رجاءا اكو سفر لو متوقف ؟ اكو احد تاجل من بغداد ؟

[Saqar]

السلام عليكم 
اخوان احنة سفرنة هذا الشهر ومثل مدتشوفون الامور لايصة ومجرد الوصول للبغداد هو حلم بهاي الضروف 
والمشكله اذا جازفنا برواحنة ووصلنة زين اكو سفر لا زين راح ياجلونة لا ترة والله دخنة من هذا الموضوع 
والمشكله الثانية انه محد ديدخل ويكتب اي شي المشاركات والتفاعل بالمنتدى مو مثل قبل 
يعني معقولة بيومه اني سفري بوحدي وماكو وياي احد 
زين مسمعت احد كال اني عندي سفر هذا الشهر 
ماكو غير شخص واحد البارحة نزل موضوع انه تاجل سفرة لا غيرة ولا بداله 
الرجاء اذا اي احد عندة تفاصيل يفيدنه بيه 
وجزاكم الله كل خير 
اخوكم 
الصقر 

[the_skull_of_raziel]

انشاء الله تنحل يا رب اني جان سفري جان بشهر العاشر العام واتأجل بسسب توقف الحكومه الامريكه عن العمل لده اسبوعين وكال اتجال السفر لان حتى الفودستامب اتوقف بس اعتقد اذا اياجلون السفر لاسامح الله يخابروك قبل يوم 

[securityiom]

اقاربي عدهم سفر بهذا الشهر والبارحة فحصوا الضغط وهاي التفاصيل وبعد الحباية بعد كم يوم 

[المهندس الزورائي]

اعتقد الوصول لبغداد بي صعوبات لكن بغداد الحياة بيها طبيعية  والطيران مستمر من المطار ( الرحلات العادية ) .. ادعو ننتصر على جرذان داعش ويرجع الوضع على ماكان عليه .

[سمك بني]

اقاربي عدهم سفر بهذا الشهر والبارحة فحصوا الضغط وهاي التفاصيل وبعد الحباية بعد كم يوم

عزيزي الكريم هل تم تحديد موعد مؤكد لاخذ الحبايه ؟ لان الجواب ضروري يتوقف قرار الكثير من الاعضاء مع تحياتي.

[rozhito]

حبيبي اني سفري كان المفروض يوم 15 \ 6 اخذت الحبايه هم بس يوم 14 خابروني الظهر كالو تاجل سفرك بدون ذكر السبب ولا الموعد

[securityiom]

اي محدديلهم موعد الحباية 

[سمك بني]

اي محدديلهم موعد الحباية

حبيبي اذا ممكن واذا طرأ اي تغيير على مواعيدهم بسبب الوضع ان تبلغنا في هذه الصفحه ولك جزيل الشكر..

[سمك بني]

حبيبي اني سفري كان المفروض يوم 15 \ 6 اخذت الحبايه هم بس يوم 14 خابروني الظهر كالو تاجل سفرك بدون ذكر السبب ولا الموعد

شكراً جزيلاً اخي روزيتو على اجابتك ويارب تسهيل سفرك عن قريب.

[securityiom]

تدلل

[Saqar]

زين عزيزي سمك بني حضرتك عندك سفر شي هذا الشهر ممكن تنورنا وجزاك الله الف خير اذا عندك تفاصيل عن السفر او التاجيل 

[BAIDAA.M]

 : ( اكيدة توقف السفر لان السفارة الامريكية سحبت موظفيها في بغداد يعني نغلقت السفارة ..... هذا هو ورة هل الانتظار كلة يجي داعش يلوصها علينة جانت ناقصتك 

[ابورحمه]

: ( اكيدة توقف السفر لان السفارة الامريكية سحبت موظفيها في بغداد يعني نغلقت السفارة ..... هذا هو ورة هل الانتظار كلة يجي داعش يلوصها علينة جانت ناقصتك

شلون عرفت بلا زحمه ان السفاره سحبت كل موظيفيها ؟؟ اكو توكيد لو مجرد كلام ..

تحياتي واحترامي

[المهندس الزورائي]

up

!!!

[iron man]

السفر مستمر ...اليوم اتصلو باحد الاصدقاء واعطوه موعد سفر مطلع الشهر القادم ومن مطار بغداد.....وانشالله خير

[سمك بني]

عزيزي الرجل الحديدي وكيف تفسر تصريح بعض الاعضاء بإلغاء مقابلاتهم ومواعيد السفر ؟؟؟

[ابو رقية]

احد العوائل اللي مقدم   انطوهم موعد سفر يوم 14 والحمد لله سافروا .

[iron man]

عزيزي الرجل الحديدي وكيف تفسر تصريح بعض الاعضاء بإلغاء مقابلاتهم ومواعيد السفر ؟؟؟

حسب علمي تم تاجيل السفر والمقابلات للاخوة الي ساكنين في المحافظات المظطربه امنين.....بس المتاكد منه هو اتصالهم بصديقي وحددوله موعد في بداية الشهر السابع وابلغوه عن مسار الرحله والاوزان

[كالوني البصرة]

لحد لان السفر مستمر والله يسهل على الجميع

[BAIDAA.M]

شلون عرفت بلا زحمه ان السفاره سحبت كل موظيفيها ؟؟ اكو توكيد لو مجرد كلام ..

تحياتي واحترامي

 
 صباح الخير اخوية ابو رحمة هذا الخبر سمعتة بالتلفزيون على قناة بغداد  وبعد مااعرف الاعلام صادق ام كاذب .... ندعوا من الله ان يسهل امرنة ونسافر لان اني شغلتة كاملة كلها بس تصير خانة السفر بالانتظار  والفحص الطبي يخلص بشهر التاسع الي  استنتجتة ان مواعيد السفر يطوها قبل ميخلص الفحص الطبي بشهر ...

[(ام جنات)]

الحمد لله والشكر على هاذا الخبر بلكي يستمرون ينطون مواعيد

[um shaheen]

ربي ألهي السفر مستمر وتخلص معناتكم وان شاء الله ماكو  أي تأجيل
يارب بكل خطوه مليون سلامه بحفظ الرحمن
تحياتي
اختكم ام شاهين

[كالوني البصرة]

وردة ام شاهين دائما كلامج بلسم على الجرح

[abo adm]

اشلونكم شباب اني البارحة عمتي سافرت 
من مطار بغداد الى نكساس وهواية عوائل جانت موجودة وياهه حتى شباب 
ربي يسهل على الجميع والسفر العاجل



ابو ادم

[om teem]

الله يبشرك بالخير ابو ادم انشالله السفر للجميع 

[شوكت افلت]

اخوان بالنسبة للسفارة اكو اجلاء بالموظفين بس لحد الان الدوام عادي ودنداوم يومية  وبالنسبة للاي او ام  فباقي منهم تقريبا 10 نفرات بمكتب بغداد فقط الباقي سافروا لعمان قبل كم يوم يعني المقابلات تتأجل كلها وتثقيفية ماكو بس بالنسبة للسفر  من اربيل عادي مستمر وهواي جماعة طاروا من اربيل بالايام الماضية بس بالنسبة لبغداد تم تأجيل مسافرين الاي او ام ليوم الاحد الماضي فقط وباقي الايام سافروا والسفر من بغداد يعتمد على الاخبار يعني اذا اكو قصف عالمطار او ماشابه يتأجل السفر واذا لا فالسفر مستمر هذا على حد علمي والله اعلم .

[dkz]

اخوان بالنسبة للسفارة اكو اجلاء بالموظفين بس لحد الان الدوام عادي ودنداوم يومية  وبالنسبة للاي او ام  فباقي منهم تقريبا 10 نفرات بمكتب بغداد فقط الباقي سافروا لعمان قبل كم يوم يعني المقابلات تتأجل كلها وتثقيفية ماكو بس بالنسبة للسفر  من اربيل عادي مستمر وهواي جماعة طاروا من اربيل بالايام الماضية بس بالنسبة لبغداد تم تأجيل مسافرين الاي او ام ليوم الاحد الماضي فقط وباقي الايام سافروا والسفر من بغداد يعتمد على الاخبار يعني اذا اكو قصف عالمطار او ماشابه يتأجل السفر واذا لا فالسفر مستمر هذا على حد علمي والله اعلم .

اييييييييييي هاي الاخبار الزينة ..

[IRAQ1978]

السلام عليكم اني صديقي وعائلتة اخذوا الحباية يوم 15-6 وسافروا يوم 17-6 ومأجلوهم علماً منطيهم موعد سفر من يوم 29-5 .تحياتي للجميع والله يفرجها للكل

[Shahad Mohammed]

السلام عليكم اخوان ,, اني جديدة بهذا المنتدى وطالبة مساعدتكم..

الله يخليبكم اني كملت مقابلات وفحصت فحص طبي بس بعد ما مكتمل بالموقع .. شنو معناه مصيري ما معروف لو شنو؟؟؟ ترة نفسيتي كولش تعبت والله و زوجي بامريكا واني هنا .. 

واهلي نطوهم موعد مقابلة اولى اليوم وراحو وتعنو ورجعوهم كلولهم الموظفين مال الاي او ام كلهم مسافرين لعمان ,, ولهذا اني كولش تعبت نفسيتي لان مصيري مجهول  والله تعبت الله يخليكم احد يفيدني .. وجزاكم لله الف خير

[Hayder84]

السلام عليكم اخوان ,, اني جديدة بهذا المنتدى وطالبة مساعدتكم..

الله يخليبكم اني كملت مقابلات وفحصت فحص طبي بس بعد ما مكتمل بالموقع .. شنو معناه مصيري ما معروف لو شنو؟؟؟ ترة نفسيتي كولش تعبت والله و زوجي بامريكا واني هنا ..

واهلي نطوهم موعد مقابلة اولى اليوم وراحو وتعنو ورجعوهم كلولهم الموظفين مال الاي او ام كلهم مسافرين لعمان ,, ولهذا اني كولش تعبت نفسيتي لان مصيري مجهول  والله تعبت الله يخليكم احد يفيدني .. وجزاكم لله الف خير

اختي العزيزه
ممكن نعرف قبل اشكد كملتي الفحص المعروف انه بعد تقريب شهر من الفحص يله يصير مكتمل بالموقع وبعدها على جدولة السفر بس ياريت لو معلومات عن ملفك حته نعرف يعني تاريخ المقابلة الاولى وتاريخ المقابلة الثانية والفحص الطبي حته نكدر انجاوبج ..
تقبلي تحياتي

[Shahad Mohammed]

اخ حيدر اني جدا شاكرة الك ولرغبتك بمساعدتي..

اني عايشة ابغداد ,, قابلت مقابلة اولى يوم   12 بشهر الخامس لسنة2013 , وقابلت مقابلة محلفين يعني الثانية يوم 13 بشهر الثالث لسنة 2014 ,, وفحصت فحص طبي يوم 13 بششهر الخامس لسنة 2014 ,, بس ااني خايفة لان اليوم اهلي راحو ديقابلون ورجعوهم وكالو كل موظفين الي او ام سفروهم لعمان .. 

[dkz]

السلام عليكم اني صديقي وعائلتة اخذوا الحباية يوم 15-6 وسافروا يوم 17-6 ومأجلوهم علماً منطيهم موعد سفر من يوم 29-5 .تحياتي للجميع والله يفرجها للكل

اخي ممكن تكلي شوكت حددولهم موعد سفر ؟؟؟؟؟

[Hayder84]

اخ حيدر اني جدا شاكرة الك ولرغبتك بمساعدتي..

اني عايشة ابغداد ,, قابلت مقابلة اولى يوم   12 بشهر الخامس لسنة2013 , وقابلت مقابلة محلفين يعني الثانية يوم 13 بشهر الثالث لسنة 2014 ,, وفحصت فحص طبي يوم 13 بششهر الخامس لسنة 2014 ,, بس ااني خايفة لان اليوم اهلي راحو ديقابلون ورجعوهم وكالو كل موظفين الي او ام سفروهم لعمان ..

اختي العزيزه ملفج ديمشي بصورة طبيعية ابد لتقلقين جدا عادي وبالنسبة للموظفين انشاء الله بس تهدء الوضعية يرجعون تستمر الاجراءات
انتضري من 40 الى 60 يوم ويكون مكتمل الفحص الطبي وبعدها حيتحول ملفد الى معلق وبعدها يرجع فعال
تقبلي تحياتي

[IRAQ1978]

اخوية dkz حددولهم موعد سفر بتاريخ 29-5-2014 وسافروا بتاريخ 17-6-2014

[dkz]

اخوية dkz حددولهم موعد سفر بتاريخ 29-5-2014 وسافروا بتاريخ 17-6-2014

شكرا اخي
خابروني اليوم وحددولي موعد سفر

[IRAQ1978]

مبروك اخوية العزيز توصل بالسلامة انشأالله

[Saqar]

السلام عليكم 
اخوان احب ابشركم السفر مستمر اليوم رحت اخذت الحباية وكانو وياية اربع جماعات وحسب مستفسرت هناك وفتهمت البارحة كان اكو سفر واول البارحة هم كان اكو سفر 
وان شاء الله يوم التسافر الكل
صقر

[long wait]

ياجماعة الخير ابني سافر يوم الاربعاء 18/6 ووصل مطار شيكاغو يوم 19 لانه بات ليله بعمان وهوه حاليا بمطار شيكاغو واستلم هناك الوايت كارت اتكنسلت رحلته لمدة يومين بسبب سوء الاحوال الجويه وكاعد بفندق مرتب ومرتاح وانشاله السبت رحلته للمحطه الاخيره باذنه تعالى / موقع المنظه مكتوب وصل للولايات المتحده 

مع تحياتي

[BANNA ALI]

شكرا لونج ويت على المعلومات ان شاءالله بكل خطوة يخيها ابنك بسلامة و نجاح