كّالو صرنا واحد !!؟؟
روني خوشابا البازي
ضحكتي صارت متكَمطة بلوعات الحزن والسبب مذكور
اقراها يا خوية يا اشوري يا كلداني يا سرياني
ساستنا عود فرحونا بتجمعهم وكَالوا صرنا واحد.
يابة حان موعد الانتخابات شو شفنا قوائم اشكال الوان, واذا تسئلهم عن السبب سباع بذكر الاسباب وياهو الاجه يكولك اني الزين! يمعودين مو صرنا واحد؟
ومو غريبة الشعب يصير مذكور، محبوب، محروس بس قبل الانتخابات. وعود يصير موفرلك كلشي وكلمن طلع لابسله قاط وصرح بكيفة يمعودين مو صرنا واحد؟
وبعد فترة حان موعد فرحة النيسان... شو كل واحد ابمكان احتفل ورفع رايتة وشعاراتة وتناسوا الفرحة قومية وحدة!ها يمعودين موكَلتو صرنا واحد؟
لاكن ياحسافة البدر منكم ومسكين الشعب صدكم، اضاهر تجمعكم بس بالاسم, مدكولي الينتخبكم شيترجة منكم؟
اذا بيوم فرحة النسيان ما صرتو واحد، وطبكتو حناجركم، والصرخة عالت ، وطالبتم بحق الشعب الصار منسي وصار الخطار هو الاصل بصدر البيت متربع وما يشبع من خيراتك ياوطنا.
واحنا تاريخنا يشهد علينا. ما كتبنا للتاريخ لان هو التاريخ يكتبنا. ووين
ما تحفر تلكَة اثارنا وصرنا اخر من يسئل علينا يا ساستنا هلمره ما تعبر عالشعب
وعود الصدكَ بحجيكم بعد خل ينتخبكم
وعود الصدكَ بحجيكم بعد خل ينتخبكم
