المحرر موضوع: قـانـونْ الأنـْـتـِخـابـاتْ  (زيارة 954 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 745
    • مشاهدة الملف الشخصي
    • البريد الالكتروني
قـانـونْ الأنـْـتـِخـابـاتْ
ميسون نعيم الرّومي
 
قـانـونْ اوتـفــرْضـَه الأنـْـتـِخـابـاتْ – نـِتـْويـكمْ تـَوي بالأنـْفـِجـاراتْ
تـِرْضـونْ لو ماتـِـرْضـونْ
أصـْواتْ إلنـَه اتـْصـَوتـونْ
احـْزامْ النـاسـِفْ تـِنـَّسـفـونْ
نـِسـْبـيـكـُمْ سـَبـْي ابـْهـذي السـِبـايـاتْ - قـانـونْ اوتـفــرْضـَه الأنـْـتـِخـابـاتْ
***********
إعـْراقــْـنـَه وَجْ وانـْطـفـَــه
كــُلـَّه مـَرَض مـاكـوْ شـِفـَه
نـُصْ الشـَعـَبْ بـرَّه صـُفـَه
مـو نـَكـْبـَه إنـّكــَبْ..إنـّكــَبْ نـَكـْبـاتْ – نـِتـْويـكمْ تـَوي بالأنـْـفـِجـاراتْ
***********
بـَرْبـعْ يـَـبـو گــُذلـَه اوزلـفْ
نـَفـْط الشـَعـَبْ كــُلـَّه انـْلغـَفْ
يـخـْطـبْ اويـحـْلفْ بـالشـَرَفْ
هـَمْ عـدْهـُمْ شـَرَفْ ذولـَه النـِفـايـاتْ - قـانـونْ اوتـفــرْضـَه الأنـْـتـِخـابـاتْ
************
نـايـمْ شـَعـْبـي إصـْحـَه اوگـومْ
خـُبـْزَكْ مـايـَكْ هـالمـَسـْمـومْ
مـن خـِبـْزَكْ دومـَكْ مـَحـْرومْ
ثـَورَة كـُـلْ شـَعـَبْ تـفـْرضْ شـِعـاراتْ – نـِـتــْويـكمْ تـَوي بالأنـْـفـِجـاراتْ
***********
نـِـتـْـفـاهـَـمْ إنـْردْ نـِخـْـتـلـفْ
كــُلـَّه چـِذتْ كــُلـَّه بـَـلـفْ
دومـَه انـْتـِهـازي اوهـَمْ صـَلفْ
صـِرْنـَه للأسـَفْ نـِشـْحـَذ إعـانـاتْ - قـانـونْ اوتـفــرْضـَه الأنـْتـِخـابـاتْ
************
أَويـَلي اعـْلـَه البـَلـَدْ مـَشـْعـولـَه بـيـه النـارْ
عـلى دَمّ الشـَهـيـدْ اتـْسـاومْ التـجـّارْ
نـِدْعـي مـِنْ عـَلي : يـاحـَيـْدَرْ الكــَرّارْ
بـِسـمْ الله يـِـهـِـدْ هـذي الزَعـامـاتْ – نـِـتــْويـكمْ تـَوي بالأنـْـفـِجـاراتْ
***********
تـَفـْجـيـرْ البـَلـَدْ كـُلْ سـاعـَه .. يـومـيـَّه
مـَتـْهـِمـْنـَه المـَذاهـِبْ..سـٍنـَّه شـيـعـيـَه
نـِذبـَحـْكــُمْ ذبـحْ وانـْـفـوز حـَـتـْمـيـَّه
كـُلْ لـَحـْظــَه اوتـمـُرْ تـِصـْدرْ بـَيـانـاتْ - قـانـونْ اوتـفــرْضـَه الأنـْتـِخـابـاتْ
************
لـَسـْيـادَه ( البـَطــَلْ ) قـايـدْنـَه هـالطـايـِـرْ
بـالكــُرسـي لـزَگْ إمـْچـَلـّبْ اوثـايـِـرْ
قـانـونْ انـْكـِتـَبْ بـَسْ يـِحـْمـي بـالجـايـرْ
إبـْدَمْ الشـَعـَبْ بـَصـْمـاتْ تـَوقـيـعـاتْ – نـِـتــْويـكمْ تـَوي بالأنـْـفـِجـاراتْ
***********
تـَزْويـــرْ انـْـكـتـَــبْ بـالقـــوَّه هـالقـانـــونْ
كـُلْ حـَرْفْ انـْـكـتـَبْ..مـَدْروسْ بـيـه افـنـونْ
بـالـِمـْروَّه تـَرَه..اوبـالگـــوَّه..تـِـنـْـتــَـخـْبــونْ
مـوديـَلاتْ واخـْـتـارَوْ الجـَمـاعـاتْ - قـانـونْ اوتـفــرْضـَه الأنـْتـِخـابـاتْ
*********
إنـْـتــَخـْبـوْ النـَـتـائـِـجْ كــُلـّهـَه مـَعـْـلومـَه
والقـصـَّه اصـْبـَحـَتْ يـا نـاسْ مـَفـْهـومـَه
بـيـهـَه اغـْرابْ يـِلـْعـَبْ صـارْ وَي بـومـَه
مـَكـْشـوفـَه يـاخـَلـَگْ .. كـُـلْ هـذي لـِعـْبـاتْ - نـِـتــْويـكمْ تـَوي بالأنـْـفـِجـاراتْ
***********
 
1 / نـوفـَمـْبـَر / 2013
ســـــــــتـوكـهـولـمْ