منتدى الهجرة واللجوء > مواضيع الحياة العامة في بلاد المهجر (اوروبا)
اعزائي يمكنكم ان توجهو أسئلتكم حول فيزة الشنغن بالبصمة الى الدول الاوربية؟؟؟؟
Edy Simon:
تأشيرة شنغن
اتفاقية شنغن / تأشيرة شنغن
اتفاقية شينجن (اتفاق شينغن) هي اتفاقية بين بعض البلدان الأوروبية التي تسمح بالغاء عمليات المراقبة على الحدود بين البلدان المشاركة كما تتضمن احكاما بشأن سياسة مشتركة بشأن الدخول المؤقت للاشخاص (بما فيها تأشيرة شينجن)
تأشيرة شنغن
( وهي خاصة بمن يجب عليهم الحصول على تأشيرة دخول لدول الأتحاد الأوروبي/ دول شنغن )
تتيح تأشيرة شنغن دخول الدول المشمولة باتفاقية شنغن وهي كالتالي :
فرنسا ، ألمانيا، النمسا، بلجيكا، الدانمرك، أسبانيا، أستونيا، فنلندا، اليونان، المجر، إيسلندا، إيطاليا، ليتوينا، لاتفيا، لكسمبورغ، مالطا، النرويج، هولندا، بولندا، البرتغال، سلوفينيا، سلوفاكيا، السويد، سويسرا، الجمهورية التشيكية .
ملاحظات هامة بخصوص تاشيرة شنغن
عدد دفعات الدخول والمغادرة
عدد دفعات الدخول و المغادرة يتم إدراجه في جواز السفرعند الحصول علي التأشيرة
و هي علي 3 أنواع کالآتي :
1- مرة واحدة دخول/ مغادرة (Singel): و يتم تحديد هذا الصنف بالرقم (1) في التأشيرة و هذا يعني إنه يحق لحامل التأشيرة الدخول الي الســويد( مثلا )/ شــنغن مرة واحدة فقط و البقاء فيها بقدر الأيام المحددة في التأشيرة و خلال فترة سريان التأشيرة بالذات و هي عادة 6 أشهر و بعد ذلك ، فسـتفقد التأشيرة مفعولها بالکامل و أن يكون حامل التأشيرة قد غادر البلاد ومنطقة شنغن بالطبع .
2- مرتين و يتم تحديد ذلك بالرقم (2) في التأشيرة و هذا يعني انه بالإمکان الدخول الي السويد/ شنغن ، مرتين خلال فترة سريان مفعول التأشيرة و البقاء فيها کل مرة بقدر الأيام المذکورة في التأشيرة و بعدها تفقد التأشيرة سريان مفعولها.
3- عدة مرات و لدفعات غير محددة و يتم تحديد هذا بکلمة (Multi) في التأشيرة و هذا يعني إنه يحق لحامل التأشيرة ، الدخول الي الســـويد / شنغن بدفعات غير محدده و حســب الرغبة و ذلك خلال فترة سريان مفعول التأشيرة [ الستة أشهر ] عادة و کذلك مغادرة البلد و منطقة شنغن في آخر يوم من إنتهاء سريان التأشيرة کأقصي تقدير.
المحكمة الأوروبية العليا تقرر منع ترحيل اللاجئين الذين لديهم بصمات الى دول لا تحترم حقوق اللاجئين
- وكالات: قررت المحكمة الأوروبية العليا، الخميس الماضي، منح لاجئ إيراني اللجوء في إلمانيا رغم وجود بصمات له في اليونان، وطلبت من المانيا عدم ترحيله وفق إتفاقية دبلن، لرداءة ظروف اللجوء في اليونان، وهو قرار قد يشمل الدول الأخرى. وعادة تكون قرارات المحكمة الأوروبية العليا ملزمة لجميع دول الاتحاد الأوروبي، بما فيها السويد.
وكان هذا اللاجئ، بحسب صحيفة " دير شبيغل " الإلمانية، حصل على قرار بالرفض والطرد الى اليونان من قبل مصلحة الهجرة الالمانية، وفق إتفاقية دبلن، لكن المحكمة رأت بعد ان قدم دعوة قضائية لها، ان اليونان لا توفر الحدود الدنيا من حقوق اللاجئين، وطلبت من المانيا منحه الإقامة.
وقالت المحكمة إن أعضاء دول الاتحاد الأوروبي غير ملزمين في مثل هذه الحالات بقبول طلبات اللجوء، ولكن في حال ثبوت أن البلد الأوروبي الذي قدم منه طالب اللجوء غير قادر على تأمين الحدود الدنيا له، فان على هذه الدولة دراسة قبول طلبه، ومن حق طالب اللجوء الاعتراض على أي قرار يخص ترحيله الى الدولة الأولى.
كما قضت المحكمة أنه في حال ثبت بأن الدولة التي أتى منها طالب اللجوء غير قادرة على تأمين هذه الحدود الدنيا، ولم يكن باستطاعة الدولة المستضيفة الحالية قبول طلبه، فعليها التواصل مع دول أوروبية أخرى قادرة على استقباله وتأمين الحدود الدنيا لحقوقه كلاجئ.
وفي حالة اللاجئ الايراني الى ألمانيا والقادم من اليونان، فانه لا يحق لألمانيا ترحيله واعادته الى اليونان بسبب الأوضاع اللا انسانية للاجئين هناك والأوضاع السيئة التي يعانون منها.
وقال ناشطون في المانيا لـ " الكومبس " إن على من سبق له التبصيم في دول أوروبية أخرى كدول أوروبا الشرقية أو ايطاليا أو اليونان، إنتظار قرار قبول طلب اللجوء في ألمانيا أو السويد أو غيرهما من الدول أو رفضها.
وأضافوا انه في حالة الرفض فان بإلامكان توكيل محامي لرفض هذا القرار وتقديم دعوة الى المحكمة الأوروبية.
ـ حضرة الاخ اريد السفر لكندا 2....المحترم
اخي العزيز شكرا ع المجهود
سوال وارجوا الاجابة بدقة
بصمة اليونان تقصد البصمة الجنائية لو بصمة اللجوء لان اني طالب لجوء باليونان ومبصم يتم ارجاعي لليونان لو لا وشنو الاجراء اللي راح يصير لان حاير وما اعرف شسوي
ـ بالحقيقة اذا انت عندك البصمة للاسابع العشرة الكترونياً او بالاحري قد طورت البصمة وصارت ايضاً بصمة العين فسوف تسجل في سجلات السطات الامنية في جميع الدول الاوربية لدول الشنغن ودول الموقعين على معاهدة دبلن بواسطة الاجهزة الالكترونية حيث يستطيع ن يدخل عليها اي رجل امني في تك الدول والتأكد من شخصية الاشخاص المراد معرفة معلومات عنهم؟
وحضرتك تسأل انه بصمة الجنائية او بصمة الفيزة؟
بالحقيقة البصمة واحدة سوف تؤخذ من الشخص والفرق هو اين تصنف في سجلات السطات الامنية في هذي الدول حسب صفته وخصوصية عمله بسجلاته؟
فاذا كانت لدى الشخص يصمة جنائية فسوف يمكن الاطلاع عليها عندما يقدم على طلب اللجوء والمحقق يحاول ان يستفسر عن جميع النواحي بالنسبة الى الشخص, حيث سوف ينظم له ملف خاص في اوربا باسمه؟
اي هل له سوابق جنائية او منسوب الى منظمة متطرفة او محكوم بجنية او جناية والخ؟
وبما انه حضرتك طالب لجوء في اليونان وما اعرف هل رفض طلب لجوئك او لاء؟
فاذا رفض طلب لجوئك ما اعرف لاي سبب كان ؟
فعندما تقدم طلب لجوءالى اي دولة اوربية سوف تقوم بالتحقيق معك او طبعأ لازم تتكلم بصراحة واتخبرهم انه قدمت لجوء باليونان وانرفضت, وعسى ان يكون سبب الرفض مو جريمة او جنحة لاسامح الله سوف
يقوم المحقق بدراسة طلبك او يطلب المعلومات الكاملة باسمك من المسؤولين اليونانين واذا لم يقتنع باسباب طلب لجوئك سوف برفض لجوئك ؟
طبعاً راح يقرر منحك الجوء في البلد المعين او رفض طلب لجوئك؟
واذا رفض طلب لجوئك راح اتحاول ان اتفتش على محامي مختص باللجوء, وهذا يتم باتصالك بمنظمات انسانية مخنصة بقضاية اللجوء لانه اغلب اعضائها من رجال القانون او ماراح يكلفك فلوس لانه خدماتهم مجانية وهما ينطوك عنوان محامي مختص او بالبداية يمكنك الحصول على استشارات قانونية من المنظمة واما بالنسبة للاعتراض على الحكم او الاستئناف لازم تدفع اجور للمحامي او ممكن ان تتفق وياه على عملية الدفع اي تقسط المبلغ شهرياً؟
اتصور اكدرت ان اجيب على سؤالك ومشكلة حيرتك واعذرني اذا لم يكون بدقة كافية؟
وهناك موضوع امنزله بقسم اوربا بخصوص هذا الموضوع انه شخص ايراني كان امقدم لجوء في اليونان او انرفض طلبه او جا الى المانيا او قدم لجوء في المانيا زانرفض طلب لجوئه او استئنف القضية بواسطة محامي او حصل حق اللجوء في المانيا لانه بلده الام ايران بالوقت الحاضر ظروف العيش للاجئ خطرة على حياته؟
ـ اما بالنسبة الى بصمة فيزة السشنغن مال اليونان في دول الشنغن غير معترف فيها او ممكن ان اتقدم طلب اللجوء او ماعندك كل مشكلة او هم اني امنزل موضوع بهذا الصدد؟
تحياتيا
ـ اتصور اكدرت اوضحلك الصورة بالضبط او اذا كان عندك سؤال اني بالخدمة
وتقبل تحياتي
جوسي البغدادي استشاري اللاجئيين والمهاجرين المانيا
Edy Simon:
اخوان السلام عليكم
والرحمة والاكرام واهلاً بيج في ..nazanda...ـ وعليكم السلام اخت بيتج الذي هو عراقنا المصغر والذي حديقته تحتوي على جميع انواع الزهور العطرة على اختلاف الوانها, ونتمى ان تنشعرين انكي بين اهلكي واصدقائكي وان توجهي اي سؤال كان يخطر ببالكي عسى ان نستطيع تقديم المساعدة لكي سيدتي؟
بله زحمه
ـ اختي ماكو كل زحمة انتي امري ونحنا انحاول ان اساعدج على قدر المستطاع بأذن الله؟
اذا اريد اطلع فيزة شنغن اصوليه وببصمة من العراق الي ولاطفالي لاي دولة اوربيه ترهم لو لا
ـ بالحقيقة احب ان اكلج انه فيزة شنغن بالوقت الحاضر صارت اغلبها بالبصمة, او نادر اتحصلين بعراقنا الحبيب فيزة شنغن سياحية بدون بصمة, بس ممكن ان اتحاولين تسألين بلكي اهل الخير يكدرون يساعدوج او يدلولج على مكتب سياحي فيما اذا كنتي في بغداد ان اتشوفي المكاتب السياحية بشارع السعدون او في ساحة كهرمان حسب علمي انه في المنصور هم جان اكو مكاتب اتبيع فيزة شنغن؟
ـ اكيد هذي الفيزة مو ابلاش لانه المكاتب السياحية يشتروها من السفارات الاوربية او يبعوها ويا رحلات سياحية الى بعض البلدان السياحية التي مبني اقتصادها على السياحة لتشجيع السياحة بالبلد....
على سبيل المثال اليونان او اسبانيا او ايطاليا او الجيك او بولونيا؟؟؟
وشنو شروطها واشكد تكاليفها
ـ مثل مابينتلج شروطها ان تشترين رحلة سياحية من المكتب المعين, او تتوقف على السوك فأذا عنده مسافرين اهوايا طبعاً السعر يرتفع او اذا مسافرين قليلين اتكون ارخص عاد انتي وجانصج؟
ـ او اكو طريقة ثانية انه اتروحين الى احدى السفارة الاوربية او اتقدمين طلب على فيزة سياحية عدهم, او اذا عندج عرف باحد السفارات الاوربية يكون افضل لانه تعرفين الواسطات تلعب دور مهم بكل شي, او مرات اللي الشخص ماعنده واسطة بلكي يطلع ابن الحلال حتى يساعدج؟
ـ اتصور اجور الفيزة اليج ولاطفالج ما اتكلف اهوايا , او راح يخبروج بسعرها بس لااتكولليهم انتي اتريدين اتروحين او ماترجعين؟
كلليهم انتي اتريدين اتسافرين للسياحة لانه قريتي عن بلدهم او اتحبين اتزوريه؟
مع العلم اني اريد اسافر بيها وما ارجع يعني ما اكدر احط اي ضمانات من فلوس او ملك,
ـ بس هذي الجملة لا تذكريها الهم او اني هم ما اسمعتها؟؟؟؟
او اي طريقة او فيزا اذا كانت سايحية او اي شي اكدر ادخل بيه اوربا من استونيا او السويد مثلا
ـ اكيد اي فيزة شنغن تكدرين تدخلين بيها الى اي بلد من بلدان الاوربية او تتجولين بيها بدون مشكلة او بعد ما تنتهي مدة الفيزة لازم اتغادرين الاراضي الاوربية حسب شروط فيزة شنغن والا تترتب عليج مخالفات معينة؟
ـ هذا مع العلم انه البلد اللي راح يصدرلج فيزة الشنغن يعتبر البلد الاول لدخولج الى منطقة الشنغن, بس مو مشكلة تكدرين تحجزين طيارة الى اي بلد اخر او تدخلين اوربا مو مشكلة عادي يحقلج حسب قوانين فيزة الشنغن؟
اخ جوسي بله زحمة اذا عندك اي علم بيها ياريت تساعدني
ـ ياخيتي العزيزة اكيد عندي علم بيها بس اكدر اشرحلج الخطوات مثل ماذكرتها سابقاً او اكثر من هذي المساعدة ما اكدر عليها, او اذا عندج اي سؤال اني بالخدمة للمساعدة على العين والراس؟
ـ هسى نجي على الكلام اللي ذكرتي...
انه اتريدين تطلعين ويا اطفاليج او ماترجعين...؟
ـ جا وين تردين اتروحين ويا اطفالج عندج مكان معين تردين توصلين الى او عندج معارف ابو اوربا؟
ـ اتصور انه تقصدين تريدين اتقدمين على لجوء في احدى الدول الاوربية انتي وجهالج...صح؟
ـ ولا اني غلطان... اذا غلطان كولي حتى اصحح الغلط؟
ـ انكول انت ترغبين ان تطلبين اللجوء....
ويا اطفالج في احدي الدول الاوربية؟
ـ بما انتي عراقية واطفالج عراقيين حسب ما اعتقد؟
من الافضل ان توصلون الى فنلندا ولو البلد بارد
بس انه بالوقت الحاضر دينطي حق اللجوء الى كافة الاطياف العراقية او خلال هذي الفترة راحو اهوايا عراقيين وقدمو لجوء ....
وحصلو عليه حسب ما ذكروه؟
ـ الاحجاية وين اذا عندج فيزة الشنغن بدون بصمة خير على خير
مو مشكلة تكدرين تقدمين طلب اللجوء في فنلندا او اتكولين انتي
جايا عن طريق اليونان وحتي اذا كانت الفيزة مع بصمة بالسفارة اليونانية مو مشكلة ......ممكن ان اتقدمي طلب لجوء في فنلندا,
او فنلندا بلد راقي مساعداته للاجئيين كلش محترمة او اذا عندج اطفال بعد يهتمون بيج اكثر او اتزيد المساعدات الاجتماعية للاطفال؟
ـ بس اذا جانت الفيزة مالتج شنغن او بالبصمة او مو من السفارة اليونانية صادرة, مثلاً السفرة الفرنسية.....
والذي يعتبر اليج البلد الاوربي الاول؟
ـ بهذي الحالة دائرة اللجوء الفلندية راح اتخاطب زميلتها بفرانسا
او اتخبرها عن هويتج او بصمتج او يسألوهم.... اذا عدهم مانع
ان يعالجون طلب لجوئج بفنلندا او يرجعوج الى فرنسا؟
او راح ينتظرون لمدة 3 اسابيع او اذا الفرنسيين ما جاوبو
على طلب دائرة الهجرة الفنلندية؟
ـ هذاك الوكت راح ينظرون بطلب لجوئج او طبعاً خلال هذي الفترة راح يأمنولج المسكن والمشرب اليج ولاطفالج....
الى حين صدور قرار اللجوء؟
ـ اذا راح ينرفض طلبج لاسامح الله.....راح يطلبون منج ان تغادرين البلد او بالاحرى اوربا وترجعين الى بلدج طوعياً؟؟؟
ـ او بهذي الحالة اتروحين على المنظمات الانسانية في فنلندا او اتشوفيهم رسالة رفض لجوئج, او راح يحاولون ان يشوفولج محامي مختص حتي يقوم باستئناف او يطعن بقرار الرفض للجوئكم؟
او طبعاً راح يمر وقت على ان يوصل للمحكمة او تنظر المحكمة مرة اخرى بطلب لجوئكم؟
ـ بس احب اذكرج انه اجور المحامي لازم انتي تدفعيها او من الافضل ان تتفاهين ويا المحامي على تقسيم المبلغ شهرياً, يعني اتقسطي شهرياً؟
ـ طبعاً طول هذي المدة المساعدات الاجتماعية
ماليج ومال اطفالج ماشية والسكن مدفوع؟
ـ اذا قررت المحكمة مرة ثانية رفض الطعن مالتج بالحكم مرة ثانية بالرفض للجوء مالتكم لاسامح الله؟
راح يطلبون منج مغادرة فنلندا او اوربا طوعياً, واذا الحاكم او الحاكمة جانو اشويا رحومين او اوادم, من المحتمل ان ينطوج حماية ابفنلندا يعني (لا امعلكة ولا اممطلكة على كولت العراقيين)؟
ـ يعني تكدرين تبقين انتي او جهالج ابفنلندا الى حين عراقنا الحبيب تصفى اموره او لازم تأخذين اطفالج او ترجعين بالخير والسلامة؟
ـ او احب اذكر اذا الله سهل او بالمرة الاولى وافقو على طلب لجوئكم , هذاك الوكت راح ينطوكم الاقامة او اتزيد المساعدات الاجتماعية مالتكم او الاطفال يدخلون المدارس.... والمدارس اجبارية يعني مو بس يكعدون بالبيت, الا اذا لاسامح الله جانو مرضى واذا بدون سبب مايروحون للمدرسة تجي الشرطة للبيت او اتكودهم للمدرسة؟
ـ اذا المدارس بيعدة كانت عن البيت اللي ساكنين بيه او المنطقة , يجي باص مال المدرسة او ياخذهم الصبح للمدرسة...
او بعد انتهاء الدوام يرجعهم للبيت او طبعاً مجاناً؟
ـ او طبعاً للوالدين هم اكو مدارس لتعليم اللغة او لازم واحد يروح بيها,
واذا مارحتو للمدرسة مال اللغو راح ينقصون المساعدات... واذا كان عندج طفل في دور الحضانة اكو دور حضانة هم مجانية للصغار؟
شكرا جزيلا
ـ عفواً اختي اتصور اكدرت ان اساعدج نوعاً ما ولو طولت الجواب , ارجو المعذرة على الاطالة وانشاء الله اتسافرون بالخير والسلامة وتصلون قريباً الى بر السلام واتمنى الكم الموفقية؟
مع تحياتي
جوسي البغدادي استشاري اللاجئيين والمهاجرين المانيا
Edy Simon:
كلكامش الألكتروني
فيزا شنكن فنلندا ام البصمة فهل يحقلي تقديم لجوء ؟
« في: 28ـ10ـ2014في 22:24 »
السلام عليكم اخواني قبل فترة حصلت ع دعوة لزيارة شركة بلجيكية وما سويتها لان المبلغ المطلوب يجاوز عشرة الالف دولار
اليوم حصلت دعوة لمؤتمر في فنلندا وهاي الدعوة هم اندزت للسفارة الفنلندية الي بأنقرا ويعني اجراءات الفيزا الاعتيادية
سؤالي اذا ادخل لفنلندا ورة شكد ابقى خافي نفسي واكدر اقدم ع لجوء؟؟
علمآ الفيزا مدتها 15 يوم وهي رسمية واصولية وبصمة من السفارة الفنلندية الي بانقرا شكرآ حبايب
تعديل المشاركة
رد: فيزا شنكن فنلندا ام البصمة فهل يحقلي تقديم لجوء ؟
28ـ10ـ2014 في 23:06 »
السلام عليكم اخواني
ـ وعليكم السلام اخونا الفاضل والرحمة والاكرام وهلا بيك؟
قبل فترة حصلت ع دعوة لزيارة شركة بلجيكية وما سويتها لان المبلغ المطلوب يجاوز عشرة الالف دولار
ـ هذي شلون دعوة اذا اتكلف 10.000دولار, اكيد صفقة تجارية؟
اليوم حصلت دعوة لمؤتمر في فنلندا وهاي الدعوة هم اندزت للسفارة الفنلندية الي بأنقرا ويعني اجراءات الفيزا الاعتيادية
سؤالي اذا ادخل لفنلندا ورة شكد ابقى خافي نفسي واكدر اقدم ع لجوء؟؟
ـ اخي انته واصل الى قنلندا ويا وفد رسمي, واذا انتهت مدة ضيافة الوفد من المفروض الوفد
كله يرجع وانته ويا الى بلده سالم مسلم وبدون تخلف اي عضو من الاعضاء؟
او احجاية الاختفاء وين تختفي ؟
عندك احد ابفنلندا حتى تحتفي عنده؟
او بعدين عملية الاختفاء راح اتسوي مشاكل للي تختفي عنده؟
او اذا انلزمت من قبل الشرطة راح يسفروك فوراً او اللي اخفاك
عنده راح تترتب عليه مخالفات قانونية او هذا الشي لازم اتحسبله؟
ـ اني اقترح انه قبل يوم من سفر الوفد ان تتخلف عن
الوفد او اتروح الى مدينة ثانية ابفنلندا او اتقدم لجوء
او تنطيهم الادلة الكاملة على انه ماتكدر ترجع للعراق؟
ـ هذا اذا كانت عندك ادلة قوية اتساعدك على طلب اللجوء؟
ـ او احجاية الاختفاء بيها مسؤلية اجبيرة او راح اتظرك؟
علمآ الفيزا مدتها 15 يوم وهي رسمية واصولية وبصمة من السفارة الفنلندية الي بانقرا
ـ هذا اللي اكدر انصحك بيه, لانه اهوايا اجوي ويا وفود او اتخلفو من الوفد او قدمو لجوء؟
ـ هذا اذا بس اسمك بالوفد او ما امقدم كفالة بالرجوع للعراق؟
شكرآ حبايب
عفواً ولا شكر على الواجب
صديقي اني صاحب شركة والدعوة اجتي لشركتي لحضور هذا المؤتمر الي الة علاقة بطبيعة عمل شركتي
ـ اغاتي صاحب الشركة,
ـ اذا انته ابو الشركة او معزوم على مؤتمر, ممكن ان انشوفلك من بين المؤنمرين شخص يرغب ان يسوق بضاعته في الدول العربية او تتفق وياه ان تفتحون مشروع ابوربا او انته اتكون مسؤول التسويق او بهذي الحالة راح يمنحوك اقامة العمل كمستثمر بالبلد او اتعيش معزز مكرم ابوربا او لاتختفي ولا اتقدم لجوء بعد مدة اختفائك ولا هم يحزنون وابوك الله يرحمه؟
ودا افكر ان اروح بباخر قبل ليخلص لمؤتمر للسويد لفترة والرجوع لفنلندا هذا كان خيار
ـ اي بس شنو راح اتحصل؟
لانه من اتروح الى السويد بالباخرة فرضاً او كبل مايخلص المؤتمر وخاصة هيجي مؤتمرات حسب علمي بيها الخلاصة في اخر يوم لانه تنتهي الاشغال او يبدي اللقاء للتعارف او ممكن ان تتعرف على شخص اتسوي ويا اتفاق عمل؟
ـ بس القصة الفيزة مالتك الشنغن راح تنتهي او من المفروض لازم اتغادر الاراضي
الاوربية حسب قانون فيزة الشنغن وألا تترتب عليك مخالفة قانونية؟
والخيار الثاني عندي اصدقاء بفنلندا
ـ اذا حضرتك عندك اصدقاء في فنلندا اني اقترح عليك بما حضرتك تاجر او عندك شركة افتح فرع
الشركتك بواسطة واحد من اصدقائك او خلي يعينك مدير التسويق للبلدان العربية؟
ـ بهذي الحالة راح يمنحوك اقامة عمل لانه انته شريك لمواطن فنلندي؟
وهسة هم اتأكدت من موقع دائرة الهجرة الفنلندية وبشكل رسمي شكرآ صديقي على تواصلك واجاباتك حيل فادتني اني ممنووون
ـ هلا بيك واني بالخدمة لاي سؤال ابالك اتحب تسأله؟
تقبل تحياتي
جوسي البغدادي ـ استشاري اللاجئيين والمهاجرين المانيا
Edy Simon:
حضرة الاخ الكريم..FARQED BORSH
ـ اولاً انرحب بك كعضو جديد في بيتنا العراقي المصغر وفي حديقته الجميلةالتي تضم جميع انواع الزهور العراقية على اختلاف انواعها, ونتمناان تشعر بين اهلك واصدقائك وان تشارك وتطرح اي سؤال يخطر ببالك ونحن نحاول ان نجاوب عليه بقدر الامكان بأذن الله؟
السلام عليكم
ـ وعليكم السلام والرحمة والاكرام بالاخ فرقدالجليل,
سؤال للاخ الفاضل جوسي البغدادي
ـ اتفضل اسأل اخي الكريم واني حاضر لاي سؤال تطرحة؟
بالنسبة للرابط المتعلق بالطيران الرخيص من اليونان اللي حضرتك نشرتة اعلاه كيف الشخص ممكن يسافر من اليونان الى فنلندا او اي بلد اوربي آخر هل بالجواز العراقي اللي يحتوي على تأشيرة الى فنلندا لو بدونها لو كيف يعني...
ـ اخي الكريم, اذا عندك فيزة شنغن بالبصمة او بدون بصمة ممكن ان اتسافر على اي خطوط كانت من اليونان الى جميع انحاء الدول الاوربية؟
او طبعاً اكو خطوط طيران رخيصة او خطوط طيران غالية؟
ـ الفرق بين خطوط الطيران الغالية هي طائراتها ماتنزل الا في مطارات كبيرة, او هذا مايكون
محتمل في المطار ان يطمغون دخولك للبلد او اخذ بصمة يدك لانه بالمطارات الكبيرة الرقابة اتكون مشددة ويوجد مراكز للشرطةوخاصة هذي الايام؟
ـ اما خطوط الطيران الرخيصة والتي طيراتها متوسطة يمكنها ان تنزل في جميع المطارات الصغيرة وعادة مطارات سياحية....(وهناك حطوط طيران ريان ايرويس تسمى, او برلين ايرويس...وتهبط في مطارات صغيرة وتسمى الفيزة...نسبة للحقل, او فسحة خضراء, والتي كانت مطارات لقواعد الحلفاء سابقاً في اوربا وقد هجرت ويستخدموها الان لغرض السياحية ومطاراتها لاتحتوي على رقابة لانه هي حلقة تواصل بين الدول الاوربية اي رحلات داخلية ضمن الاتحاد الاوربي؟؟؟)...
واذا كان الراكب من مواطني دول الاوربية يمكنه ان يبرز هويته الشخصية او يقطع التذكرة فوراً او يمكنه ان يحجزها على الانتير نيت ويطير على طياراتها؟
ـ واما بالنسبة للمسافرين من غير دول الاتحاد الاوربي يجب ان يبرز جواز سفره او فيزة الشتغن , والتي تمكنه ان يتجول في جميع انحاء دول الشنغن الاوربية,فأذا توفرت عنده يمكنه السفر على طائراتها من اليونان الى مدن الاتحاد الاوربي حسب الحجز؟
يعني حضرتك حامل جواز العراقي او بيه فيزة الشنغن فيمكنك ان تسافر على طائراتها الى اي دولة اوربية, وفائدتها من تزل بتلك الدولة في المطار السياحي مابيه كونترول على الجوازات او اخذ بصمة لان حضرتك تعتبر مسافر داخل الاتحاد الاوربي اي رحلة داخلية؟
ـ وعندما تصل الى اليونان توجدهناك مختلف الطرق الى اتخليك تتجول بالدول الاوربية لانه اليونان بالحقيقة كلشي بيه, وصار بلد توزيع االناس القادمين من الخارج له الى الدول الاوربية؟
مع الشكر الجزيل لحضرتك ولبقية الاعضاء الفاعلين وادارة المنتدى الكرام
ـ عفواً اخي لاشكر على الواجب واتمنى ان اكدرت اجاوب على سؤالك واعذرنا عن التقصير؟
تقبل تحياتي
جوسي البغدادي
Edy Simon:
سؤال من..sundsvall.
سؤال قانوني مئة بالمئة ويحتاج جواب من شخص متخصص,
ممكن اتساعدنا اخ جوسي..
ـ حضرة الاخت...sundsvall..الفاضلة,
اني من اول سؤال وجهتي كتلج انه اسئلة منطقية او اساسية
ويمكن التكلم فيها راح يستفاد اكثر عدد ممكن من الاعضاء لانه عدهم تقريباً نفس المشكلة؟
واكرر شكري واقديري على مشاركتك الاخت الجليلة وعلى مداخلاتج القيمة في المنتدى؟
السؤال هو.
شخص دخل الى اليونان بفيزة شنكن اصولية وحب يسافر من اليونان الى بلد اوربي ثاني ضمن منطقة الشنكن, ولكن لا يوجد طيران مباشر الى هذا البلد, يعني لازم يمر ببلد ثاني كترانزيت.
زين فالنفرض ان هذا البلد الثاني خارج منطقة الشنكن, وليكن مثلا روسيا,
ـ اختي الفاضلة كلشي ولا روسيا؟
ـ اذا خرج من نطاق دول الشنغن راح تعتبر فيزة الشغن منتهية لانه ماخذ فيزة شنغن
لسفرة واحدة واذا خرج من منطقة الشغن بعد مالى حق يدهل الى دول الشنغن بدون فيزة شنغن
جديدة او فيما اذا ماخذ فيزة شنغن لعدة سفرات ؟
فهذاك الوطت مو مشكلة يكدر يطب ويطلع لعدة مرات حسب المدة المجودة في الفيزة, اما لستة اشهر نفذة الفيزة لعدة زيارات او لمدة سنة ؟
ـ هذاك الوقت يكدر يسافر من اليونان الى روسيا او الصين او جنوب افريقيا او يوصل الى فنلدا؟
زين بهذه الحالة الفيزة راح تسقط,
ـ اكيد راح تسقط اذا كانت فيزة شنغن لسفرة واحدة؟
خلي اعيد العملية
ـ مو مشكلة على راحتج عيدة العملية مثل ما اتحبين؟
اريد اسافر الى فنلندا من اليونان
حجزت طيارةالى فنلندا, ماكو مشاكل لأن عندي فيزة شنكن
ـ اي بس اي نوع من فيزة شنغن؟
اني عدة مرات ذكرت انه فيزة شنغن هي عدة انواع, مو بس نوع واحد؟
او اهنا قصدرج فية شنغن بالبصمة لسفرةواحدة خلال 3شهور؟
رحت للمطار, الطيارة اللي راح اركبها هي رايحة الى روسيا وبعدين عند تحويل الى فنلندا
زين بهاي الحالة ضابط جوازات المطار اليوناني راح يختملي مغادرة
ـ مو تتوقف على نوع الخطوط اللي راح اطيرين بيها, اذا كانت الرحلة من اليونان الى فنلندا
اتسزي ترانزيل ابروسيا, مو مشكلة؟
ـ ليش اني اكلج ليش؟
ـ منطقة الترانزيت في جميع دول العالم هي منطقة يسموها اراضي مالها صاحب او اراضي الله؟
بس اذا دخلتي الى حاجز الجوازات بالبلد فانه سوف تعتبرين داخلة البلد وعلى سبيل المثال روسيا؟
ـ وبهذي الحالة سلطات المطار راح يطمغون جوازج على اساس انهداخلة الى دولة خارجة عن دول الشنغن
او تعتبر فيزة الشنغن مالتد لسفرة واحدة ساقطة؟
ـ او بهذي الحالة راح يستوجب عليج ان تبقين في روسيا او اتقدمين على فيزة شنغن ابحدة السفارات لدول الشنغن او بعدين تكدرين تركبين الطيارة او اتسافرين الى فنلندا؟
ـ بس اذا كانت سفرت الطائرة من اليونان الى فنلندا بس اتسوي ترانزيت او اتباتون ليلة او من
الصبح اتسافرون الى فنلندا كاتعتبر الفيزة ساقطة وتعتبر رحلة داخلية لدول الشنغن؟
ـ على فكرة المبيت في فندق المطار وعلى احساب شركة الطيران؟
يعني بهاي الحالة مالي حق ادخل فنلندا على اعتبار اني غادرت الاتحاد الاوربي.
مثل ما وضحت تعتبريم مغادرة الاتحاد الاوربي اذا دخلتي منطقة الجوازات الروسية في المطار والتي تعبر الحدود الروسية بالمطار؟
ـ يس اذا بقيتي بمنطقة الترانزيت تسمى المنطقة المحايدة او ماتعتبريم خارجة من الاتحاد الاوربي ولا يختم جوازج من اليونان ولا من الروس؟
لو شنو
ـ شنو انه انتي بقيتي باطار الرحلة كرحلة داخلية؟
حزورة مو :)
ـ لالالا مو حزورة لهذا السبب اغلب العراقيين كانو كبل
يسافرون من العراق الى جورجيا عبر مطار ميونخ او عبر مطار فرانكفورت؟
او يبقون بمنطقة الترانزيت الى ما اتروح طيارتهم المتجهة الى جورجيا؟
او بعدين يتلفون بطاقة الطيارة والجواز او يسلمون نفسهم للسلطات الالمانية ويطلبون اللجوء بالمطار؟
ـ بس خسى المراقبة بمنطقة الترانزيتالالمانية اتشدد او انكشفت اللعبة؟
لانه هما ماعدهم فيزة الى المانيا وانما فيزة جورجيا سهلة للعراقيين او يلعبون هذي اللعبة؟
ـ اتصور النقطة او الحزورة صارة واضحة او انحلت لو بعد؟؟؟؟؟
وتقبلي تحياتي
جوسي البغدادي
تصفح
[0] فهرس الرسائل
[#] الصفحة التالية
الذهاب الى النسخة الكاملة