المحرر موضوع: خبراء الـ SIV شنو سر إصرار السفارة على معرفة رقم جوازي السابق  (زيارة 3043 مرات)

0 الأعضاء و 1 ضيف يشاهدون هذا الموضوع.

غير متصل Applicant

  • عضو جديد
  • *
  • مشاركة: 3
    • مشاهدة الملف الشخصي
    • البريد الالكتروني
الأخوه الخبراء في الـ SIV عندي مشكلة طلعتلي لا على البال ولا على الخاطر، فبعد ان كملت كل اوراقي وقابلت SIV اني وزوجتي وبنتي في بداية شهر ايلول في السفارة، بعدها بايام دزولي السفارة ايميل بيه كم سؤال عن سفري السابق وعن الخدمة العسكرية وعن الوظائف السابقة إلي ولزوجتي وجاوبتهم على كل الأسئلة وأنه اني مسافر لدولتين كوريا والأردن بالـ 2006 لحضور كورسات تعليمية وبعدها بمدة بعثولي ايميل بي استفسار عن جوازاتي اني وزوجتي القديمة انواعها وارقامها.. بعثتلهم جواب انه احنه جوازاتنه القديمة أتذكر كان نوعها S لكن أرقامها فعلا ماعندي لأنه سلمته لمديرية الجوزات بوقتها لمن استلمت الجوازات الجديدة (الحالية اللي نوعها جي) .. وهنا بدأت المشكلة لأنه وراها كمت كلما أدز ايميل حتى استفسر وين وصلت قضيتي يوصلني جواب انه دزينالك ايميل سألناك بيه عن انواع وارقام الجوزات شو مدزيتلنه جواب، وهذا نص الأيميل اللي كلما اسأل عن حالة ملفي يرجعولي هذا الجواب :

Please be advised that on 17 October we sent you the below message and you never reply. Please read carefully and please reply in order to continue processing your case.
Date October 17, 2013 we are contacting you from the Immigrant Visa Unit, U.S. embassy Baghdad regarding your application for Special Immigrant Visa. In order for us to continue with your application, we ask you to send us a list of all types of previous passports you have held (i.e., G, S series), including the passport numbers.
عندي سؤالين
1.   ليش يكول You Never Reply واني كل مره دا ادز جواب ودا اكول بيها ماعندي رقم الجواز السابق لأنه سلمته لمديرية الجوزات ويمكن فد عشر مرات دزيت هذا الجواب للسفارة على عنوانهم وعلى العنوان اللي خاليه للاستفسارات.

2.   شنو سر إصرارهم على معرفة رقم جوازي السابق وشنو تأثير هذا الموضوع يعني انعلست الفيزا أذا ما ادز رقم الجوازات السابقة؟

رحمة لوالديكم اصحاب الخبرة جواب وهسه شنو الحل.. اغيثوني اغاثكم الله علما انه حالة الكيس لحد قبل يومين جانت Administrative Processing  فقط إليه وأما لزوجتي وبنتي فكانت Ready وهسه صارت تلاثتنه Administrative Processing



غير متصل HayderPHS

  • عضو فعال جدا
  • ***
  • مشاركة: 148
  • الجنس: ذكر
    • مشاهدة الملف الشخصي
    • البريد الالكتروني
اخويه العزيز رح احجيلك الي صار ويه احد اقربائي وعسى ولعل يفيدك.

السفاره طلبت دفتر الخدمه من احد اقربائي وهو يكول اني جنت بالجيش العراقي بدخول الامريكان وذبيت هدومي والدفتر من جانو يصيحون بالسبيكر وطلعت.

المهم من لحو على دفتر الخدمه كلتله اكتب تفاصيل ضياع الدفتر بورقه واكتب بالاخير اسمك ومواليدك ورقم الكيس والتاريخ واطبعهه ووقعهه وارجع اسحبهه سكنر وسوي ربلاي على اخر ايميل وشوف شيكولون , عاد والله تقبلو هذا الموضوع ومشت الامور بدون اي مشكله.

حاول تسوي نفس الشي وتدزه بلكي تتسهل امورك.


بالتوفيق ان شاء الله

تحياتي
حيدر

غير متصل slam hawk

  • عضو مميز جدا
  • *****
  • مشاركة: 4720
  • Engineer Slam Hawk
    • مشاهدة الملف الشخصي
    • البريد الالكتروني
Engineer
Slam Hawk

غير متصل ALI123

  • عضو فعال جدا
  • ***
  • مشاركة: 341
  • اللهم صل على محمد وال محمد
    • مشاهدة الملف الشخصي
اخي من سافرت بالدائرة التي كنت بيها ما اخذوا نسخ من الجوازات او ارقامها دور على هذا النقطة عسى ولعل يصير فرج
اللهم صل على محمد وال محمد

غير متصل قيصر المهندس

  • عضو
  • *
  • مشاركة: 13
    • مشاهدة الملف الشخصي
    • البريد الالكتروني
اني مريت بنفس حالتك تقريبا  بس بوقتها جان دفتر الخدمة العسكرية عندي ومكتوب بيه مؤجل دراسيا  لزكو يكولولي انتة ليش مخادم جيش بين ما فهتمهم انه اني لازم اخلص الكلية وبعدين اخدم لعبت نفسي . بس اخر شي اقتنعو بالموضوع  اما سؤالك على موضوع  جواز ال اس فلانه اني كاتب عندي سفرات سابقة  اتصور بال اي 360 اجتي المحلفة باوعت لكت الجواز فارغ مابيه كلشي لانه اني مسافر ع القديم  فبوقتها كملت كلشي  بس كالتلي من ترجع للبيت يا اما تدزلنا رقم الجواز القديم او نسخة من اول صفحة بيه .. لحسن الحظ اني اني لا زلت احتفظ بيها للجوازات كبل كتبتلهم ايميل بارقام جوازات الاس ونسخة من اول صفحة من الجواز..  هذا بسبب تجييك امني يريدون يشوفوك وين رايح ووين مسافر بناءا على رقم الجواز القديم  فحاول اخي العزيز تدور بايميلاتك القديمة بلكي تلكة نسخة من جوازك لابد بيوم من الايام ماخذله نسخة وباقية عندك.

غير متصل Don Rosales

  • عضو فعال
  • **
  • مشاركة: 67
  • الجنس: ذكر
  • يحكى ان خذلان الرفاق يبعثر الملامح
    • مشاهدة الملف الشخصي
اخي الكريم الموضوع بسيط جدا ومايحتاج هالقلق هذا كله , شوفلك اي عرف بالجوازات وخلي يستنسخلك الورقة الاولى من جوازك الــ S اللي بيها الصورة وبيها رقم الجواز وانطيها اللهم وينتهي الموضوع والجوازات القديمة لاي مواطن عراقي موجودة النسخة الاولى منها في حاسبة الجوازات وتستطيع عن طريق المعارف استخراج نسخة منها لاغراض المعاملات .



أيـآكـم وتـَصِـديـق آلأبـرآج ،، فـ كـِم مـن " كـلِـب " بـرجـه آلإسـّد ،، وكـِم مـن " عـآهِـره " بـرجَـهـآ آلِـعذرآء ،،!

غير متصل Cute Simsima

  • عضو فعال
  • **
  • مشاركة: 74
    • مشاهدة الملف الشخصي
اني بالمقابلة سألوني ، لان اغلب سفراتي جانت بالجواز القديم ، بس اني اصلا عندي نسخة ساحبتها سكان ومحتفضها بيها ورفقتها بالكايس مالتي لان ادري جنت راح يسالوني عن الجواز القديم ، مامعقولة اخي انت هم ماصارتلك فد مرة سحبت نسخة استنساخ لو سكان لجوازك دور بلكت تلكاه

غير متصل Applicant

  • عضو جديد
  • *
  • مشاركة: 3
    • مشاهدة الملف الشخصي
    • البريد الالكتروني
شكرا لكل الأخوة والأخوات اللي اهتموا وردو
HayderPHS و slam hawk و ALI123 و قيصر المهندس و Don Rosales و  Cute Simsim

اخوان بس اريد اعرف ليش يكول You Never Reply يعني (انته ما رديت) ليش ميكول (انته مدزيت الرقم ) لأنه اني دا ارد واكثر من مره واكول يابه ماعندي رقم الجواز السابق لأنه سلمته لمديرية الجوزات ويمكن فد عشر مرات دزيت هذا الجواب للسفارة على عنوانهم وعلى العنوان اللي خاليه للاستفسارات.

اني رح أضل ادور وكلبت الكائنات على اي صورة للجواز خازنها او محملها بلكت الكه او اي ورقة مكتبو بيها رقم الجوزات القديمة، طيب واذا ملكيت شي شلون؟ ممكن تنلغي الفيزا علمود رقم جواز قديم ؟ زين اذا همه يريدون رقم جوازي القديم حتى يجيكون وين مسافر مثل ما تفضل الأخ قيصر المهندس طيب مو همه عدهم اسمي واسم والدتي الرباعي وبصماتي ومواليدي وصورتي يجيكون عليها بقاعدة البيانات مال السفر أضبط من رقم الجواز مو؟

غير متصل Applicant

  • عضو جديد
  • *
  • مشاركة: 3
    • مشاهدة الملف الشخصي
    • البريد الالكتروني
يمعودين وينكم صدكـ جذب ماكو اي رد صار خمس ايام!!

غير متصل قيصر المهندس

  • عضو
  • *
  • مشاركة: 13
    • مشاهدة الملف الشخصي
    • البريد الالكتروني
والله يا خوية ماعرف شنو الحل بمثل حالتك هاية واعذرني والله

غير متصل yousef_basra

  • عضو مميز
  • ****
  • مشاركة: 1071
  • الجنس: ذكر
    • مشاهدة الملف الشخصي
السلام عليكم

حبيبي ابليكانت

كلنا في فترة المقابلة وما يسبقها وما يليها نكون قلقين بسبب اهمية الفيزا ولان تقريبا من الحصول على مثل مميزات فيزة SIV في برنامج اخر او من دولة اخرى.

فانا اعذرك على هذا القلق الذي انت فيه ولكن هو ليس مشكلة كبيرة كما تتصور .

الحل بطريقتين

الاولى : تذهب للجوازات وتطلب من هم ان يعطوك نسخة من جوازك القديم .. فان لم تحصل فعليك بالحل وهو
الثاني:  تذهب للجوازات وتطلب منهم كتاب معنون الى السفارة الامريكية يكتبون فيه ان النسخة القديمة اتلفت ولا يمكن الحصول عليها.

وهذه تحصلها انت وشطارتك

وان شاء الله الفرج قريب

اخوك بالله يوسف البصراوي
اللهم صلي على محمد وآل محمد
اللهم لا تخرجنا من الدنيا حتى ترضى عنا

غير متصل Aboody

  • عضو فعال
  • **
  • مشاركة: 58
    • مشاهدة الملف الشخصي
اخوية احسن حل مثل ما كالو الاخوان شوف احد بالجوازات يطلعلك علة الاقل رقم الجواز مو ضروري نسخة والموضوع سهل بس يدكون اسمك بالحاسبة مال جوازات يطلع رقم الجواز واستعجل بي لان انت اذا مديزيت طلبهم خلال 12 شهر يلغون الكيس مالتك

بس اكو مشكلة اذا انت مطلع جوازك ال اس بال 2004 مراح تلكة الة اي اوليات بالجوازات لان هذيج الفترة مجان اكو حاسبة بالجوازات

بالتوفيق ان شاء الله