المحرر موضوع: ܫܪܵܪܐ ܘܦܝܼܠܵܣܘ̇ܦܘܼܬܐ ܕܪܸܥܝܵܢܐ ܘܪܸܥܝܵܢܐ ܐ  (زيارة 1314 مرات)

0 الأعضاء و 1 ضيف يشاهدون هذا الموضوع.

غير متصل عوديشو سادا

  • عضو فعال جدا
  • ***
  • مشاركة: 517
    • مشاهدة الملف الشخصي
    • البريد الالكتروني
ܫܪܵܪܐ ܘܦܝܼܠܵܣܘ̇ܦܘܼܬܐ ܕܪܸܥܝܵܢܐ ܘܪܸܥܝܵܢܐ ܐ̄ܚܸܪܢܐ ܓܵܘ ܚܲܝܘܼܬܐ ܪܸܢܝܵܝܬܵܗ̇ ܘܡܲܪܕܘܼܬܵܢܵܝܬܵܗ̇ ܘܦܘܼܠܝܼܛܝܼܩܵܝܬܵܗ̇ ܘܫܘܼܠܛܵܢܐ

ܡܠܘ̇ܐܵܐ ܦܪܝܼܣܐ ܓܵܘ ܗܲܘܦܐ ܕܥܲܢܟܵܘܐ ܒܠܫܵܢܐ ܥܲܪܒܼܵܝܐ
ܒܝܲܕ ܐܲܪܕܸܓܼܠܐ ܘܣܲܦܪܐ ܡܗܝܼܪܐ ܪܵܒܝܼ ܚܲܕ̄ܒܼܫܵܒܐ ܣܘܼܠܵܩܐ
ܬܲܪܓܵܡܬܐ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ


ܫܪܵܪܐ ܘܦܝܼܠܵܣܘ̇ܦܘܼܬܼܐ ܕܪܵܥܝܵܢܐ ܘܪܸܥܝܵܢܐ ܐ̄ܚܹܪ̄ܢܐ ܒܟܠܲܝܗܝ̈ ܚܲܩܠ̈ܐ ܕܚܲܘܼܬܐ ܬܸܓܼܡܵܝܬܵܗ̇ ܠܐ ܡܚܲܠܦܝܼ ܒܡܸܢܕܝܼ ܠܦܝܼܠܵܣܘ̇ܦܘܼܬܼܐ ܕܡܸܢܕܝܼ ܘܕܲܪܩܘܼܒܼܠܵܝܘܼܬܹܗ، ܘܦܝܼܠܵܣܘ̇ܦܘܼܬܼܐ ܘܲܫܪܵܪܐ ܕܥܸܠܬܼܐ ܘܲܦܠܵܛܐ، ܘܲܫܪܵܪܐ ܘܦܝܼܠܵܣܘ̇ܦܘܼܬܼܐ ܩܪܵܒܼܐ ܕܕܲܪ̈ܩܘܼܒܼܠܵܝܹܐ ܒܥܲܡܲܠܝܼܬܼܐ ܕܛܘܼܘܵܪܐ ܘܫܲܬܼܐܵܣܬܐ ܠܟܘܼܝܵܢܐ ܘܲܟܝܵܢܐ ܕܡܵܐܢ̈ܐ ܗܘ̇ܠܵܢܵܝ̈ܐ، ܡܛܠ ܐܝܼܬܘܼܬܐ ܕܟܠ ܓܹܢ̄ܒܐ ܡܢ ܓܹܢ̄ܒܵܢ̈ܐ ܕܬܸܩܘ̇ܠܬܐ(ܡܘܼܥܵܕܲܠܐ) ܕܫܘܼܬܼܐܸܣܠܵܗ̇ ܠܐܵܢ̈ܝ ܦܝܼܠܵܣܘ̇ܦܘܵܬܼܐ ܝܣܝܼܪܬܐ ܝ̄ܠܵܗ̇ ܝܼܣܘ̇ܪܐ ܗܲܕܵܡܵܝܐ ܐܵܘ ܡܕܲܪܫܵܢܐ(ܓ̮ܲܕܲܠܝܼ) ܚܲܝܠܬܼܵܢܐ ܒܝܼܬܘܼܬܐ ܕܓܹܢ̄ܒܐ ܐ̄ܚܹܪ̄ܢܐ، ܘܒܝܼ ܥܪܵܒܼܬܐ(ܒܸܓܼܝܼܵܐܒ) ܕܟܠ ܓܸܢ̄ܒܐ ܡܢ ܬܪ̈ܝܢ ܓܹܢ̄ܒܵܢ̈ܐ ܒܸܥܢܵܝܐ ܝ̄ܠܵܗ̇ ܥܪܲܒܼܬܐ ܘܲܛܠܵܩܬܐ ܕܓܹܢ̄ܒܐ ܐ̄ܚܹܪ̄ܢܐ ܠܲܚܬܵܡܬܐ ܠܥܸܠܠܵܬܼܐ ܕܝܼܬܘܼܬܹܗ، ܒܣܘܼܟܵܠܐ ܐܵܘ ܒܡܲܥܢܵܝ ܟܠ ܓܹܢ̄ܒܐ ܟܹܐ ܡܲܒܪܹܐ ܩܐ ܓܹܢ̄ܒܐ ܐ̄ܚܹܪ̄ܢܐ، ܘܝܼܬܘܼܬܐ ܕܲܬܪܹ̈ܝܢ ܓܹܢ̄ܒܵܢ̈ܐ ܥܲܡܚܕܵܕ̈ܐ ܓܲܫܡܘܼܢܹ̈ܐ ܝܼܠܲܝܗܝ̈ ܠܝܼܬܘܼܬܐ ܗܘ̇ܠܵܢܵܝܬܵܗ̇ ܘܪܘܼܚܵܢܝܬܵܗ̇ ܟܠܵܢܵܐܝܼܬܼ ܠܲܥܒܼܵܕܐ ܕܐܵܢ̈ܝ ܦܝܼܠܵܣܘ̇ܦܘܵܬܼܐ ܘܲܫܪܵܪܲܝܗܝ ܓܵܘ ܚܲܝܘܼܬܼܐ ܐ̄ܢܵܫܵܝܬܵܗ̇ ܒܟܠ ܙܲܒܼܢܐ ܘܕܘܼܟܬܼܐ ܡܢ ܝܼܬܘܼܬܐ ܕܬܹܒܹܝܠ، ܠܦܘ̇ܬܼ ܐܵܗܐ ܡܸܢܕܝܼ ܒܸܗܘܵܝܐ ܝ̄ܠܵܗ̇ ܨܒܘܼܬܐ ܪܵܒܐ ܟܝܵܢܵܝܬܵܗ̇ ܓܵܘ ܦܘܼܠܚܵܢܐ ܪܸܢܝܵܝܐ ܘܡܲܪܕܘܼܬܵܢܵܝܐ ܘܦܘܼܠܝܼܛܝܼܩܵܝܐ ܕܒܸܦܠܵܛܐ ܝ̄ܠܲܝܗܝ̈ ܪ̈ܥܝܵܢܹܐ ܘܪܸ̈ܢܝܹܐ ܣܲܓܝܼܐ̈ܐ ܡܫܲܚܠܦ̈ܐ ܘܕܲܪ̈ܩܘܼܒܼܠܵܝܹܐ، ܕܒܸܥܒܼܵܪܐ ܝ̄ܠܲܝܗܝ̈ ܓܹܢ̄ܒܵܢܲܝܗܝ̈ ܘܝܼܪܝܼܚܘܼܬܼܐ ܕܪ̈ܢܝܵܝܗܝ ܘܦܘܼܠܝܼܛܝܼܩܘܼܬܲܝܗܝ̈ ܒܬܹܐܘ̇ܪܝܼܡܐ ܘܦܘܼܠܚܵܢܐ ܘܲܥܒܼܵܕܐ ܒܡܸܢܝܵܢܐ ܡܼܢ ܓܹܢ̄ܒܵܢ̈ܐ ܘܚܲܩܠ̈ܐ ܡܢ ܥܲܡܲܠܝܼܬܼܐ ܕܫܘܼܘܫܵܛܐ ܘܲܡܛܲܘܪܵܢܘܼܬܼܐ ܕܚܲܝܘܼܬܼܐ ܐ̄ܢܵܫܵܝܬܵܗ̇، ܘܒܣܲܓܝܼܐ̈ܐ ܡܢ ܓܹܢ̄ܒܵܢ̈ܐ ܐ̄ܚܹܪ̈̄ܢܹܐ ܒܸܟܠܵܝܐ ܝ̄ܠܲܝܗܝ̈ ܒܕܲܪ̈ܩܘܼܒܼܠܵܝܘܼܬܼܐ، ܐܝܼܢܐ ܟܠ ܓܹܢ̄ܒܐ ܡܢ ܓܹܢ̄ܒܵܢ̈ܐ ܕܝܼܠܲܝܗܝ̈ ܡܚܲܠܦ̈ܐ ܟܡܐ ܕܗܵܘܝܐ ܫܲܘܝܘܼܬܼܐ ܕܚܘܼܠܵܦܐ ܒܲܝܢܵܬܲܝܗܝ̈ ܠܹܐ ܦܵܐܹܫ ܫܝܼܦܐ ܐܵܘ ܣܪܝܼܘܵܐ ܓܹܢ̄ܒܐ ܐ̄ܚܹܪ̄ܢܐ ܐܝܼܢܵܐ ܒܗܸܦܟܐ ܦܵܐܹܫ ܒܸܫ ܚܲܝܠܬܼܵܢܐ، ܘܗܵܕܟܼܐ ܒܗܵܘܝܐ ܥܲܡܲܠܝܼܬܼܐ ܕܡܛܲܘܪܵܢܘܼܬܼܐ ܘܫܘܼܘܫܵܛܐ ܕܚܲܝܘܼܬܼܐ ܒܡܹܐܙܲܠܬܐ ܟܝܵܢܵܝܬܵܗ̇ ܐܲܡܝܼܢܵܐܝܼܬܼ، ܦܝܼܠܵܣܘ̇ܦܘܼܬܼܐ ܕܪܸܥܝܵܢܐ ܘܪܸܥܝܵܢܐ ܐ̄ܚܹܪ̄ܢܐ ܘܲܫܪܵܪܵܗ̇ ܥܸܠܡܵܝܐ، ܝܼܠܵܗ̇ ܦܝܼܠܵܣܘ̇ܦܘܼܬܼܐ ܡܕܲܪܫܵܢܬܵܗ̇ ܟܠ ܪܸܥܝܵܢܐ ܟܹܐ ܡܲܒܪܹܐ ܩܐ ܪܸܥܝܵܢܐ ܐ̄ܚܹܪ̄ܢܐ ܕܝܼܠܹܗ ܒܚܘܼܠܵܦܐ ܥܲܡܹܗ ܐܵܘ ܒܕܲܪܩܘܼܒܼܠܵܝܘܼܬܼܐ ܒܨܘܼܪܬܐ ܘܲܚܒܼܝܼܫܵܬܼܐ ܘܓܸܢ̄ܒܐ، ܗܵܕܟܼܐ ܒܥܲܒܼܪܝܼ ܬܪܹ̈ܝܢ ܪܸ̈ܥܝܵܢܹܐ ܓܵܘ ܩܪܵܒܼܐ ܕܕܘܼܪܵܫܐ ܘܲܫܩܵܠ ܘܝܵܗܒܼ ܡܛܠ ܫܲܦܝܼܪܘܼܬܼ ܕܘܼܒܵܪ̈ܐ ܘܡܲܒܨܵܪܬܐ ܠܗܲܘܬܼܐ ܕܚܘܼܠܵܦ̈ܐ ܒܝܼܠܲܝܗܝ̈ ܘܒܵܬܪ ܗܵܕܹܝܟܼ ܣܵܩܲܠܬܐ ܠܪܸܥܝܵܢܐ ܡܫܵܘܬܦܐ ܠܲܚܒܼܝܼܫܵܬܼܐ ܘܨܘܼܪܬܐ ܕܲܬܪܹ̈ܝܢ ܪ̈ܥܝܵܢܹܐ ܕܗܵܘܹܐ ܐܲܡܝܼܢܵܝܐ ܥܒܼܵܕܵܢܵܐܝܼܬܼ ܥܲܠ ܡܲܫܛܵܚܐ ܕܚܲܝܘܼܬܼܐ ܪܸܢܝܵܝܬܵܗ̇ ܘܦܘܼܠܝܼܛܝܼܩܵܝܬܵܗ̇ ܘܡܲܪܕܘܼܬܵܢܵܝܬܵܗ̇ ܠܫܲܪܵܪܬܐ ܕܢܝܼܫܐ ܡܫܵܘܬܦܐ، ((ܗܵܕܟܼܐ ܝ̄ܠܹܗ ܟܝܵܢܐ ܘܪܹܙܐ ܕܚܲܝܘܼܬܼܐ ܫܲܪܝܼܪܬܵܗ̇ ܘܓܵܪܲܓ ܗܵܘܹܐ ܕܘܼܪܵܫܐ ܘܕܲܪܩܘܼܒܼܠܵܝܘܼܬܼܐ ܫܕܵܠܬܐ ܘܲܦܪܵܫܬܐ، ܣܲܩܘܼܒܼܠܵܝܘܼܬܼܐ ܘܲܠܚܝܼܡܘܼܬܼܐ ܒܲܝܢܵܬܼ ܪܸ̈ܥܝܵܢܹܐ ܘܪ̈ܢܝܹܐ ܡܫܲܚܠܦ̈ܐ ܐܝܼܢܐ ܡܢ ܐܲܢܸܢܩܵܝܘܼܬܐ ܝܠܵܗ̇ ܕܗܵܘܝܼ ܐܵܢ̈ܝܼ ܣܛܘܼܟܼܣ̈ܐ ܡܲܨܝܵܢ̈ܐ ܥܲܠ ܚܲܝܘܼܬܼܐ ܕܲܫܩܵܠܬܐ ܘܝܵܗܒܼܵܠܬܐ ܥܲܡܚܕܵܕ̈ܐ ܒܐܸܛܪܐ ܕܡܵܐ ܐܝܼܬܼ ܒܲܝܢܵܬܲܝܗܝ̈ ܒܗܵـܝ ܥܕܵܢܐ ܡܢ ܫܵܘܬܵܦܝܵܬܼܐ ܣܲܓܝܼܐ̈ܐ ܥܲܠ ܡܲܫܛܵܚܐ ܕܚܲܝܘܼܬܼܐ ܐ̄ܢܵܫܵܝܬܵܗ̇ ܒܚܲܩܠ̈ܐ ܪ̈ܢܝܵܝܹܐ ܘܦܝܼܠܵܣܘ̇ܦܵܝ̈ܐ ܘܦܘܼܠܝܼܛܝܼܩܵܝ̈ܐ ܘܲܟܢܘܼܫܝܵܝ̈ܐ ܡܫܲܚܠܦ̈ܐ ܡܢ ܫܒܼܝܼܠܐ ܕܪܸܢܝܐ ܕܬܲܚܒܬܐ ܕܲܫܪܵܪܐ ܘܡܛܠ ܫܪܵܪܐ ܒܲܓܡܝܼܪܘܼܬܹܗ ܝܼܠܹܗ ܚܸܠܡܐ ܡܢ ܬܘܼܪܵܨܐ ܕܡܘ̇ܚܵܐ ܕܒܲܪܢܵܫܐ ܒܓܵܐܢܹܗ، ܒܡܲܥܢܵܝ ܕܟܠ ܪܸܢܝܐ ܐܵܘ ܪܸܥܝܵܢܐ ܐܝܼܬܠܹܗ ܚܲܕ̄ ܣܲܗܡܐ ܡܢ ܫܪܵܪܐ ܘܠܐ ܫܪܵܪܐ ܟܠܹܗ ܡܐܲܝܟܼ ܕܒܸܚܫܵܒܼܵܐ ܝܼܠܲܝܗܝ̈ ܬܲܒܥܵܢ̈ܐ ܕܪܸܢܝܐ ܡܲܬܠܵܝܐ،)) ܠܦܘ̇ܬܼ ܐܵܗܐ ܡܸܢܕܝ ܓ̮ܡܵܥܬܐ ܒܲܝܢܵܬܼ ܣܵܗܡ̈ܐ ܕܲܫܪܵܪܐ ܒܐܸܛܪܐ ܕܕܘܼܪܵܫܐ ܘܲܡܕܲܪܫܵܢܘܼܬܼܐ ܥܸܠܡܵܝܬܵܗ̇ ܘܐܲܘܝܘܼܬܼܐ ܕܲܟܠܝܼܬܐ ܝܠܵܗ̇ ܥܲܠ ܫܸܪܫܐ ܕܲܫܪܵܪܐ ܕܗܲܘܢܐ ܥܸܠܡܵܝܐ ܠܡܵܐ ܐܝܼܬ ܡܢ ܣܲܗܡ̈ܐ ܕܲܫܪܵܪܐ ܬܘܼܚܒܐ ܓܵܘ ܡܸܢܝܵܢܐ ܡܢ ܪ̈ܢܝܹܐ ܘܪ̈ܥܝܵܢܹܐ ܡܫܲܚܠܦ̈ܐ ܒܸܕ ܦܵܐܹܫ ܡܸܛܝܐ ܒܐܸܛܪܹܗ ܥܲܠ ܚܘܼܫܒܘܼܢܝܐ ܟܲܒܝܼܪܐ ܡܢ ܫܪܵܪܐ ܓܡܝܼܪܐ ܕܲܗܘܹܐ ܠܗ̄ܘ̇ܢ ܠܚܵܕܼܪܘܵܢܹܗ ܚܘܼܠܵܦܐ ܡܼܢ ܡܸܢܝܵܢܐ ܕܪ̈ܥܝܵܢܹܐ ܒܲܡܠܘ̇ܐܵܐ ܥܸܢܝܐ، ܘܒܵܬܪ ܗܵܕܹܝܟܼ ܠܐ ܦܵܐܹܫ ܩܪܝܼܡܐ ܐܲܚܟ̮ܝܼ ܡܸܢܕܝܼ ܕܫܵܩܸܠ ܘܝܵܗܒܸܠ ܦܘܼܢܵܝܐ ܥܲܡ ܒܥܲܝܵܬܼܐ ܕܩܵܐܹܡ ܕܚܲܝܘܼܬܼܐ ܚܲܕ̄ܬܵܗ̇ ܒܨܘܼܪܬܐ ܕܦܘܼܠܚܵܢܐ ܡܣܵܝܡܵܢܐ، ܕܚܵܫܹܚ ܥܲܡ ܚܙܲܝܵܬܼܐ ܘܢܝܼܫ̈ܐ ܕܒܲܪܢܵܫܐ، ܒܫܲܪܝܼܪܘܼܬܼܐ ܡܐܲܝܟܼ ܕܐܵܗܐ ܪܸܥܝܵܢܐ ܒܸܕ ܦܵܐܹܫ ܟܬܝܼܒܼܵܐ ܩܵܬܹܗ ܦܝܵܫܬܵـܐ ܡܛܠ ܐܝܼܸܬܠܹܗ ܟܠܲܝܗܝ̈ ܣܛܘ̇ܟܼܣ̈ܐ ܕܚܲܝܠܐ ܘܲܡܨܵܝܬܐ ܕܡܘܼܪܵܝܐ ܘܐܲܡܝܼܢܵܝܘܼܬܼܐ، ܒܦܹܬܼܓܼܵܡܐ ܐ̄ܚܹܪ̄ܢܐ ܒܗܵܘܝܐ ܟܠܲܝܬܵܐ ܘܐܲܡܝܼܢܵܝܘܼܬܼܐ ܘܓܼܵܠܝܼܒܘܼܬܼܐ ܠܟܠ ܛܵܒܼܐ ܘܟܠ ܚܲܝܠܬܼܵܢܐ، ((ܡܛܠ ܗܵܢܐ ܘܵܠܹܐ ܝ̄ܠܵܗ̇ ܠܦܲܪܨܘܼܦܐ ܦܘܼܠܝܼܛܝܼܩܵܝܐ ܡܘܼܪܕܸܢܐ ܕܲܡܗܲܝܡܸܢ ܒܲܩܪܵܒܼܵܐ ܕܪܸܢܝܐ ܘܕܘܼܪܵܫܐ ܕܝܼܡܘܼܩܪܵܛܵܝܐ ܝܲܩܝܼܪܐ ܒܲܝܢܵܬܼ ܡܸܢܝܵܢܐ ܡܢ ܪ̈ܥܝܵܢܹܐ ܘܪ̈ܢܝܹܐ ܡܫܲܚܠܦ̈ܐ ܒܚܲܝܘܼܬܼܐ ܦܘܼܠܝܼܛܝܼܩܵܝܬܵܗ̇ ܘܲܟܢܘܼܫܝܵܝܬܵܗ̇، ܐܸܢ ܗܵܘܹܐ ܐܵܗܐ ܡܸܢܕܝܼ ܥܲܠ ܫܲܘܝܘܼܬܼܐ ܕܚܲܕ̄ ܓܲܒܐ ܐܵܘ ܥܲܠ ܫܲܘܝܘܼܬܼܐ ܕܡܸܢܝܵܢܐ ܡܢ ܓܲܒ̈ܐ ܕܓܵܘ ܟܢܘܼܫܝܐ ܠܲܡܛܵܝܬܐ ܠܡܸܢܕܝܼ ܛܵܒܼܵܐ ܩܐ ܐܲܬܪܐ ܘܥܲܡܡܐ، ܒܣܘܼܟܵܠܐ ܕܩܵܒܸܠ ܒܣܲܓܝܼܐܘܼܬܼ ܪ̈ܢܝܹܐ ܘܦܘܼܠܝܼܛܝܼܩܘܵܬܼܐ ܟܡܐ ܕܗܵܘܹܐ ܡܲܫܛܵܚܐ ܕܦܘܼܠܚܵܢܐ ܡܲܫܛܵܚܐ ܡܫܵܘܬܦܐ ܘܲܦܬܝܼܚܐ ܩܐ ܟܠܲܝܗܝ̈ ܓܵܘܢ̈ܐ،)) ܘܐܵܗܐ ܡܸܢܕܝܼ ܠܐ ܝܠܹܗ ܓܵܘ ܡܨܵܝܬܐ ܥܒܼܵܕܵܢܵܐܝܼܬܼ ܠܐ ܡܢ ܚܲܕ̄ ܦܲܪܨܘܼܦܐ ܘܠܐ ܡܢ ܚܲܕ̄ ܓܲܒܐ ܦܘܼܠܝܼܛܝܼܩܵܝܐ ܐܸܢ ܠܲܝܬܠܹܗ ܗܵܘ ܦܲܪܨܘ̇ܦܐ ܐܵܘ ܓܲܒܐ ܗܲܝܡܵܢܘܼܬܼܐ ܒܚܹܐܪܘܼܬܼܐ ܕܪܸܥܝܵܢܐ ܘܪܸܥܝܵܢܐ ܐ̄ܚܹܪ̄ܢܐ ܒܥܲܡܲܠܝܼܬܼܐ ܕܲܩܪܵܒܼܐ ܪܵܢܝܵܝܐ ܘܦܘ̇ܠܝܼܛܝܼܩܵܝܐ ܘܡܲܪܕܘܼܬܵܢܵܝܐ ܥܲܠ ܫܘܼܠܛܵܢܐ ܒܥܲܡܲܠܝܼܬܼܐ ܕܲܒܢܵܝܬܐ ܕܕܵܘܠܬܐ ܕܝܼܡܘܼܩܪܵܛܲܝܬܵܗ̇ ܡܕܝܼܢܵܝܬܵܗ̇ ܚܲܕ̄ܬܵܗ̇ ܕܦܝܼܫܬܐ ܝܠܵܗ̇ ܫܘܼܬܼܐܸܣܬܐ ܥܲܠ ܣܲܓܝܼܐܘܼܬܼ ܪܸ̈ܢܝܹܐ ܦܘܼܠܝܼܛܝܼܩܵܝ̈ܐ ܘܫܘܼܬܼܐܵܣ̈ܐ ܕܸܣܬܘ̇ܪ̈ܝܹܐ، ܘܠܐܲܟܼܐ ܠܐ ܝ̄ܠܹܗ ܢܝܼܫܵܢ ܕܐܲܡܪܹ̈ܝܚ ܒܐܲܢܸܢܩܵܝܘܼܬܼܐ ܕܫܵܘܬܵܦܬܐ ܕܟܠܲܝܗܝ̈ ܓܹܢ̄ܒܵܢ̈ܐ ܕܲܩܪܵܒܼܐ ܓܵܘ ܫܘܼܠܛܵܢܐ، ܡܛܠ ܦܠܵܛ̈ܐ ܕܐܵܗܐ ܪܸܥܝܵܢܐ ܒܗܵܘܝܼ ܩܝܵܡܬܐ ܕܕܵܘܠܬܐ ܫܓܼܝܼܫܬܵܗ̇ ܘܡܘܼܣܠܝܼܬܼܐ ܘܙܲܒܘܼܢ ܒܪܹ̈ܫܘܵܬܼܐ ܘܒܸܢܝܵܢܐ ܡܐܲܝܟܼ ܕܝܼܠܲܝܗܝ̈ ܐܲܝܟܸܢܘܵܬܼܐ ܐܸܕܝܘ̇ܡ ܝܵܘܡܐ ܓܵܘ ܥܝܼܪܵܐܩ، ܐܝܼܢܐ ܢܝܼܫܵܢ ܐܝܼܠܹܗ ܠܐܝܼܬܘܼܬܐ ܕܚܲܕ̄ ܓܹܢ̄ܒܐ ܕܝܼܬܠܹܗ ܡܲܡܬܠܵܢܘܼܬܼܐ ܒܸܫ ܪܵܒܐ ܒܝܼ ܦܘܼܠܝܼܛܝܼܩܵܝܘܼܬܼܐ ܓܵܘ ܫܘܼܠܛܵܢܐ ܘܓܹܢ̄ܒܐ ܐ̄ܚܹܪ̄ܢܐ ܕܡܲܡܬܘܼܠܹܐ ܝܠܹܗ ܙܥܘ̇ܪܵܝܘܼܬܼܐ(ܐܲܩܲܠܝܼܵܐ) ܒܣܲܩܘܼܒܼܠܵܝܘܼܬܼܐ ܕܢܵܛܹܪ ܘܗܵܘܹܐ ܣܲܩܘܼܒܼܠܵܝܐ ܠܡܵܢܝܼ ܕܫܲܠܛܘܼܢܹܐ ܝ̄ܠܹܗ ܒܐܸܛܪܐ ܕܩܵܢܘ̇ܢ ܘܕܸܣܬܘ̇ܪ ܠܲܒܢܵܝܬܐ ܠܲܥܒܼܵܕ̈ܐ ܕܫܵܢܲܝܬܐ ܕܫܘܼܠܛܵܢܐ ܒܲܫܠܵܡܐ ܡܐܲܝܟܼ ܕܝܼܠܲܝܗܝ̈ ܐܲܝܟܸܢܘܵܬܼܐ ܕܕܵܘܠܝܵܬܼܐ ܕܝܼܡܘܼܩܪ̈ܛܵܝܹܐ ܡܫܲܡܗܹ̈ܐ ܘܝܼܕܝܼܥ̈ܐ، ܕܗܵܘܹܐ ܐܵܗܐ ܡܸܢܕܝܼ ܪܸܡܙܐ ܘܲܥܒܼܵܕܐ ܐܲܝܕܠܘ̇ܓܵܝܐ ܕܦܵܣܥܝܼ ܒܝܹܗ ܟܠܲܝܗܝ̈ ܓܹܢ̄ܒܵܢ̈ܐ ܒܝܼ ܦܘܼܠܚܵܢܲܝܗܝ̈ ܘܠܐ ܐܲܚܟ̮ܝܼ ܕܗܵܘܹܐ ܪܘܼܫܡܐ ܝܘܼܕܵܥܵܝܐ ܥܕܵܢܵܐܝܼܬܼ ܠܫܲܪܲܪܬܐ ܕܢܝܼܫ̈ܐ ܦܘܼܠܝܼܛܝܼܩܵܝ̈ܐ ܓܲܒܵܝ̈ܐ ܐܵܘ ܦܲܪ̈ܨܘ̇ܦܵܝܹܐ ܥܝܼܩ̈ܐ ܠܚܲܕ̄ ܡܲܫܩܠܐ ܥܲܠ ܚܘܼܫܒܘܼܢܝܐ ܕܗܸܢܝܵܢ̈ܐ ܐܘܼܡܬܵܢܵܝ̈ܐ ܘܐܲܬܪ̈ܵܝܹܐ ܥܸܠܠܵܝ̈ܐ ܡܐܲܝܟ ܕܝܼܠܵܗ̇ ܐܲܝܟܹܢܵܝܘܼܬܼܐ ܠܘܵܬܼ ܣܲܓܝܼܐ̈ܐ ܡܢ ܡܓܘܼܒܝ̈ܐ ܦܘܼܠܝܼܛܝܼܩܵܝ̈ܐ ܕܓܵܘ ܥܝܼܪܵܐܩ ܡܢ ܥܕܵܢܐ ܕܲܢܦܠܹܗ ܛܲܟܼܣܐ ܕܸܟܬܵܬܘ̇ܪܵܝܐ ܥܒܼܝܼܪܐ. ܟܲܕ ܠܹܐ ܝܘܲܚ ܒܸܚܙܵܝܐ ܡܢ ܡܓܘܼܒܝ̈ܐ ܦܘܼܠܝܼܛܝܼܩܵܝ̈ܐ ܕܒܸܥܒܼܵܕܐ ܝܼܠܲܝܗܝ̈ ܩܪܵܒܼܵܐ ܥܲܠ ܟܘܼܪ̈ܣܵܘܵܬܼܐ ܕܫܘܼܠܛܵܢܐ ܫܒܼܘܼܩ ܡܢ ܦܣܲܩܬܐ ܕܣܲܒܼܪܐ ܓܘܼܒܼܪܬܐ ܘܲܫܓܼܘܼܫܝܐ ܘܠܲܝܬܵܝܘܼܬܼ ܕܫܲܝܢܐ ܘܫܲܝܢܵܝܘܼܬܼܐ ܓܵܘ ܐܲܬܪܐ ܘܒܵܨܘܼܪܘܼܬܼܐ ܘܟܘܼܦܘܼܬܼܐ ܠܫܲܘܝܘܼܬܼܐ ܕܲܬܫܡܫܵܬܼܐ ܕܓܲܫܡܢܝܼ ܠܚܲܝܘܼܬܼܐ ܕܐܲܬܪ̈ܵܝܹܐ، ܘܲܪܘܝܼܚܘܼܬܼܐ ܕܐܸܣܐ ܕܲܬܸܓܼܡܐ ܕܬܲܓܵܪ̈ܐ ܕܚܲܪܵܡܘܼܬܼܐ ܡܢ ܩܵܛܘܼܘܵܬܼܐ ܛܪ̈ܝܼܣܹܐ ܒܐܸܛܪܐ ܕܲܓܢܵܒܼܬܐ ܕܟܸܣܦܐ ܓܵܘܵܢܵܝܐ ܬܚܘܼܬ ܫܡܫܐ ܘܢܘܼܗܪܐ ܕܝܵܘܡܐ ܕܠܐ ܝܵܬܼܐ ܘܠܐ ܢܲܚܦܘܼܬܼܐ، ܘܲܦܪܵܣܬܐ ܕܲܚܪܵܒܼܐ ܟܸܣܦܵܝܐ ܘܦܘܼܪܢܵܣܵܝܐ ܘܒܲܪ̈ܛܝܼܠܹܐ ܘܚܘܼܫܒܘܼܢܝ̈ܐ ܒܫܘܼܬܼܐܵܣ̈ܐ ܕܕܵܘܠܬܐ ܡܕܝܼܢܵܝܬܵܗ̇ ܘܓܲܝܣܵܝܬܵܗ̇ ܟܠܵܢܵܐܝܼܬܼ، ܘܡܲܒܪܵܝܬܐ ܕܥܲܣܩܵܘܵܬܼܐ ܦܘܼܠܝܼܛܝܼܩܵܝ̈ܐ ܓܵܘܵܝ̈ܐ ܘܒܲܪ̈ܵܝܹܐ ܕܠܲܝܬܠܗ̄ܘ̇ܢ ܫܪܲܝܬܵܗ̇ ܒܢܝܼܫܐ ܠܲܡܟܵܣܲܝܬܐ ܕܫܦܝܼܠܘܼܬܲܝܗܝ̈ ܘܠܐ ܡܲܢܬܹܬܵܝܗܝ̈ ܒܫܘܼܠܛܵܢܐ، ܘܒܚܲܪܵܝܘܼܬܐ ܦܠܵܛܲܝܗܝ̈ ܡܘܼܕܹܐ ܠܗ̄ܘ̇ܢ ܠܥܲܣܩܵܘܵܬܼܐ ܣܲܓܝܼܐ̈ܐ ܒܥܲܣܩܘܼܬܼܐ ܕܲܩܘܵܠܝܵܬܼܐ ܕܐܲܬܪܵܝܐ ܥܝܼܪܵܐܩܵܝܐ ܕܠܐ ܚܙܹܐ ܠܗ̄ܘ̇ܢ ܩܵܐ ܕܐܵܢ̈ܝܼ ܩܸܛܪ̈ܐ ܫܒܼܝܼܠ̈ܐ ܕܲܫܪ̈ܝܵܬܼܐ ܘܦܠܵܛܐ ܡܢܲܝܗܝ̈ ܒܲܫܠܵܡܐ، ((ܟܠܲܝܗܝ̈ ܐܵܢ̈ܝ ܥܒܼܵܕ̈ܐ ܒܸܒܪܵܝܐ ܝ̄ܠܲܝܗܝ̈ ܐܸܕܝܘ̇ܡ ܝܵܘܡܐ ܓܵܘ ܥܝܼܪܵܐܩ ܡܢ ܡܓܘܼܒܝ̈ܐ ܦܘܼܠܝܼܛܝܼܩܵܝ̈ܐ ܐܵܢ̈ܝܼ ܕܲܕܒܼܝܼܩܹܐ ܝܼܠܲܝܗܝ̈ ܒܟܘܼܪܣܝܐ ܕܫܘܼܠܛܵܢܐ ܒܥܸܠܬܼܐ ܕܠܲܝܬܵܝܘܼܬܼܐ (ܠܲܝܬܠܗ̄ܘ̇ܢ) ܕܗܲܝܡܵܢܘܼܬܼܐ ܠܲܩܒܵܠܬܐ ܠܲܫܒܼܝܼܠܐ ܕܦܝܼܠܵܣܘ̇ܦܘܼܬܼܐ ܘܲܫܪܵܪܐ ܕܪܸܥܝܵܢܐ ܘܪܸܥܝܵܢܐ ܐ̄ܚܹܪ̄ܢܐ ܘܚܲܝܘܼܬܼܐ ܕܲܫܠܵܡܐ ܒܫܘܼܠܛܵܢܐ ܥܲܠ ܚܘܼܫܒܘܼܢܝܐ ܕܐܵܢܵܝܘܼܬܼܐ ܦܲܪܨܘܼܦܵܝܬܵܗ̇ ܒܫܘܼܠܛܵܢܐ ܒܟܠܲܝܗܝ̈ ܡܸܨܥ̈ܐ ܡܘܼܣܠܝܼ̈ܐ ܕܡܲܕܥܪ̈ܝܼ ܩܐ ܐܲܬܼܪܐ ܠܕܸܟܬܵܬܘܼܪܝܼܘܼܬܼܐ ܩܲܛܠܵܢܬܵܗ̇ ܓܵܗܹܐ ܐ̄ܚܹܪ̄ܬܐ،)) ܚܘܼܠܵܦܐ ܒܪܸܥܝܵܢܐ ܠܐ ܝ̄ܠܹܗ ܒܡܲܥܢܵܝ ܡܛܲܝܬܵܗ̇ ܠܲܩܛܵܥܬܐ ܕܝܼܣܘܼܪ̈ܐ ܥܲܡ ܓܹܢ̄ܒܵܢ̈ܐ ܐ̄ܚܹܪ̈̄ܢܹܐ، ܘܠܐ ܡܲܚܦܵܠܬܐ ܐܵܘ ܡܲܣܠܵܝܬܐ ܐܵܘ ܫܝܵܦܬܐ ܕܚܲܕ̄ ܪܸܥܝܵܢܐ ܠܚܘܼܫܒܘܼܢܝܐ ܕܪܸܥܝܵܢܐ ܐ̄ܚܹܪ̄ܢܐ، ܘܲܠܚܝܼܡܘܼܬܼܐ ܕܪܸ̈ܥܝܵܢܹܐ ܠܐ ܝ̄ܠܵܗ̇ ܒܡܲܥܢܵܝ ܐܲܢܸܢܩܵܝܘܼܬܼܐ ܕܚܘܼܝܵܕܲܝܗܝ̈ ܐܵܘ ܡܙܵܓܼܬܲܝܗܝ̈ ܒܐܸܛܪܐ ܕܚܲܕ̄ ܟܝܵܢܐ ܒܚܲܕ̄ ܪܸܥܝܵܢܐ، ܐܝܼܢܐ ܐܵܢ̈ܝܼ ܬܪܹ̈ܝܢ ܐܲܝܟܸܢܘܵܬܼܐ ܒܸܥܢܵܝܐ ܝܼܠܲܝܗܝ̈ ܡܨܵܝܵܬܼܐ ܠܚܲܝܘܼܬܼܐ ܒܲܫܠܵܡܐ ܘܦܘܼܥܵܠܐ(ܬܲܦ̮ܵܐܥܸܠ) ܬܘܼܚܒܐ ܒܲܝܢܵܬܼ ܪܸ̈ܥܝܵܢܹܐ ܡܫܲܚܠܦ̈ܐ ܒܐܸܛܪܐ ܠܡܸܢܕܝܼ ܕܝܼܠܹܗ ܒܲܝܢܵܬܲܝܗܝ̈ ܡܢ ܫܵܘܬܵܦܝܵܬܼܐ ܥܵܒܼܘ̇ܕܹܐ ܒܢܝܼܫܐ ܡܫܲܘܬܦܐ، ܢܝܼܫܐ ܕܨܸܦܝܘܼܬܼܐ ܒܲܝܢܵܬܼ ܪ̈ܥܝܵܢܹܐ ܡܫܲܚܠܦ̈ܐ ܘܲܡܚܲܠܦ̈ܐ ܘܣܲܩܘܼܒܼܠܵܝ̈ܐ ܓܵܪܲܓ ܗܵܘܝܼ ܡܓ̮ܵܪ̈ܒܝܵܬܼܐ ܠܡܲܒܨܵܪܬܐ ܕܚܘܼܠܵܦ̈ܐ ܘܡܲܪܘܵܚܬܐ ܠܐܹܣ̈ܐ ܕܫܵܘܬܵܦܝܵܬܼܐ ܡܪ̈ܝܼܡܵܢܹܐ ܥܵܒܼܘ̇ܕܹ̈ܐ ܒܲܝܢܵܬܼ ܐܵܢ̈ܝܼ ܪ̈ܥܝܵܢܹܐ ܒܲܡܨܵܝܵܬܐ ܕܝܼܬܠܗ̄ܘ̇ܢ ܘܲܡܛܵܝܬܐ ܒܝܼܵܝܗܝ̈ ܠܲܬܚܘܼܒ̈ܐ ܪ̈ܲܚܝܼܩܹܐ، ܘܘܵܠܹܐ ܕܗܵܘܹܐ ܕܘܼܪܵܫܐ ܪܸܢܝܵܝܐ ܦܫܝܼܛܐ ܘܓܸܠܝܐ ܘܫܲܪܝܼܪܐ ܚܲܕ̄ ܡܸܨܥܐ ܡܢ ܡܸܨܥ̈ܐ ܕܝܼܩܵܪܐ ܘܨܸܦܝܘܼܬܼܐ، ܘܓ̮ܵܪܲܒܬܐ ܠܲܒܢܵܝܬܐ ܕܚܘܼܡܣܵܢܐ ܡܫܵܘܬܦܐ ܠܡܸܢܝܵܢܐ ܕܚܘܼܡܣܵܢ̈ܐ ܣܲܩܘܼܒܼܠܵܝ̈ܐ ܡܚܲܠܦ̈ܐ ܝܼܠܲܝܗܝ̈ ܢܝܼܫܐ ܕܨܸܦܝܘܼܬܼܐ ܘܒܵܥܘܼܬܼܐ ܠܫܲܪܲܪ̈ܬܵܝܗܝ، ܚܲܝܘܼܬܼܐ ܕܝܼܡܘܼܩܪܵܛܵܝܬܵܗ̇ ܘܲܥܒܼܵܕ̈ܐ ܕܝܼܡܘܼܩܪ̈ܛܵܝܹܐ ܒܲܝܢܵܬܼ ܗܲܕܵܡ̈ܐ ܕܐܸܣܐ ܘܦܵܩܘܼܕܼܘܵܬܼܐ ܕܲܛܘܼܟܵܣ̈ܐ ܓܲܒܵܝ̈ܐ ܘܟܘܼܝܵܢ̈ܐ ܘܲܡܓܘܼܒܝ̈ܐ ܦܘܼܠܝܼܛܝܼܩܵܝ̈ܐ ܘܲܨܢܝܼܥܘܵܬܼܐ ܘܡܲܪ̈ܕܘܼܬܵܢܵܝܹܐ ܘܲܟܢܘܼܫܝܵܝ̈ܐ ܘܫܘܼܬܼܐܵܣ̈ܐ ܕܲܟܢܘܼܫܝܐ ܡܕܝܼܢܵܝܐ ܐܵܢ̈ܝܼ ܝܼܠܲܝܗܝ̈ ܥܘܼܪܵܒܼܐ (ܕܼܵܡܵܐܢ) ܠܲܦܝܵܫܬܐ ܘܐܲܡܝܼܢܵܝܘܼܬܼܐ ܕܐܵܢ̈ܝ ܛܘܼܟܵܣ̈ܐ ܘܟܘܼܝܵܢ̈ܐ ܘܲܡܓܘܼܒܝ̈ܐ ܘܲܪ̈ܘܵܝܬܲܝܗܝ ܘܲܡܛܵܘܪ̈ܵܢܘܼܬܲܝܗܝ̈ ܕܲܪܓܼܵܐܝܼܬܼ ܡܢ ܛܵܒܼܘܼܬܼܐ ܠܛܵܒܼܵܬܼـܐ، ܘܕܝܼܡܘܼܩܪܵܛܝܼܘܼܬܼܐ ܠܐܲܟܼܐ ܒܸܥܢܵܝܐ ܝ̄ܠܵܗ̇ ܪ̈ܥܝܵܢܹܐ ܘܪ̈ܢܝܹܐ ܣܲܓܝܼܐ̈ܐ ܘܲܥܒܼܵܪ̈ܬܲܝܗܝ ܒܲܩܪܵܒܼܵܐ ܪܸܢܝܵܝܐ ܒܐܸܛܪܐ ܕܕܘܼܪ̈ܵܫܹܐ ܠܲܡܛܵܝܬܐ ܥܲܠ ܚܲܕ̄ ܨܘܼܪܬܐ ܡܢ ܚܘܼܡܣܵܢܐ ܡܫܵܘܬܦܐ ܠܡܲܚܫܵܚܬܐ ܠܚܲܝܘܼܬܼܐ ܘܦܘܼܥܵܠܐ ܡܣܵܝܡܵܢܐ ܥܲܡ ܐ̄ܚܹܪ̈ܢܹܐ، ܘܕܝܼܡܘܼܩܪܵܛܝܼܘܼܬܼܐ ܠܹܐ ܗܵܘܹܐܠܵܗ̇ ܐܝܼܬܘܼܬܐ ܥܲܠ ܡܲܫܛܵܚܐ ܕܚܲܝܘܼܬܐ ܦܘܼܠܝܼܛܝܼܩܵܝܬܵܗ̇ ܘܠܐ ܗܵܘܹܐܠܵܗ̇ ܐܝܼܬܘܼܬܐ ܕܦܘܼܠܚܵܢܐ ܡܣܵܝܡܵܢܐ ܦܵܥܘ̇ܠܐ ܘܥܵܒܼܘ̇ܕܐ ܐܸܢ ܠܹܐ ܗܵܘܹܐ ܣܲܓܝܼܐܘܼܬܼ ܕܡܸܢܝܵܢܐ ܡܢ ܪ̈ܢܝܹܐ ܘܪ̈ܥܝܵܢܹܐ ܥܲܠ ܡܲܫܛܵܚܐ، ܘܲܦܸܬܼܓܵܡܐ ܒܸܫ ܡܲܢܗܪܵܢܐ ܘܓܵܘܵܢܵܝܐ ܛܠܵܩܬܐ ܕܲܩܪܵܒܼܵܐ ܪܸܢܝܵܝܐ ܒܲܚܒܘܼܫܝܐ ܕܕܘܼܪܵܫܐ ܕܡܸܢܝܵܢܐ ܕܪ̈ܥܝܵܢܹܐ ܡܫܲܚܠܦ̈ܐ ܥܲܠ ܡܲܫܛܵܚܐ ܦܘܼܠܝܼܛܝܼܩܵܝܐ ܒܸܥܢܵܝܐ ܝ̄ܠܵܗ̇ ܛܠܲܩܬܐ ܕܕܝܼܡܘܼܩܪܵܛܝܼܘܼܬܼܐ، ܐܵܗܐ ܥܝܵܕܼܐ ܕܝܼܡܘܼܩܪܵܛܵܝܐ ܦܪܝܼܣܐ ܝ̄ܠܹܗ ܓܵܘ ܚܲܝܘܼܬܼܐ ܕܟܠܲܝܗܝ̈ ܓܲܒ̈ܐ ܘܟܘܼܝܵܢ̈ܐ ܦܘܼܠܝܼܛܝܼܩܵܝ̈ܐ ܐܵܢ̈ܝܼ ܕܲܡܗܲܝܡܢܝܼ ܒܕܝܼܡܘܼܩܪܵܛܝܼܘܼܬܼܐ ܡܐܲܝܟܼ ܪܸܢܝܐ ܘܲܫܒܼܝܼܠܐ ܕܦܘܼܠܚܵܢܐ ܘܲܡܗܲܝܡܢܝܼ ܒܣܲܓܝܼܐܘܼܬܼܐ ܘܕܘܼܪܵܫܐ ܕܪ̈ܥܝܵܢܹܐ ܡܫܲܚܠܦ̈ܐ ܟܡܐ ܕܗܵܘܝܐ ܫܲܘܝܘܼܬܼܐ ܕܚܘܼܠܵܦܐ ܐܵܘ ܣܲܩܘܼܒܼܠܵܝܘܼܬܼܐ ܒܲܝܢܵܬܲܝܗܝ̈، ܡܛܠ ܟܠܲܝܗܝ̈ ܓܹܢ̄ܒܵܢ̈ܐ ܐܝܼܬܠܗ̄ܘ̇ܢ ܚܲܕ̄ ܢܝܼܫܐ ܠܡܲܩܪܲܒܼܬܐ ܕܲܬܫܡܫܬܐ ܩܐ ܐܲܬܪܐ ܘܥܲܡܡܐ ܟܡܐ ܕܗܵܘܝܼ ܡܚܲܠܦ̈ܐ ܒܡܸܨܥ̈ܐ، ܒܣܘܼܟܵܠܐ ܣܲܙܓܵܪܬܐ ܘܐܲܘܝܘܼܬܼܐ ܓܵܘ ܢܝܼܫ̈ܐ ܘܲܡܚܲܠܦ̈ܐ ܓܵܘ ܫܒܼܝܼܠ̈ܐ ܘܡܸܨܥ̈ܐ ܘܐܲܢܹ̈ܐ ܝܼܠܲܝܗܝ̈ ܫܒܼܝܼܠ̈ܐ ܡܪ̈ܝܼܡܵܢܹܐ ܠܕܝܼܡܘܼܩܪܵܛܝܼܘܼܬܼܐ ܫܲܪܝܼܪܬܵܗ̇، ܘܒܚܲܪܵܝܘܼܬܼܐ ܐܵܗܐ ܥܝܵܕܐ ܟܹܐ ܡܵܘܕܹܐ ܠܲܒܢܵܝܬܐ ܘܲܪܣܵܚܬܐ ܕܛܲܟܼܣܐ ܦܘܼܠܝܼܛܝܼܩܵܝܐ ܕܝܼܡܘܼܩܪܵܛܵܝܐ ܕܗܵܘܹܐ ܦܵܩܘ̇ܕܐ ܠܲܒܢܵܝܬܐ ܕܕܵܘܠܬܐ ܕܝܼܡܘܼܩܪܵܛܲܝܬܵܗ̇ ܡܕܝܼܢܲܝܬܵܗ̇ ܕܵܪܲܝܬܵܗ̇ ܒܗܵܘܹܐ ܓܵܘ ܦܝܼܠܵܣܘ̇ܦܘܼܬܼܵܗ̇ ܒܫܘܼܠܛܵܢܐ ܚܲܕ̄ ܛܝܼܡܐ ܓܘܼܒܼܪܐ ܠܚܹܐܪܘܼܬܼܐ ܕܦܲܪܨܘܼܦܐ ܘܙܸܕܩ̈ܐ ܕܒܲܪܢܵܫܐ، ܘܗܵܝـ ܕܵܘܠܬܐ ܒܚܘܼܬܵܡܐ ܡܬܵܪܘܼܨܹܐ ܝܠܵܗ̇ ܟܝܼܘܼܠܐ ܠܫܲܘܝܘܼܬܼܐ ܕܦܘܼܠܚܵܢܐ ܕܝܼܡܘܼܩܪܵܛܵܝܐ ܩܐ ܛܲܟܼܣܐ ܦܘܼܠܝܼܛܝܼܩܵܝܐ ܘܕܵܘܠܬܐ ܒܟܠܲܝܗܝ̈ ܫܘܼܬܼܐܵܣ̈ܐ ܡܕܝܼܢܵܝ̈ܐ ܘܓܲܝܣܵܝ̈ܐ ܘܫܲܝܢܵܝ̈ܐ ܡܐܲܝܟܼ ܕܝܼܠܲܝܗܝ̈ ܐܲܝܟܸܢܘܵܬܼܐ ܒܐܲܬܼܪ̈ܵܘܵܬܐ ܕܫܘܼܘܫܵܛܐ ܕܝܼܡܘܼܩܪ̈ܵܛܵܝܹܐ ܕܓܵܘ ܬܹܒܹܝܠ، ܘܙܲܒܘܼܢܘܼܬܼܐ ܘܲܛܠܵܩܬܐ ܕܐܵܗܐ ܥܝܵܕܐ ܒܡܲܘܕܹܐ ܠܲܦܠܵܛܐ ܕܛܘܼܟܵܣ̈ܐ ܦܘܼܠܝܼܛܝܼܩܵܝ̈ܐ ܕܸܟܬܵܬܘ̇ܪ̈ܝܹܐ ܛܵܠܘ̇ܡ̈ܐ ܕܫܲܩܠܝܼ ܡܢ ܩܸܫܝܘܼܬܼܐ ܡܸܨܥܐ ܠܲܟܠܵܝܬܐ ܒܲܪܩܘܼܒܼܠ ܕܥܲܣܩܵܘܵܬܼܐ ܓܵܘܵܝ̈ܐ ܡܐܲܝܟܼ ܕܒܼܵܩܬܐ ܘܪܲܦܵܝܬܐ ܓܵܘ ܒܹܝܬܼ ܐܲܣܝܼܪ̈ܐ ܐܵܘ ܩܛܵܠܬܐ ܩܐ ܣܲܩܘܼܒܼܠܵܝ̈ܐ ܕܟܵܠܝܼ ܒܕܲܪܩܘܼܒܼܠܵܝܘܼܬܼܐ ܕܫܘܼܠܛܵܢܲܝܗܝ̈، ܘܡܢ ܨܸܒܘܵܬܼܐ ܒܲܪ̈ܵܝܹܐ ܒܩܵܝܡܝܼ ܐܵܢ̈ܝܼ ܫܘܼܠܛܵܢ̈ܐ ܛܵܠܘ̇ܡ̈ܐ ܒܝܼ ܩܪܵܒܼܐ ܥܲܡ ܕܵܘܠܝܵܬܼܐ ܐ̄ܚܹܪ̈̄ܢܹܐ ܒܢܝܼܫܐ ܕܠܐ ܡܲܢܬܵܝܬܲܝܗܝ̈ ܒܫܘܼܠܛܵܢܲܝܗܝ̈ ܒܫܲܪܲܪܬܐ ܠܒܵܥܘܼܝܵܬܼـܐ ܕܥܲܡܡܵܝܗܝ̈، ܘܒܵܬܪ ܗܵܕܹܝܟܼ ܒܩܵܝܸܡ ܫܘܼܠܛܵܢܐ ܕܕܵܘܠܬܐ ܕܟܬܵܬܘ̇ܪܵܝܐ ܒܗܵܘܹܐ ܦܘܼܣܩܵܢܐ ܒܝܼܵ