المحرر موضوع: استلمت اليوم ايميل من منظمة ال IOM بالرفض بعد 3 سنوات ونص ( تقديم 2011)  (زيارة 4952 مرات)

0 الأعضاء و 1 ضيف يشاهدون هذا الموضوع.

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
السلام عليكم

اخوان قبل كم يوم دزيت للمنظمه ايميل شرحتلهم بيهه ظروفي التعبانه والتهديد الي عايشينه .......... وهسه اتفاجأت بالرد ......... رفض ..... المربع رقم 7 ..... واني تقديم 2011 واعادة فحص بداية شهر الخامس 2014 واكتمل الفحص بعد شهر وكلشي كامل عندي ..... المقابلات والفحص والمدينه والمطار قبل اكثر من سنه ....... شنو القضيه ؟؟؟ يعني بعد هذا الانتظار لسنوات يجي رفض ؟؟ طيب ليش مو من البدايه ؟؟ ضاعت مني فرص هواي وضاع وياهه العمر ......الله يرضى ؟؟  يعني شنو اتخلو من عدنا ؟؟

 تحياتي



غير متصل نصبر والله كريم

  • عضو فعال جدا
  • ***
  • مشاركة: 896
    • مشاهدة الملف الشخصي
الله يكون بعونك ويصبرك ويعوضك بالاحسن ... يعني ما عندك فكره شنو سبب الرفض ؟؟

غير متصل كالوني البصرة

  • عضو فعال جدا
  • ***
  • مشاركة: 409
  • الجنس: ذكر
    • مشاهدة الملف الشخصي
الله يعينك اخي العزيز ....ان شاء الله يكون  بالخطاء يا رب 
...انته اعتقد ملفك siv صح؟ زين شنو عندك حالة الملف بلا زحمة عليك ؟
اخوك كالوني البصرة

غير متصل ghost of baghdad

  • عضو فعال جدا
  • ***
  • مشاركة: 420
    • مشاهدة الملف الشخصي
    • البريد الالكتروني
السلام عليكم
والله الخبر ك الصاعقة من سمعتة اني الله يساعدك انت اشصار بيك!!!
اني هم تقديم ٢٠١١ ولحد الان هم ما اعرف وين مصيري؟؟؟
بس اني سمعت انه اكو استئناف !!!
يعني تكدر اتدز رسالة استئناف الهم وهمة رح يردون يفتحون ملفك ويعيدون النظر بي ويردون يقابلوك مقابلة وحدة....وبعدها هم تنتظر الحكم مالتك.:::
سوي هاي الخطوة والله كريم....
اني سمعت هاي الشغلة من هذا المنتدى الرائع يعني مو احد كلي..!
والرسالة مال استئناف اتصور اكو احد الاعضاء امنزلهه ..سوي بحث على هذا الموقع ونغبش زين بلكي تلكاها وترتاح..
الله يفرج همك وهم كل عراقي..
ادعيلي اطلع من العراق اني واهلي
سلامي 
ريكي

غير متصل *Ray

  • مبدع قسم الهجرة
  • عضو مميز متقدم
  • *
  • مشاركة: 7828
  • الجنس: أنثى
  • J
    • مشاهدة الملف الشخصي

 الله يساعدك والله الواحد ما يعرف شيكول ديجي رفض هواايه  الله يسهل امرك ان شاء الله خير بعد الاستئناف 


                                                                                                           اختك راي 

 Switchfoot -- Love Alone Is Worth The Fight
http://www.youtube.com/watch?v=rk9Pj3ID0UE

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
الله يكون بعونك ويصبرك ويعوضك بالاحسن ... يعني ما عندك فكره شنو سبب الرفض ؟؟
السلام عليكم

ممنون منك اخي العزيز واشكر مشاعرك ....... والله ما عندي اي فكره عن السبب بس اني اتوقع لان الكيس مالتنه عائله ..... واعتقد همه بعد ما عدهم استعداد لاستقبال عوائل بهذا الوقت لان نكلفهم هواي نفقات ..... و أشعر هواي بالمنتدى من المتأخرين وينتظرون السفر همه من اصحاب العوائل !!!!!!هاي حجه مال المربع رقم 7 حتى محد يكدر ينتقدهم

تحياتي

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
الله يعينك اخي العزيز ....ان شاء الله يكون  بالخطاء يا رب
...انته اعتقد ملفك siv صح؟ زين شنو عندك حالة الملف بلا زحمة عليك ؟
اخوك كالوني البصرة
السلام عليكم

شكرا اخي العزيز كالوني البصرة ويارب يستجيب دعائك لان صدكني بالله كلشي ما عدنه اني متأكد من نفسي من الناحيه الامنيه بس لا حول ولا قوه الا بالله المن نشتكي غير بس للواحد الاحد .......

تحياتي

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
السلام عليكم
والله الخبر ك الصاعقة من سمعتة اني الله يساعدك انت اشصار بيك!!!
اني هم تقديم ٢٠١١ ولحد الان هم ما اعرف وين مصيري؟؟؟
بس اني سمعت انه اكو استئناف !!!
يعني تكدر اتدز رسالة استئناف الهم وهمة رح يردون يفتحون ملفك ويعيدون النظر بي ويردون يقابلوك مقابلة وحدة....وبعدها هم تنتظر الحكم مالتك.:::
سوي هاي الخطوة والله كريم....
اني سمعت هاي الشغلة من هذا المنتدى الرائع يعني مو احد كلي..!
والرسالة مال استئناف اتصور اكو احد الاعضاء امنزلهه ..سوي بحث على هذا الموقع ونغبش زين بلكي تلكاها وترتاح..
الله يفرج همك وهم كل عراقي..
ادعيلي اطلع من العراق اني واهلي
سلامي
ريكي
السلام عليكم
شكرا على الاهتمام والدعاء اخي ghost of baghdad وان شاء الله يوم سفركم وتخلصون من الضيم ولتيأس ترى الجماعه بكيفهم يرفضون وبكيفهم يوافقون والله اعرف ناس كانو ضباط بالجيش السابق واعرف ناس كانو بالحزب وبرتب عاليه هسه يسمعون حسك بامريكا ....... صدكني شغلة حظ .... يا تجييك امني يا بطيخ

تحياتي

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
الله يساعدك والله الواحد ما يعرف شيكول ديجي رفض هواايه  الله يسهل امرك ان شاء الله خير بعد الاستئناف


                                                                                                           اختك راي
السلام عليكم و
شكرا اخت Ray على الاهتمام ويارب يسهل على الباقين ..... احاول اسوي استئناف والله كريم واطلب من الاخوه والاخوات الي مرو بمرحلة الاستئناف ان يساعدوني بتجربتهم لان تعَبنا الانتظار القاتل 

تحياتي

غير متصل فارس البغدادي

  • مبدع قسم الهجرة
  • عضو مميز
  • *
  • مشاركة: 1038
  • الى الماء يسعى من غص بلقمة فالى من يسعى من غص بماء
    • مشاهدة الملف الشخصي
رب العالمين هو ارحم الراحمين وانته لااول واحد ولا اخر واحد ....اذا عندك صبر بعد قدم استئناف واشتغل عليه والله يسهل امرك

غير متصل Rosa123

  • عضو
  • *
  • مشاركة: 8
  • منتديات عنكاوا
    • مشاهدة الملف الشخصي
الله يساعدك والله اخي صدك كلمن وحظه انت مقدم من بغداد ؟ قدم استئناف وان شاءالله خير 

غير متصل غريبــه!!!

  • عضو فعال جدا
  • ***
  • مشاركة: 122
  • منتديات عنكاوا
    • مشاهدة الملف الشخصي
لا حول ولا قوه الا بالله 
الله يكون بعونك اخي قدم استئناف وانشاء الله هالمره تتوفق
ما اعرف شبيهم اشو كالبين على الناس كوله رفض

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
رب العالمين هو ارحم الراحمين وانته لااول واحد ولا اخر واحد ....اذا عندك صبر بعد قدم استئناف واشتغل عليه والله يسهل امرك
السلام عليكم
شكرا على مرورك الكريم اخي البغدادي وربي يوفقكم ..... بمناسبة الصبر ..... اعتقد الصبر هوه الي تركني مو اني !!!!! شكول غير لا حول ولا قوة الا بالله وربي على كل ظالم ومخادع ..... اتمنى التوفيق للجميع

تحياتي

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
الله يساعدك والله اخي صدك كلمن وحظه انت مقدم من بغداد ؟ قدم استئناف وان شاءالله خير
السلام عليكم

شكرا لمشاعركم ياطيبين .... الله موجود وميقصر وعلينا بالخلف وعليهم بالتلف ..... نعم اني تقديم بغداد

تحياتي

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
لا حول ولا قوه الا بالله
الله يكون بعونك اخي قدم استئناف وانشاء الله هالمره تتوفق
ما اعرف شبيهم اشو كالبين على الناس كوله رفض
السلام عليكم

شكرا على المرور وربي يوفقكم ولا يشوف احد هذه اللحظه الي يشعر بيهه ان كان لعبه بيد ناس ماعدهم ذرة من الانسانية ..... لا ويكولك منظمه انسانيه !!!!!! اني صاحب عائله كبيره وشرحتلكم ظروفي وكتلكم لوما التهديدات وشعورنا بالخطر كان بقينا في بلدنا ....... هيه هاي النخوه ؟؟؟ خدمناكم بدمنا وعرضنا حياتنا وحياة عوائلنا للخطر وهذا الجزاء ..... وهل جزاء الاحسان الا الاحسان ؟؟
تحياتي

غير متصل وطن المغتربين

  • عضو فعال جدا
  • ***
  • مشاركة: 239
  • الجنس: ذكر
  • أخوكم المهندس وطن المغتربين
    • مشاهدة الملف الشخصي
    • البريد الالكتروني
السلام عليكم ..... أخي متصلين بالكفيل مالتك لو لا ..... أخي راسلهم مرة ثانية ممكن مخربطين وياك .... الله يكون بعونكم يارب 

أخوك المهندس 
أبو يوسف 



ياغياث المستغيثين اغثنا برحمتك الواسعة التي وسعت كل شيء وحقق احلامنا وامنياتنا أنك سميع مجيب

غير متصل Ŗảaḟaṱ Hấmẕā

  • عضو فعال جدا
  • ***
  • مشاركة: 921
  • الجنس: ذكر
    • ياهو مسنجر - X7901@yahoo.com
    • مشاهدة الملف الشخصي
    • البريد الالكتروني
اخي سوي استئناف واخذ حقك
RAAFAT HAMZAH

غير متصل ryan dani

  • عضو فعال جدا
  • ***
  • مشاركة: 908
    • مشاهدة الملف الشخصي
لادوخ نفسك وتزعل وتكول ليش من البداية اني 5 ودخلت بال6 وانرفضت بس ادعي الله يرفضنة كلنه بموقع عين كاوه من العراق .. هههههههههههههههههه
رايان داني

غير متصل um shaheen

  • مبدع قسم الهجرة
  • عضو مميز جدا
  • *
  • مشاركة: 2843
  • الجنس: أنثى
    • مشاهدة الملف الشخصي
رحمتك ربي
شنو قصة الرفض هاي الايام صدوووك قهر وضيم
ربي يفرجها عليك وترتاح  منعرف شنكول بس يارب يسهلها عليك ويقويك
بالنسبه لللأستئناف نصيحه من اخت حاول بكل الوسائل ويارب يفرجها عليك
الله يكون بعونك ويقويك
تقبل مروري
اختك ام شاهين

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
السلام عليكم ..... أخي متصلين بالكفيل مالتك لو لا ..... أخي راسلهم مرة ثانية ممكن مخربطين وياك .... الله يكون بعونكم يارب

أخوك المهندس
أبو يوسف

السلام عليكم

اشكرك جدا اخي وطن المغتربين ...... نعم تم الاتصال بالكفيل الاول مالتنا ووقع الاوراق وبعدين هذا الكفيل ترك الولايه وغيرنا الكفيل واخبرنا المنظمه ودزو على الكفيل الجديد ووقع الاوراق وكالوله هذه العائله كلشي كامل عدهم ونتوقع باي لحظه يتصلون بينه فهل انت جاهز لمساعدتهم كللهم الكفيل الجديد اني بخدمتكم وخدمتهم بس خلي تصير لان هوه من اصدقائي الاعزاء وتربطني به صلة قرابه ..... وللعلم احنا مغيرنا الولايه ولا المدينه يعني بقت نفسهه بس الكفيل تغير .... وللعلم المدينه والمطار نازلات صار اكثر من سنه وعدنا الفحص الطبي الشهر الماضي وصار مكتمل بداية الشهر السادس ....... بس لا حول ولا قوة الا بالله .... الظاهر هاي عملية تصفيه للعوائل والله ارحم الراحمين

تحياتي

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
اخي سوي استئناف واخذ حقك
السلام عليكم

اشكرك اخي رأفت على مرورك الكريم ومشاركتك ....... لكن انت تتوقع ما يسمى بالاستئناف راح ينفع ؟؟؟ وهل هناك احد من معارفك على سبيل المثال مر بهاي التجربه المريره ؟؟؟ حتى نستفاد من خبرته !!!! لان اني هسه جدا تعبان ونفسيتنا مكسوره وعائلتي حالهم حال والله نسينه حتى الابتسامه من يوم الرفض لليوم ..... حسبنا الله ونعم الوكيل على الي كان السبب

تحياتي

غير متصل securityiom

  • عضو فعال جدا
  • ***
  • مشاركة: 591
    • مشاهدة الملف الشخصي
سوي استئناف احنة سوينة بال ٢٠١٠ واجانة قبول بس تاخر سنة ونص 

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
لادوخ نفسك وتزعل وتكول ليش من البداية اني 5 ودخلت بال6 وانرفضت بس ادعي الله يرفضنة كلنه بموقع عين كاوه من العراق .. هههههههههههههههههه
السلام عليكم
اخي العزيز ryan dani اشكر مرورك الكريم ...... وان شاء الله ربي يعوضنا ويعوضك خير .... والله على الظالمين  وحسبنا الله ونعم الوكيل
تحياتي   

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
رحمتك ربي
شنو قصة الرفض هاي الايام صدوووك قهر وضيم
ربي يفرجها عليك وترتاح  منعرف شنكول بس يارب يسهلها عليك ويقويك
بالنسبه لللأستئناف نصيحه من اخت حاول بكل الوسائل ويارب يفرجها عليك
الله يكون بعونك ويقويك
تقبل مروري
اختك ام شاهين
السلام عليكم
الاخت العزيزه الاصيله ام شاهين طبعاً اني كنت اتابع مشاركاتك بالمنتدى والله شاهد كنت اشعر بك فعلا اخت عراقيه اصيله ... شكرا اختنا وربنا يحفظكم ويوفقكم وربي يستجيب دعائكم النا ياطيبين .... الانتظار مؤلم ومرير ولكن ما يؤلم اكثر هو قتل الامل في قلوب الناس ...العوض على الله و شكرا مرة ثانيه ام شاهين
تحياتي

غير متصل سلامه يا وطن

  • عضو فعال جدا
  • ***
  • مشاركة: 142
    • مشاهدة الملف الشخصي
سوي استئناف احنة سوينة بال ٢٠١٠ واجانة قبول بس تاخر سنة ونص
السلام عليكم
بدون زحمه عليكم هل كان تقديمكم على ما يسمى بالاستئناف عن طريق محامي لو انتو قدمتو ؟؟ وهل انتم تقديم بغداد ؟؟  سافرتو لو بعدكم ؟؟ اذا كان لديكم اي معلومه تفيدونا بيهه اكون ممنون لان عائلتي نفسيتهم تعبت بشكل وخايف عليهم هواي .... بالله اني مو مشكله اتحمل الصدمه بس همه شلون ؟؟؟ كنت دائما اكوللهم مابقى شي اصبرو ....... وبعدين طلع الامل سراب ... ارجو من جميع الاخوه والاخوات الي عدهم معلومات مفيده عن كيفية عمل ما يسمى بالاستئناف ...... وشكرا للجميع مقدما

تحياتي

غير متصل um shaheen

  • مبدع قسم الهجرة
  • عضو مميز جدا
  • *
  • مشاركة: 2843
  • الجنس: أنثى
    • مشاهدة الملف الشخصي
اخويه العزيز الله يكون بعونك وعون العائله الكريمه ربي يحفظكم
اعرف اخت ويانه بالمنتدى اجاها رفض قبل مده بسيطه وطلبت مساعدتي بخصوص محامي شاطر
الصراحه دبرت ألها ثلاث محامين وواحد منهم عراقي الاصل مكتبه في الكهون في كليفورنيا عندما استفسرت عنه قالوا انه جيد جدا بأمور الهجره فتكلمت مع اختنا الفاضله ودبرت لها رقم هاتفه المهم بعد اتصالهم به وجرى الاتفاق بينهم
قبل يومين اتصلت بيه واخبرتي بأنه ارسل لهم نسخه من الاستئناف الذي عمله وسوف يتابع القضيه
الي سمعت عليه هنا انه ابد مخسر قضيه
اسمه عزيز الاسمر
فأذا كانت امكانيتك ميسوره حاول الاتصال به ويارب يفرجها عليك ان شاء الله
تحياتي
اختك ام شاهين

غير متصل ryan dani

  • عضو فعال جدا
  • ***
  • مشاركة: 908
    • مشاهدة الملف الشخصي
أكثر محامي قفاص ولسانه عسل وكذاب عزيز اسمر .. واخذفلوس من عالم وكللهم راح يساعدهم غير الاوراق مال الاستئناف كلشي ميسوي وبعد لايجاوب على الايميل او التلفون
رايان داني

غير متصل ابو محمد علي

  • عضو فعال جدا
  • ***
  • مشاركة: 607
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
تكدر اتدز رسالة استئناف الهم وهمة رح يردون يفتحون ملفك ويعيدون النظر بي ويردون يقابلوك مقابلة وحدة.
حب لاخيك  ما تحب لنفسك

غير متصل الاكسلانس

  • عضو فعال
  • **
  • مشاركة: 67
  • ( وبشر الصابرين )
    • مشاهدة الملف الشخصي
السلام عليكم ورحمة الله وبركاته اما بعد لقد مريت او مرينا نحن المستأنفين بهذا الاحساس ( الرفض)  قبلكم ومنذ سنوات عدت  وكتبنا الاستأناف وارسلناه بالنسبة لي صارلي ثلاث سنوات انتظر النتيجه ولا جواب لحد الان وتركت احلامي ورائي وتركت المنتدى الجميل بسبب خيبة الامل وها انا ارجع مرة ثانيه لهذا الصرح الجميل الدافيء في هذا الجو البارد عسى ان القى فتحة امل اخرج من خلالها  للحريه في النهاية انصحك بالتاني في كتابة الاستاناف والتحلي بالصبرولا اقول سوى كان الله في عونكم .
(وإن كانت الأجسام منا تباعدت     فإن المدى بين القلوب قريب)