اني اب حيرة في امري

[banmeel]

مرحبا اخواني واخواتي الكرام قبل كل شي احب اعايدكم بمناسبة عيد نوروز كل عام وانتو بالف خير . ياجماعة اني سويت المقابلة الثانية قبل شهر وصار مكتمل .بس المشكلة يا اخوان اني طالب جامعي في المرحلة الثانية وما اريد اعوف جامعتي ...شلون ااخر السفر لل2017 لان اتخرج ذاك الوقت..والمشكلة اني ما اريد ابقة بالعراق ورة التخرج لان ما اشوف عندي خوش مستقبل بالعراق.... جماعة الخبرة ساعدوني.
وشكرا

[wesamy]

in whiich collage are you?? iI am Doctor and was work in I raq but I left my job and came to USA.come here and bring your degree from secondry scholl and coplete your study here.the goverment will pay you

[banmeel]

thank you to your reply  im an engineering student i second stage i want to graduate here and study master digree  there at usa ..

[securityiom]

الي يريد شي يعوف شي

[PUPPET]

أخي العزيز العندة هدف ميغنيه شي يعني لو سفر لو استقرار ودراسة

[الملك أدوارد]

اخي الكريم
انت تكدر تضرب عصفورين بحجر واحد
1 تريد تكم جامعتك
2 متريد تبقة بالعراق
شوكت ميطلع سفرك اتوكل بالله واطلع وكمل دراستك بأمريكا .
هم خلصت من العراق وهم كملت دراستك وبجامعة أضبط من جامعات بغداد يعني شهادتك راح تكون معترف بيهه بكل العالم.
تقبل مروري
أخوك
أدوارد

[جومانجي]

الى الاخ العزيز صاحب الموضوع بالهداوه وشويه شويه فكر وعلى كيفك بالنسبه للدراسه هنا ﻻزم تبقه سنه بالبلد علمود تكدر تحصل فاينشل ايد يعني مساعده من الحكومه علمود الدراسه او مو جامعه ﻻﻻﻻﻻﻻﻻﻻ دير بالك راح ينطوك مال كولج يعني بالعراق عدنه تساوي شهادة معهد بالنسبه للجامعه متطلباتها ﻻزم عندك توفل مو اقل من 500 نقطه او ﻻزم تحصل على قرض من الجامعه او متطلبات القرض فد شغله متعبه اني اخوك مليت من هاي السالفه فيا اخويه العزيز اني افضل انه تكمل كليتك بالعراق وتأخذ شهادتك يله ﻻنه انت هنا مراح تكدر وﻻزم تبدي من الاعداديه او حتى لو اخذت شهادتك الجامعيه ﻻزم ترجع تعادله او تقل شي سنتين إذا مو اكثر فالمسائله مو بسيطه وانشاء الله هاي نصيحه او بكيفك شتعتبره اعتبرها والله الموفق

[hardihardi]

احسن شي تبقا بالعراق وبشهادتك تبني العراق وتصنع مستقبل رائع جريمة البلد ان يخسر شباب مثل الورد مثلك اخوي ويمكن لسنة 2017 العراق يصير بلد عالمي

[ترحال]

عزيزي اشعر ان تفكيرك غير واقعي وغير عملي لان الرغبه بالهجره هي اصلاً اقتناع تام وقرار نهائي اما انت فيبدوا فكرة السفر هي عندك دلال تفكير العالم كاتله نفسهه وتسهر السنين قلقاً حتى قسم منهم مستعدين يعوفون اهاليهم وعوائلهم في سبيل حياة جديده ترسخت لديهم بإقتناع ... ثانياً شهادتك المحليه لا قيمه لها في الخارج !! نصيحتي لك ان تختار شيئ من اثنين لضمان نجاحك وسعادتك في هذه الحياة .. فأما ان تكمل ما بدأته في الداخل فأنت مصيب واما ان تفكر ان تبدأ من جديد في المهجر وانت في هذه الحاله ايضاً مصيب.. اما تشتيت الطموح فنتائجه على مستقبلك مجهوله في هذه الحياة المعقده والصعبه وانت يبدوا انك ما زلت شاباً ولا تعلم ما تريد لانك لم تختبر الحياة بعد ..لذا فنصيحتي وقبل ان تتخذ قراراً في مستقبلك ان تستشير اكبر عدد من الناس الذين عركتهم الحياة في الداخل والخارج عندها فأي قرار تتخذه تكون قد تحملت مسؤوليته مع نفسك باقتناع تام ....

[laith_albander2]

عزيزي صاحب الموضوع
اترك الجامعة و اطلع في حالة حصلت موعد سفر و لا تضيع الفرصه من ايدك لان شلون راح تضمن الفرصه تكون موجوده بعد تخرجك ؟؟؟؟
ثاني شئ انت ددكول كملت مقابله ثانيه ... و لو انت مذكرت لكن من الواضح ان هجرتك الى امريكا ... اذا اخذت شهادة و اجيت مدكلي شهادتك هاي وين راح تصرفهه ؟ عزيزي انت لو ذاكر اختصاصك كان كدرت انصحك اكثر
اكمل تفاصيل موضوعك حتى هالعالم تكدر تساعدك

[hardihardi]

عزيزي صاحب الموضوع
اترك الجامعة و اطلع في حالة حصلت موعد سفر و لا تضيع الفرصه من ايدك لان شلون راح تضمن الفرصه تكون موجوده بعد تخرجك ؟؟؟؟
ثاني شئ انت ددكول كملت مقابله ثانيه ... و لو انت مذكرت لكن من الواضح ان هجرتك الى امريكا ... اذا اخذت شهادة و اجيت مدكلي شهادتك هاي وين راح تصرفهه ؟ عزيزي انت لو ذاكر اختصاصك كان كدرت انصحك اكثر
اكمل تفاصيل موضوعك حتى هالعالم تكدر تساعدك

يمعود خلي الولد بالعراق
اذا هو لحد الان متردد فهذا معناه انه غير راغب بالسفر
واحتمال هو مايدري الصعوبات الي يواجهها اللاجئ الواصل
فخليه بالعراق احسن
عالاقل يكمل دراسته ويبني العراق

[Ali leo]

حبيبي الغالي صاحب الموضوع
تحية طيبة

بالبداية احب اسولفلك سالفة وانت ااخذ الي يعجبك منها وفسرها اشلون اتحب اتفسرها

اكو اثنين يشتغلون بمطعم  واحد يشتغل والثاني كاظيها تسخيت بالمطعم وذابها براس صاحبة وللعلم شغلتهم اثنينهم ايغسلون امواعين بالمطعم واسمها الدش وشر  احجاية منا منا اتعاركو اجوا يم الناس الخيرة طبعا ابو المطعم  كالهم اشبيكم تتعاركون كلة هذاصديقي مايشتغل وذاب الشغل كلةةبراسي ومن احاجي ايكلي انا دكتور اسنان والي احصلة من ورة راتبي عشرة الاف دولار بالشهر بالعراق ابو المطعم كلة انت وين هسه انت بامريكا مو بالعراق وجاي تشتغل بارت تايم و9 دولارات بالساعة انت جاي تشتغل عندي بمطعم وانا شهادتك مال طب اسنان الي جايبها من بغداد ماتفيدني بمطعمي لو تشتغل لو تروح للبيت اتباوع على شهادتك واشتغلوا عدل اثنينكم ﻻ اشحوتكم

رباط سالفتنة

اي شهادة عندك بامريكا ما معترف بيها اﻻ الهم اتعادلها وية خبرة بمجال عملك بعض الوﻻيات تكدر تشتغل بيها وتحصل شغل
اكو اهواي ناس معدلاتها من جان بالعراق كلها بلتسعينات ومشمولين باحلى كليات بس عافوها واجوي اهنا ﻻمريكا كملوا شهادتهم وخير من الله فوك ماتصور
اكو مهندسين واطباء وناس تجار اجتي ﻻمريكا وعافت كلشي وراها لمجرد شي اسمه امان وبلد شما تنطي ينطيك ويدعمك وما يخليك تفشل

بالنسبة اكو ناس اتكول بامريكا اﻻ موجود سنة يالله اتحصل الفاينيشل ايد واتكمل كلية اكلهم هاي الناس حجيهم صح ومنطقي بس مو بكل ولاية امريكة
اضربلهم مثال بسيط على روحي وماكول افلان ﻻن صارت وياي
انا من مشيغان 3 اشهر من وصولي سجلت بالكلية وقدمت على الفاينيشل ايد والكلية الي سجلت بيها كوميونتي كولج وراح تدفعلي سنتين فقط واخذ مايعادل شهادة معهد وبالنسبة الى السنتين الباقية من اتريد اتكمل البكلوريوس تاخذها لون من الكلية والتسديد يكون ورة 6 اشهر من تشتغل مو من تتخرج انتقلت الى تكساس العينتين ماقبلتني اﻻ اكمل سنة بتكساس يالله اسجل بالكلية فكل ولاية الها قوانينها الخاصة

فياخي العزيز
اذا حاب تجي ﻻمريكا وعندك هدف للدراسة واتكمل اهنا اكلك كل الهلا بيك ونورتنا
اذا حاب اتكمل كليتك بالعراق الى سنة ال2017 بعد 3 سنين يالله شراح تتوقع  انت تسافر انت اصلا من قدمت قدمت اتريد اسافر لان انت مهدد وماتكدر تبقة بالعراق وبيوم الي يجيك السفر شنو اتكلهم اﻻ اتخرج يالله او عندي ضروفي الخاصة راح ايكولون هذا الشخص غير مؤهل بالسفر لان مامهدد
خلي اكلك شغلة واستقبلها مني بكل رحابة صدر ومو تزعل علية ﻻن هذا رائي لو انا المحلف وهاي قضيتك كدامي اكلهم الغوا الكيس مالته مايسافر واشر الك بالدفرل لتر على المربع الثاني وحتى اسباب ما اذكرلك ﻻن انت ما مهدد

بس كل شخص والة ضروفة الخاصة يحب يجي او ﻻ ايجوز انت قدمت قبل جان ماكو شي براسك بس هسه ايجوز اتفكر بهواي شغلات مثل شهادة وزواج وبيت واطفال واهلي لوحدهم ومستقبلي اشلون لو هذولة لو امريكا وبرائيي اكلك امريكا ﻻن هايكلهن راح اتامنهن بحياه حلوة من تجي لامريكا وخليها بالك امريكا مو مال ابو احد تجي ماتجي مراح اتاثر لا على فلان ولا على ابو اافﻻن
بس نصيحتي الك انت واصل  تلث ارباع الطريق كمل جزاك الله خير الجزاء ولاتخلي افلان يجيبك بسالفة منا ويوديك بسالفة منا

تقبل مروري وانتقادي ولاتزعل مني ترة هوه هذا واقع الحال
اخوك العين كاوي علي ليو
اوستن تكساس