المنتدى الثقافي > زاوية الشعر الشعبي

صِـرنـَـه مـضاحِـك للأمـَـم

(1/1)

ميسون نعيم الرومي:
صِـرنـَـه مـضاحِـك للأمـَـم
ميسون نعيم الرومي
 
يـاطول ! ياعـرض الـزلِـم ـ صِـرنـَـه مـضاحِـك للأمـَـم
بـَــغـداد مـَبـْنـيـَة ابــرَمـــلْ
والــدَربْ بــَلـْطـوه ابـزبـل
حـَـيـّوا عـلى خـَيـرْالـعـَمـَل
مـكتـوبـَـه بـالحـق والـعِـلِـم ـ صِـرنـَـه مـضاحِـك للأمـَـم
ــــــــــــــــــــــــــــــــــــــــــــــــــــــــــــــــــــــ
هـذا جـِـرَه.. مـايـنـّوصـفْ
كـلـْمـَنْ يـجـيـنـَه يــنـْحـرف
شوفوا وَكـتـنه اشگـدْ صـلفْ
يـعـجـز ! اشـيـوصـِفْ هـالقـلـم ؟ ـ صِـرنـَـه مـضاحِـك للأمـَـم
ــــــــــــــــــــــــــــــــــــــــــــــــــــــــــــــــــــــ
حـاكـِمـْـنـَه نـايـمْ لـلـظـهـــرْ
وابـعـِلـمـَه يـحـْچـي اوْمـِفـتخر
مـَگــْرودْ يـاچـَعـْب الـجــِدرْ
يـتـحـمـَّـل الـنـار ابـْسـگــُـمْ ـ صِـرنـَـه مـضاحِـك للأمـَـم
ــــــــــــــــــــــــــــــــــــــــــــــــــــــــــــــــــــ
رََشـْحـَتْ ..عـَلـّگــَتْ صـورَه
عـِراق اوهالبـِنـَتْ سـورَه
صـارَت هـاذي حــَزورَه ؟
مـِـن يـحـزر ابطـال الـفِـلِـم ؟ ـ صِـرنـَـه مـضاحِـك للأمـَـم
ـــــــــــــــــــــــــــــــــــــــــــــــــــــــــــــــــــــــــ
يـُمـّه لـزْمـَتـْنـي الـخـوفـَه
هـذا الـحـكـمْ مـاعــوفــَه
طـَبـْعْ الـغـَدرْ بـچـْـفـوفــَه
يـِذْبـَح اوبالـدَم هـاليـلِـم ـ صِـرنـَـه مـضاحِـك للأمـَـم
ــــــــــــــــــــــــــــــــــــــــــــــــــــــــــــــــــــ
مايستحِـي امـنيـنْ ايـخافْ ؟
چــَذابْ دومـَه اولـَغــّافْ
ـ (نـايـبـْنـه) مـاعـِنـْدَه انصاف
يـعـرف الـحَـقْ اويـِـنـْهِـزم ـ صِـرنـَـه مـضاحِـك للأمـَـم
ـــــــــــــــــــــــــــــــــــــــــــــــــــــــــــــــــــــــ
يــَعـْـراق هــاذي قـِسْـمـتـَــكْ
والشـَعـَبْ هــَالـْغـَصْ غـَصِتـَك
لـَفــّاحـَه هـِمـْشــَوْا خـُبـْزتــَك
أرضـك أبـد مـاتِـنـقِسِـم ـ صِـرنـَـه مـضاحِـك للأمـَـم
ـــــــــــــــــــــــــــــــــــــــــــــــــــــــــــــــــــــــ
(خــُبـّـازْ) نــاكــُلْ خــُبـــازْ
حـاكــِمْ اويـلـْعــَبْ جـُمـْبازْ
بــَغــدادْ صــارَتْ شــيـراز
صـاحبـنـَـه ياكِـل بـ (اللـّـقـًم) ـ صِـرنـَـه مـضاحِـك للأمـَـم
ـــــــــــــــــــــــــــــــــــــــــــــــــــــــــــــــــــــــ
ـ (نـَهـّـاز) يـلـْعـَبْ عَ الحـَبـلْ*
مـاعـِنـْدَه كــُلْ أصْـلِ اوْفـَصل
بــَغـداد ســَــوّوهـَه (الـچــّفــلْ) ـ
بـَسـْك اواسـكـُتْ يالقـَـلــَمْ ـ صِـرنـَـه مـضاحِـك للأمـَـم
ـــــــــــــــــــــــــــــــــــــــــــــــــــــــــــــــــــــــ
أحــــْلــى وَطــــَنْ وَطــَنـــّه
بــَغـــدادْ إنــْتِ الــجَــــنـّــه
عـيـــَبْ الزِلـِم تـِتـْحـَـنـَه !
ليـَشْ الـزِلـِم ماتـِلتـزِم ؟ ـ صِرنـه مـضـاحـك للأمـَم
ـــــــــــــــــــــــــــــــــــــــــــــــــــــــــــــــــــــــ
* نـهـاز ـ من انتـهــــــازي
حزيران / 2013
ستوكهولم

Odisho Youkhanna:
مايستحِـي امـنيـنْ ايـخافْ ؟
چــَذابْ دومـَه اولـَغــّافْ
ـ (نـايـبـْنـه) مـاعـِنـْدَه انصاف
يـعـرف الـحَـقْ اويـِـنـْهِـزم ـ صِـرنـَـه مـضاحِـك للأمـَـم
ـــــــــــــــــــــــــــــــــــــــــــــــــــــــــــــــــــــــ

رائع تسلم الايادي

تصفح

[0] فهرس الرسائل