السلام عليكم .. اسمحولي استفسر من حضراتكم لان الموضوع مصيري وياريت كل من يملك معلومات مفيدة نسمعها منه وتعم الفائدة لاكبر عدد . قبل فترة اتصلوا بي اليو ان وكالوا احنه نريد نرشحك لكندا مو لامريكا ! طبعا انا ماكان ببالي نهائيا كندا لان اعرف شغلتها صعبة ومعقدة ولازم عندك احد بيها واني معندي غير اقارب منقطع عنهم من فترة طويلة لذلك كانت كل معلوماتي وتفكيري وخططي عن امريكا . حاليا صار امر واقع والمنظمة رشحوني لكندا ! سمعت رأي يكول كندا افضل من امريكا من حيث المساعدات لكن العمل بيها اصعب بكثير من امريكا بالاضافة الى الغلاء بيها . وسمعت رأي اخر يكول كندا ورطة كبيرة لان حتبقى طول عمرك عايش على المساعدات بسبب صعوبة ايجاد عمل وصعوبة معادلة الشهادة ( انا مهندس ميكانيك ) . وسمعت رأي اخر ان وضع كندا بشكل عام افضل من كل دول العالم بضمنها امريكا! لذلك اني مرتبك ومدا اعرف الحقيقة وين ! يا ريت ما تبخلون علي بمعلوماتكم وجزاكم الله الف خير مع الاعتذار للاطالة .