0 الأعضاء و 1 ضيف يشاهدون هذا الموضوع.
عاشت ايدك عمي ابو محمد استمر بابداعك فعلا واضح كلامك والفكرة وصلت وفعلا متعوب عليه موضوع يستحق التثبيت
السلام عليكم غبت ياابو محمد ورجعت رجوع قوي ياسلام موضوع فوق الرائع وانشاء الله تستمر بلابداع اخوك ابو عادل
عاشت الايادي على هالطرح الراقي وربي مايحرمنه من هذا الابداع ،،،،،الموفقيه انشالله ...تحياتي الاخت هيا
شرح بطريقه جميلا شكرا جزيلا
عاشت الايادي وان شاء الله الموفقية والنجاح للجميعصديقي اهم شي انه عندي Emplyeement Verfication من اي شخص عندة ايميل رسمي يكول هذا اشتغل ويانة والباقي سهل ان شاءالله بالنسبة الي اتاخرت على التقديم لانه فهموني انه لازم يكون امريكي الي ينطي ورقة العمل بعدين اكتشفت انه يصير عراقي والي سوالي الورقة عراقي المهم ان شاء الله اي واحد يكدر يدبر ايميل رسمي تعامل ويا الامريكان يقدم حتى لو يوم واحد فقطوطبعا يقدم IOMاسال الله الموفقية والنجاح للجميع
موضوع مميز , عشت أبو محمد وسلمت أناملك على هالموضوع والمجهود الراقي والرائع كلام صحيح ومضبوط مئة بالمئة وانا أؤيده تأييد كامل , واشكرك جزيل الشكر على تعبك في كتابة وشرح هذه المفاهيم وبدقة شديدة .اكرر شكري وامتناني لك اخي الكريم على ماخطت وكتبت يداك , داعيا العزيز الجليل ان يعجل من سفرك ويفرج همك بأذنه تعالى .واطل من الادارة تثبيت الموضوع لاهميته وخدمة لرواد المنتدى والاخوة الاعضاء أخوك دوما وأبدا أبو الحكم ( جار الانتظار سابقا )
سلمت اناملك التي كتبت بابداع موضوع مهم وفيه فائده لجميع اعضاء عينكاوه ادعو لك بلموفقيه وربي يسهل عليك ويفرجهه من اوسع الابواب ويبعد عنك كل شر ومكروهتحياتي الك يامبدعصبيه
موضوع مفيد ورائع ويحتوي على الكثير من الاجوبة للاستفسارات التي دائما يحتاجها الشخص في بداية تقديمة وقد قدمته بشكل بسيط وسلس حتى يستفاد منة اكثر الشخاصفشكرا اخي ابو محمد على هذا الموضوع الرائع تحياتي
عاشت الايادي مجهود رائع وقيم ان شاء الله السفر العاجل لك اخي العزيز تحياتي
عااااااشت أيدك أبو محمد ألوردة موضوع ممتاز وألكثير بالمنتدى بحاجة ألة ألله يوفقك ويحفظك وتحياتي للأخ أبو ألحكم وكل ألأخوة ألأعضاء
عاشت اناملك ابو حمودي الورده كفيت و وفيت دائما مبدع وطيب وملك بالاخلاق بدون مجاملهربي يحفضك ويعجل بسفرك بجاه النبي تحياتي لحضرتك Quetzal
مشكور ع المجهود ابو محمد الله يبارك بيك
السلام عليكم تحية طيبة من القلب الى جميع اعضاء منتديات عين كـــاواتحية خاصة لأعضاء اتشرف بتعرفي عليهم من خلال هذا المنتدى الاكثر من رائعواسمحولي انه اتكلم معاكم بالعاميه لسهوله ايصال الفكرة لبعض الاعضاءموضوعي اليوم هو رد دين لمنتدى ثقفني واسعفني وافادني وجمعني بأعضاء اكثر من رائعينموضوعي راح يكون بخصوص تقديم IOM بغداد ... وبيه راح اخلي كل المعلومات اللي اخذتها من هذا المنتدى الرائع لعلي اوفي الدين اللي عليه وارد الخير اللي اجاني من خلالهاول شي لازم نعرفه هو : منو اللي يحقله التقديم للهجرة من خلال منظمه IOM ؟الجواب هو : أي شخص عمل أو تعامل أو تعاقد مع القوات الامريكية أو احدى الشركات الاجنبيه المدعومه من قبل الولايات المتحدة الامريكية وأللي استلم راتبه أو اجره من الجيش الامريكي.بس نجي نوضح شلون ؟؟ مثلا موظف اشتغل ويه القوات الامريكيه او اي شركه او منظمه تابعه للولايات المتحده ... ياخذ منهم رسالة تزكية ال (recommendation letter ) ومن خلال هذي الوثيقه يقدم للمنظمه. زين هسه نجي نكول ... اذا واحد ما عنده أو فقد رسالة التزكية ... شلون ؟ الجواب هو انه يكون عنده ايميل او رقم هاتف من خلاله يكدر يتصل بقسم الهيومن ريسورس (HR) او المسؤول المباشر عليه. وراح تكولولي واذا ما عنده ؟ بهايه الحاله والامل الاخير انه يستعين بالاخوان هنا بالمنتدى انه ينطيهم اسم الشركة أو شخص كان مسؤول عليه ولعلى احد يكدر يساعده بهذا الموضوع . واذا مدبره ... ف عذراً اني لا اجامل مثل هيج ناس واحب اكول الهم انه همه ظلمو نفسهم قبل لا اي احد يظلمهم. وهيه مو نهاية الدنيا ,,, سافر لاي دول الجوار وقدم للجوء.السؤال الثاني: هو كيفية التقديم ؟طبعا التقديم من بغداد عن طريق الانترنيت عبر مراسلة الايميل IC@iom.intزين حيجي واحد يكول شنو المطلوب مني انه ابعث الهم ؟الجواب هو: اللي مطلوب منك بالتالي مثل ما موضح بالنقاط ادناه:-1- ارسال نسخه من رسالة \ رسائل التزكية من الشركة او المسؤول المباشر. وكتب الشكر والتقدير والشهادات ( إن وجدت )2- ارسال نسخه من الباجات.3- ارسال نسخه من الجواز والمستمسكات الاربعه.4- ارسال وثيقة تأكيد العمل اللي هيه VOE. وسيتم الشرح على هذي الوثيقه ادناه.5- توضيح بالرساله عن المطالبة بحقك بتقديم اللجوء من خلال هذي المنظمه وانه ( حياتك في خطر وانته مهدد )6- وسائل الاتصال المتاحه عندك , اقصد الايميل ورقم \ ارقام الجوال.هذي النقاط بأختصار شديدنجي نوضح نقطه مهمه جداً ذكرناها قبل شوية اللي هيه ( VOE ) اللي هيه (verification of employment )واللي هيه بالعربي .. وثيقة تأكيد العمل ... وهيه الوثيقه الاهم لضمان حقك بالالتحاق لبرنامج الهجره من داخل العراق وبيها ينذكر ايميل ورقم تلفون وفاكس وبريد للجهة اللي تؤيد عملك معاهموبعد ما ترسل هذي الوثيقه اللي هيه الاهم الى المنظمه ... هنا راح المنظمه تتأكد بنفسها من مكان عملك .. وبعدها ينطيك رقم قضية تسلسلي يدعى ( Case Number ) اللي هو بالعراق يتكون من 6 ارقام يترأسها الرمز IZ اختصاراً ل ( International Zone ) ويختلف رمز بغداد عن رمز عمان اللي هو JO)) وعن رمز سوريا ((SY وإلخ ولكل دولة رم خاص بيها.بعد استلام الكيس نمبر راح تنتظر المقابلة الاولى . قسم تطول وقسم متتأخر. وسبب التأخير بأنه المنظمه تتبع انه يبدي التجييك الامني ( Security Checking ) من البداية وحتى قبل اجراء المقابلة الاولى . ومن يوصل التجييك الامني لمرحله انه يسمحلك بإجراء المقابلة الاولى المنظمه راح ترسلك ملف وورد ( Microsoft Word File ) والاسم المتداول عليه بالمنتدى هنا هو الفورمات ( فورمة المعلومات ) . وبالفعل هيه عباره عن فورمه تملي بيها معلوماتك ومعلومات عائلتك. وما بيها اي صعوبه .. وتجي باللغتين العربيه والانكليزيه .. وانته اختار الي اسهلك.وهنا يجي سؤال, وهو: منو الاشخاص اللي يحق لصاحب التقديم الرئيسي بشملهم باللجوء وياه؟الجواب هو , الاقارب من الدرجه الاولى واللي همه ( الاب , الام , الزوجه, الابناء, والاخ والاخت وازواجهم وابنائهم اللذين دون سن ال 21 سنة.وبعد املاء الفورمات وارسالهم ( واللي اني انصح أملائهم وارسالهم بأسرع وقت ) يتم الاتصال بيك من المنظمه \ عمان لتحديد موعد المقابلة الاولى.الكثير يخافون من يسمعون مقابلة .. بس للعلم المقابلة الاولى هيه مقابلة للتعرف على المتقدم لطلب الهجره وعائلته إن وجدت. ولمعرفة سبب التقديم للهجره والسبب الاكثر هنا يجي هو الظروف الامنيه اللي يعاني منها صاحب الطلب.اخوان نصيحة مهمه جدااااااااااا اخذو الكلام هذا مني واحفظو زين , اني احب الناس الاذكياء, اللي يعرف شلون يتكلم بالمقابلة ويكون ( مرتب ) قصته ( قصة التهديد ) وما يعقدها على نفسه, بس بالتالي اني ما اكول اكذبو , ولا اكول احجو الصدك كلله , الافكار اللي عند الاميركان الها بعد ابعد مما نتصوره احنه, يعني انته تكذب كذب مصفط , اهون مما تحجي الصدك المخربط , او الكلام اللي غير منسجم وغير منطقي وغير مرتب, يعني كون ذكي ( ورتب امورك )وخليك كلك ثقه من تدخل المقابلة لانها راح تكون اول خطوه بقبولك للهجره. يعني اكتب احفظ ادرخ . واكتبو كولشي واحفضوه مثل القصيده و لا تستهينو بالكتابه ورقه وقلم كولشي واهم شي التوايخ وهايه الامور مبيها مجال للخطأ . لان كلامكم اللي راح تكولوه بالمقابله الاولى راح تنسألون عليه بالمقابله الثانيه ( مقابلة المحلفين )طبعا المدخل للمنظمه كل فتره يتغير , ومن يجيكم موعد المقابله اذا مفتهمتو من العنوان اللي يجيكم بالايميل اكتبو موضوع هنا بعين كاوه والشباب مراح يقصرون ابدا وياكم.المقابلة الاولى بالنسبه اللي اني طولت 7 ساعات تقريباً. وهيه اطول وأسهل مقابلة تشوفوها بخلال مسيرتكم ويه المنظمه. وما بيها اي قرار يتخذ في حق طلبكهنا راح تنتظرون لفتره لحين ما يتم استدعائكم للمقابلة الثانيه , والسبب ايضا التجييك الامني لقبل مقابلة المحلفين , والفتره غير ثابته وغير معروفه ابدا, لأسباب يطول شرحها. بس اول وتالي راح يتصلون بيك عن طريق الايميل او الهاتف لتبليغك بموعد المقابلة الثانيه ( مقابلة المحلفين ) واللي هيه المقابلة الحاسمه , يعني انته لو جنت قاري زين بمقابلتك الاولى وبعدك حافظ اللي قريته , مقابلتك متطول نص ساعه ... بالنسبه اللي ما طولت 20 دقيقه. اما اذا اختلفت اقوالك بين المقابلتين ؟ ف الرفض لا سامح الله راح يكون هو ردهم لمقابلة المحلفين.خليك واثق من كلامك , لا تنفعل , اتصرف بهدوء , كلامك خليه منطقي , لا تكثر من الكلام وبالتالي راح تفتح عليك وابل من الاسئله اللي انته بغنى عنها. غير هايه النقاط ماكو, اذا تلتزم بيها , القبول والسفر لا محال. وبعدها وغالباً خصوصا هذه الفتره يتم تحديد موعد للفحص الطبي بعد يوم واحد من مقابلة المحلفين ... وهو بمكانين معتمدين لدى المنظمه ( مستشفى ابن البيطار أو مستشفى بغداد الاهلي )وبعد الاجرائات الاخيره تكون انتهت مهمتك,وهنا تأتي مؤشرات القبول أو التعليق ( الملفات قيد الدراسه ) او الرفض لا سامح الله.علامة الرفض: انه يجيك رد من المحلفين برفض القضيه بأقل من 20 يوم. وبعدها تكدر تعمل الاستئناف ( وهناك مواضيع كثيره تعلم الاعضاء طريقة الاستئناف )علامات التعليق: بقاء حالة مقابلة المحلفين ( فعال ), شيئ مؤلم انه للمترجمين الحصة الاكبر من التعليق ... ربي يفرجها عليهم وبالاخص الاخ ابو الحكم ( جار الانتظار سابقاً )علامات القبول هي نقطتين:-اكتمال خانه المحلفين وتغييرها الى ( مكتمل ) (Completed) وبالتالي ايضا تتحول حالة الملف الى Pending Result (بانتظارالنتيجة)الاتصال بالكفيل ( إن وجد ), وبعدها نزول المدينه والمطار بالملف.وبعدها استلام نتيجة المحلفين بعدحوالي 90 يوم ( قبل كانت 60 يوم ) ولكن بسبب الضغط على المنظمه اصبحت الفتره طول ,واللي هيه يتم استلامها غالباً بعد حصول النقطتين اللي ذكرناها بالاخير. راح تكون نوعين وهما:-الموافقة المشروطة بالامنيه (Deferral letter) وهيه الشائعه ولها النسبة الاكبر من القبولالموافقة الكامله ( وهيه نادرة الحصول )النوع الاول يتم سفر مقدم الطلب بعد اكتمال الامنيه, اما النوع الثاني فأنه يكون تحت المراجعات الاداريه فقط وبعدها يكون على جدولة السفر.اما عن اصحاب الموافقة المشروطة بالامنيه, واللي همه حيسافرون بعد ما تكتمل امنيتهم انصحهم بأنه يراسلون المنظمه اسبوعيا ويبلغوهم دوماً انهم متعرضين للتهديد. لضمان انه المنظمه متنساهم ويبقى دائما ملفهم على الطاولة ولا يهمل.وهنا نجي موضوع ثانوي لا يقل اهميه ابدا عن ما سبق من كلاميهو كيفية مراسلة المنظمه ؟اكثر الاعضاء هنا اشوفهم يتداولون انه المنظمه تجاوبهم كوبي بيست !!يعني هل انه من المعقول منظمه دولية موظفيهم يراسلون كوبي بيست ؟؟طبعا غير معقول... والحقيقه انه المنظمه لديها سستم الكتروني لأرشفة الرسائل .. والاولويه للرسائل المنظمه عند ارسالها كالتالي, يعني مثلا تجي تريد تراسلهم , اني ما عليه بمضمون الرساله , بس الاهم منه هو موضوع الرساله, واللي هو لازم يكون بنفس صيغة جوابهم على رسائلنه, يعني مثلا لازم يكون موضوع الرساله كالتالي:-IZ-XXXXXX / Family Name , Full Name / Urgentيعني مثلا لو اسمك احمد محمد علي العبيدي والكيس نمبر مالتك IZ-123456 لازم يكون موضوع الرساله كالتالي:-IZ-123456 /AL UBAIDY, Ahmed Mohammed Ali / Urgentوهنا ضفنه كلمة أرجنت ( يعني طارئ ) لحصول ايميلكم على الاولوية للرد عليه لان مثل ما ذكرت انه السستم المعتمد لدى المنظمه هو سستم الكتروني يعطي الاولوية للرسائل الوارده لديهم حسب موضوع الرسالة.والى هنا انتهيت بتقديم لحضراتكم كل ما عرفته من خلال منتديات عين كاوه, لكن هنا كلام بيني وبينكم هو انه لحد يعتب على المنظمه انه أخرت ملفه وما سفرته وهو خله قضيته تمر بنقطة ضعف... وهيه متعددة مثلا:-1- الربط القوي (Strong Bond ) واللي هو يكون بين الملفات ربط بحيث لو كل الملفات تسافر لو لا ... وهنا راح يصير اختلاف بأكتمال الامنيات وبالتالي لو اكتملت امنية قسم منهم والاخر اثناء انتظار اكتمال امنيتهم اصبح اكسباير بالامنيه. وهكذا تصير معاناة. فلا انصح به نهائياً. وانصح بتحويل الربط الى ( Soft Bond ).2- عدم مطابقة الاقوال بين المقابلات الاولى والثانيه.3- التعذر من حضور المقابلات, وبالتالي راح يعتبرك شخص غير مهتم بالهجره.4- اهمال مراسلة المنظمة اسبوعياً.5- كل يوم اضافة شخص أو الغاء شخص من الملف .وبهذا اكون قدمت افرغت ما بجعبتي من معلومات لأضعها بين يديكم عسى الله ان يسهل امر سفركم ويوفقكم وبنهاية موضوعي احب ان اشكر الاخ ابو الحكم ( جار الانتظار ) لتشجيعي لكتابه هذا الموضوع داعياً الله عز وجل ان يسهل أمره ويسرع سفره .والموضوع قابل للنقد وتصحيح اي معلومه قدمتها وما نيتي إلا الفائدة العامه لأعضاء هذا المنتدى الاكثر من رائع.اســــألكم الدعــــــاءتحياتي لكماخوكم ومحبكمأبــو محمـــد
حبيبي الغالت والله حرت اني بس ايميل الشركه الي عندي واسم وتليفون السوبر فايزر مالتي وهذني كوه ياله حصلتهن وصعب جدا انه اجيب كتاب تزكيه لان اني فعلا مهدد وكان عندي باجين هسه بس القديم موجود لان الجديد بوكتهه سلمته خوفا على حياتي وماعرف يقبلوني بالهجره لا والله كل يوم علي بسنه والله كريم
تسلم اخويه ابو محمد وابو الحكم بس انت بعد ابتليت بي ههههههه الله يحفظكم ويخليكم يارب هي مشكلتي شلون احصل على الكتاب ﻻنهسه لو عندي الباج الي سلمته جان دخلت وحجيت ويه مدبري باﻻضافه اني يعني مهدد صعب اوصل ياريت لو تفهمني شلون
اخي ميحتاج تنطي الباج لمسؤولك وليش انت هيج شايل هم للموضوع , اذا حافظ رقم الباج بس انطي رقم الباج وهو اكيد عنده داتا بيس وبيها اسمك ويعرف الموظفين مالته كلش زين , لو تشرح شنو حالتك بالضبط واي شركة كنت تعمل بيها واسم مسؤولك كان دورنا عليه وياك وكان لكينا حل اللك لان جميع الاخوة والاخوات بهذا الموقع ميقصرون وية احد بالاجابة ابدا وجميعهم يتحلون بروح المواطنة وحب مساعدة الغير , فيااخي نزل موضوع واضح وصريح حتى نعرف شلون نساعدك بطريقة دقيقة وانا اولهم ان شاء الله .وايضا اكرر شكري وامتناني لصاحب الموضوع المميز أخوك أبو الحكم مقتبس من: likeman في 23:34 15/09/2013 تسلم اخويه ابو محمد وابو الحكم بس انت بعد ابتليت بي ههههههه الله يحفظكم ويخليكم يارب هي مشكلتي شلون احصل على الكتاب ﻻنهسه لو عندي الباج الي سلمته جان دخلت وحجيت ويه مدبري باﻻضافه اني يعني مهدد صعب اوصل ياريت لو تفهمني شلون
اخوية العزيز هذا عنوان موقع الشركة مالتك http://awi.com/#contact-us/our-officesومكانهم بغداد - العلوية وهذا رقم تليفونهم 0740099038 أتصل بيهم وروحلهم وانطيهم رقم الباج مالتك وانصحك تشيله من الموقع وكلهم اني اشتغلت وياكم من كذا تأريخ لكذا تأريخ وهذا اسم مسؤولي وهذا ايميله واريد اقدم على برنامج الــ IOM وان شاء الله يساعدوك أخوك أبو الحكم
موضوع جميل شكرا لكلكن سؤال اللي ما مشتغل ويا القوات الامريكية شلون؟؟؟يعني مثلا واحد يريد يهاجر لامريكا يصير يقدم على الاي او ام؟؟لو يروح لتركيا و مناك يقدم للسفارة الامريكية؟؟ممكن الاجابة لو سمحتم؟
السلام عليكم ورحمة الله شلونكم اخوان ان شاء الله بخير عندي بس سؤال اذا احد يعرف الاجابة لو امكن لان دايخين ومنعرف بعد المقابلة مال المحلفين اجتي الموافقة ولحمد لله بس بالنهاية كاتبين 4 اشهر ماعرف شنو هاية المدة ، يعني هل يعنون اربع اشهر وراح يسفرونا ؟ وشكرا الكم
السلام عليكم اسفسار لو سمحتم تساعدونة بيه احنا مقدمين IOM من بغداد 3 اشخاص المهم احنا كلنا نفس الكيس نمبر كلنا سوينا المقابلات سوة بس بعد مقابلة المحلف اثنين اجاهم موافقة وواحد اجاه دفلر لتر صحيح انو اذا اجانة طيران منكدر نطير الى ان يكمل الشخص الثالث الامنيات مالتة لو عادي يسفرونة وهوة بعدين يلحكنا مع العلم عمر المرفوض اكثر من 22 سنة ، وسؤال ثاني اذا طلبنا ان يفصلوه من الملف هذا سهل لو صعب لو يعقد الملف بالزايد وشكرا جزيلاً
مقتبس من: DarkerEagle في 12:16 12/11/2013 السلام عليكم اسفسار لو سمحتم تساعدونة بيه احنا مقدمين IOM من بغداد 3 اشخاص المهم احنا كلنا نفس الكيس نمبر كلنا سوينا المقابلات سوة بس بعد مقابلة المحلف اثنين اجاهم موافقة وواحد اجاه دفلر لتر صحيح انو اذا اجانة طيران منكدر نطير الى ان يكمل الشخص الثالث الامنيات مالتة لو عادي يسفرونة وهوة بعدين يلحكنا مع العلم عمر المرفوض اكثر من 22 سنة ، وسؤال ثاني اذا طلبنا ان يفصلوه من الملف هذا سهل لو صعب لو يعقد الملف بالزايد وشكرا جزيلاً اخي ... اول شي شنو كلكم نفسس الكيس نمبر ؟ وشنو ثنين دفرل و واحد موافقة ؟وثانيا الدفرل لتر لا تعني الرفض ... بل موافقة مشروطة ان كان التجييك الامني نظيف .والفصل بين الكيسات ميطول ابداً وسهل...لكن ارجو التوضيح اكثر ان حابب اساعدكابو محمد
مقتبس من: DR.ENG في 13:56 12/11/2013 مقتبس من: DarkerEagle في 12:16 12/11/2013 السلام عليكم اسفسار لو سمحتم تساعدونة بيه احنا مقدمين IOM من بغداد 3 اشخاص المهم احنا كلنا نفس الكيس نمبر كلنا سوينا المقابلات سوة بس بعد مقابلة المحلف اثنين اجاهم موافقة وواحد اجاه دفلر لتر صحيح انو اذا اجانة طيران منكدر نطير الى ان يكمل الشخص الثالث الامنيات مالتة لو عادي يسفرونة وهوة بعدين يلحكنا مع العلم عمر المرفوض اكثر من 22 سنة ، وسؤال ثاني اذا طلبنا ان يفصلوه من الملف هذا سهل لو صعب لو يعقد الملف بالزايد وشكرا جزيلاً اخي ... اول شي شنو كلكم نفسس الكيس نمبر ؟ وشنو ثنين دفرل و واحد موافقة ؟وثانيا الدفرل لتر لا تعني الرفض ... بل موافقة مشروطة ان كان التجييك الامني نظيف .والفصل بين الكيسات ميطول ابداً وسهل...لكن ارجو التوضيح اكثر ان حابب اساعدكابو محمدشكرا جزيلا على الرد عم ابو محمد ، اسف يمكن جان قصدي مواضح قصدي كل واحد عنده كيس نمبر بس بملف واحد ووقضية وحدة ( عائلة ) بس 2 اجانة قبول والحمد لله والثالث اجاه الدفرل لتر سؤالي يعني هل هذا راح يأخرنا كلنا الى ان يكمل التشيك مالتة يالة او ممكن يطلعنا سفر وهوة التشيك مالتة بعده مخلصان يعني يسفرونا وهوة بعدين يلحكنا لو ننتظر كلنا لان احنا بملف واحد مع العلم كل الاعمار فوق 20 سنة وبارك الله بيك وشكرا جزيلا
المحرر
موضوع: تقديم IOM بغداد من الالف الى الياء،موضوع شامل (زيارة 15362 مرات)
