المحرر موضوع: كلام سليم على : امريكا جنة - امريكا جحيم - تجربة شخصية  (زيارة 7917 مرات)

0 الأعضاء و 1 ضيف يشاهدون هذا الموضوع.

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
السلام عليكم اخواني و اخواتي الاعزاء
اولا ادعولكم ان تطلع فيزكم و تسافرون ..امريكا تستاهل قهر و انتظار ل10 سنوات مو بس 3 و 4
اني صارلي اكثر من 3 سنوات مشترك بالمنتدى بس نسيت الاسم و الباسورد مالتي و هسة فتحت هذا الاشتراك باسم جديد و اسمي القديم جان (كازه) للي يعرفوني ..
اكو هواية مواضيع بالمنتدى عن الجحيم العراق و جنة الامريكا و بالعكس .
بس اعتقد هذا كلام السليم و مختصر عن تجربتي الشخصية بعد مرور شهر من وصولي لولاية فيرمونت ,ولله الحمد و الشكر ..

1-امريكا جنة اذا تحجي انكليزي : مو شرط %100 بس لازم تفتهم الحجي و تفهم المقابل يعني نص و نص اقل شييييي, ليش : علمود الشغل :
اني لغتي كلش زين الحمدلله و زوجتي نص و نص , بعد اسبوع من وصولي لكيت شغل (عن طريق منظمة) بمعمل معجنات كوفي كةب بيكري (دوروا عليهه بلكوكل و شوفوا) .سعر الساعة 12.5 دولار*160 ساعة بلشهر=2000(راتب قانوني وزير عراقي) و زوجتي هم تشتغل وياي بنفس المعمل و الاوقات و الخط الانتاج(لاين) يعني الحمدلله 4000 دولار بلشهر + ضمان صحي +تأمين حياة (التقاعد بالمستقبل) الشركة يدفعلي .اشلون تطلع التاكس و ايجار البيت و مصاريف اخرى يبقى 2500 دولار ..
ايجار البيت 700 ,ماء و كهرباء و انترنيت و موبايل 200 ,تاكس مادري بعد بس اعتقد %6 =يعني 250-300 دولار ..ماعندي سيارة  (مصاريفهه و انشورانس)  لان المعمل تبعد 2 كم من بيتي نروح بالبيسكلات او مشي .....و خرب بالمساعدات و المنظمات اذا عندي هيج شغل و راتب و صحة من الله.

2- الاكل : يعني معقولة اجوا ناس لمريكا و كاعد يبجي لخبز العراقي و لبن و دولمة و مادري شنو ايكول امريكا جحيم لان اكلة مو مثل عراق ؟يابة هنا اكو كلشييييييييي بس ينرادلك زوجة او طباخ ماهر ,احنه بالشهر الاول اكلنه كباب و تكة و فاصوليا و قوزي و دجاج طبعا الحمد لله كلهه تسويه زوجتي لان فعلا ماكو طبخة و متعرفهها ..قصدي لاذا تجي لمريكا اتبجي علا اكل .

3- الجو :اشلون ماكان الجو احلة من ريحة دم و باروت و مفخخات العراق ,صدك اكو ناس كل شهرين يغير الولاية مرة باردة و مرة حارة ديابة اكعد شبسرعة نسيت العراق ؟ و بعدين يكول امريكا جحيم مابيهه شغل .

4- قنوات العربية و العراقية : اتصوروا اكو ناس ماعدهم شغل عطال و بطال 24 ساعة كاعدين سالفة مالكي و علاوي , قنوات عربية و عراقية ,سنة و شيعة ,اربيل و بغداد , انتخابات و النفط ....اصلا اني ماعندي ستلايت و ميهمني اذا ماشوف قنوات عربية و عراقية لالف سنة (علما شي رخيص و حلو اذا واحد يريده و حقه يتابع اخبار بلده و اهله) بس انت عايش بمريكا دور علة طريق لمستقبلك حبيبي عيش مثل العالم و عوف قهر العراق دكافيييي سياسة و الطائفية .

5- العراقيين في ولايتك :نعمة او نقمة ؟ طبعا نعمة بس ضمن الحدود يعني لاتختلط هواية و لاتهملهم لان نفس السالفة التعبانة السياسة و الطائفية و موضوع الستلايت

عموما هذا مختصر عن تجربتي و الي سمعته من العراقيين ,و جنت اتابعهه بعنكاوة لمدة 3 سنوات ...

بعض المساوئ :
1-الغربة :بدرجة قليله يعني مو تكعد تبجي للصبح , بس تتذكر اهل و اصدقاء ,و لمن تتذكر الوضع و الخدمات و تقارنهه راسا تنسي الغربة و تروح فدوة لمريكا
2-القوانين :شي صعب تجي من العراق ابولحضارات الي مابيهه قانون مع الاسف , و امريكا حتى الهلاو مالتهم بيهه قانون و لازم تيتسم وياها ههههه يعني من اصغر شي حتى اكبرهه قوانين و ماكو مجال لتجاهلها ,ينرادلك وقت حتى تتعود بس مو شي صعب
3- حياة هنا معقدة و بيهه تفاصيل دقيقة و لازم واحد ايدير باله عليهه مثل بنوك و الحسابات و التأمينات و الضمانات و قوانين الحكومة و الشوارع كلشي و كلاشي ...

اسف للاطالة بس حبيت انطيكم نظرة كاملة لتكتملوا عندكم الصورة ...اسف لاغلاط املائية و لغوية لان اني كردي و اخوكم
جميع انواع التعليقات(الزينة و المو زينة) مرحب به , براحتكم شتكتبون الي يعجبه الموضوع و الي ميعجبهه علا راسي و هاهي الديموقراطية الي احنه نحتاجهه كل واحد و راي .
و اي شي تحتاجون اني حاضر .

تحياتي
اخوكم كازه بيسري ,ولاية فيرمونت ,



غير متصل شاويش

  • عضو فعال جدا
  • ***
  • مشاركة: 181
    • مشاهدة الملف الشخصي
تمنياتنا لك بالتوفيق والنجاح الدائم اتعجب من شخص يكول الحياة امريكا صعبه وكانه الحياة سهله في باقي الدول  يعني واذا احد يجي ويكول سهله ارجو ان يساعد العاطلين عن العمل الذين يملئون الشوارع وتطوعو على الحرس والشرطه او باع ضميره وانسانيته مقابل ابخس الاثمان العراق عالميا هو متصدر بالعاطلين والفساد الاداري وحقوق الانسان  صفر بدون منافس
ولاكن من ياتي ليكتب عن نجاحه في العراق بالحلال ولا يخشى على نفسه واهله من بطش الحكومه او الميليشيات المتناحره هناك فهذا حاله خاصه لا تعمم ابدا ابدا الحياة فعلا صعبه في امريكا ولاكن هل هناك حل اخر يجب على القادم الى امريكا ان يعلم ان عليه ان يبذل جهد ولاكن هنا لا يضيع جهد مجتهد ومن الله التوفيق
تحياتي

غير متصل samy90

  • عضو فعال جدا
  • ***
  • مشاركة: 107
  • الجنس: ذكر
    • مشاهدة الملف الشخصي
كلام سليم اخ كازه
ماعندي تعليق
بس حبيت أضيف بالنسبه لإبتسامة الأمريكان شي ممتاز مع ان ديننا أمرنا بالابتسامة اللي غاب عنها كثير من الناس حيث قال النبي عليه السلام ابتسامه في وجه أخيك صدقه
وهناك تحليل نفسي قرأت من مده ولااعلم صحته ب ان اللذي يبتسم دائماً للناس هو أكثرهم هموما😳
والعهده على الراوي
ان المستحيل لا يوجد الا فى قاموس الاغبياء

غير متصل افراح

  • عضو
  • *
  • مشاركة: 13
    • مشاهدة الملف الشخصي



       بارك  الله  بك  وان شاء  الله  شايفين كل  الخير بحياتكم والله  يوفقكم  ويسهل  اموركم

           وبالنسبه  ألي  ولعائلتي  نحمد  الله  الف  مره  لان  وصلنه  اميركا وبالتسبه  النه  كان  حلم  ومهما  الواحد  تعب  وبالنتيجه  يحصل  شي مو  مثل  قبل نتعب  وماكو  نتيجه  وحياتنه  كانت  كلها  

      قلق  وخوف ومنعرف  على  لحظه  شيصير.
  
     ان شاء  الله  يسهل امور  الجميع
    

  




غير متصل moonnice

  • عضو فعال جدا
  • ***
  • مشاركة: 119
    • مشاهدة الملف الشخصي
    • البريد الالكتروني
تسلم اخي الكريم ع توضيحاتك
المشكلة بالشخص فاذا كان صاحب همة وعزيمة فاكيد راح يغتنم الفرصة بامريكا  ويطور نفسه بس اذا كان همة المساعدات وفاكيد راح تكون امريكا جحيم
لانه العيش ع المساعدات ماراح توصل الانسان الي تطور بحياة اللاجئ
تحياتي 

غير متصل عراقي مغترب

  • عضو فعال جدا
  • ***
  • مشاركة: 863
  • الجنس: ذكر
  • عراقي مغترب
    • مشاهدة الملف الشخصي
    • البريد الالكتروني
عاشت ايدك.   كازة.   على.  هذا الوصف.  فعلا حسستنا. وكاننا.  فى امريكا.  ونحن.  ننتظر الفرج.   فى تركيا.    دعواتى لك. بالموفقية. والنجاح

غير متصل Blue Falcon

  • عضو فعال جدا
  • ***
  • مشاركة: 546
    • مشاهدة الملف الشخصي

غير متصل banmeel

  • عضو فعال جدا
  • ***
  • مشاركة: 250
    • مشاهدة الملف الشخصي
    • البريد الالكتروني
اني احب أصيحك اخ كازة لان انته في بدايات تقديمي هواية ساعدتني واني المؤمنون الك واتمنالك الموفقية والسعادة طول حياتك

غير متصل predator

  • عضو فعال جدا
  • ***
  • مشاركة: 762
  • الجنس: ذكر
    • مشاهدة الملف الشخصي
عاشت ايدك على هذا الوصف للحياة بامريكا,,وحقيقة الي ينظر للحياة باسلوبك هو انسان مثقف وناجح بحياتة,
اكو ناس بامريكا عايشين احسن حياة والمساعدات والشغل ومن دكلة شلونهة امريكا يكوم يبجي ويكول نظام قوي وقوانين والفلوس صعبة,
عبالك هو جان عايش امير بالكويت

غير متصل um shaheen

  • مبدع قسم الهجرة
  • عضو مميز جدا
  • *
  • مشاركة: 2843
  • الجنس: أنثى
    • مشاهدة الملف الشخصي
كل الهلا بيك اخونه العزيز كازه ويارب موفق بكل خطوه بحياتك
تحياتي
اختك ام شاهين

غير متصل dkz

  • عضو فعال جدا
  • ***
  • مشاركة: 194
  • الجنس: ذكر
    • مشاهدة الملف الشخصي
    • البريد الالكتروني
عاشت ايدك وكلامك صحيح ....

غير متصل أبو شاهين

  • عضو فعال جدا
  • ***
  • مشاركة: 104
    • مشاهدة الملف الشخصي
كلامك جميل جدا وموضوعك كلش عجبني
اسلوبك البسيط هو اللي حلى الموضوع

وتحياتي لك اخ كازة وان شاء الله موفق في حياتك

غير متصل ابو الامراء

  • عضو مميز
  • ****
  • مشاركة: 1220
    • مشاهدة الملف الشخصي
    • البريد الالكتروني
كلام حلو والله يوفقك بحياتك

غير متصل engm

  • عضو فعال جدا
  • ***
  • مشاركة: 92
    • مشاهدة الملف الشخصي
اخ كازه والله كلامك يريح النفس حتى لو الواحد مهموم وعندك روح رياضية عالية ما شاء الله يعني اتمنى كل شخص يهاجر لامريكا انو ينقل الصور الجميلة للحياة وحتى الواقعية المتعبة بس بشكل منطقي  مو بطريقة بحيث من تسمع البعض كانو رايح عالصومال ;D اتمنى تتابع الكتابة ونسمع منك الاخبار الحلوة ومبروك الك الحياة الجديدة ..... ابو عمار
ابو عمار

غير متصل kojak

  • عضو فعال
  • **
  • مشاركة: 63
    • مشاهدة الملف الشخصي
الاخ العزيز كازه بارك الله بيك وعاشت ايدك ع هل الموضوع الحلو والتفاصيل الجميله والتفائل والحياة المشرقه وفعلا جنه محتاجين لهيج كلام لان هوايه ناس سودوها بوجهنه وانت هسه زرعت امل جديد بينه
ادعيلك من كل قلبي الله يسعدك ووفقك ويرزقك وتشق طريقك الى الامام دائما
مع خالص التحيات
KOJAK

غير متصل salam83a

  • عضو فعال جدا
  • ***
  • مشاركة: 446
    • مشاهدة الملف الشخصي
موضوع لطيف عاشت ايدك

غير متصل المهندس الزورائي

  • عضو مميز
  • ****
  • مشاركة: 1222
    • مشاهدة الملف الشخصي
    • البريد الالكتروني
كلامك نابع من القلب لذا فهو يدخل القلب بدون استئذان .. اللي استنتجته انه بامريكا اذا حصلت شغل براتب زين ترتاح وتتناسى كل الهموم والمصاعب والغربة .. والعكس صحيح ... الامام علي كرم الله وجهه يقول .. المال في الغربة وطن ... تحياتي وتقديري الك كاكه كازه

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
تمنياتنا لك بالتوفيق والنجاح الدائم اتعجب من شخص يكول الحياة امريكا صعبه وكانه الحياة سهله في باقي الدول  يعني واذا احد يجي ويكول سهله ارجو ان يساعد العاطلين عن العمل الذين يملئون الشوارع وتطوعو على الحرس والشرطه او باع ضميره وانسانيته مقابل ابخس الاثمان العراق عالميا هو متصدر بالعاطلين والفساد الاداري وحقوق الانسان  صفر بدون منافس
ولاكن من ياتي ليكتب عن نجاحه في العراق بالحلال ولا يخشى على نفسه واهله من بطش الحكومه او الميليشيات المتناحره هناك فهذا حاله خاصه لا تعمم ابدا ابدا الحياة فعلا صعبه في امريكا ولاكن هل هناك حل اخر يجب على القادم الى امريكا ان يعلم ان عليه ان يبذل جهد ولاكن هنا لا يضيع جهد مجتهد ومن الله التوفيق
تحياتي

كلامك صحيح حبيبي شاويش,شكرا لمرورك و مساندتك لراي  ,,,احنه منكول امريكا جنة و هيج و هيج بس اذا تقارن بالعراق الفرق هو بين الارض و السماء و اصلا غلط مقارنة امريكا بلعراق

تحياتي الك اخوية الغالي

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
كلام سليم اخ كازه
ماعندي تعليق
بس حبيت أضيف بالنسبه لإبتسامة الأمريكان شي ممتاز مع ان ديننا أمرنا بالابتسامة اللي غاب عنها كثير من الناس حيث قال النبي عليه السلام ابتسامه في وجه أخيك صدقه
وهناك تحليل نفسي قرأت من مده ولااعلم صحته ب ان اللذي يبتسم دائماً للناس هو أكثرهم هموما😳
والعهده على الراوي

تسلملي حبي هو هذا مشكلتنه احنه مسلمين و منطبق قوانين و متطلبات ديننا اي بالعكس هم الي بعضهم ماعدهم دين او ديانه  و اكثريتهم مسيحيين يطبقون قوانين دين الاسلام مثل الي حضرتك تكوله
تحياتي

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي



       بارك  الله  بك  وان شاء  الله  شايفين كل  الخير بحياتكم والله  يوفقكم  ويسهل  اموركم

           وبالنسبه  ألي  ولعائلتي  نحمد  الله  الف  مره  لان  وصلنه  اميركا وبالتسبه  النه  كان  حلم  ومهما  الواحد  تعب  وبالنتيجه  يحصل  شي مو  مثل  قبل نتعب  وماكو  نتيجه  وحياتنه  كانت  كلها  

      قلق  وخوف ومنعرف  على  لحظه  شيصير.
  
     ان شاء  الله  يسهل امور  الجميع



شكرا الك و ان شاء الله دوووووم الافراح ..
هاية الجملة عجبتني و الي يجي لامريكا ايخلي هذا بباله ( ومهما  الواحد  تعب  وبالنتيجه  يحصل  شي مو  مثل  قبل نتعب  وماكو  نتيجه )
     تحياتي

  





غير متصل ghassan_alabdi

  • عضو فعال جدا
  • ***
  • مشاركة: 343
    • مشاهدة الملف الشخصي
    • البريد الالكتروني
عاشت ايدك على هذا الموضوع الرائع والرافع للهمم

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
تسلم اخي الكريم ع توضيحاتك
المشكلة بالشخص فاذا كان صاحب همة وعزيمة فاكيد راح يغتنم الفرصة بامريكا  ويطور نفسه بس اذا كان همة المساعدات وفاكيد راح تكون امريكا جحيم
لانه العيش ع المساعدات ماراح توصل الانسان الي تطور بحياة اللاجئ
تحياتي 

شكرا لمرورك ..و اصلا مختصر مفيد هو الفاشل يبقى فاشل وين ماكان , والناجح يبقى ناجح حتى لو تخليهه فوك المريخ بس اكيد النجاح هو نتيجة التعب و ينرادلة قوة و عزيمة
تحياتي

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
عاشت ايدك.   كازة.   على.  هذا الوصف.  فعلا حسستنا. وكاننا.  فى امريكا.  ونحن.  ننتظر الفرج.   فى تركيا.    دعواتى لك. بالموفقية. والنجاح

الف هلا بيك حبي انتظر و توكل على الله كتلك تستاهل تتعب و تتعذب و تنتظر ل 10 سنوات و اول لحظة توصل مطار امريكي تنسه كللللللللللللله .... و ربك يسهلهه و يفرج
تحياتي

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
اني احب أصيحك اخ كازة لان انته في بدايات تقديمي هواية ساعدتني واني المؤمنون الك واتمنالك الموفقية والسعادة طول حياتك

هلو حبيبي بانميل شونك حبي شخبارك ؟ ان شاء الله بخير
و شرف كبير الي مساعدة اخواني و اخواتي
و اتمنى لك التوفيق و النجاح حبي
تحياتي الك

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
عاشت ايدك على هذا الوصف للحياة بامريكا,,وحقيقة الي ينظر للحياة باسلوبك هو انسان مثقف وناجح بحياتة,
اكو ناس بامريكا عايشين احسن حياة والمساعدات والشغل ومن دكلة شلونهة امريكا يكوم يبجي ويكول نظام قوي وقوانين والفلوس صعبة,
عبالك هو جان عايش امير بالكويت


هههههههه هلو حبي شونك انت شخبارك ؟ ان شاء الله زين
هو هذا الحجي اكيد الي يعيش عالمساعدات حالة هيج و خليبجي براحتة حتى يلم شوية فلوس او اهلة يدزوله من عراق يشتري تكت الطيارة و ترجع و باي باي امريكا
تحياتي الك حبحب

غير متصل فتى المدينة

  • عضو فعال جدا
  • ***
  • مشاركة: 255
  • غالبا ما يضيع المال .. بحثاً عن المال
    • مشاهدة الملف الشخصي
كلام جميل عاشت ايدك ع الموضوع الروووعة والمميز

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
كل الهلا بيك اخونه العزيز كازه ويارب موفق بكل خطوه بحياتك
تحياتي
اختك ام شاهين

هلو اختى العزيزة شونك شخبار العائلة ان شاء الله مرتاحين ؟
انتي واحدة من النماذج الناجحة و اني دائما متابع لوضعك
اتمنى لكم الموفقية و حياة سعيدة باذن الله تعالى
تحياتي الك و شكرا لمرورك العطر

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
كلامك جميل جدا وموضوعك كلش عجبني
اسلوبك البسيط هو اللي حلى الموضوع

وتحياتي لك اخ كازة وان شاء الله موفق في حياتك

ممنون منك اخوية العزيز ابو شاهين لكلماتك القيمة و مرورك الكريم
اتمنى لكم السعادة و التوفيق
تحياتي

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
اخ كازه والله كلامك يريح النفس حتى لو الواحد مهموم وعندك روح رياضية عالية ما شاء الله يعني اتمنى كل شخص يهاجر لامريكا انو ينقل الصور الجميلة للحياة وحتى الواقعية المتعبة بس بشكل منطقي  مو بطريقة بحيث من تسمع البعض كانو رايح عالصومال ;D اتمنى تتابع الكتابة ونسمع منك الاخبار الحلوة ومبروك الك الحياة الجديدة ..... ابو عمار

ابو عمار الورد مشكور حبيبي لمرورك و مساندتك
هههههههه بالسبة للصوماليين هواية بامريكا ناس طيبين لابعد الحدود الله يحفظهم جدا متعاونيين خاصة وية العراقيين ,,
و اكيد باذن الله و حسب المجال راح اتواصل وياكم و اكتبلكم تفاصيل اخرى
ادعولنه بخير
تحياتي 

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
الاخ العزيز كازه بارك الله بيك وعاشت ايدك ع هل الموضوع الحلو والتفاصيل الجميله والتفائل والحياة المشرقه وفعلا جنه محتاجين لهيج كلام لان هوايه ناس سودوها بوجهنه وانت هسه زرعت امل جديد بينه
ادعيلك من كل قلبي الله يسعدك ووفقك ويرزقك وتشق طريقك الى الامام دائما
مع خالص التحيات
KOJAK

الف هلا بيك حبي كوجاك هذي هي الحقيقة و الله العظيم بدون مبالغة الي كتبته هو حالي و اني اعيش هيج و كلش راض بما قسمه الله مو مثل جماعة البجي ههههههه
و لاتخاف حبيبي توكل على الله كلشي موجود هنا و ينرادلة واحد قوي و عزيمة قوية و كله يسهله ربك بدون انت تحس بيهه
و شكرا لدعائك و لاتنسانا بدعواتكم
تحياتي الك و شكرا لمرورك

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
كلامك نابع من القلب لذا فهو يدخل القلب بدون استئذان .. اللي استنتجته انه بامريكا اذا حصلت شغل براتب زين ترتاح وتتناسى كل الهموم والمصاعب والغربة .. والعكس صحيح ... الامام علي كرم الله وجهه يقول .. المال في الغربة وطن ... تحياتي وتقديري الك كاكه كازه

اهلا وسهلا بيك مهندسنا العزيز
كلامك ذهب و فهمك للموضوع %100 ,  (انه بامريكا اذا حصلت شغل براتب زين ترتاح وتتناسى كل الهموم والمصاعب والغربة .. والعكس صحيح)
قصدنه هنا الشغل و المال و اثنيناتعم موجود خير من الله بس اكو يركض وراهم و اكو يركض منهم و الحساب عندك
تحياتي الك و الله يفتحه بوجهكم كاكه مهندس العزيز
 

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
اخواني و اخواتي الاعزاء شكرا لمروركم و مساندتكم لموضوع
ماكدر اجاوبكم واحد واحد بسبب ضيق الوقت و ان شاء الله نتواصل
اي شي تحتاجون اي استفسار دزولي رسالة هنا او عالخاص و اني بالخدمه
الله يسهل امركم و تطلع فيزكم ان شاء الله
تحياتي الكم
اخوكم كازه - ولاية فيرمونت

غير متصل أبو توفي

  • تركيا
  • مبدع قسم الهجرة
  • عضو مميز
  • *
  • مشاركة: 1016
  • الجنس: ذكر
  • [url=http://uploads.ankawa.com/][img]http://upload
    • ياهو مسنجر - zozo_ayad2012@yahoo.com
    • مشاهدة الملف الشخصي
السلام عليكم ورحمة الله وبركاته

كاكا كازه اني لم يحصلي الشرف بمعرفتك سابقا لكن ثق بأسم رب الجلال عندما قرأة موضوعك وكأنني أعرفك من زمان بعيد لماذا لان احسست بروح العراقي الاصيل اذا كان كردي عربي واي طيف من أطياف الشعب الراقي الاصيل ...لكن مع الاسف وكل الاسف لكل مريض من أهلنا ذهب الى اميركا وما عنده شغل غير هذا هيجي وذاك كذا مع كل الاسف وانا اشد مع رأيك يجب الابتعاد عن مثل هذه النماذج لان الواحد يخرج من بلده لكي يرجع عراقيته لا ان يرجع طائفيته ...
أتمنى لك الموفقية والنجاح والعيش الهني وانت خصوصا في غربة ربي سهل عليك فراق اهلك واحبتك وجمعك معهم على محبة الرحمن وعلى قول لا أله الا الله محمد رسول الله




             أخوك أبو توفي

غير متصل الرباب

  • عضو فعال جدا
  • ***
  • مشاركة: 122
    • مشاهدة الملف الشخصي
    • البريد الالكتروني
السلام عليكم اخي مبداع  bzha ماقصرت  جزاك ربي الف خير  وكلامك يدل على اصلك طيب  وفعلا من القلب الى القلب  لانه يدل على ثقافتك  ان شاءالله نجاح وتوفيق  اني اختك في تركيا  ام مهيب  قريب جدا نواصل الى امريكاا  ان شاءالله وكثير كلامك  اسعدنا  تقبل مروري سلامي تحياتي لااهل  اختك ام مهيب العزاويه \تركيا

غير متصل espero

  • مبدع قسم الهجرة
  • عضو مميز جدا
  • *
  • مشاركة: 3250
  • الجنس: ذكر
  • ARSENAL TILL I DIE
    • مشاهدة الملف الشخصي
اخ كازه ....مبروك عليك الوصول الى اميركا والاستقرار ...انا اتذكرك طبعا من اسمك المميز هههههههه
فعلا اهم شي هنا هو الشغل ..اذا حصلت شغل زين ..طبعا شغلك كبداية مو بس  زين ...ممتاز ...فول تايم والساعه ر 12.5 دولار ..
تمنياتي لك بالتقدم والاستقرار



ان يحكمك الوضيع و السافل ... فأنت تعيش في غربة!!!!

غير متصل Bluebird2013

  • عضو
  • *
  • مشاركة: 11
    • مشاهدة الملف الشخصي
    • البريد الالكتروني
السلام عليكم
حياك الله اخ كازا . كلامك جان كلش حلو ونقلت الحقيقه . اني هم وصلت لامريكا قبل 3 اسابيع ومن جنت بالعراق واسمع واحد يكول وصلت امريكا وراح ارجع لو يكول هيه هاي امريكا الي ثابرينه بيها بس جنت متاكد انه بس الانسان الفاشل متعجبه امريكا ويحن لكلشي غلط بالعراق وفعلا شفت امريكا متكاملة بكل شي مع العلم اني طبيب ومكمل بورد ووتركت الطب ومستعد اشتغل اي شغله هنا ومااندم على شي ابد لان بلد يقدر الانسان وصدك الواحد هنا يحس بروحه بشر .

غير متصل iron man

  • عضو فعال جدا
  • ***
  • مشاركة: 406
  • الجنس: ذكر
    • مشاهدة الملف الشخصي
الف الف مبروووووووووووك سلامة الوصول اخوية الورد كازه وربي يوفقك ويرزقك...انت تستاهل كل خير واني وياك بكل كلمه كلتها لئن الي رايح يريد شغل ومستقبل ميباوع على توافه الامور ويكدر يتجاوزها....تحياتي

غير متصل احمدمالك

  • عضو مميز جدا
  • *****
  • مشاركة: 2813
  • الجنس: ذكر
    • مشاهدة الملف الشخصي
كلام مظبوط 100% اخي الي فاشل ابلده فاشل ابكل مكان ولي يدور المساعدات ما راح يحقق اي شي المساعدات مطلوبه في بدايه الحيات في امريكا ولاكن الخطء البقاء على المساعدات
الشي الصحيح البحث عن العمل


تحياتي احمد نيومكسيكو

غير متصل Sound of Soul

  • اداري
  • عضو مميز متقدم
  • ***
  • مشاركة: 13081
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php/board,53.0.html


تجربتك جميلة جدا ونتمنالك الموفقية بحياتك الامريكية باذن الله
تحياتي .

http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
السلام عليكم ورحمة الله وبركاته

كاكا كازه اني لم يحصلي الشرف بمعرفتك سابقا لكن ثق بأسم رب الجلال عندما قرأة موضوعك وكأنني أعرفك من زمان بعيد لماذا لان احسست بروح العراقي الاصيل اذا كان كردي عربي واي طيف من أطياف الشعب الراقي الاصيل ...لكن مع الاسف وكل الاسف لكل مريض من أهلنا ذهب الى اميركا وما عنده شغل غير هذا هيجي وذاك كذا مع كل الاسف وانا اشد مع رأيك يجب الابتعاد عن مثل هذه النماذج لان الواحد يخرج من بلده لكي يرجع عراقيته لا ان يرجع طائفيته ...
أتمنى لك الموفقية والنجاح والعيش الهني وانت خصوصا في غربة ربي سهل عليك فراق اهلك واحبتك وجمعك معهم على محبة الرحمن وعلى قول لا أله الا الله محمد رسول الله




             أخوك أبو توفي

وعليكم السلام  ورحمة الله وبركاته
شلونك حبي ابو توفي ان شاء الله زين ؟
شكرا كلامك ذهب على راسي و بالنسبة لعربي او كردي او حتى عراقي ميهمني اني بعمري مشايف او مو عايش بخارج اقليم كردستان و ماشاء الله احجي هيج عربي و اريدك تقيمني اذا زين لو مو زين ؟
و عندي اصدقاء من بصرة و كوت و ناصرية و رمادي و موصل اتعرفت عليهم بصدفة او عن طريق فيسبوك زين ماشاء الله قمة الاخلاق و ثقافة و هم عرب يعني شبيه عرب ؟او بالعكس شبيهه كردي؟او مسيحي او يزيدي يعني مو انسان ؟
لعد اذا احنه كلنه نفكر هيج انصير احله من امريكا و اوروبا بس مع الاسف مو كلنة هيج او اكثريتنه بالعكس و اني ادعو من الله ان يغير كل العراقيين يفكرون مثلي و مثلك و باقي اخواني و اخواتي بعنكاوا اني مشايف اي واحد منكم بس اتصور او اكو صورتكم بخيالي وجوهكم و اخلاقكم و طبيعتكم الحمدلله تووووب ..فبصراحة و بدون مبالغة الي يريد يجي لمريكا لازم ايفكر هيج
ربي يوفقكم و يسهل امركم
تحياتي

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
السلام عليكم اخي مبداع  bzha ماقصرت  جزاك ربي الف خير  وكلامك يدل على اصلك طيب  وفعلا من القلب الى القلب  لانه يدل على ثقافتك  ان شاءالله نجاح وتوفيق  اني اختك في تركيا  ام مهيب  قريب جدا نواصل الى امريكاا  ان شاءالله وكثير كلامك  اسعدنا  تقبل مروري سلامي تحياتي لااهل  اختك ام مهيب العزاويه \تركيا


السلام عليكم ورحمة الله وبركاته
اختي العزيزة ام مهيب شكرا لمرورك الكريم و كلماتك الطيبة الحمدلله و الشكر كلماتك تصعدني للسماء و يدفعني لعمل خير و مساعدة الناس اكثر و اكثر و ان شاء الله ماقصر و بالخدمة الطيبين ...ربي يسهلهه و يفرج عليكم و تشوفون امريكا بس لاتنسه كلت تستاهل 10 سنوات تعب و انتظار
تحياتي الك و العائلتك

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
اخ كازه ....مبروك عليك الوصول الى اميركا والاستقرار ...انا اتذكرك طبعا من اسمك المميز هههههههه
فعلا اهم شي هنا هو الشغل ..اذا حصلت شغل زين ..طبعا شغلك كبداية مو بس  زين ...ممتاز ...فول تايم والساعه ر 12.5 دولار ..
تمنياتي لك بالتقدم والاستقرار

هلاووووووووووووووووو اسبيرو الكبد شونك اخوية شخبارك
شكرا لمرورك حبيبي و الحمدلله و الشكر هلكد حجيت و و دورت اعتقد كلش زين لان اصحابي بفيرجينيا يشتغل نفس الشغلي ب 8.5$ كال اذا هيج اجيك لفيرمونت الحمدلله و الشكر كلش زين
تحياتي و احترامي اسبيرو الغالي

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
السلام عليكم
حياك الله اخ كازا . كلامك جان كلش حلو ونقلت الحقيقه . اني هم وصلت لامريكا قبل 3 اسابيع ومن جنت بالعراق واسمع واحد يكول وصلت امريكا وراح ارجع لو يكول هيه هاي امريكا الي ثابرينه بيها بس جنت متاكد انه بس الانسان الفاشل متعجبه امريكا ويحن لكلشي غلط بالعراق وفعلا شفت امريكا متكاملة بكل شي مع العلم اني طبيب ومكمل بورد ووتركت الطب ومستعد اشتغل اي شغله هنا ومااندم على شي ابد لان بلد يقدر الانسان وصدك الواحد هنا يحس بروحه بشر .

وعليكم السلام حبي دكتور
مع احترامي لشخصك الكريم و شهادتك على راسي بس بالعراق ميحترموك لو تطير للسماء و تنزل الحمدلله انت وصلت و شفت بامريكا كناس الشارع و مهندس و دكتور و اوباما نفس المستوى و الاحترام بس الشغل و العنوان يختلف و اعتقد حس انك بشر و تتعامل كبشر و يقدروك كافي لتقرر ان امريكا احسن من عراق ...امريكا مو للفشله الي يرجع خليرجع و الله وياه
تحياتي الك (دكتور عراقي قديم) ...و لازم انشوفك دكتور امريكي ان شاء الله في سنوات القادمة 

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
الف الف مبروووووووووووك سلامة الوصول اخوية الورد كازه وربي يوفقك ويرزقك...انت تستاهل كل خير واني وياك بكل كلمه كلتها لئن الي رايح يريد شغل ومستقبل ميباوع على توافه الامور ويكدر يتجاوزها....تحياتي

الله يبارك بيك ئايرون مان حبيبي ان شاء الله انشوفك ئايرون مان الحقيقي بامريكا
الله يسهللك و تجي و تشوف بعينك
تحياتي و شكرا لمرورك

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي
كلام مظبوط 100% اخي الي فاشل ابلده فاشل ابكل مكان ولي يدور المساعدات ما راح يحقق اي شي المساعدات مطلوبه في بدايه الحيات في امريكا ولاكن الخطء البقاء على المساعدات
الشي الصحيح البحث عن العمل


تحياتي احمد نيومكسيكو


شكرا حبيبي ابو شهاب
اصلا جماعة المنظمة استغربوا اني هيج حجيت حتى الموظفة كالت اجه واحد و عائلته و كلناله لازم تشتغل اي شغل و هو كال لا يابة لا شلون اشتغل اني جيت ارتاح و اتونس عالبحر لان كالولي حكومة ينطيك راتب ....شوف بعينك حبيبي اكو هيج نماذج
ههههههه و بالمناسبة اني معجب بالعاصمة البوكركي ان شاء الله اجيكم سياحة :)
تحياتي ابو شهاب الورد

غير متصل bzha

  • عضو فعال
  • **
  • مشاركة: 36
    • مشاهدة الملف الشخصي


تجربتك جميلة جدا ونتمنالك الموفقية بحياتك الامريكية باذن الله
تحياتي .


شكرا ادمن الغالية لمرورك و اتمنى لكم التوفيق و حياة سعيدة ان شاء الله
تحياتي

غير متصل احلى دلوعه

  • عضو فعال جدا
  • ***
  • مشاركة: 89
  • الجنس: أنثى
    • مشاهدة الملف الشخصي
ربي يوفقك ويسهل كل أمورك ياااااارب

غير متصل احمدمالك

  • عضو مميز جدا
  • *****
  • مشاركة: 2813
  • الجنس: ذكر
    • مشاهدة الملف الشخصي
كلام مظبوط 100% اخي الي فاشل ابلده فاشل ابكل مكان ولي يدور المساعدات ما راح يحقق اي شي المساعدات مطلوبه في بدايه الحيات في امريكا ولاكن الخطء البقاء على المساعدات
الشي الصحيح البحث عن العمل


تحياتي احمد نيومكسيكو


شكرا حبيبي ابو شهاب
اصلا جماعة المنظمة استغربوا اني هيج حجيت حتى الموظفة كالت اجه واحد و عائلته و كلناله لازم تشتغل اي شغل و هو كال لا يابة لا شلون اشتغل اني جيت ارتاح و اتونس عالبحر لان كالولي حكومة ينطيك راتب ....شوف بعينك حبيبي اكو هيج نماذج
ههههههه و بالمناسبة اني معجب بالعاصمة البوكركي ان شاء الله اجيكم سياحة :)
تحياتي ابو شهاب الورد


اخي bzha كل الهله بيك اب البوكركي ان شاء الله ترتاح اب امريكا او تحقق هدفك ان شاء الله



احمد نيومكسيكو

غير متصل movetoo

  • عضو فعال جدا
  • ***
  • مشاركة: 137
    • مشاهدة الملف الشخصي
    • البريد الالكتروني
 طبعا شكرا للعراقي كازه وعلى رفعه لمعنوياتنا 

انت بطل وتستاهل كل خير وارفعلك القبعة تحية الك 

شكرا ياورد 


غير متصل محمد العراقي

  • عضو
  • *
  • مشاركة: 7
  • الجنس: ذكر
    • مشاهدة الملف الشخصي
    • البريد الالكتروني
اخي العزيز أحييك ، اني اختلف معاك في بعض النقاط ،
اولا تجربتك مثالية جدا وليست عامة لكل اللاجئين ، يعني اني ورة سنتين يلله حصلتلي عمل ب11.5 عن طريق شركة توظيف (اللغة الانكليزية مطلوبة)ويبعد العمل عن الشقة ٢٦ مايل يعني ٥٢ مايل سياقة يوميا ، انت حضرتك متزوج بس الظاهر ماعندك اطفال وزوجتك تعمل هذا شيء استثناء لان اغلب العوائل لديها اطفال ، اني زوجتي ربة بيت تعتني بالاطفال , يعني وحدي اشتغل وراتبي اذا اشتغلت ٤٠ ساعة اسبوعيا ( وهذا شيء غير مضمون) يكون ٤٢٠ بعد قطع الظرائب، المجموع يكون ١٦٨٠ شهريا
 ، اجاري ٩٢٠ شهريا مع الماء والنفايات، والكهرباء شهريا ١٨٠$ فود ستامس ٧٠٠$ لان عائلة ٦ نفرات . اخواني الاعزاء الحياة في امريكا بصورة عامة (سد بسد ) فلا تتوقعون جنة بل هي مكان على الارض ، والله شاهد على ما اقول

غير متصل Ahmed Salama

  • عضو فعال جدا
  • ***
  • مشاركة: 230
  • منتديات عنكاوا
    • مشاهدة الملف الشخصي
بالعافيه على اخونه مناك 3 سنين ومنا سنتين
احجيلنه شلونها الجنسيه ^_^

غير متصل Sound of Soul

  • اداري
  • عضو مميز متقدم
  • ***
  • مشاركة: 13081
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php/board,53.0.html
اخي العزيز أحييك ، اني اختلف معاك في بعض النقاط ،
اولا تجربتك مثالية جدا وليست عامة لكل اللاجئين ، يعني اني ورة سنتين يلله حصلتلي عمل ب11.5 عن طريق شركة توظيف (اللغة الانكليزية مطلوبة)ويبعد العمل عن الشقة ٢٦ مايل يعني ٥٢ مايل سياقة يوميا ، انت حضرتك متزوج بس الظاهر ماعندك اطفال وزوجتك تعمل هذا شيء استثناء لان اغلب العوائل لديها اطفال ، اني زوجتي ربة بيت تعتني بالاطفال , يعني وحدي اشتغل وراتبي اذا اشتغلت ٤٠ ساعة اسبوعيا ( وهذا شيء غير مضمون) يكون ٤٢٠ بعد قطع الظرائب، المجموع يكون ١٦٨٠ شهريا
 ، اجاري ٩٢٠ شهريا مع الماء والنفايات، والكهرباء شهريا ١٨٠$ فود ستامس ٧٠٠$ لان عائلة ٦ نفرات . اخواني الاعزاء الحياة في امريكا بصورة عامة (سد بسد ) فلا تتوقعون جنة بل هي مكان على الارض ، والله شاهد على ما اقول

كلام سليم تماما
الحياة بامريكا تختلف باختلاف ظروف كل عائلة وعدد العاملين بيها
تحياتي .

http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com