السلام عليكم اخوان
احب ابشركم انه اليوم طلعنا من مطار بغداد الساعة تسعة الصبح ووصلنة بال ١٠ : ٤٥ دقيقة
وبالمناسبة ردا على تسائلات بعض الاخوان مااستلمنة من موظف ال اي او ام غير تذاكر السفر الى عمان فقط
يعني ماكو لا فيزة ولا غيره
وفي عمان اسفبلونة جماعة المنظمة من باب الطيارة وعزلونة على جنب وهنا انطونة البكج مال ال IOM يعني العلاقة الي بيه كل اوراقنا
وهنا ايضا وقعنا على اوراق دفع ثمن تذاكر السفر
وحاليا احنة كاعدين بالترانزيت وترازيتنا طويل الى ال ٣ الفجر حنطير لالمانيا وفندق ماكو حتى كلمالهم يابا نطلع لفندق المطار وعلى حسابنا هم مقبلو
والحمد لله كله تهون
اكو عدنة عوائل واكو شباب مسافرة
احنة سوينة كروب ابينه كنللهم يابا خل نلتم كلنه ونبقى سوى
تعاونا كلتنه على الجنط وعلى الاطفال واحد يشيل غراض الثاني واطفال الثاني
اذا ميصير تعاون مراح تنقضي ولا راح تهون
بالمناسبة اكو واية تفاصيل عن الرحلة احب اذكرلكم اياها وعن طريقة ترتيب امور طلعتكم للمطار بس ان شاء الله اكتبلكم عنها لما نوصل بالتفصيل
كلما راح يصير بيدي مجال اطب اكتبلكم فد شي
دعواتكم النا انه نوصل بخير وسلامة
اخوكم الصقر
السلام عليكم
اسف جدا السفرة جدا متعبة واحنه حاليا في ولاية فلوريدا بمدينة ميامي نازلين بفندق وغدا ان شاء الله نطير لولايتنا
ومن اوصل بعونه تعالى اكتب التفاصيل بكل كبيرة وصغيرة
بالنسبة النة الي كنا طالعين من بغداد ٧٥ شخص على حد قول ابو المنظمة في عمان لان من خلال الكلام كلي عندي ٧٥ جواز
كان اكو بيهم عزاب واكو عوائل اكو كيسات جديدة واكو قديم
اعذروني على الاختصار وعلى الاخطاء الاملائية لان من المبايل وتعبانين وراح ننام وان شاء الله راح اكتبلكم تفاصيل كثيرة من استقر
عسى ولعل نفيد بيه اهلنة ونرد بعض الي اخذناه من الموقع
سلام
