شلون الواحد يأجل موعد السفر

[noorandbaz]

اخواني اكو مجال الواحد يطلب تاجيل موعد سفرة , اجالي علة يوم 8-8-2013 واني عايش بعمان , يوم الاثنين القادم 22-7 لازم اروح اسلم الجوازات

هل اكو مشكلة اذا تم التأجيل ؟ لانه كلش صعب اسافر هسة لانو الكفيل مسافر واشلون احسن طريقة افهم المنظمة انو مستحيل اسافر بيوم 8-8 ؟

[alialiali10099]

يااخي واذا كفيلك سافر روح توكل ولا تاجل سفرك
نتمنى لكم التوفيق

[ابو فرقان]

للرفع والمساعدة .... ولو الكل راح يكولون ابد لتأجل لان موعد الورا يتأخر ويتسبب بمشاكل وووووو .... حاول اخي تسافر واتحمل اي شي افضل

ابو فرقان

[ام اديان]

الافضل انه ما تاجل ..حتى اذا الكفيل مموجود المنظمه تتكفل بيك .اذا اجلت راح تتاخر اشهر ..
لكن اذا كنت مضطر للتاجيل ممكن تبعث الهم ايميل تشرح بيه الوضع وانه الكفيل مموجود .او اذا عندك تقارير طبيه لمواعيد مراجعه ضروريه وغيرها ممكن ترفقها كسبب للتاجيل او.ممكن تشرح الوضع ببساطه وشوف شيجاوبوك .لكن الرد يستغرق اسبوعين فاذا فات موعد سفرك قبل ميردون اكيد يتصلون بيك لمعرفة السبب  وقتها اشرحلهم المساله وسبب عدم سفرك .
يحقلك اتاجل مرتين فقط لكن بالمره الثالثه يغلق الملف .
بالتوفيق ان شاء الله

[firas baghdadi]

ياويلة وياسواد ليلة اللي يأجل السفر            وحق هو الله يشبع ضيم وقهر

حتى شعر سويتلك بعد شكلك وانت بكيفك

تحياتي للجميع

[noorandbaz]

طبعا الكل مشكورررر هسة انتوا  دخلتوني  بقلق يعني من بابك اني كلش فرحان وومصدك ومن باب الثاني الواحد يسأل نفسة هل مستعد يسافر ؟, يعني عندي هواية متعلقات اهنا عندي امتحان بشهر ال 12  لازم اسوي بالاردن بس مو مشكلة الفلوس اللي راح تروح علي نكول فدوة  وعندي كم شغلة لازم اسويهة قبل ما اطلع لانو اعرف راح اتبهذل اذا سويتها وسافرت بال 8 .... ارجو انو شوية تتفهمون انو وضعي شوية معقد بس الحمد لله اهم شي الامنية خلصت منها وهذا جان مصدر الكاابة والحيرة مالتي اعتبر روحي محظوظ لانو طلعت واني تقريبا فقدت الامل بعد انتظار وانتظار من شهر 8 السنة الفاتت اللي قابلت المحلفين  ....ارجو من اصحاب الخبرة اللي اجلو ينطوني رأيهم ..

اريد اروح لامريكا وما اتبهذل بصراحة لانو اكو ولد شباب راحو وانصدموا لانو ما مستعدين نفسيا وماديا وخاصة موضوع الشغل والسكن . بين قوسين اكو فلوس دا انتظرها توصل بنهاية شهر ال 8 ومناك اكدر اكول انو مستعد .

[ابو فرقان]

مثل متفضلت الاخت ام اديان دزلهم ايميل وبلغهم او اتصل بيهم انتو بعمان يستقبلون اتصالكم ... واكتب في عنوان الايميل ايرجنت حتة يتصلون بيك

[firas baghdadi]

للرفع والاطلاع من قبل صاحب الموضوع

[عازفة الصمت]

واذا الكفيل مسافر عادي تكدرون تدبروهة بدونة والله مو صعبة تخيلو روحكم ماحاطين كفيل
والله تتندمون اذا اجلتو

[securityiom]

اذا اجلت راح تندم والله واعرف ناس اجلوا سفرهم جان يخابروهم كلولهم قضيتكم انغلقت واذا تريدون تفتحون الملف تعيدون كل الاجراءات والمقابلات

[firas baghdadi]

اذا اجلت راح تندم والله واعرف ناس اجلوا سفرهم جان يخابروهم كلولهم قضيتكم انغلقت واذا تريدون تفتحون الملف تعيدون كل الاجراءات والمقابلات

ذولة يمكن مأجلين مرتين.
لأن من حقك تأجل السفر مرة واحدة وبدون مينغلق الكيس

تحياتي لحضرتك

[noorandbaz]

شكرا علة الردود بس سؤالي بعد شكم شهر اكدر اسافر اذا طلبت تاجيل الرحلة ؟؟ ؟

[Haider ALtaie]

الى شعارا اخر .. وانته وحظك

[هسه شلون]

اكو ناس تتمنى موعد سفر وانت تريد تاجله ليش هيج ليش اخي العزيز كل الي ياجلون السفر بعد ميسفروهم هسه بالجديد لان برنامج توطين الاجئين راح ينسد اصلا وبعدك بكيفك انت الخسران

[s350thebest]

مبروك وبالتوفيق ان شاء الله للجميع.

[ام محمد العراقية]

الى الاخ الكريم

اني من رأيي تنفذ البرنامج وتذهب الى امريكا وبعد الوصول

ممكن تسوي ورقة رجوع مااعرف شلون تفاصيلها بحيث ممكن تلحك على الامتحان

واني اعرف طلاب بجامعات سووا هاي الطريقة ورجعوا داوموا بكلياتهم

والحياة فرصة من تجي تروح

[احمدمالك]

up ان شاء الله اهل الخبر يجاوبوك
ولو اني ما انصحك بالتاجيل بس هذا الشي يعود الك



احمد

[هيا]

سافر وتوكل على الله تره من اتأجل راح يثير شك عدهم وترجع اﻻمنيه انتظار وبعد شيطلعك من هالدوامه وﻻتفكر بالماده انت توكل واوصل هناك يجوز الف باب رزق تنفتحلك انت ممتوقعها 

[الفضلي 2]

تقدر تطلب تاجيل واعتقد فترة شهر واحد ياجلوك وبعدين تسافر

[هذا عراقي]

ياخوي مو معروفة الفترة الي يتاجل بيهة سفرك والمنظمة على الطخات ، صفي امورك وحاول تسافر اذا جنت ناوي تسافر من صدك لان احتمال متجيك بعد هيج فرصة توكل على الله اما اذا جنت متردد فهذا بحث اخر ونسال الله ان يهدي ويوفق الجيمع بحق محمد وال محمد

اخوية انت مضايك لوعتهة انت صار سنة من قابلت محلف والحمدلله اجاك موعد سفر اعتقد شفت الشغلة سهلة بس ترة هي صعبة والله يسهل

[firas baghdadi]

ياخوي مو معروفة الفترة الي يتاجل بيهة سفرك والمنظمة على الطخات ، صفي امورك وحاول تسافر اذا جنت ناوي تسافر من صدك لان احتمال متجيك بعد هيج فرصة توكل على الله اما اذا جنت متردد فهذا بحث اخر ونسال الله ان يهدي ويوفق الجيمع بحق محمد وال محمد

اخوية انت مضايك لوعتهة انت صار سنة من قابلت محلف والحمدلله اجاك موعد سفر اعتقد شفت الشغلة سهلة بس ترة هي صعبة والله يسهل

+11111111111111