اغنية اعـْيـونـَه الحـِلو ذبـاحـاتْ

[ميسون نعيم الرومي]

اغنية
 
اعـْيـونـَه الحـِلو ذبـاحـاتْ
ميسون نعيم الرّومي
 
عـيـَنـي ابعيـَنـچْ غــِفـَتْ – غـِرگــَتْ اونشـْدَتْ عَ الجـرفْ
ردت اوصـفـَچْ آنـه تـِهـتْ – ضايـِعْ امـْضَيـعْ كـلْ عـِرفْ
اعـْيـونـَه شـِهـلْ مـِثـْـلْ العـَسـَلْ
خـافْ اغـْلـَطـتْ لـونْ النـَخـَـلْ
گـلتْ اسـألچْ ..عـيـَنـچْ حـِچـَتْ – حـسـْنـچْ سـِحـرْ ما يـنـْوصـفْ
غـِرگــَتْ اونشـْدَتْ عَ الجـرفْ
**********
العـيـَنْ عـيـَنْ الغـِزلانْ - والشـافـْهـَه ايـظـلْ وَلهـانْ
يـمـْشـي اويـِدَوّرْ تـَعـْبـانْ – دومـَه يـِتـْحـَسـَرْ هـَيـْمـانْ
اعـْيـونـَه الحـِلو ذبـّاحـاتْ
تـِسـْبي الگــَلب .. كـَتـّالاتْ
شـلونْ بـيـَّه واشـْگـِلتْ – ما أبـَدلچْ .. والله ابألـفْ
غـِرگــَتْ اونشـْدَتْ عَ الجـرفْ
**********
إعـيـَونْ زرگــَه  اشـْمـَحـْـلـَه – تـِزعـَلْ عـَليـَه الشـَهـْـله
والسـودَه تـِبـْچـي اوتـِنـْـتـحـبْ – چـَنـْي اوگــَعـِت..اسـمْ الله
اسـمْ الله عـليـَه اسـمْ الله
صارَت صـدگْ هالشـَغـْـلـَه
اشـْردْ وگـولـَنْ ما شـفـتْ - وامـْشـي واشـيـلْ امن السـَلـَفْ
ياعـيـَنـي أَنـِشـْدچْ يـَمْ زلـفْ – غـِرگــَتْ اونشـْدَتْ عَ الجـرفْ
اشـْردْ وگـولـَنْ ما شـفـتْ
***********
22 / اكتوبـَر / 2013
ســــتوكهولم

[Odisho Youkhanna]

إعـيـَونْ زرگــَه  اشـْمـَحـْـلـَه – تـِزعـَلْ عـَليـَه الشـَهـْـله
والسـودَه تـِبـْچـي اوتـِنـْـتـحـبْ – چـَنـْي اوگــَعـِت..اسـمْ الله
اسـمْ الله عـليـَه اسـمْ الله
صارَت صـدگْ هالشـَغـْـلـَه