مسابح القادة والساسة لعام
2013
واجهت كثير من العوائل في بغداد وعديد من المدن في عراقنا الحبيب نفس هذه المأسي والمعاناة والمشاكل في الأشهر الاولى من سنة 2013 ولا زالت كما هي ربما أسوأ وقت هطول الأمطار . كانت الامطار ايام زمان نعمة وخير وبركة اما الان أصبح نقمة و خوف ورعب وهموم للعراقين داخل بيوتهم وقامو بالسكن فوق السطوح هرباً من الغرق والشتاء على أبوابه .
سؤال في ذهن كل عراقي هو :
الى متى تبقى أوضاع العراقين هكذا في بلدهم بلد الحضارات ؟
ولذلك كتبت هذه الأسطر اعبر بها عن هذه المأسي وعن تحديات العراقين والتكيف مهما كانت الظروف .
مسابح اخر زمن
عشنا وشفنا مسابح اخر زمن
مسابح التكنلوجيا الحديثة والغريبة
في عصر السباحة بالقمر والمريخ
ما ننخدع ببسمة ما نعرف خفاياها
كلمة حلوى ... وعود كذابة ... كالملح مذابة
كفانا دم يا ساسة يا كرام
مكتوب علينا الرمي بالرصاص
نعيش بآلم و ... قسوة و ... خداع و ... حقد
كافي .. ظلم .. وعتب .. وغيرة .. وحسد
انظر يا اخي لعين الطفل البريئ
اللي مليانة ... الأمل والمستقبل والحياة
همك انت بس !!!!!
تركض ورا المنصب والمادة بالفساد
همك ... توصل ... للكرسي المراد
كل هذا عودتونا عليه
بس ،،،،،،، مو
المسابح بشوارع عراقنا الغالي
بالله عليكم بلدنا يستاهل كل هاي الإهانة ؟؟؟؟
لازم نظمه بعيونا ومانخليه يتمزق
عراق الحضارات بلد السلالات
بلد اشور وبابل
بلد مابين النهرين والخيرات
بلد الاجداد والامجاد
حذاري ....حذاري .... حذاري
بيدك جوهرة ما تتعوض بمال الدنيا
لاتفرط بيها
وبالتالي تخسر كل شيئ حتى نفسك
شتحصل لو كسبت مال الدنيا وخسرت نفسك
ترى تبقى عالكرسي جالس وحدك
يا قادة يا قادة يا حكام
يا ساسة يا ظلام
شوفوا المسابح بالمدن كلها وبكل مكان
أولهم الحبيبة بغداد.... طبعاً نسيتوها
صارت البيوت مسابح وبحيرات .. يسبحون بيها
صدك كالو ناس تسبح بالمجاري
وناس همها الكرسي
وتسبح بالفساد وغرقانة بالمصاري
اللي انكسر ما يتصلح
واللي يفرط بشي يفقده للابد
كافي تشدو وتسدو آذانكم وتغمضوا عيونكم
كافي دم وتعذيب الابرياء
وما الهم مأوى وروحهم أشلاء
معقولة تصحى يا لي ظميرك نايم
ما أظن .............!
اشك بالموضوع !
برايي تنفذ بجلدك وتحترم نفسك
اذا باقي الك احترام
المهم الك الكرسي وكيس او (كونية) من الذهب والمال
ارجع يا مخادع لمكانك من حيث اتيت
واحتفظ بما بقى لك من الكرامة
كفاك دم ونهب وسلب وافتراءِ على المظلوم
اللعنة على الكرسي والمنصب
والمال وسخ الدنيا
منو يسمعني ؟
الكل مشغولين !
لازم بكرسي الرئاسة !
اكتشفو فجأة الكرسي غير مشغول !
وشكراً.
ذكرى بوداغ
