المحرر موضوع: اللغه الانكليزيه في امريكا؟  (زيارة 4520 مرات)

0 الأعضاء و 1 ضيف يشاهدون هذا الموضوع.

غير متصل ibn rushed

  • عضو
  • *
  • مشاركة: 19
    • مشاهدة الملف الشخصي
السلام عليكم اخوتي الاعزاء
احب افتح موضوع مهم جدا بامريكا وهو اللغه الانكليزيه طبعا اغلبنا نحن العراقين عندما نأتي الى امريكا فلغتنا تكون ضعيفه طبعا مو الكل.
طبعا اني حافظ كلمات انكليزيه هوايه بس من اريد احجي اعاني صعوبه طبعا اكدر افهم المقالبيلي بس مو بسهوله
فاحب اسال اخوتنا القدامى بامريكا كيف قووا لغتهم؟
اكو مدارس لتعلم اللغه تفيد؟
طبعا المنظمه العدنه عدها دورات انكليزي بس للمبتدئين مو للمستوى المتوسط وفوق المتوسط .
فاتمنى الكل تشارك حتى يستفاد الجميع وشكرا




غير متصل espero

  • مبدع قسم الهجرة
  • عضو مميز جدا
  • *
  • مشاركة: 3250
  • الجنس: ذكر
  • ARSENAL TILL I DIE
    • مشاهدة الملف الشخصي
رد: اللغه الانكليزيه في امريكا؟
« رد #1 في: 05:07 11/05/2014 »
طبعا اذا تحجي بالانكليزي الي تعلمناه بالمدارس بالعراق محد يفتهمك هنا ...اللهجة تختلف ..مثلا كلنه نعرف المي اسمه water ..بالامريكي تلفظه  بدون حرف ال t !!
طبعا الدورات تفيد بس الاختلاط يفيد اكثر !



ان يحكمك الوضيع و السافل ... فأنت تعيش في غربة!!!!

غير متصل steven_siv

  • مبدع قسم الهجرة
  • عضو مميز متقدم
  • *
  • مشاركة: 5045
  • الجنس: ذكر
  • لايهمني الحقراء من الناس لاني اخدم الشرفاء منهم
    • مشاهدة الملف الشخصي
رد: اللغه الانكليزيه في امريكا؟
« رد #2 في: 06:05 11/05/2014 »
اذا تقصد على دورات اللاجئين الي تقدم من قبل المنظمة دورات ال esl
هاي مضيعة للوقت لاتقدم ولاتاخر لانها كلش بدائية .... لكن هم انصحك بان تاخذها
لانها ابلاش وهم تكضي وقت بيها
لكن التعلم يكون عن طريق الاختلاط
المشكلة الل يعانيها العراقيين هنا هي الاختلاط عن العراقيين والابتعاد عن الامريكان
الخجل
هو العاامل الوحيد للتعلم السريع
اذا تعرف كم كلمة وتفهم اللي يكوله
ومتحاول ترتب جملة براسك لانك تخاف تكون غلط او غير مفهومة عمرك مراح تتعلم
واني شفت ناس سنين عايشين هنا كلمة ميعرفن يحجون
لاسباب عديدة
الاول هوة ميريد يتعلم
ميحاول
ميختلط
ويعتمد على غيره بالترجمة وتمشية اموره وهذا اكبر غلط
اني ب 3 اشهر اتعلمت ومشيت اموري من جنت بالعراق
واكو ناس ب 6 اشهر
واكو ناس ابد لحد هسة يصفن
بس السوال هو ليش ناس تتعلم وناس لا
قابل العقل يختلف
اكيد لا
اكو شي اسمة الاصرار على التعلم
والتعلم
والتعلم
اني من بديت جانوا يضحكون على طريقة كلامي
وهواي عراقيين جانوا يكولون بطل انته مدا تعرف تحجي
بس اصريت ان اتعلم لان جنت اعرف كلمات اكثر منهم
بس جنت اخجل ومجنت اعرف ارتب جملة
بس ورة 3 اشهر
هواي منهم راحوا واني بقيت سنين اشتغل
واليوم
الحمدلله والف شكر بامريكا
امشي اموري احسن من واحد صارلة سنوات هنا
ليش
لان حبيت اتعلم
فيا اخي صاحب الموضوع
اذا تريد تتعلم
اوصل بسلامة
واتذكر تجربتي
وقارن نفسك هل انته تريد تكون مثلي او مثل غيري
او تضم نفسك ورة ظل واحد يترجملك بمنية



تحياتي



مغترب بلاوطن































' LEONA
متى سيموت الجلاد لكي اعود لبلدي

غير متصل المهندس الزورائي

  • عضو مميز
  • ****
  • مشاركة: 1222
    • مشاهدة الملف الشخصي
    • البريد الالكتروني
رد: اللغه الانكليزيه في امريكا؟
« رد #3 في: 08:12 11/05/2014 »
اخواني الاعزاء .. اللغة ممارسة .. اذا ما تمارس بنفسك لو تدخل 100 دورة تعليم مراح تتطور بالقدر الكافي .. الممارسة مو فقط محاولة ترتيب جمل وانما :
1- استمع للاخبار بالانكليزية .. مثلا اذاعة ال BBC  او ال CNN اكيد راح تفهم نص الجملة او اقل .. احفظ الجملة واكتبها بترجمة الكوكل .. طبعا كتابتك للحروف مراح تكون مضبوطة .. بس الجيد بالامر ان الكوكل راح يصححلك حروف الكلمات .
2-اذا كنت تعمل مع ناس اجانب اختلط معاهم وحاول تستمع لكلامهم قدر المستطاع ...بمرور الوقت راح تحس نفسك بديت تفهم كلامهم
3- ممكن تجيب افلام اجنبية وتترجم كلامهم بدون ما تباوع ع الترجمة بعدين وكف الصورة وشوف انت ترجمت صح لو خطأ .
4- اقرأ قصص او كتب لمناهج تدريسية وترجم الكلمات واحفظها .. ولاحظ طريقة صياغة الجملة .. وحاول تقلد هذه الجمل .

مع التحية للغالي صاحب الموضوع والاخوان اللي علقوا

غير متصل ابن الصويرة

  • عضو فعال جدا
  • ***
  • مشاركة: 323
    • مشاهدة الملف الشخصي
رد: اللغه الانكليزيه في امريكا؟
« رد #4 في: 10:32 11/05/2014 »
عاشت ايدك اخ steven-siv هذا الكلام الصح .. الطموح اساس كل نجاح

اذا تقصد على دورات اللاجئين الي تقدم من قبل المنظمة دورات ال esl
هاي مضيعة للوقت لاتقدم ولاتاخر لانها كلش بدائية .... لكن هم انصحك بان تاخذها
لانها ابلاش وهم تكضي وقت بيها
لكن التعلم يكون عن طريق الاختلاط
المشكلة الل يعانيها العراقيين هنا هي الاختلاط عن العراقيين والابتعاد عن الامريكان
الخجل
هو العاامل الوحيد للتعلم السريع
اذا تعرف كم كلمة وتفهم اللي يكوله
ومتحاول ترتب جملة براسك لانك تخاف تكون غلط او غير مفهومة عمرك مراح تتعلم
واني شفت ناس سنين عايشين هنا كلمة ميعرفن يحجون
لاسباب عديدة
الاول هوة ميريد يتعلم
ميحاول
ميختلط
ويعتمد على غيره بالترجمة وتمشية اموره وهذا اكبر غلط
اني ب 3 اشهر اتعلمت ومشيت اموري من جنت بالعراق
واكو ناس ب 6 اشهر
واكو ناس ابد لحد هسة يصفن
بس السوال هو ليش ناس تتعلم وناس لا
قابل العقل يختلف
اكيد لا
اكو شي اسمة الاصرار على التعلم
والتعلم
والتعلم
اني من بديت جانوا يضحكون على طريقة كلامي
وهواي عراقيين جانوا يكولون بطل انته مدا تعرف تحجي
بس اصريت ان اتعلم لان جنت اعرف كلمات اكثر منهم
بس جنت اخجل ومجنت اعرف ارتب جملة
بس ورة 3 اشهر
هواي منهم راحوا واني بقيت سنين اشتغل
واليوم
الحمدلله والف شكر بامريكا
امشي اموري احسن من واحد صارلة سنوات هنا
ليش
لان حبيت اتعلم
فيا اخي صاحب الموضوع
اذا تريد تتعلم
اوصل بسلامة
واتذكر تجربتي
وقارن نفسك هل انته تريد تكون مثلي او مثل غيري
او تضم نفسك ورة ظل واحد يترجملك بمنية



تحياتي



مغترب بلاوطن

































غير متصل predator

  • عضو فعال جدا
  • ***
  • مشاركة: 762
  • الجنس: ذكر
    • مشاهدة الملف الشخصي
رد: اللغه الانكليزيه في امريكا؟
« رد #5 في: 12:47 11/05/2014 »
اخي بالنسبة لتقوية الانكليزية للمستوى المتوسط,,
اهم شغلة تستسهلهة ,والكلمات الي عندك صفتهة بطريقة بسيطة ,
ومن تشوف ثنين يحجون انكليزي فقط انتبه على كيفية تصفيط الكلمات,,لان المعاني بمرور الوقت تتعلمهة



غير متصل awssss

  • عضو مميز
  • ****
  • مشاركة: 1070
  • أللهم أكفني بحلالك عن حرامك وأغنني بفضلك عمن سواك
    • مشاهدة الملف الشخصي
رد: اللغه الانكليزيه في امريكا؟
« رد #6 في: 12:54 11/05/2014 »
حقيقتا موضوع جدا مهم .وانا افضل الشخص عندما يصل الى امريكا ان يكون علاقة صداقة مع عائلة او شاب امريكي .وبمرور الوقت اضافتا الى الدورات التي سوف يدخلها سوف تكون انكليزيته فول .وشكرا

غير متصل ibn rushed

  • عضو
  • *
  • مشاركة: 19
    • مشاهدة الملف الشخصي
رد: اللغه الانكليزيه في امريكا؟
« رد #7 في: 03:25 12/05/2014 »
اشكر الجميع على مروركم  الطيب وعلى توضيحاتكم وكتابة تجاربكم واتنمى من الباقين ينقلولنا صورة عن تجاربهم
تحياتي

غير متصل احلى دلوعه

  • عضو فعال جدا
  • ***
  • مشاركة: 89
  • الجنس: أنثى
    • مشاهدة الملف الشخصي
رد: اللغه الانكليزيه في امريكا؟
« رد #8 في: 04:23 12/05/2014 »
مساء الخير
بالاختلاط والعمل أكيد اللغه راح تقوى عن نفسي الاختلاط هو كان العامل الاساسي في تقوية لغتي

غير متصل سبيس

  • عضو مميز جدا
  • *****
  • مشاركة: 2430
    • مشاهدة الملف الشخصي
رد: اللغه الانكليزيه في امريكا؟
« رد #9 في: 07:35 12/05/2014 »
اذا كان لديك اولاد في المدرسه

علم واتعلم منهم

ابو الوليد

غير متصل المحيط الهادي

  • عضو فعال جدا
  • ***
  • مشاركة: 516
  • مهما كبرنا نبقى صغاراً ..الدنيا شروق و غروب
    • مشاهدة الملف الشخصي
رد: اللغه الانكليزيه في امريكا؟
« رد #10 في: 09:16 12/05/2014 »
اكتسب اللغة و لا تتعلمها

غير متصل Aiham_

  • مبدع قسم الهجرة
  • عضو مميز جدا
  • *
  • مشاركة: 3990
  • Only the Gentle are truly strong
    • مشاهدة الملف الشخصي
رد: اللغه الانكليزيه في امريكا؟
« رد #11 في: 11:26 12/05/2014 »
انصحكم و محد يضحك  ;D

اشتغل بكاز ستيشن فد شهرين و هسة تصير لبلبان بالانكليزي ... طبعا مدا اتشاقة
و الي عايش بامريكا راح يعرف ليش  ;D ;D ;D

غير متصل lfzoro

  • عضو فعال
  • **
  • مشاركة: 56
    • مشاهدة الملف الشخصي
    • البريد الالكتروني
رد: اللغه الانكليزيه في امريكا؟
« رد #12 في: 12:15 12/05/2014 »
السلام عليكم
من خلال الاجوبة افضل شي هو الاختلاط
طبعا طرق تعلم اللغة حسب مااعرفة
1- اسهل طريقة السمع (لانه متحتاج شي بس تسمع)
2- القراءة (لانه راح تقرا لوحدك فبدون خجل حتى لو تغلط)
3- المحادثة اصعب شي بسبب عامل الخجل
وان شاء الله الموفقية للجميع
بس حاولو تكونون ايجابين بحياتكم تسهل الامور والجميع تتعلم ان شاء الله وتوصلون بالسلامة

غير متصل espero

  • مبدع قسم الهجرة
  • عضو مميز جدا
  • *
  • مشاركة: 3250
  • الجنس: ذكر
  • ARSENAL TILL I DIE
    • مشاهدة الملف الشخصي
رد: اللغه الانكليزيه في امريكا؟
« رد #13 في: 14:30 12/05/2014 »
من تكول تعلمت وتفرح بنفسك...تخابر بالتلفون على فد شغله يجاوبك ابو العبد عبالك واحد يحجي لغة فضائية ..تنزل معنوياتك للصفر !!!



ان يحكمك الوضيع و السافل ... فأنت تعيش في غربة!!!!

غير متصل سبيس

  • عضو مميز جدا
  • *****
  • مشاركة: 2430
    • مشاهدة الملف الشخصي
رد: اللغه الانكليزيه في امريكا؟
« رد #14 في: 11:33 13/05/2014 »
من تكول تعلمت وتفرح بنفسك...تخابر بالتلفون على فد شغله يجاوبك ابو العبد عبالك واحد يحجي لغة فضائية ..تنزل معنوياتك للصفر !!!

الان اصبحت معنوياتي زيرو

لعد خليه بدون هاتف افضل

ابو الوليد

غير متصل Imad al Timimi

  • عضو فعال جدا
  • ***
  • مشاركة: 188
    • مشاهدة الملف الشخصي
رد: اللغه الانكليزيه في امريكا؟
« رد #15 في: 13:08 13/05/2014 »
مرحبا..
افضل طريقة هي ان تشاهد افلام كارتون . السبب ان شخوص الكارتون عنما يتحدثون لا يبلعون اي حرف من الكلمة اي ان الكلمة كاملة وواضحة لان  المطلوب في الكارتون هو التشديد على اللفظ ( لدواعي التمثيل ). هذا اولا .. ثانيا.. يجب ان تحفظ كل يوم على الاقل كلمتان جديدتان عليك ولتكن هاتين الكلمتان هي ما تحتاجهن في تمشية امورك اليومية ولست اعني ان تحفظ كلمات مستخرجة من النصوص الادبية مثلا. في اليوم الثاني احفظ كلمتان جديدتان فيصبح عندك الان اربعة كلمات جديدة هن من الكلمات المطلوبة في تمشية امورك اليومية ( ركز على اليومية ) . وخصص بعض الوقت اسبوعيا في مشاهدة افلام الكارتون ( لا تضحكون ترة كل فطاحل الترجمة اعتمدوا على ابسط وسائل التعلم لانها ممتعة وتجرك جرا الى متابعتها والتفاعل معها). بعد ان تحصل على الاقل عشرون كلمة جديدة حاول ان تربطهن بكلمات قد درستها في المدرسة  والتي لا تخفى على احدنا مثلا    The, under , behind , some , to , in order to  , ليست مشكلة لو انك كونت جملة فيها الازمنة ( ظرف الزمان ) غير صحيحة او انثت المذكر او العكس .. لا ليست مشكلة البتة لانه انت على الاقل سوف تقدر ان تعبر ما في رأسك للمتلقي. وبتوالي الايام والاسابيع ستجد نفسك قد نجحت ايما نجاح في التفاعل والتحاور مع الاخرين وهذا بحد ذاته سيجرك الى المتابعة والبحث عن كلمات جديدة وجمل جاهزة لغرض التعبير عن ماتريد او تشعر به . ان تعلم اللغة او اي هواية جديدة تتطلب ثلاثة اعمدة تستند عليها ( الحب . الاصرار والمطاولة ومن ثم التدريب ). حبك للشيء يجعلك تقترب وتصبو اليه واصرارك والمطاولة هي عندما تصطدم بعثرة الملل من تكرار الشيء باصرار ستتعدى المشكلة  اما التمرين فهو عبارة عن تشذيب لكل ما كان شائبا كمثل تشذيب الشجرة المكتظة الاغصان والورق فبعد التشذيب ستراها رائعة . اما من اين المصادر المطلوبة للبحث عن الكلمات ؟ اشتري قاموس المورد ابو اربعة الاف دينار الذي فيه ترجمة معاني الكلمات من العربية للانكليزية  ومن الانكليزية للعربية  . ابحث فيه عن كلمات تستعملها في احاديثك مع الاصدقاء والناس الاخرين واربط بعضها مع بعض وكون جمل تتصور انك بحاجة لاستعمالها يوميا مثل :
 I want , you say , do you think so? , bread , can you tell me please ? I ride my car , shut your mouth!  what the F*** ! ,
حاول ان تستعمل الجمل التي تعلمتها وان تدعبلها بين الجمل العربية  خلال تخاطبك مع الاصدقاء  هذا بحد ذاته يعتبر ممارسة حتى لو انهم لايجاوبوك او يتفاعلوا معك لانك بهذه الحالة استطعت على الاقل ان تكون جملة ( حتى لو خطا ) واستطعت ان تنجز شي ما وهو بحد ذاته ايضا يعتبر تقدم بعملية التعلم . انا استخدمت هذه الوسيلة في البداية والحمد لله انا الان متمكن بما فيه الكفاية.
وادعو لكم التوفيق

غير متصل espero

  • مبدع قسم الهجرة
  • عضو مميز جدا
  • *
  • مشاركة: 3250
  • الجنس: ذكر
  • ARSENAL TILL I DIE
    • مشاهدة الملف الشخصي
رد: اللغه الانكليزيه في امريكا؟
« رد #16 في: 16:43 13/05/2014 »
Shut your mouth
What the f**k
يعني ماكو غير امثله فدوه العينك



ان يحكمك الوضيع و السافل ... فأنت تعيش في غربة!!!!

غير متصل lemon33

  • عضو فعال جدا
  • ***
  • مشاركة: 103
    • مشاهدة الملف الشخصي
رد: اللغه الانكليزيه في امريكا؟
« رد #17 في: 05:27 14/05/2014 »
السلام عليكم شباب
اني بالنسبة الي لغتي متوسطة او صارلي حوالي شهر ونصف من وصلت الى امريكا تعرفون معظم وقتي وين امخلصة (بالباصات) عندي كومة بطايق مال باص انطونياهة المنظمة او كل ما اصعد بالباص اكنك وية واحد من الامريكان وسولف وياه ونطيه فكرة من البداية عن لغتي ابصراحة الكل ايكيف او يبقون يسولفون وياي اضافة الى السواق مال الباصات معظمهم من النساء من يفرغ الباص ابقة اسولف وياهن   ::)  او حاليا لغتي صارت اقوة (الاحتكاك)اهم شي في امريكا حتى تتعلم اللغة , الثقة بالنفس لا تبقة ساكت اججي اي شي اهم شي توصل الفكرة للمقابل بالنسبة لامريكان يتفهمون هذا الشي ويساعدوك 

غير متصل المهندس الزورائي

  • عضو مميز
  • ****
  • مشاركة: 1222
    • مشاهدة الملف الشخصي
    • البريد الالكتروني
رد: اللغه الانكليزيه في امريكا؟
« رد #18 في: 11:53 14/05/2014 »
اهم ما بالموضوع اخر جملة كاتبها الاخ عماد التميمي   ;D هم زين بس اسبيرو لكفها :-X
الاخ ليمون .. اكيد سواقات الباص سودات مو ؟ لو مزيونات ؟اعترف  ;)