هنا اني اختلف وياك ....الموضوع مو غلط وشخبطه بالموقع و لا سهو من موضف حط كلمة مغلق بالغلط ...اكو سبب لتغيير حالة الملف ...قد يكون منها الغياب عن الفحص الطبي او ظهور حالة في التشييك الامني اثرت على الملف
لان اني لاحظت من جنت بعمان اكو ناس بقت المنظمة تخابرهم على الفحص الطبي بشكل دوري واكو ناس صار فحصهم اكسباير لاكثر من ستة شهور ومحد خابرهم مع انهم فاحصين اكثر من مره ومن كانوا يراجعون المنظمة يكولولهم احنه نخابركم من نحددلكم موعد
يعني بالنتيجه الي يظهر عنده جديد بالتشييك الامني يوقفون الفحص الدوري له ومن المحتمل يغلقون ملفه او هذا كله اجراء جديد وهناك تفسير لمعنى مغلق مثل فعال او تعليق او بانتظار النتيجه
اهلا بيك اخي العزيز
اخي الكريم هي اكيد مو شخبطة بالموقع لان الحالة تكررت اكثر من مرة بس الي دا اكوله ممكن اكو خطأ ادى الى تغيير حالة الموقع الى مغلق يعني مثلا غياب عن الفحص الطبي و ابو الملف ما يدري و هذا مجرد مثال مو اكثر
و بالفعل اكو ناس تتغيب عن الفحص الطبي او غالقين تلفوناتهم و بالتالي يعتبرون غياب و اكو بيهم الموظفين ما اتصلوا بيهم و راح عليهم الموعد و اعتبروهم غياب
بالنسبة لاعادة الفحص الطبي هاي اصبحت معروفة و انا من زمان احجي بيها و اكول الفحص الطبي ما ينعاد اذا اكو اكسباير بالامنية فلازم يرجع الاكسباير كامل يلا ينعاد الفحص الطبي
لكن اكو ناس مكملين كلشي و الفحص الطبي عندهم كامل و اصبحت حالة الملف مغلق !!!!! يعني ما متغيبين عن موعد فليش يكون مغلق؟؟
اما انت تكول انه ممكن الاجراءات الجديدة تكون هشكل يعني كلامك بيه وجهة نظر لكن المعروف الملف من يكون مغلق لسببين الاول عدم حضور لاكثر من مرة لموعد مقابلة او موعد فحص او موعد سفر و الثاني هو رفض امني
فالجماعة لا همه الي متغيبين عن موعد و لا همه الي جايهم ايميل رفض!!!!!
فما اتصور الاجراءات الجديدة هشكل يعني معروفة الي ما عندهم شغل على ملف بالوقت الحالي او صاير عنده اكسباير بالامنية ملفه يصير هولد و ليس مغلق
المهم لازم الاعضاء الي صارت عندهم هاي الحالة ان يراسلون المنظمة و الافضل يحاولون الاتصال بيهم و اذا هاي الحالة صايرة بعمان الافضل صاحب الملف يروح بنفسه للمنظمة حتى يعرف منهم شنو السبب لان فعلا حالة غريبة و تدوخ خصوصا ماكو قرار رفض فليش يصير مغلق ما اعرف
تحياتي
