اخوان معلوماتكم رجاءا وياريت تجاوبون الي عندة علم

[securityiom]

السلام عليكم

اخواني محتاج مساعدتكم جدا ضروري اريد اعرف بعد مقابلة الطفل شوكت اقرب موعد سفر او مدة معقولة للسفر بعد مقابلة اضافة الطفل والفحص رجاءا الي يعرف لايبخل علينة لان موضوع كلش يهمني اني جان عندي موعد سفر وتاجل بسبب الحمل واجاني طفل وقابلت من صار عمرة 7 اشهر وصارلي ومن اجاني موعد السفر وتاجل اني بدون سكن وبدون اثاث مامستقر فاذا فترة طويلة حتى اشتري اثاث واكعد استقر

[Skony]

حبي ماريد اهبطك بس اني شفت الولد الي عادو الفحص و جانو متاجلين بسبب الطفل شفتهم تقريباً لمن صار عمر الطفل سنتين و هم مو شرط لان الوظع تغير و هسة ديمشون الامور بسرعة مو ببطء

[securityiom]

شكرا عالرد وننتظر البقية

[ameerbaghdad]

السلام عليكم ... اخي العزيز عندي تقريبا مثل حالتك ولكن اني بعدني ممكمل مقابلاتي منتظر المحلفين وبعد انشاالله ارزق بطفل بعون الله وفضله والحمدلله . سألت موظفين باليو ان وبالاي سي ام سي حول هذا الموضوع كالو كمل اوراق الطفل وسجله باليو ان بعد متكمل اوراق السفارة والامنيات . لان سمعت قبل من شخص يصير تأخير اذا صار عندك طفل . لكن الكلام ابد مو صحيح لان صديقي صار عنده طفل وصار عمر الطفل شهرين وسافر طبيعي بدون تاخير .. يعني حسب اعتقادي الموضوع لان انته طالعلك موعد طيران لذلك اخروك وانته الحمدلله كملت الفحص الطفي للطفل !! يعني الموضوع مالتك سهل انشاالله وانتظر تليفون لتحديد السفر ولتقلق لان انته مكمل كلشي والتاخير عادي هوايه صير هيج حالات ولكن بالاخير يسافرون .. وما اعتقد راح طول شغلتك اخي العزيز وخلي اتكالك على الله .. اسف على الاطالة اخي العزيز .

[securityiom]

شكرا عالرد اخي العزيز اني بعدني مفاحص بس كملت مقابلة قبل اسبوع بس الفحص اصلا بالرابع يسقط

[DR.ZOMBAS]

اخويه العزيز اني مثل حالتك بالضبط بس مااريد اهبط معنوياتك بس لازم اكلك علمود لاتتفاجئ ...اني جان عندي موعد سفر بشهر6 2012 وتأجل بسبب حمل زوجتي بذاك الوقت جانت بشهر التاسع...المهم خلصنه مقابله لإضافة الطفل وره شهرين وفحص طبي بشهر التاسع 2012 ومن ذاك الوقت الى هسه اخوك باقي ونايمه عليه الطابوكه وراح يصير عمر ابني سنتين والفحص الطبي فعال من قبل سنه ولاحس ولاخبر وكل مااراسلهم يكلولي بعدك على التجييك الأمني...واللهاعلم شوكت راح تفض وياهم...وتره مو بس اني بهاي الحاله اكثر اللي ضافو طفل مثل حالتي...اخويه اضافة الطفل ترجع الملف مليون سنه ضوئيه للوراء...واتمنى من كل قلبي ان وضعك يكون مختلف عن وضعي وتسافر بأسرع وقت...تحياتي واهم شي لاتضوج كلنه على هالطريق المقرف مال المنظمه

[securityiom]

اوووووف الله يكون بعونك هسة هاي هم قابلين بيها بس هسة طلعت سالفة الملف مغلق كم واحد صارت عدهم

[earthlink]

الله يسهل للجميع
ممكن سؤال انا اريد اضف زوجتي  كم مقابلة اخضع وانا للعلم مكمل المقابلتين  لو نبدء من جديد