حبيبي dark angel
اشكرك والله يوفقك اني حاليا بمقاطعة ساسكتون شمال كندا روووووووعة بالجمال بس باااردة ويكولون الاهل انو بالشتا توصل درجة الحرارة 30 تحت الصفر ههههههههههههههههه بس مع هذا الحياة عدهم طبيعية
حاليا والحمد لله سجلت اطفالي بالمدارس وكملت الاجراءات من معاملة الاقامة والهيلث والعمل والدبت انتظر بس توصلني بالبريد كولشي حلو ونظام ومتدوخ كولشي يوصل لعندك وان شاء الله توصل والجميع المنتظرين كندا يوصلون ويجربون الحياه بس وصيتي للاخوان المنتظرين كندا انو يتقوون باللغة الانكليزية لانه حيكون كولشي سهل عليهم وميدوخون اهم شي اللغة
تحياتي القلبية الخالصة لك اخي DARK ANGEL ولجميع الاخوان والاخوات
ماشاء الله خوش اخبار برافو عليك خلصت كلشي باقرب فرصة ممكنة حتى بعد ماتضبط كل امورك وتخلص هذه المعاملات
تبلش تشتغل ان شاء الله واحسن شي سويته سجلت الاولاد بلمدرسة يااخي اني احترم الشخص الي يمشي اموره
بجدية ان شاء الله يوم تفرح بتخرج الاولاد
بلمناسبة درجة الحرارة يمكن الاهل مايردون يهبطون من معنوياتك فكلولك 30
saskatchewan قليلين بيه العرب على مااعتقد وعاصمتها regina بصراحة ماعندي اي معلومات عنها
بس ان شاء الله تشوف كل الخير بيها
ياريت لو تنزل موضوع تشرحلنا بي تفاصيل رحلتك و الخطوات التي اتبعتها للحصول على اوراق الثبوتية
طبعا مو هسه لانو اكيد مشغول من يكون عندك مجال وبالاخص يمكن انته اول عضو بلمنتدى دشن هذه المدينة
تحياتي لك اخي العزيز واشكرك على مشاعرك الطيبة
تمنياتي لك بلتوفيق لك وللعائلة الكريمة
حبيبي dark angel اشكرك والله يوفقك وان شاء الله تذكرللنة تفاصيل رحلتك الى كندا وباقرب وقت بأذن الله
بالنسبة للتفاصيل ةهي كالاتي:
خط الرحلة كان بيروت_فرانكفورت_كالغري_ساسكتشيوان
من بيروت الى فرانكفورت تقريبا الوقت كان 3 ساعات وانتظرنة حوالي 3 ساعات بمطار فرانكفورت واللي كان جميل جدا وصلنا الفجر وكانت الحمد لله الجو مشمس بس بيه شوية برودة واجتنة موظفة الاي او ام وكانت اعتقد من اندونيسيا وخوش بنية قسمتنة العوائل اللي وجهتهم تورنتو والعوائل اللي على كالغري وكانت فقط عائلتين احنة وعائلة اخرى واكملنا الاجراءات كاملة والحمد لله اخذتنا الى صالة الانتظارالى طائرة كندا كالغري واللي كولة الرحلة بيها ال8 ساعات متواصلة وبالفعل كانت رحلة طويلة ومتعبة خصوصا للاطفال والخدمات فيها كانت ممتازة والحمد لله وصلنا الى كالغري ومن الطرفة انو ابني الصغير لون عيونة خضرة وبشرتة سمرة فالموظفة المسؤؤلة عن تجييك الجوازات كالت شنو هالطفل الجميل عليمن طالع هههههههه المهم اللي استقبلنا بمطار كالغري رجل عراقي من الاي او ام محترم ومقصر والله الله يجزيه الخير بس بصراحة التفتيش جدا صعب ويدققون على ابسط الاشياء يعني الاطفال مشوهم بدون تكرمون الاحذية فحص دخلت وحزام البنطرون مالتهم ايضا خضع للتفتيش ومقبلو اصعد وياية بطل مي للطفلة وحتى كيس شيبس لبنتي الصغيرة دتاكل بيه جروه من ايديهة وضلت تبجي هههههههههههههه بس سكتناها ومشي الحال وصعدنة لطيارة ساسكتشيوان واللي مطولنة بيهة ساعة وصلننا ومن الطيارة نشاهد مناظر طبيعة جميلة جدا وهدوء واني بصراحة احب الهدوء واجتي عالنية سبحان الله المهم وصلنة والاحضان من الاهل والبكاء بحيث المطار والمسافرين الاجانب وكفو يباوعون علينة ههههههههههههه بالفعل لحضة اعتبرهة جميلة ومتنسي وان شاء الله يلم شمل جميع المغتربين باهلهم يارب
نكمل استقبلنة موظفة من الاي او ام عراقية والحمد لله كانت صديقة الاهل ومقصرت اخذتنة الريسيبشن هاوس وكولشي موجود ومتوفر بيه من اكل شرب وتليق بالعائلة وثاني يوم رحنة اكملنة كارت العمل والاقامة والهيلث وثالث يوم رحنة كملنا الدبت واللي هوة فتح حساب مشترك بيني وبين زوجتي حتى ينزل بيهة الراتب المقرر من الحكومة الكندية واخذتنة للمدارس حتى نسجل الاطفال والحمد لله سجلتهم وداومو هسة وقبلهة انطونة المنحة واللي هية عبارة هن 3000 دولار كندي واجرنة بيت ارضي مرتب بحوالي 1400 دولار وطبعا اكو اكثر واكو اقل حسب الميزانية والحكومة مكلفة بدفع الايجار مقدمة ل3 اشهر قادمة
طبعا الاهل مخلونة يومية ماخذينة بمكان وقبل لا انسى اخذتنة الموظفة الى الاوبن دور وسجلنة على موعد امتحان مستوى انكليزي وانطونة موعد يوم 22 /10 ومن الله التوفيق
اتمنى اكون مطولت عليكم واسف اذا نسيت شي واللي عندة اي سؤال او استفسار اني حاضر وان شاء الله اي شي راح اتذكرة انزلة حتى يستفاد منة الاخوان من قوانين وامتيازات في كندا
تحياتي للاخ العزيز dark angelولجميع الاخوان
اخوكم
على حب الله (من كندا)