احبنك
دومنيك كندو
احبنك بكل جروحي اميلانك،،ولو صحت اه الف موتا اموتنك ،،
وبعيوني ولك لو مبتور الذراع احفظنك ،،
ولك ضلوعي انخلقت ،،حتى من ألموت أخلصنك،،
انت انت بعد ربي ،،أنا عايش لحبنك ،،
ولوجاك عزرائيل ،، اغفله وراسي براسك ابدلنا،، وأغير بكنتي اسمج ،، وأصير المطلوب واغافلنك
واصيح للمشووم بعلوا صوتي هلا بيك،،
خذني وبس من حبيبي ضل بعيد،،
وحنه من يوم الملكا صرنا بجسد واحد ،،،
بس روحي خذها يا موت ما اخاف منك ،،،
يا عمري اغمزلج بطرف عيني ولك بس اسكت ولاتبجين يا بعد روحي،،
وترى دمعتج ماتنزل الكاع وانا بعدي بالوجود وانت ماي العين اجبرنك ،،
ولا دكولين انا مسودن ،،مو تعرفين الروح بيج مهيوم وما ترضى من غيرج تعيش ،،
دعوفيني يا بعد الروح اهمس بأذنك قبل ما أروح اذكر مو كل ليله تغني قبل ما انام وانا اسمعنك ،،،
واعيوني من فوك تظل ترعاك أصلي لك وانت تغني احبنك وك احبنك