السلام عليكم .
شكرا ً اخي العزيز على الموضوع الحلو , اني اريد اسافر لان :
اول شي موضوع التهديد منتهين منه ( لكوني جنت مترجم ) , اريد اسافر لان ماكو شي اسمه الكهرباء انقطعت والمولده عطلت والاهم من كل شي نفاق البشر ( مو الكل ) وواحد يكره الثاني , السني يكره الشيعي والشيعي يكره السني ( هذا واقع بس هم مو الكل )
يا اخي تطلع الصبح للشغل وتلكي حشاكم كومة الزبل جارك ذابهه عليك ( النبي وصه بسابع جار ) , بشر يحجون بس بالدين وهم كفره ومنافقين , تروح تشتري كيلو طماطه ومن ترجع للبيت تلكي ربع كيلو زين والباقي ... , تطلع للشغل والمفروض توصل بربع ساعه وبتالي توصل بساعه ونص او ساعتين , توصل للسيطره وتلكي الجندي محتقرك وبس يريدك تحجي كلمه زايده حته كبل يسويك ارهابي وانت ممحترم القانون و و و ... ترجع للبيت بالصيف الظهر وتلكي المولده عاطله , التعليم ماشاء الله عليه ( حدث ولا حرج ) , تريد تتعين لازم تنتمي لحزب وتنطي رشاوي يابو رشاوي وتشوف ناس والله ماعدهم شهادة سادس ومتوضف احسن وظيفه , بس ارجع واكول اكو ناس والله ماكو منهم بالدنيا كلهه وصحيح صعبه تترك هيج ناس شرفاء , العراق من اسوء الى اسوء مثل مذكر الاخوان ماكو شي اسمه حقوق انسان يعني اكفر بالخلقك ( استغفر الله العظيم ) ولاتحجي على رجل دين ( ولو حرام انسمي رجل دين ) , حتى الجامعات تحكمهه الاحزاب , احنه وين رح نوصل بعد كم سنه ؟؟؟ اهداف وطموحات ماكو بالعراق ... حتى الحلم حرام ببلدي , والله لو ينطوني ملك الدنيا بالعراق هم ماريد ابقه بالعراق ,اريد اعيش حياة بسيطه وهادئه , والمستشفيات حدث ولاحرج ...
والله الكلام طويل واني اسف يا اخوان واني مو قصدي كل العراقيين مثل مذكرت لان ارجع واكول اكو ناس والله حرامات نتركهم
تحياتي
Jason
