11-الوصول الى اورشليم*ܘܟܰܕ ܥܳܐܠܳܐ ܗ̄ܘܳܬ*
ܠܽܐܘܪܺܫܠܶܡ ܢܶܦܩܰـܬ ܗ̄ܘܳܬ ܠܳܗ ܠܳܗ ܡܺܕܝܢܬܳܐ ܠܩܺܘܒܠܳܗ. ܘܩܰܒܠܺܘܗ ܗܘܰܘ ܒܺܐܝܩܳܪܳܐ ܪܰܒܳــܐ ܐܰܝܟ ܕܰܠܡܰܠܟܬܳܐ(2) ܡܳܪܬܶܗ ܕܰܐܬܪܳܐ ܪܰܒܳــܐ ܕܒܶܝܬ ܪ̈ܽܗ̄ܘܡܳܝܶܐ(b). ܝܰܥܩܽܘܒ(3) ܕܶܝܢ ܕܰܥܒܺܝܕ ܗ̄ܘܳܐ ܡܕܰܒܪܳܢܳܐ ܘܦܳܩܽܘܕܳܐ ܒܥܺܕܬܳܐ ܕܒܰܢܝܳܐ ܗ̄ܘܳܬ ܠܰܢ ܬܰܡܳܢ ܟܰܕ ܫܡܰܥ ܗ̄ܘܳܐ ܕܡܶܛܽܠ ܡܳܢܳܐ ܐܶܙܰܠــܬ ܗ̄ܘܳܬ ܠـܬܰܡܳܢ ܩܳܡ ܗ̄ܘܳܐ ܘܶܐܙܰܠ ܗ̄ܘܳܐ ܨܶܝܕܶܝــܗ ܘܥܰܠ ܗ̄ܘܳܐ ܠـܘܳܬܳܗ ܐܰܝܟܳــܐ ܕܫܰܪܝܳܐ ܗ̄ܘܳܬ ܒܳܐܦܰܕܢܳܐ ܪܰܒܳــܐ ܕܒܶܝܬ ܡܰܠܟܽܘܬܶܗ ܕܗܶܪܳܘܕܶܣ(c-4) ܡܰܠܟܳܐ. ܘܟܰܕ ܚܙܳܬܶܗ ܗ̄ܘܳܬ ܩܰܒܶܠܬܶܗ ܗ̄ܘܬ ܒܚܰܕܽܘܬܳܐ ܪܰܒܬܳܐ ܘܳܐܦ ܠܶـܗ ܐܰܝܟ ܕܰܠܫܶܡܥܽܘܢ ܟܺܐܦܳܐ. ܘܚܰܘܺܝ ܗܘܳܐ ܠܳــܗ ܐܳܦ ܗܽܘ ܐܳܣ̈ܘܳܬܳܐ ܘܚܰܝ̈ܠܶܐ ܐܰܝܟ ܫܶܡܥܺܘܢ. ܘܶܐܡܪܰܬ ܠܶܗ: ܚܰܘܳܐ ܠܺܝ ܓܳܓܽܘܠܬܳܐ ܗܳܝ ܕܶܐܙܕܩܶܦ ܗ̄ܘܳܐ ܒܳـܗ ܡܫܺܝܚܳܐ ܘܩܰܝܣܳܐ ܕܰܨܠܺܝܒܽܘܬܶܗ ܕܶܐܬܬܠܺܝ ܗ̄ܘܳܐ ܒܶܗ ܡܶܢ ܝܽܗܘ̈ܕܳܝܶܐ a ܘܩܰܒܪܳܐ ܗܰܘ ܕܐܐܶܬܬܣܺܝܡ ܗ̄ܘܳܐ ܒܶܗ.-B ܐܳܡܰܪ ܠܳܗ ܗܽܘ ܝܰܥܩܽܘܒ: ܗܳܠܶܝܢ ܬܥܳــܬܰܝ̈ܗܶܝܢ ܕܨܳܒܝܳܐ ܡܰܠܟܽܘܬܶܟܝ ܕܬܶܚܙܶܝܢ ܬܚܶܝܬ ܐܺܝܕܳܐ ܐܶܢܶܝܢ ܕܝܽܗ̄ܘ̈ܕܳܝܶܐa . ܗܶܢܽܘܢ ܐܶܢܽܘܘ ܕܰܐܚܺܝܕܺܝܢ ܠܗܶܝܢ ܘܠܳܐ ܫܳܒܩܺܝܢ ܠܰܢ ܕܢܺܐܙܰܠ ܢܨܰܠܶܐ ܬܰܡܳܢ ܩܕܳܡ ܓܳܓܽܘܠܬܳܐ ܘܩܰܒܪܳܐ ܘܳܐܦــܠܳܐ ܩܰܝܣܳܐ ܕܰܨܠܺܝܒܽـܘܬܶܗ ܨܳܒܶܝܢ ܠܡܶܬܰܠ ܠܰـܢ. ܘܠܳܐ ܗܳܕܶܐ ܒܰܠܚܽܘܕ ܐܶܠܳܐ ܐܳܦ ܡܶܪܕܰܦ ܪܳܕܦܺܝܢ ܠܰܢ ܕܠܳܐ ܢܣܰܒܰܪ ܘܢܰܟــܪܶܙ ܒܰܫܡܶܗ ܕܰܡܫܺܝܚܳܐ. ܘܙܰܒ̈ܢܳܬܳܐ ܣܰܓܺܝ̈ܳܐ ܬܳܐ ܘܳܐܦ ܒܶܝܬ ܐܰܣܺܝܪ̈ܶܐ ܚܳܒܫܺܝܢ ܠܰـܢ. ܘܟܰܕ ܫܶܡܥܰܬ ܗ̄ܘܳܬ ܗܳܠܶܝܢ ܒܳــܗ ܒܫܳܥܬܳܐ ܦܶܩܕܰܬ ܗ̄ܘܳܬ ܗܺܝ ܡܰܠܟـܬܳܐ ܘܰܐܝܬܺܝܘ ܗ̄ܘܰܘ ܩܕܳܡܶܝܗ ܠܚܽܘܢܝܐ (1) ܒܰܪ ܚܰܢܳܢ(2) ܟܳܗܢܳܐ ܘܠܰܓܕܰܠܝܳܐ(3) ܒܰܪ ܩܰܝܳܦܳܐ(4) ܘܠܺܝܗܽܘܕܳܐ(5) ܒܰܪ ܥܒܶܕ ܫܳܠܽܘܡ(6) ܪ̈ܺܝܫܶــܐ ܘܦܳܩܽܘܕܶܐ ܕܝܽܗ̄ܘ̈ܕܳܝܳܐ(a). ܘܶܐܡــܪܰܬ ܠܗܽܘܢ: ܐܰܫܠܶܡــܘ ܠܓܳܓܽܘܠܬܳܐ ܘܩܰܒܪܳܐ ܘܩܰܝܣܳܐ ܕܰܨܠܺܝܒܽܘܬܳܐ ܠܝܰܥܩܽܘܒ ܘܠܰܐܝܠܶܝܢ ܕܫܳܠܶܡܝܢ ܠܶܗ. ܘܠܳܐ ܐܢܳܫ ܢܶܟܠܳܐ ܐܶܢܽܘܢ ܕܰܢܫܰܡܫܽܘܢ ܬܰܡܳܢ ܐܰܝܟ ܥܝܳܕܳܐ ܕܬܶܫܡܶܫܬܗܽܘܢ.
12-على الجلجلة. موت فجاني*ܘܟܰــܕ ܦܶܩܕܰܬ*
ܗܳܟܰܢܳܐ ܠܟܳܗ̈ܢܶܐ ܩܳܡܰܬ ܗ̄ܘܳܬ ܕܬܺܐܰܙܠ ܘܬܶܚܙܶܐ ܐܶܢܶܝܢ ܠܕܽܘ̈ܟܝܳܬܳܐ ܗܳܢܶܝܢ ܘܳܐܦ ܕܬܰܫܠܶܡ ܗ̄ܘܳܬ ܐܰܬܪܳܐ ܗܰܘ ܠܶــܗ ܠܝܰܥܩܽܘܒ ܘܠܰܐܝܠܶܝܢ ܕܺܐܝܬ ܗ̄ܘܰܘ ܥܡܶــܗ. ܘܒܳܬܰܪܟܶܢ ܥܶܠܰـܬ ܗ̄ܘܳܬ ܠܩܰܒܪܳܐ ܘܶܐܫܟܚܰܬ ܗ̄ܘܳܬ ܒܓܰܘܶܗ ܕܩܰܒــܪܳܐ ܬܠܳــܬܐ ܙܩܺܝ̈ܦܺܝܢ ܚܰܕ ܕܡܳܪܰܢ ܘܰܬܪܶܝܢ ܕܗܳܢܽܘܢ ܓܰܝܳܣ̈ܶܐ ܕܰܙܩܺܝܦܺܝܢ ܗ̄ܘܰܘ ܥܰܡܶܗ ܡܶܢ ܝܰܡܺܝܢܶܗ ܘܡܶܢ ܣܶܡܳܠܶܗ. ܘܒܶܗ ܒܥܶܕܳܢܳܐ ܗܰܘ ܕܥܶܠܰـܬ ܠܓܰܘ ܩܰܒــܪܳܐ ܗܺܝ ܘܰܒܢܶܝ̈ܗ ܥܰܡܳܗ ܒܳܗ ܒܫܳܥܬܳܐ ܢܶܦܠܰܬ ܗ̄ܘܳܬ ܒܰܪܬܳܗ ܒܬܽܘܠܬܳܐ ܘܡܺܝܬܰܬ ܕܠܳܐ ܟܺܐܒܳــܐ ܘܰܕܠܳܐ ܟܽܘܪܗܳܢܳܐ ܘܰܕܠܳܐ ܥܶܠــܬܳܐ ܡܶܕܶܡ ܕܡܰܘܬܳܐ. ܘܟܰــܕ ܚܙܳܬ ܗ̄ܘܳܬ ܡܰܠܟـܬܳܐ ܕܡܺܝܬܰܬ ܠܳܗ ܒܰܪܬܳܗ ܡܶܢ ܫܶܠܝܳܐ ܒܶܪܟܰܬ ܗ̄ܘܳܬ ܘܰܡܨܰܠܝܳܐ ܒܓܰܘܶܗ ܕܩܰܒܪܳܐ ܩܪܶܒ ܠܘܳܬܳܗ ܒܰܪܗ ܩܰܫܺܝܫܳܐ ܘܶܐܡܰܪ ܠܳܗ: ܫܡܰܥܝ(a) ܡܶܕܶܡ ܕܳܐܰܡــܪ ܐܢܳܐ ܩܕܳܡ ܡܰܠܟܽܘܬܶܟܝ. ܐܶܢܳܐ ܗܳܟܰܢܳܐ ܣܳܒܰܪ ܐܢܳܐ ܒܪܶܥܝܳܢܝ ܘܰܒܡܰܚܫܰܒܬܝ ܕܗܳܢܳــܐ ܡܰܘܬܳܐ ܕܗܳܕܶܐܚܳܬܝ ܕܡܶܢ ܫܶܠܝܳܐ ܠܳܐ ܗ̄ܘܳܐ ܣܪܺܝܩܳܐܝܺܬ ܗ̄ܘܳܐ ܐܶܠܳܐ ܣܽܘܥܪܳܢܰܐ ܗ̄ܘ ܗܳܢܳܐ ܬܡܺܝܗܳܐ ܕܰܠܠܳܗܳܐ ܢܶܫܬܰܒܰܚ ܒܶܗ ܘܠܳܐ ܗ̄ܘܳܐ ܕܰܫܡܶܗ ܢܶܬܓܰܕܰܦ ܐܰܝܟ ܕܰܣܒܰܪܘ ܐܰܝܠܶܝܢ ܕܰܫܡܰܥܘ ܗܳܕܶܐ. ܗܳܐ ܥܰܠܢ ܚܢܰܢ ܠܩܰܒܪܳܐ ܘܶܐܫܟܰܚܢ ܚܢܰܢ ܒܶܗ ܬܠܳܬܳܐ ܙܩܺܝ̈ܦܶــܐ ܘܠܳܐ ܝܳܕܥܺܝܢ ܚܢܰܢ ܐܰܝܢܰܘ ܡܶܢܗܽܘܢ ܙܩܺܝܦܳܐ ܗܰܘ ܕܶܐܬܬܠܺܝ ܒܶــܗ ܡܫܺܝܚܳܐ. ܒܡܰܘܬܳܗ ܕܶܝܢ ܕܗܳܕܶܐ ܚܳܬܝ ܡܶܫܟܚܺܝܢ ܚܢܰܢ ܕܢܶܚܙܶܐ ܘܢܶܐܠܰܦ ܐܰܝܢܰܘ ܙܩܺܝܦܶܗ ܕܰܡܫܺܝܚܳܐ. ܠܳܐ ܓܶܪ ܡܰܗܡܶܐ ܡܫܺܝܚܳܐ ܡܶܢ ܐܰܝܠܶܝܢ ܕܰܡܗܰܝܡܢܺܝܢ ܒܶܗ ܘܒܳܥܶܝܢ ܠܶܗ.
13- الصليب الحقيقي*ܗܺܝ ܕܶܝܢ ܡܰܠܟܬܳܐ ܦܪܽܘܛܳܢܺܝܩܺܐ*
ܟܰܕ ܛܳܒ ܡܰܪܺܝܪܳܐ ܗ̄ܘܳܬ ܢܰܦܫܳܗ ܒܥܶܕܳܢܳܐ ܗܰܘ ܚܳܪܰܬ ܗ̄ܘܳܬ ܒܪܶܥܝܳܢܳܗ ܕܰܚܟܺܝܡܳܐܝܺܬ ܘܟܺܐܢܳــܐܝܺܬb ܘܰܬܪܺܝܨܳܐܝܺܬ ܐܶܡܰــܪ ܗ̄ܘܳܐ ܒܪܳܗ ܗܶܢܶܝܢ ܗܳܠܶܝܢ. ܘܫܶܩܠܰܬ ܗ̄ܘܳܬ ܒܺܐܝ̈ܕܶܝܗ ܚܰܕ ܡܶܢ ܙܩܺܝ̈ܦܶܐ ܘܣܳܡܰܬ ܥܰܠ ܫܠܰܕܳܐ ܕܒܰܪܬܳܗ ܕܪܰܡܝܳܐ ܗ̄ܘܬ ܩܕܳܡܶܝܗ ܘܶܐܡܪܰܬ ܗ̄ܘܳܬ ܒܰܨܠܽܘܬܳܗ: ܠܰܠܳܗܳܐ ܕܰܚܘܺܝ ܗ̄ܘܳܐ ܚܰܝ̈ܠܶܐ ܬܡܺܝ̈ܗܶܐ ܒܰܐܬܪܳܐ ܗܳܢܳــܐ ܐܰܝܟ ܕܰܫܡܰܥܢܰܢ ܘܗܰܝܡܶܢܰܢ ܐܶܢ ܕܺܝܠܳܟܽ ܗ̄ܘ ܡܳܪܝ ܗ̄ܢܳܐ ܙܩܺܝܦܳܐ ܘܒܶـܗ ܐܶܬܬܰܠܝܰܬ ܗ̄ܘܳܬ ܐܢܳܫܽܘܬܳܟ ܡܶܢ ܡܰܪ̈ܳܚܶܐ ܚܰܘܳܐ ܚܰܝܠܳܐ ܥܰܙܺܝܙܳܐ ܘܬܰܩܺܝܦܳܐ ܕܰܠܠܳܗܽܘܬܳܟ ܕܰܒܓܰܘ ܐܢܳܫܽܘܬܳܐ ܫܰܪܝܳܐ ܗ̄ܘܳܬ ܘܬܺܚܶܐ ܗܳܕܶܐ ܒܪܰܬܝ ܘܰܬܩܽܘܡ ܘܢܶܫܬܰܒܰܚ ܒܳܗ ܫܡܳܟ ܟܰــܕ ܦܳܢܝܳܐ ܢܰܦܫܳܗ ܠܓܰܘ ܦܰܓܪܳܗ ܘܢܶܒܗܬܽܘܢ ܙܳܩܽܘܦܰܝ̈ܟ ܘܢܶܚܕܽܘܢ ܣܳܓܽܘܕܰܝ̈ܟ. ܘܩܰـܘܝܰܬ ܗ̄ܘܳܬ ܛܰــܘܪܳܐ ܣܰܓܺܝܳܐܐ ܡܶܢ ܒܳܬܰܪ ܕܶܐܡܪܰܬ ܗ̄ܘܳܬ ܗܳܟܰܢܳܐ. ܘܒܳܬܰܪܟܶܢ ܫܩܰܠܬܶܗ ܗ̄ܘܳܬ ܠܰܙܩܺܝܦܳܐ ܗܰܘ ܡܶܢ ܫܠܰܕܳܐ ܕܒܰܪܬܳܗ ܘܣܳܡܬ ܗܰܘ ܐܚܪܺܢܳܐ ܘܶܐܡـܪܰܬ ܗ̄ܘܳܬ ܬܽܘܒ ܒܰܨܠܽܘܬܳܗ: ܠܰܠܳܗܳܐ ܕܰܒܪܶܡܙܶܗ ܩܳܝܡܺܝܢ ܥܳܠܡ̈ܶܐ ܘܒܶܪ̈ܝܳܬܳܐ ܚܰܘܳܐ ܚܰܝܠܳܐ ܕܢܶܨܚܳܢܰܝ̈ܟ ܐܰܝܟ ܕܰܡܥܳܕ ܐܰܢܬ. ܘܰܐܓܪܰܬ ܗ̄ܘܳܬ ܛܰܘܪܳܐ ܣܰܓܝܳܐܐ ܒܳــܬܰܪ ܗܳܠܶܝــܢ. ܘܰܫܩܰܠܬܶܗ ܗܘܳܬ ܙܩܺܝܦܳـܐ ܗܰܘ ܕܰܬܪܶܝܢ ܡܶܢ ܒܰܪܬܳܗ ܘܫܶܩܠܰــܬ ܗܘܳܬ ܙܩܺܝܦܳܐ ܗܰܘ ܕܬܰܠܳܬܳܐ ܘܣܳܡܬܳܗ ܥܶܠ ܒܰܪܬܳܗ. ܘܟܰܕ ܒܳܥܝܳܐ ܗ̄ܘܳܬ ܕܰܬܪܺܝܡ ܗ̄ܘܳܬ ܥܰܝܢܶܝ̈ܗ ܠܰܫܡܰܝܳܐ ܘܬܶܦـܬܰܚ ܗ̄ܘܳܬ ܦܽܘܡܳܗ ܒܰܨܠܽـܘܬܳܐ ܒܳــܗ ܒܫܳܥܬܳܗ ܘܒܶܗ ܒܥܶܕܳܢܳܐ ܐܰܝܟ ܡܶܛܪܰܦ ܬܶܡܪܳܐ ܠܥܰܝܢܳܐ ܕܰܩܪܶܒ(1) ܗ̄ܘܳܐ ܙܩܺܝܦܳܐ ܗܰܘ ܠܰܫܰܠܕܳܐ ܕܒܰܪܬܳܗ ܚܝܳܬ ܗ̄ܘܳܬ ܒܰܪܬܳܗ ܘܩܳܡܰܬ ܗ̄ܘܳܬ ܡܶܢ ܫܶܠܝܳــܐ ܘܰܡܫܰܒܚܳܐ ܗ̄ܘܳܬ ܠܰܐܠܳـܗܳܐ ܕܰܐܚܝܳܗ ܗ̄ܘܳܐ ܒܰܙܩܺܝܦܶܗ.
14-معرفة الجميل*ܡܰܠܟـܬܳܐ ܕܶܝܢ ܦܪܽܘܛܢܳܝܺܩܺܐ ܟܰــܕ*
ܚܙܳܬ ܗ̄ܘܳܬ ܕܰܐܝܟܰܢܳܐ ܚܝܳܬ ܗ̄ܘܳܬ ܒܰܪܬܳܗ ܐܬܶܬܙܝܥܰܬ ܗ̄ܘܳܬ ܘܶܐܬܪܰܗܒܰܬ ܛܳܒ ܘܟܰܕ ܪܗܺܝܒܳܐ ܗ̄ܘܳܬ ܡܫܰܒܚܳܐ ܗ̄ܘܳܬ ܠܰـܡܫܺܝܚܳܐ ܘܗܰܝܡܢܰܬ ܗ̄ܘܳܬ ܒܶــܗ ܕܰܒܪܶܗܽ ܗ̄ܘ ܕܰܠܠܳـܗܳܐ ܚܰܝܳܐ. ܐܳܡܰــܪ ܠܳܗ ܒܪܳܗ: ܚܙܰܝܬܝ ܡܳܪܬܝ ܕܶܠܠܽܘ ܗܳܕܶܐ ܠܳܐ ܗܘܳܬ ܝܘܡܳܢܳܐ ܓܳܕܫܐ ܗ̄ܘܳܬ ܕܫܳܒܩܺܝܢ ܗ̄ܘܰܝܢ ܙܩܺܝܦܳܐ ܗܳܢܳܐ ܕܰܡܫܺܝܚܳܐ ܕܰܚܝܳܬ ܒܺــܗ ܚܳܬܝ ܘܳܐܚܕܺܝܢ ܗ̄ܘܰܝܢ ܘܰܡܝܰܩܪܺܝܢ ܗ̄ܘܰܝܢ ܕܚܰܕ ܡܶܢ ܗܳܢܽܘܢ ܓܰـ̈ܝܳܣܶܐ ܩܳܛܽܘ̈ܠܶܐ. ܗܳܫܳܐ ܗܳܐ ܚܙܰܝܢܰܢ ܘܰܚܕܺܝܢܰܢ ܘܰܡܫܺܝܚܳܐ ܐܶܫܬܰܒܰܚ ܒܳܗ ܕܗܳܕܶܐ ܣܥܰܪ. ܘܰܫܩܰܠܬܶܗ ܗ̄ܘܳܬ ܠܰܙܩܺܝܦܶܗ ܕܡܫܺܝܚܳܐ ܘܝܰܗ̄ܒܬܶܗ ܗ̄ܘܳܬ ܠܝܰܥܩܽܘܒ ܐܰܝܟ ܕܢܶܬܢܛܰܪ ܗ̄ܘܳܬ ܒܺܐܝܩܳܪܳܐ ܪܰܒܳܐ. ܘܦܶܩܕܰܬ ܗ̄ܘܳܬ ܕܢܶܬܒܢܶܐ ܒܶܢܝܳܢܳܐ ܪܰܒܳܐ ܘܰܡܝܰܬܪܳܐ ܥܰܠ ܓܳܓܽܘܠܬܳܐ ܕܶܐܙܕܩܶܦ ܗ̄ܘܳܐ ܒܳܗ ܘܰܥܠ ܩܰܒܪܳܐ ܕܶܐܬܬܣܺܝܡ ܗ̄ܘܳܐ ܒܶــܗ ܐܰܝܟ ܕܢܶܬܝܰܩܪ̈ܳܢ ܕܽܘܟـ̈ܝܳܬܳܐ ܗܳܠܶܝܢ ܘܢܶܗܘܶܐ ܗ̄ܘܳܐ ܬܰܡܳܢ ܒܶܝــܬ ܘܰܥܕܳܐ ܕܰܨܠܽܘܬܳܐ ܘܰܟܢܽܘܫܝܳܐ ܕܬܶܫܡܶܫܬܳܐ. ܡܰܠܟܬܺܐ ܕܶܝܢ ܟܰܕ ܚܙܳܬ ܗ̄ܘܳܬ ܐܢܳܫܽܘܬܳܐ ܟܽܠܳܗ ܕܰܡܕܺܝܢܬܳܐ ܕܟܶܢܫܰܬ ܗ̄ܘܳܬ ܠܰܚܙܳܬܳܐ ܗܳܕܶܐ ܕܣܽܘܥܪܳܢܳܐ ܗܳܢܳܐ ܦܶܩܕܰܬ ܗ̄ܘܳܬ ܕܰܕܠܳܐ ܬܰܚܦܺܝܬܳܐ ܕܺܐܝܩܳــܪܳܐ ܕܡܰܠܟܳـ̈ܬܳܐ ܬܺܐܙܰܠ ܗ̄ܘܳܬ ܒܰܪܬܳܗ ܥܰܡܳܗ ܓܰܠܝܳܐܝܺܬ ܠܳܐܦܰܪܢܳܐ ܕܡܰܠܟܳــܐ ܕܰܫܪܝܳܐ ܗ̄ܘܳܬ ܒܶܗ ܐܰܝܟ ܕܢܶܚܙܶܝܗ ܗ̄ܘܳܐ ܟܽܠ ܐܢܳܫ ܘܰܢܫܰܒܰܚ ܠܰܐܠܳــܗܳܐ
15-خلاصة الحديث*ܘܟܰــܕ ܣܳܠܩܳــܐ ܗ̄ܘܳܬ*
ܡܰܠܟܬܳܐ ܡܶܢ ܐܽܘܪܺܫܠܶܡ (a) ܠܪܽܗ̄ܘܡܺܐ ܡܕܺܝܢܬܳܐ ܟܽܠ ܡܕܺܝܢܬܳܐ ܕܥܳܐܠܳܐ ܗ̄ܘܳܬ ܠܳܗ ܠܰܚܙܳܬܳܐ ܕܒܰܪܬܳܗ ܚܳܒܨܺܝܢ ܗ̄ܘܰܘ ܕܢܶܚܙܽܘܢ ܘܟܰܕ ܥܶܠܰܬ ܗ̄ܘܳܬ ܠܪܽܗ̄ܘܡܺܐ ܐܶܫܬܰܥܝܰܬ ܗ̄ܘܳܬ ܩܕܳܡ ܩܠܰܘܕܝܳܘܣ(b) ܩܶܣܰܪ ܗܶܢܶܝܢ ܗܳܠܶܝܢ ܕܰܗ̈ܘܰܝ ܗ̄̈ܘܰܝ. ܘܟܰܕ ܫܡܰܥ ܗܘܳܐ ܩܶܣܰܪ ܦܩܰܕ ܗ̄ܘܳܐ ܕܢܶܦܩܽܘܢ ܗ̄ܘܰܘ ܟܽـܠܗܽܘܢ ܝܽܗ̄ܘܕܳܝ̈ـܐܶ ܡܶܢ ܐܰܬܪܳܐ ܕܺܐܝܛܰـܠܺܝܰܐ ܟܰܕ ܒܟܽܠܶܗ ܐܰܬܪܳܐ ܗܰܘ ܣܽܘܥܪܳܬܳܐ ܡܶܬܡܰܠܰـܠ ܗ̄ܘܳܐ ܡܶܢ ܣܰܓܶܝ̈ـܐܶܐ. ܘܳܐܦ ܩـܕܳܡ ܫܶܡܥܽܘܢ ܟܺܐܦܳܐ ܐܶܫܬܰܥܝܰܬ ܗ̄ܘܳܬ ܗܺܝ ܗܳܕܶܐ ܕܰܗܘܳܬ. ܟܽܠܡܶܕܶܡ ܗܳܟܺܝܠ ܕܣܳܥܪܺܝܢ ܫܠܺـܝ̈ܚܶܐ ܚܰܒܪ̈ܰܝܢ ܩܕܳܡ ܟܽܠ ܐܢܳـܫ ܡܰܟܪܙܺܝܢ ܚـܢܰܢ ܕܢܶܫܡܥܽܘܢ ܐܳܦ ܐܰܝܠܶܝܢ ܕܠܳܐ ܝܳܕܥܺܝܢ ܐܰܝܠܶܝܢ ܕܒܺܐܝܕܰܢ ܣܳܥܰܪ ܡܫܺܝܚܳܐ ܓܰܠܝܳܐܝܺܬ ܕܢܶܫܬܰܒܰܚ ܡܳܪܰܢ ܡܶܢ ܟܽـܠܢܳܫ. ܘܗܳܠܶܝܢ ܕܬܰܢܺܝܬ ܩܕܳܡܰܝܟܽܘܢ ܕܬܶܕܥܽܘܢ ܘܬܶܬܒܰܝܢܽܘܢ ܟܡܳܐ ܪܰܒܳܐ ܗܰܝܡܳܢܽܘܬܶܗ ܕܰܡܫܺܝܺܚܳܐ ܠܰܐܝܠܶܝܢ ܕܡܶܬܢܰܩܦܺܝܢ ܠܶܗ ܫܰܪܺܝܪܳܐܝܺܬ ܘܟܰܕ ܫܡܰܥ ܗܘܳܐ ܐܰܒܓܰܪ ܡܰܠܟܳܐ ܗܶܢܶܝܢ ܗܳܠܶܝܢ ܗܽܘ ܘܰܐܓܽܘܣܛܺܝܢ ܐܶܡܶܗ ܘܫܰܠܡܰܬ ܒܰܪܬ ܡܗܰܪܕܰܬ ܘܦܳܩܽـܘܪ(1) ܘܥܰܒܕ ܫܡܶܫ(2) ܘܰܫܡܶܫܓܪܰܡ ܘܥܰܒܕܽܘ ܘܰܐܙܳܝ(3) ܘܒܰܪ ܟܰܠܒܳܐ (4) ܥܰــܡ ܫܰܪܟܳܐ ܕܚܰܒܪ̈ܰܝܗܽܘܢ ܚܳܕܶܝܢ ܗ̄ܘܰܘ ܛܳܒ ܘܰܡܫܰܒܚܺܝܢ ܗ̄ܘܰܘ ܠܰܐܠܳܗܳܐ ܟܽܠܗܽܘܢ ܘܒܰܡܫܺܝܚܳܐ ܡܰܘܕܶܝܢ ܗ̄ܘܰܘ.
-(2) التاريخ الكنسي،الكتاب الاول الفصل13- (3) في ما يخص قصة التعليم التاريخية انظر الكتاب المشار اليه في الحاشية الفرنسية. (4) اي للسلوقيين، ويبدأ هذا التاريخ سنة 311 قبل المسيح. فارسال البعثة كان اذن سنة31 للمسيح -(5) طيباريوس، الامبراطور الروماني(14-37) (a)
-(1) ابجر الخامس اوخاما (13-50) ولم تميزه الرواية عن الابجر التاسع (179-214) وهو اول ملوك الرها المسيحيين- (2) /عطاالله/- (3) شمشجرم، تشكيلها غير اكيد-(4) حنان (5) الصحيح، وربما كانت بمعنى /المحلف/ الموثوق منه -(6) إلوتاروبوليس، مدينة في فلسطين، على اربعين كيلومتراً من اورشليم، على طريق غزة- (7لا ذكر لوجد مندوب روماني في سوريا اسمه سابينوس بين سنة 25و35 لعهدنا-(8)اوسترجيس-(9) ان مقاطعة ما بين النهرين لم تصبح رومانية الا في عهد تراجان (98-117).
-(1) الرها-(a)ܐܬܩܪܝ
-(1) جمليئيل (اعمال،5، 34 )- (2) والارواح (النجسة)، واغلب الظن ان النص ناقص وتكميله: ܘܰܠܪ̈ܽܘܚܶܐ ܛܰܢܦ̈ܳܬܳܐ ܡܰܦܶܩ ܐܰܢ̱ܬ... والارواح النجسة تخرج -(3) المصابون بداء النقطة ،والنقطة، في ظنون القدماء، من فعل شيطان قمري ينزل من السقف-(4) تأتي الي واني لساجد لك
-(1) اخذ(ريشة والوانا) ورسم-(2) يؤخذ من تقليد ذكره اوسابيوس(النصف الاول من القرن الرابع) ان اسم الرسول توما الحقيقي قد يكون يهوذا، ومعنى توما التوأم.
-(1) السبعون، الذين ارسلهم المسيح للتبشير(وهم اثنان وسبعون في نص لوقا الاكيد،10، 1)-(2) طوبيا(3)عبدو-(4) ܕ تفسيرية راجعة الى ܐܡܰܪ، بعد جملة اعتراضية طويلة
-(1) أغوسطينة-(2) شلمة-(3) مهردة-(4) بروُطنيقي-(5) كلوديوس، وقد صار فيما بعد امبراطوراً
(41-54 ) ܛܒܪܝܣ(b) - ܩܠܘܕܝܣ(a)
-(1) سمعان بطرس، رئيس الرسل- (2) الامبراطورة.-(3) يعقوب الاصغر، احد الرسل، واول اسقف على اورشليم، توفي سنة 62-(4) هيرودس انتيباس، رئيس ربع على الجليل، توفي سنة 40 ܐܝܪܘܕܝܣ(c) ܪ̈ܘܡܝܐ- ܐܪܫܠܡ (a)
-(1) اونيا-(2) حنان-(3) جدليا- (4) قيافا-(5) يهوذا- (6) عبد السلام . ܟܢܐܝܬ(b)- ܫܡܥ(a)
-(1) ܕ ترجع الى ܫܳܥܬܳܐ و ܥܶܕܳܢܳܐ
-(1) باقور-(2) عبد شمس-(3) أزي-(4) بركلبا -(a) ܐܪܫܠܡ-(b) ܩܠܘܕܝܣ
عن كتاب منتخبات سريانية /منشورات الجامعة اللبنانية
الاب لويس كستاز اليسوعي
الاب بولس موترد اليسوعي