السلام عليكم اخواني واخواتي المحترمين جميعا
لاحول ولا قوة الا بالله العلي العظيم ولايحمد على مكروه سواه
طبعا حتى ما ادوخكم واطول عليكم لان الكل تعرف قصتي وية ال IOM استلمت والحمد لله على كلشي رسالة الرفض بعد ان كان ملفي هولد بعد تاجيل سفري واكيد وكالعادة التاشير على المربع رقم سبعة ......... واللي هوه اسباب امنية ( كلاوات طبعا ) اللي محد يعرفهه شنو بس الله سبحانه وتعالى ....... طبعا اعرف اكو بعض الاخوان راح يرد ويحلل ويكول اكيد طلع شي بالتجييك الامني قبل السفر لو اكتشفوا العباقرة بال FBI لو DHS انه اني اللي فجرت الجسر طبعا هاي اكتشفوها بعد عناء طويل....... احب اكل لكل الاخوان انه لحد يضيع عمره بالانتضار لان هذولة ماعدهم لادين ولاديانة ولارحمة ولا انسانية وحرامات يسمووهم منظمات انسانية وهمه لايمتون للانسانية باي صلة لامن قريب ولا من بعيد ........ بالمناسبة اني من قدمت على ال iom ليهسة لا اكو احد اعتقلني ولا فتت لمركز شرطة ولا احد حتى مشتكي مني ولابايع ولامشتري يعني ماشي بصف الحايط حتى الحايط ضاج مني لذلك اني حللت انه الحايط هوه اللي بلغ عني وخلاني افشل بالتجييك الامني........ اتمنى الله يسهل عليكم جميعا وادعوا من الله ان مايخلي اي واحد منكم بهذا الموقف التعيس ويضيع عمره مثل ماضاع عمري ومستقبل عائلتي ....... حسبي الله ونعم الوكيل على كل واحد جان السبب
و عليكم السلام اخي الكريم
و الله مو خوش خبر هذا و الله يساعدك و يكون بعونك يعني الصدمة الاولى كانت بتأجيل سفرك و هاي الصدمة الثانية و هي الرفض
طبعا كل فترة الاي او ام تسوي حملة و ترفض مجموعة و الي يقهر واصلين بالمراحل النهائية و اكو بيهم اكتمل عندهم التجييك الامني و انطوهم موعد سفر و تم تأجيله و بعدها تم رفضهم لاسباب مجهولة و بصراحة مالهم امان ممكن يرفضون اي واحد و باي وقت بشكل غير متوقع
الله كريم و ان شاء الله يكون بيها صالح الك و الله يعوضك باحسن من هاي الفرصة
تحياتي
