ماشاء الله من ذهب وطوابيك نحاس ومختلف المعادن وبرا المنتدى الناس دتسافر بالجملة , وهنا انتوا تتبجبجون , اخوية اني كل موضوعي ومعلوماتي قصتها كالاتي  اني اعمل في السفارة الامريكية وكان منذ زمن لدي صديق عراقي مترجم طلع من العراق من التسعين من صارت حرب الكويت من الجماعه اللي راحوا  للسعودية وكعدوا بمخيمات هناك وامريكا اخذتهم مناك وانطتهم لجوء المهم قبل فترة ليست بالبعيدة شفت هذا الشخص بالسفارة بالمجمع السكني مال مبيت المحلفين كتله فلان شتسوي هنا وسلمنا على بعض وتباوسنا كلي اني رجعت مرة ثانية للعراق واشتغلت مترجم في المنظمة يم محلف وعندي جنسية امريكية واخذ رقمي واخذت رقمه وكمنا نتواصل واشوفه دائما وهو يسولفلي على هالامور السطحية هاي من عمل المنظمة وهاي اول مرة اكول منين اعرف هاي المعلومات لان انتوا تدوسون بالبطن وتستنتجون بكيفكم ومثل اللي يجذب الجذبة ويصدكها واللي ينصحكم يطلع مو خوش ادمي ويجيب كلام من عنده زين انت مجايب الطابوكة الذهبية من عندك ؟؟؟ اخوية كيسات 137 سافرت هذولة هم عدهم حظ لو منايمة طوابيك ذهبية عليهم اخوية خلي الله بين عيونك انت تلكيك مسولف مسولف بالمقابلة مال المحلف والحلف مااقتنع بكلامك  وماخذ تعليق من عنده للتجييك وتحليل قضيتك لو عليك مؤشر امني وباقي ليهسة لو مفترلك فد كم دولة من الدول اللي صار بيها هسة ربيع عربي وهاي طامة كبرى والتجييك الامني بيها يطول شوية او تارك السالفة ونايم على طابوكتك الذهبية اخوية روح شوف الناس شدسوي وشلون دتسافر , بيك خير سوي خير لنفسك ولاتترك الموضوع وروح شتسوي سوي , ناس دتزور وناس دتلطم وناس دتبجي وناس تسوي اشكال والوان حتى تسافر , فيااخي لاتجي هنا وتكول طابوكة ذهبية وتظل ساكت ترى الله ميسوي شي للي كاعد وينتظر رحمته , روح شوف شغلتك واسعى بيها والله هو يساعدك واخبص المنظمة خبص وارسللهم ايميلات لما انت تعجز مو همة يعجوزن ولاتترك موضوعك ابد وتعامل وياهم بصورة منطقية واعرف شلون تاخذ حقك منهم مثل متاخذ الحق من حلك السبع ولاتولول وتكول طابوكة ذهبية ومااعرف شنو المنظمة تعرفك دتنيم عليك طبوكة تطلبك ثار لو هي هيج بس تأخر بكيسات العالم ؟؟؟ انطيك ايميلات لفد عشر كيسات كلها من 130 الف فما فوق وتراسلهم وتشوف هذولة شلون سافروا ؟؟؟ هذولة اشو منامت عليهم طابوكة ذهبية بس انتوا , نصيحة لكل واحد يكول طابوكة ويولول على روحة اصحوا من نومتكم والبرود مال العراقيين واحموا شوية اذا صدك تريدون الخلاص والسفر وهذا الكلام موجه للفايخ واللي يريد يتونس بامريكا ومامتهدد وللي متهدد وحاير شلون يخلص لان بالمنظمة احترك الاخضر بسعر اليابس وكلها دتسافر المتهدد من صدك والمامتهدد , واخبصوا لمنظمة بالايميلات ولاتخافون من شي ولاتصدكون بالامنية وهذا الخريط ترى ماكو امنية تطول سنين واسألوا اوباما نفسه اكو امنية عدكم تطول سنين هسة يكول لعد عدكم شكد تطول قرون كاملة !!! هههههههه واسألوا الناس كلها واسألوا دوائر امريكا كلها وكولولهم اكو تجييك امني يطول سنين ؟؟؟ هسة كلها تظل ايام تضحك على هذا السؤال تدرون ليش ؟ لان هو من اسمه تجييك امني والتجييك الامني ليش المفروض يكون سريع ؟ لان اذا كان بطيء يفقد اهميته والخاضع للتجييك ممكن يسوي اي شي بهاي السنين وتجي الدوائر بالاخير وتكول والله اسفين الموضوع ياخذ وقت مال التجييك , هو هذا حجي بالله ؟ اذا التجييك الامني مالتهم يطول سنين مثل ماتكول المنظمة بالايميلات الحاضرة لكل شخص يسأل لعد احنا ليش يسمونا دول عالم ثالث وماعدنا ثقافتهم بالانترنيت ومجال الالكترونيات ؟ اني طبيت لامريكا مرتين مرة برنامج دراسة فلبرايت ومرة بعثة من السفارة وتجييك البصمات مالتهم تدرون شكد طول بالضبط على بصمتي من بيت مليارات البصمات ؟ والله العظيم طول لو سبع لو تسع دقايق بالضبط , لعد التقنية وين راحت والتكنولوجيا مالتهم وين راحت وسرعه سيرفراتهم مال الانترنيت وين راحت اذا تجييكهم يطول سنين ؟؟؟ لعد احنا اصحاب الارشيف شنكول ؟

عمي كول يالله وروح دبر حالك وتلحك لنفسك وتوكل على الله عسى ان يكتب الله لكم مخرج صدق تنالون به ماتبتغون

تحياتي لك ولكل اهالي البصرة الطيبين
الف مبروك وانشأ الله السفر  اخي جار الانتظار انت  تأتي بكلام من يمك وكأنك انت تعمل مع المنظمة حبيبي  بالنسبة للحظ مؤ أني الي  قلته وانما من كنا نتصل بالمنظمة قبل  كان الاتصال مباشر مؤ مثل هسة من تتصل ما تحصل اي نتيجة او ما تكدر تتكلم وياهم اكثر من مره ومن كنا نتصل بالمنظمة الي بالأردن  ما سبب تاخيري واني قديم والجدد يطلعون تكول نصا ً كلماً وحظا فيا حبيبي أجنة جماعة الطابوكة الذهبية 2008 ليش لحد هسة ما سافرنا جماعة iz-10

تحياتي ابو علي البصراوي

http://www.youtube.com/watch?v=d5wsmrCWgUU


الشعب لو كان حياً ما استخف به      فرد ولاعاث فيه الظالم النهم

الحكومة نتاج لثقافة الشعب             فهنيئاً لكُم عراقكم الجديد










غير متصل دشتي

  • عضو فعال جدا
  • ***
  • مشاركة: 164
  • الجنس: ذكر
  • الدشتي هي مسقط رأسي
    • مشاهدة الملف الشخصي

ألأخ جار الأنتظار راح اعمل بنصيحتك و اشوف و اذا تكدر رجاءا و بما انه انت اكيد اسلوبك بالأنكليزي قوي يا ريت لو تسوي فضل عليه و تكتبلي كم سطر بايدك الحلوة راح اقارنها ويه الي اني حضرته و ادزلهم ان شاء الله و اني ابقى وياك و keep you posted
   ;)

غير متصل انسام المهندس

  • عضو فعال جدا
  • ***
  • مشاركة: 148
  • الجنس: ذكر
    • مشاهدة الملف الشخصي
    • [url=http://uploads.ankawa.com/][img]http://uploads.ankawa.com/uploads/13721676741.jpg[/img][/url]
عاششششششششششششششششششششششششششششششششت ايدك اخويه جاري الانتظار ولله كلامك صحيح
اني جربتهم اككثر من مره ادزلهم فد رساله واعوفها وما الح عليهم ينسوني يمكن سبوعين لو اكثر
وبعدين صرت ارسللهم رساله اليوم مثلا واعبرلهم يوم وثالث يوم هم رساله ولاحظت جاوبوني لاني دوختهم \
ويمكن لان لاحظوني متوازي وحالتي خطره ....
ويارب تسهل على الجميع
انسام المهندس

غير متصل ابو ملاك المغترب

  • عضو
  • *
  • مشاركة: 26
    • مشاهدة الملف الشخصي
اخي العزيز جار الانتظار المحترم

طبعا لفتت نظري على شغلة الايميلات وتكرار ارسالها للمنظمة عسى وان يتم تسريع حالتي

لان قبل ان اشترك بالمنتدى الرائع جان اكو ناس ايكلولي ديربالك لضوجهم بالايميلات ترة يضوجون ههههههههه اني هم جنت سامع كلامهم كل ستة اشهر ادز ايميل

الله كريم
يارب تعجل لنا السفر ان شاء الله ان كان لنا فيه خير

غير متصل UN

  • عضو مميز
  • ****
  • مشاركة: 1083
  • الجنس: ذكر
  • UN.SYRIA
    • مشاهدة الملف الشخصي
مبروك ويوم السفر
رابط للمنتديات

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
مبروك ويوم السفر

ربي يبارك بيك اخويه

اخوك ابو محمد

غير متصل zeno86

  • عضو فعال جدا
  • ***
  • مشاركة: 84
    • مشاهدة الملف الشخصي
    • البريد الالكتروني
السلام عليكم اخوان اعذروني لان دخلت على الموضوع بس مستعجل على الجواب اخوية جار الانتضار  سؤالي لحظرتك او اي  احد عندة خبرة من الاخوان هو بخضوص السفر لايران بعد مقابلة المحلف هل يأثر اذا كلنالة للمحلف لو لا لان السفرة بعد المقابلة رح تصير وللعلم هية سفرة عمل والف شكر ييعني عندي اوراق تثبت انها سفرة عمل ورح تصتدف بغد المقابلة نكللهم لو لا