كيف تتم اضافة طفل ؟

[دشتي]

صباح الخير جميعا

الأخوات و الأخوان الأعزاء

ممكن من الي مر بتجربة اضافة الطفل يشارك للفائدة لأن عندي عدة تساؤلات بخصوص اضافة الطفل و مثل ما تعرفون موضوع اضافة الطفل و الوقت المستغرق و تبعاته مسببتلي ارق

. زوجتي على وشك الولادة ان شاء الله قريبا
. اني مقدم بغداد و قابلت محلف 2-2 و وصلتني موافقة كاملة الملف دخل تعليق 12-5 و ما نازلة مدينة و مطار لحد الآن


اسئلتي للي ضافوا طفل هي

1. بالطبع الاضافة تسبب تأخير, كم هي الفترة المتوقعه للتأخير الي راح تسببه الاضافة على الكيس و على السفر؟
2. و ما هي تبعات الاضافة على الكيس و هل يؤثر ذلك على قرار المحلف الي تم اصلا و هو موافقة (eligibility)؟
3. ما هي المستمسكات المطلوبة ارسالها في البداية لكي تبدأ المنظمة بجدولة مقابلة المحلف الخاصة بالأضافة (شهادة ولادة مترجمة, لو جنسية و شهادة جنسية, لو كل الي سبق مع جواز)؟
4. في حالة تحديد موعد مقابلة الاضافة كم هي الفترة المتوقعه لانتظار المقابلة (شهر , شهرين, اكثر) و الفحص بعدها شكد يتأخر.

اشكر الجميع مقدما على مروركم و مشاركاتكم و ياريت ما تبخلون علي بمعلوماتكم لأني ما وجدت موضوع كامل خاص باضافة الطفل او يحوي تجربة الاضافة من البداية للنهاية و اوعدكم ان اشارك بتجربتي لفائدة الجميع ان شاء الله

شكرا و ادعوا لزوجتي و للجنين بالسلامة

تحياتي

اخوكم دشتي

[دشتي]

ايضا اخواني حبيت اسأل عن الفترة الي يتم فيها انتهاء اضافة الطفل للكيس و عودة الكيس الى السير بسكل طبيعي ؟

[دشتي]

و تستمر المشاهدات بصمت و ان شاء الله واحد يكون شجاع و يكسر هذا الصمت

[FOF]

صباح النور

اني عمان
بالنسبه للمدينه والمطار توقعي مراح تنزل الى ادز مستمسكات الطفل لان راح تتوقع اوراقك بالعدد الجديد لافراد العائله فمااتوقع راح تزل هسه لان متسوه اذا زوجتك هلى ولاده يرجعون وره كم  شهر  . ولو بالنسبه اللي جانت نازله لان زوجتي جانت اشهر اولى ورجع الكفيل وقع اوراقنا مره ثانيه بعد مقابله محلف اضافه الطفل

بالنسبه للمقابله الاولى سويتها من كان عمر الطفل اربعه اشهر ومقبلوا يسولياها الى ان دزيت كل اوراقه بيان الولاده، الاحوال المدنيه ، الجواز والمقابله الثانيه اول مجوي المحلفين وكان عمر الطفل سبعه اشهر وراها سوينا فحص طبي وكان وره سنه من الفحص السابق

بالنسبه لحاله الملف استلمت موافقه كامله والامنيه كانت كامله من عرفوا زوجتي حامل تحول الملف الى انتظار النتيجه والامنيه رجعت انتظار بشهر 12/2012الى الان وضل الملف بانتظار النتيجه بعدين صار فعال بشهر ثالث 2014وبعدين  صار هولد الى حد اليوم من شهر الرابع 2014

[المحيط الهادي]

اخواني يعني اضافة الطفل تحتاج مقابلة محلفين مرة ثانية ؟؟؟؟
 

[دشتي]

صباح النور

اني عمان
بالنسبه للمدينه والمطار توقعي مراح تنزل الى ادز مستمسكات الطفل لان راح تتوقع اوراقك بالعدد الجديد لافراد العائله فمااتوقع راح تزل هسه لان متسوه اذا زوجتك هلى ولاده يرجعون وره كم  شهر  . ولو بالنسبه اللي جانت نازله لان زوجتي جانت اشهر اولى ورجع الكفيل وقع اوراقنا مره ثانيه بعد مقابله محلف اضافه الطفل

بالنسبه للمقابله الاولى سويتها من كان عمر الطفل اربعه اشهر ومقبلوا يسولياها الى ان دزيت كل اوراقه بيان الولاده، الاحوال المدنيه ، الجواز والمقابله الثانيه اول مجوي المحلفين وكان عمر الطفل سبعه اشهر وراها سوينا فحص طبي وكان وره سنه من الفحص السابق

بالنسبه لحاله الملف استلمت موافقه كامله والامنيه كانت كامله من عرفوا زوجتي حامل تحول الملف الى انتظار النتيجه والامنيه رجعت انتظار بشهر 12/2012الى الان وضل الملف بانتظار النتيجه بعدين صار فعال بشهر ثالث 2014وبعدين  صار هولد الى حد اليوم من شهر الرابع 2014

اخي FOF

ممنون منك على ردك و الله يكون بعونك اني استلمت الموافقة قبل شهر و كاعد اضرب اخماس باسداس و كلما اشوف زوجتي اكول الحمد لله و الشكر راح اتأخر بس هذا رزق من ربي و اني اشكر ربي على نعمته و ان شاء الله يتممها بسلامة زوجتي و المولود.
بس  الي اني متأكد منه انه الفحص الطبي صار كل ستة اشهر مو كل سنة فيمكن هذا مؤشر جيد على انه فترة اعادة تجييك الملفات تم تقليصها من قبل المنظمة و هذا الي مخلي عندي شوية امل او تفاؤل والله اعلم و موضوع الهولد هذه ما نعرف شنو فلمه بالله اني قضيتي واضحة و خلال المقابلة و بعدها الفحص عرفوا الوقت المتوقع للولادة بعائلتي و اقدر ان انطي لهم عذر بان هذا هو سبب الهولد و مثل ما تفضلت حضرتك بس موضوعك انت ليش صارت القضية هولد؟ اقول مره ثانية الله يعينك و يعيننا و يصبرنا و ان شاء الله ما يضيعلنا تعب

تحياتي

[دشتي]

اخواني يعني اضافة الطفل تحتاج مقابلة محلفين مرة ثانية ؟؟؟؟
 

طبعا اخي المحيط الهادئ لازم المحلف يشوف الطفل

[العراااب]

السلام عليكم اخي دشتي
اضافة الطفل لازم تستعجل بيها ان شاء اللع اول مينولد على خير و سلامة طلعله جواز بسرعه و دزلهم الجواز و بيان الولادة
باسرع وقت ممكن بعدها راح يبلغوك بموعد مقابلة الاضافة
واحتمال يسون مقابلتين وحده يصوروا للبيبي و الثانية مقابلة محلف   اني قابلت مقابلتين للاضافة بس متطول ربع ساعة بس يشوف المحلف المستمسكات و يسال كم سؤال يعني مو نفس مقابلة المحلف الاولى لا متوصل 5% من المقابلة الاولى

[predator]

السلام عليكم اخي دشتي
اضافة الطفل لازم تستعجل بيها ان شاء اللع اول مينولد على خير و سلامة طلعله جواز بسرعه و دزلهم الجواز و بيان الولادة
باسرع وقت ممكن بعدها راح يبلغوك بموعد مقابلة الاضافة
واحتمال يسون مقابلتين وحده يصوروا للبيبي و الثانية مقابلة محلف   اني قابلت مقابلتين للاضافة بس متطول ربع ساعة بس يشوف المحلف المستمسكات و يسال كم سؤال يعني مو نفس مقابلة المحلف الاولى لا متوصل 5% من المقابلة الاولى

السلام عليكم,,,
اخي حظرتك ضفت الطفل قبل المقابلة الثانية لو بعدهة؟

[غــريـبــه!!!]

اولا الله يتمملكم الحمل بخير وسلامه وتشوف النونو وامه باحسن حال
اخي بالنسبه لاضافه طفل اول ميجي بخير وسلامه ارسللهم البيان
وشوي شوي كمل الجنسيه والجواز  ودزهن طبع شهاده جنسيه ميحتاج ادزها
احنه عمر بنتي اصبح 6 اشهر يله دزو علينه مقابله الاعاده مال محلف

طبعا بما انو احنه اول مقابله مال محلف كانت ب2011 فالمحلفه كالت راح اسوي تحديث وراح  اسالكم شكم سؤال
وكل الاسئله كانت بعد 2011 يعني بعد  هالتاريخ صار عليكم تهديد جديد


بالنسبه لقرار المحلف بصراحه ما اعرف لان لحد هسه مستلمت القرار الجديد بس سابقا كانت موافقه مشروطه
بالنسبه للفحص بعد الملقابله ب 3 اشهر سوينا

[العراااب]

السلام عليكم اخي دشتي
اضافة الطفل لازم تستعجل بيها ان شاء اللع اول مينولد على خير و سلامة طلعله جواز بسرعه و دزلهم الجواز و بيان الولادة
باسرع وقت ممكن بعدها راح يبلغوك بموعد مقابلة الاضافة
واحتمال يسون مقابلتين وحده يصوروا للبيبي و الثانية مقابلة محلف   اني قابلت مقابلتين للاضافة بس متطول ربع ساعة بس يشوف المحلف المستمسكات و يسال كم سؤال يعني مو نفس مقابلة المحلف الاولى لا متوصل 5% من المقابلة الاولى

السلام عليكم,,,
اخي حظرتك ضفت الطفل قبل المقابلة الثانية لو بعدهة؟

اخي اني ضفت الطفل واني مكمل كلشي مقابلات و فحص طبي اربع مرات و دورة تثقيفية و كفيلي موقع و كلشي وكلاشي بس الامنية ماكو اني مقدم من 2009
اضافة الطفل مقابلتين وحدة تصوير و معلومات عن الطفل و الثانية مقابلة محلف

[amireo74]

اني تقديم بغداد ضفت طفل 6-2013 كملت كل اوراق الطفل والجواز 10-8-2013 كالو راح انسوي مقابلة ثالثة وانته بجدو المقابلة ومن شهر 8 لحد هسه ماكو شي اتصل بيهم جوابه انته ابجدول المقابلة احنه انحدد الموعد         وجيببببببببببببببب ليلللللللللللللللل واخذ عتاااااااااااابه

[دشتي]

مساء الخير و شكرا لكل الأخوان و الأخوات الي شاركوا بتجاربهم حول الموضوع

بعد ان قمت بارسال ايميل الى ال IOM يوم 13-4 استفسر عن سبب وضع الملف قيد التعليق البارحة وصلني الرد منهم بدون ذكر السبب و لكن كان الرد عبارة عن توضيح لكيفية ارسال معلومات الطفل عند اضافته الى الكيس و طلبوا معلومات و مستمسكات كاملة و الرد كان كالآتي

Dear Sir/Madam,

Thank you for your email.

Please be informed that in order to add your baby to your case, you have to provide us with the following items:

1. Your baby’s Biographical Information. The biographical information should be in the following format:

Name:
Father’s Name:
Grandfather’s Name:             
Family Name (Tribe):   
All other Names/Alias:           
Nationality:                   
Passport Number:
Date of Birth:                 
Place of Birth:                 
Gender:                         
Marital Status:
Telephone number:

Passport number:
Relationship to Principal Applicant:

2. Your baby’s Birth Certificate.

- Please note that it is essential to have a valid passport issued and ready once you are scheduled for travel.



For general case status inquiries, we encourage you to visit IOM’s website at https://www.jordan.iom.int/refinfo/ to receive an instant case status update.

This website is designed to provide information to applicants regarding the current status of their cases with IOM- RSC Middle East and North Africa.

Kind Regards,

IOM Info Center

احلى شي طالبين الحالة الزوجية و رقم تليفون البيبي


تحياتي الكم جميعا

[دشتي]

صباح الخير اخواني و اخواتي اعضاء و زوار المنتدى

احب ابشركم اني اجاني الطفل قبل 5 ايام و الحمد لله على سلامته و سلامة والدته و سميته عبد الرحمن

بالمستشفى اصدروا بيان الولادة و قالولي اراجع المركز الصحي الي بالجادرية بعد شهر و مثل ما تعرفون اخوكم مخلص كل شي باقي بس على اضافة المولود الجديد للكيس و ان شاء الله نسافر و لذلك ما اقدر انتظر شهر يالله اراجع و وراها اكو فترة انتظار لأصدار الجنسية و شهادة الجنسية و الجواز حتى اتمكن من ان اراسل المنظمة و ابعثلهم بيانات الطفل

اخواني رجاءا منو مر بهذه التجربة ياريت يساعدني بتجربته و اذا اكو طريقة او اخرى اقدر اسرع بيها عملية اصدار الجنسية يا ريت محد يبخل علي برأيه او اذا يعرف شخص يسهل الموضوع و هي عملية قانونية بس المطلوب التسريع.

شكرا للجميع و يارب يفرجها علينا و عليكم و جميع المنتظرين

تحياتي الكم

اخوكم دشتي

[دشتي]

صباح الخير اخواني و اخواتي اعضاء و زوار المنتدى الكرام

مثل ما اتفقت وياكم استمر ان شاء الله بمشاركة تجربتي باضافة الطفل من اجل الفائدة العامة

بعد 6 ايام على ولادة الطفل و لأني يأست من ايجاد وسيلة لتسريع اصدار الجنسية ارسلت نسخة من بيان الولادة بالأيميل الى المنظمة الي اجابوني بعد اسبوع باضافة الطفل و كان الرمز بايميل الأضافة HR و قالوا انهم راح يتصلون بي قريبا لمزيد من المعلومات, و اليوم (ثاني يوم) تم تحديث الملف و صار كالتالي

حالة الملف (بقت معلقة من اكثر من شهر تقريبا)
عدد الأفراد (تمت الأضافة)
المقابلة الأولية (مكتمل)
مقابلة المحلفين (غير فعال) كانت مكتملة
الفحص الطبي (غير فعال) كان مكتمل و المفروض يصير اكسباير بشهر ايلول القادم
التجييك الأمني (بالأنتظار) مثل ماكان سابقا
حالة السفر (غير فعال)
مدينة و مطار نازلات

علما اني مستلم اليجيبيلتي لتر و متصلين بالكفيل

احبائي اذا امكن تفسيركم لهذه الحالة ليش صارت مقابلة المحلف و الفحص غير فعال يعني شنو منتظرين الجواز مال الطفل حتى يفعلوها؟؟؟؟

تحياتي لكم و شكرا جزيلا

[securityiom]

المفروض تكمل الجنسية بس اني صديقي قابل على بيان الولادة بس اني بوكتها كلولي لازم تكمل الجنسية وطبيعي بالموقع راح يتغير الفحص والمقابلة الثانية تصير غير فعال الى ان يخلوك على الجدول وحاليا ماكو مقابلات فعادي خلي تتاخر الجنسية وبالنسبة لمقابلة اضافة الطفل فد شي سهل كلش ومتطول عشر دقايق والفترة للسفر ممعلوم اكو سنتين وبعدهم واكو سنة واكو اقل كلمن وحظة 

[دشتي]

المفروض تكمل الجنسية بس اني صديقي قابل على بيان الولادة بس اني بوكتها كلولي لازم تكمل الجنسية وطبيعي بالموقع راح يتغير الفحص والمقابلة الثانية تصير غير فعال الى ان يخلوك على الجدول وحاليا ماكو مقابلات فعادي خلي تتاخر الجنسية وبالنسبة لمقابلة اضافة الطفل فد شي سهل كلش ومتطول عشر دقايق والفترة للسفر ممعلوم اكو سنتين وبعدهم واكو سنة واكو اقل كلمن وحظة

شكرا اخي العزيز

[MUN]

شكر جزيل لصاحب الموضوع الاخ دشتي
وايضا شكر جزيل لكل الاخوة ممن اضاف تعليق ومعلومة

شكرا لتكاتف جميع من في المنتدى ومساعدة بعضهم البعض ونقل المعلومة المفيدة ...اتمنى التوفيق للجميع

الحقيقة انا ايضا امر بنفس المرحلة تقريبا ...انتظر مولود جديد في خلال هذه الايام
لكني لم اقابل مقابلة اولى الى الان ...
 

[dhia]

اخي العزيز مبروك ولاده الطفل وجعله الله من الابناء الصالحين..
احنا قبل  كم شهر تقريبا ضفنه طفل االصديقنا وكمل وقابل مقابله الاضافه والحمد لله..
اهم شي انه  اتكمل جنسيه الاحوال المدنيه وجواز السفر للطفل ...وتاخذ للترجمه بس جنسيه الاحوال المدنيه وبيان الولاده لانه جواز السفر  ميحتاج هو بي  المعلومات بالانكليزي  ومن اتكمل الجواز  دز رساله للمنظمه بيها المعلومات العاديه للطفل وياها ترفق الجنسيه والجواز وبيان الولاده  وياها الي ترجمتهم وطبعا الملف ابصيغه pdf..وانشالله خلال  ايام ايخابروك على  موعد اضافه الطفل
وملاحظه مهمه جدا(اكو  ناس اتكول ميحتاج للترجمه .....بس اني احب اكول انه المنظمه الي ابعمان ناس فايخه  ويريدون شي يجيهم على الحاضر وميتعبون نفسهم بالترجمه ومن يشوفوها مترجمه وكامله ايحولوها للمحلف لغرض الاضافه )هذا الي صار ويه صديقي بالضبط..وتحياتي الك
   




               اخوك 
       ضــــــــــــــــياء

[دشتي]

اخي العزيز مبروك ولاده الطفل وجعله الله من الابناء الصالحين..
احنا قبل  كم شهر تقريبا ضفنه طفل االصديقنا وكمل وقابل مقابله الاضافه والحمد لله..
اهم شي انه  اتكمل جنسيه الاحوال المدنيه وجواز السفر للطفل ...وتاخذ للترجمه بس جنسيه الاحوال المدنيه وبيان الولاده لانه جواز السفر  ميحتاج هو بي  المعلومات بالانكليزي  ومن اتكمل الجواز  دز رساله للمنظمه بيها المعلومات العاديه للطفل وياها ترفق الجنسيه والجواز وبيان الولاده  وياها الي ترجمتهم وطبعا الملف ابصيغه pdf..وانشالله خلال  ايام ايخابروك على  موعد اضافه الطفل
وملاحظه مهمه جدا(اكو  ناس اتكول ميحتاج للترجمه .....بس اني احب اكول انه المنظمه الي ابعمان ناس فايخه  ويريدون شي يجيهم على الحاضر وميتعبون نفسهم بالترجمه ومن يشوفوها مترجمه وكامله ايحولوها للمحلف لغرض الاضافه )هذا الي صار ويه صديقي بالضبط..وتحياتي الك
   




               اخوك
       ضــــــــــــــــياء

صباح الخير اخ ضياء
اشكرك اخي الله يبارك فيك و ان شاء الله اخذ نصيحتك بعين الأعتبار

تحياتي لك
اخوك دشتي

[دشتي]

السلام عليكم جميعا
اريد استمر معاكم في ذكر تجربة اضافة الطفل ( و على الرغم من التوقف الي حصل في الملفات بشكل عام بسبب توقف المقابلات في السفارة )
مثل ما ذكرت و بعد ان ارسلت بيان الولادة بعد 6 ايام على ولادة الطفل قمت بارسال الجنسية و ترجمتها بعد ان اصبح عمر الطفل 33 يوم و بالنسبة للبيان و الجنسية ثاني يوم الأرسال اجابتني المنظمة باضافة المستمسكات و كان الرمز في ايميل الجواب HR و بعد ذلك قمت باستحصال الجواز و ارساله الى المنظمة بعد ان اصبح عمر الطفل 47 يوم.
و لم تجبني المنظمة على ارسال الجواز. خلال هذه الفترة راسلت المنظمة و طلبت منهم معلومات حول نقل الملف الى الأردن او مصر و مدى تأثير ذلك على الأجراءات و فيما اذا كان ذلك يعني اعادة العمل على الملف من البداية او اكمال الأجراءات و لم يجيبوني في البداية فقمت بعد 20 يوم تقريبا باعادة ارسال هذا الأيميل كتذكير حتى احصل على اجابة الأستفسار ثاني يوم اتصلوا بي المنظمة و ابلغتني الموظفة انه بامكاني نقل ملفي الى عمان او مصر بالسفر و ارسال ايميل اليهم ابلغهم بنقل مكان اقامتي و ملفي و ابلغتني بان المصاريف من فيزا و سفر و اقامة ستكون على عاتقي و ان المفوضية يمكن ان تساعد في اصدار ورقة حماية لغرض الأقامة و ان الحياة في الأردن اغلى من العراق و ان مقابلة المحلف سوف تعاد مره ثانية و ايظا انه حاليا لا توجد مقابلات في العراق بسبب الظروف الأمنية بعد ذلك ارسلوا ايميل بهذا الكلام و كان الرمز في الأيميل الوارد MSS
بعد ذلك بقليل اعادوا الأتصال بي مره ثانية و سألوا عن مستمسكات الطفل ابلغتهم باني ارسلتها و الموظفة طلبت ارسال صورة الطفل سألتها عن السبب فقالت انهم يحاولون اكمال بعض ألأجراءات التي لا تحتاج الى الذهاب الى المنطقة الخضراء و اجراء مقابلة سألتها هل هذا معناه انه يمكن اضافة الطفل بدون مقابلة محلف؟ فاجابتني بنفس الجمله السابقة و قمت بارسال الصورة في نفس اليوم.

اود ان اوجه سؤال الى ذوي الخبرة و الى الأخ حسين الجبوري بشكل خاص و بعد ان شاهدت بعض ردوده على استفسارات بخصوص الرموز مؤخرا و خصوصا الرمز MSSو لكن لحالات ملفات تختلف عن حالة ملفي ما معنى هذا الرمز حاليا في ملفي مع العلم بان حالة ملفي ما زالت معلقة و الفحص و المقابلة الثانية رجعت غير فعالة منذ ارسال شهادة ولادة الطفل لحد الأن  والمدينة و المطار نازلات و متصلين بالمحلف من قبل ولادة الطفل.

تحياتي لكم جميعا و شكرا
اخوكم دشتي