اني مرفوض من امريكا اكدر احول على كندا؟؟ ارجوا المساعده

[mukhtar ali]

السلام عليكم اني من الي اجاهم رفض من امريكا وجنت حاير اقدم استئناف لو احول على كندا وشايف انو التحويل احسن بدل الانتظار وبالاخير هم يجي رفض
بس اريد اعرف اكدر احول على كندا وشنو المطلوب مني اني جنت على اليو ان بسوريا وهمه حولوني على IOM ورجعت لغداد ونقلت ملفي وقابلت وخلصت كلشي بس بقيت بانتظار الامنيه واجاني الرفض والحمدلله وهسه اني بعمان.. فاريد اعرف شنو الاجراءات وشكد ممكن اطول ؟؟ ارجوا الرد بسرعه واكون ممنون منكم

[mukhtar ali]

اخواني ارجوا الرد يعني ولو بالتعرفوا لان والله محتاج معلومات حتى اعرف اقدم استئناف لو ارجع لليو ان

[iraqforme]

ياجماعه وينك  جماعة كندا ..  لو شي بي خير الكم جان رديتو بس لانو بي مساعدة  الكل ضمت روسها 

[plants]

اخي العزيز اتروح للامم المتحدة وتطيهم جواب الرفض وهم بعد فترة تقريبا 6اشهر راح يتصلون بيك ويكلولك وين حولو ملفك وانشاالله الموفقيه

[mukhtar ali]

ياجماعه وينك  جماعة كندا ..  لو شي بي خير الكم جان رديتو بس لانو بي مساعدة  الكل ضمت روسها 

حبيبي عراق كل واحد حاير بهمه هم الله يساعدهم يعني لو يعرفون ميقصرون كول الحمدلله اني اشوف التحويل احسن بس هم حاير خاف اضيع الاستئناف

[mukhtar ali]

اخي العزيز اتروح للامم المتحدة وتطيهم جواب الرفض وهم بعد فترة تقريبا 6اشهر راح يتصلون بيك ويكلولك وين حولو ملفك وانشاالله الموفقيه

اشكرك اخويه مقصرت وطال عمرك ان شاء الله الكل يسافرون ويرتاحون

[nazar70]

الاخوة المسافرين نود اعلامكم بان الطريق لازال مسدود بالنسبة فقط للذهاب من بغداد الى تركيا .
اما الرجعة من تركيا الى بغداد فالطريق مفتوح والرحلات مستمرة من تركيا الى بغداد ..

[iraqforme]

تحياتي للاخ مختار والاخ بلانت ..
قصدي انو اذا الدول الباقية يشوفون الرفض على المربع السابع ياخذون ملفك لو ينهمل ؟؟
وتحياتي للمعلومه القيمة

[mukhtar ali]

حبيبي عراق على ما اعتقد ياخذون الملف مو مال يعوفوه, وهمه يجيكون من جديد واذا طلع شي يرفضوك لا سامح الله يعني لتخاف اكو هواي انرفضوا وراحو لغير بلدان

[ناجح احمد]

اخي اني نفس حالتك اجاني رفض امريكا وقبلتني كندا بعد ما بلفت يوان ونطيتهم جواب الرفض لذلك اكلك ارجع لليوان احسن لان الاستئناف ياخذ سنين طويله

[iraqforme]

اخي اني نفس حالتك اجاني رفض امريكا وقبلتني كندا بعد ما بلفت يوان ونطيتهم جواب الرفض لذلك اكلك ارجع لليوان احسن لان الاستئناف ياخذ سنين طويله

اخ ناجح وعيونك كتاب الرفض باليوان يسمع حسك صار 10 شهور ومحد عبرنه بكطف جكارة .. حضرتك رفضك على المربع السابع ؟ وفي اي سنة تم قبولك على كندا ؟ وفي اي بلد كنت قبل السفر لكندا ؟

[بوفاضل82]

اخي العزيز بعد الرفض من أمريكا يتم مقابلتك باليو ان وهم يبلغوك بالرفض وإني نصيحتي ألك لا تعمل استئناف ولكن خليك باتصال مع مكتب المفوضية وبلغهم انك تريد تحول ملفك لأي دوله غير أمريكا و مو انته الي تختار كندا لو استراليا لو غيرها هم من يعرضون ملفك علي الدول يتم تحديد الدولة الي تقبل توطينك ولكن اذا انته حددت الهم دوله هنا راح تصعب الأمور عليك اله اذا كان عندك أقارب من الدرجه الاولى في كندا

تحياتي للجميع