IZ-146XXX محتار نصيحة افيدوني

[ammar.a.h]

السلام عليكم
عيني اني منتضر محلفين واني من مؤجلين شهر ال 6 العام
دزيت الهم هوايه اميلات بخصوص المقابله اخر واحد قبل يومين جاوبوني وكان هذا جوابهم

Case in processing

 

Dear Sir/Madam,

 

Thank you for your email.

 

We have checked your case and found that it in processing.

 

you will be contacted for any updates .

 

 

For general case status inquiries, we encourage you to visit IOM’s website at https://www.jordan.iom.int/refinfo/ to receive an instant case status update.

 

This website is designed to provide information to applicants regarding the current status of their cases with IOM- RSC Middle East and North Africa.

 

Kind Regards,

IOM Info Center

والصراحه اني لعبت نفسي منهم ومقدم من شهر ال 8 سنة 2013
وهسه اجتني فرصة اقامه بدبي بس الاقامه تخوف لان باي لحضه يكنسلوهه وترجع للعراق
وما اعرف شسوي اذا اسوي الاقامه بالجوااز اني سمعت يجيني رفض واريد ابقي الكيس مالتي في بغداد ومن تصير مقابله اجي اسويهه بس مثل ميكولون الناس انه اذا شافو اقامه دبي يجي رفض وحاير ما اعرف شسوي
وتعرفون الاوضاع موزينه ببغداد واني هسه ببغداد ومليت من الانتضار
اريد نصيحتكم اكو طريقه اسوي اقامه ومينرفض الكيس
وممنون منكم

[Auoob81]

 قبل ما انطيك وجهة نظري خلي اكلك شي واحد فقط وهو اولا الامر بيد الله سبحانه وتعالى فلا اتخلي السفر دائما في بالك لانه  احتمال ما يصير السفر او التاجيل او الرفض فهذا شي اعتيادي ولا اتضوج
عندك خيارات
1- هل تستطيع السفر الى الاردن لاكمال الملف في iom
2- هل تستطيع البقاء في بغداد والاستمرار في العمل والعيش كباقي الناس
3- هل انت متاكد بان سفرك الى الامارات بانه مفيد وفيه كسب للمال
 القرار بيد وانت تستطيع ان تقرر مستقبلك

[ammar.a.h]

شكرا اخي العزيز
بالنسبه للاردن ما اكدر اسافر
وبالنسبه للانتضار ببغداد اني شغلي كلش زين في بغداد بس الوضع كلش موزين وابد ممرتاح شنو الفائدة واحد عنده فلوس وشغل وممرتاح نفسيا من وره الاوضاع والضروف
وبالنسبه للامارات مرتب وضعي وكلش زينه اعرف بيهه بس المشكله انت عندك اقامه وانت عراقي يعني اي مشكله او اي قرار يصير من دولتهم يكنسلون الاقامه يعني تبقى تحت رحمتهم وهم متقيد
بالنسبه لامريكا اعرف راح اتبهذل فتره بالبدايه خصوصا بس الواحد اذا ضمن عنده جنسيه تختلف اموره ووضعه
اني عندي ايمان بالله كلش قوي واعرف كلمن يموت بيومه بس انت من تعيش غير تعيش مرتاح وبالك مرتاح مو مثل هسه متعرف شراح يصير
واعرف ميصير شي للشخص اله الله سبحانه وتعالى كاتبه اله بس اكو فرق من تعيش مرتاح نفسيا او خايف طول الوقت
اني ضرفي خاص شغلي كلش زين وراتبي الحمد لله محد يحلم بي بس المشكله ممرتاح

[predator]

 السلام عليكم .
اخي اني نفس ملفك  .قابلت أولى بنهاية 2013
ونطوني مقابلة محلفين بشهر السادس 2014 وتاجلت.
انت تعرف المحلفين رجعو وديقابلون. ان شاء الله قريبا يحددولنة مقابلات. .حاليا عدد المحلفين ابغداد 5 وهواية ملفات دينتظرون المقابلة وعليهم ضغط.
ننتظر هل شهرين وان شاء الله الفرج قريب

[الغسق]

وعليكم السلام اول شي اقامة الامارات اذا عن طريق شركة معروفة و عقد رسمي فلادعي الخوف ابدآ بس اذا كفيل لا بيه حجي ثاني بس ممكن تبلغهم انك راح تسافر خوفن عليه حياتك تحاول تنقل الملف الاردن و البنان !! الله يسر امرك تحياتي

[husseinsars]

اخي السلام عليكم اخي هذه الرساله اجتني الي اني جنت انتضر مقابلة محلفين وره فتره وقابلوني انتضر اخي هسه ايدزون عليك قريب انشاله

[eng_2010]

السلام عليكم اخوان
تني التسلسل مالتي هم يبدي 146 ولحد هذة اللحظة ولا مقابلة مسوي اذا انته تنتظر محلفين اني كاشي ماكو كاعد على الصبة وانتظر الفرج............
اخويه العزيز اشوية انطيها صبر ترة الكادر الي بالسفارة ينعدون على الاصابع وما كاعد يمشي الشغل مثل ما احنا متصوريين

تحياتي

[ابو الامراء]

اذا انت مقدم من شهر 8 سنة 2013 فأنا من سنة 2012 وبس مقابله اولى ونفس الرد اجاني واكو ناس قبلنا بسنه ام سنتين وبعدهم ما مسافرين اخوي هذه الشغله يرادلها صبر جبير وان شاء الله يسهلها على الجميع

[ammar.a.h]

تسلمون على ردودكم
انتضر والله كريم
وشكرا للجميع

[abu yaseen]

السلام عليكم

اخي العزيز صاحب الموضوع

هذا الموضوع يحتاج صبر لتغلط نفس غلطي

اني مقدم من سوريا على اليو ان عام 2006 ملفي تحول توطين في بداية 2010 شغلي اتوقف في سوريا واني كنت على الخطوات الاخيرة للسفر دانتضر الموافقة الامنية والفيز وموعد السفر فكنت حاير بين الانتضار في سوريا او العودة الى اربيل غلطت واتخذت قرار ورجعت الى اربيل عتنيت منضغوط نفسية وخاصة بعد علمي انه بعد 17 يوم اتصلو بيه لان تركت السيم كارت في سوريا وكانو ديحددولي موعد سفر خابرتهم من اربيل كالولي شرجعك انت اذا تجي لازم تعيد مقابلة المحلفين وتنتضر كلت الله مكاتبلي السفر بقيت في اربيل راتي زين ومرتاح في عملي لكن كنت اقكر بالسفر باستمرار وخاصة ان كل منكان معي سافر رجعت اراسل موقع المنظمة عن طريق الايمل سنة 2011 و2012 لحد ماتم نقل الملف من سوريا الى العراق انتظرت حتى شهر 11 من عام 2013 كان دائما جوابهم انت على التجيك الامني مليت من الانتضار كان عندي محل في بغداد بعتة واشتريت فيزا شنكن من السفارة الجيكية وقلررت السفر الى المانيا لكن بالسفارة الجيكية اخذو بصماتنة طلعت الفيزا واني دا احضر للسفر يخابروني الهجرة من عمان ويحددون يوم 24/11/2013 موعد للفحص الطبي في بغداد واني فيزتي عشرت ايام من 20/11 ولغاية 30 /11 كلت خلي ما اكنسل شغلة امريكا اجيت لبغاد قبل يوم ورحت سويت الفحص الصبح والتكسي ينتضرني وكبل الى اربيل وصلت للبيت شلت الجنط وكبل للمطار وصلت الى المانيا وقدمت وبقيت بالكامب الاول 17 يوم وحولوني الى شقة ضمن الكامب الثاني ولكن بعد فترة وبيوم 3/4/2014 وصلني ايميل يطلب حضوري الى بغاد بعد 3 ايام والسفر يوم 7 نيسان واني بالمانيا جاوبتهم كلتلهم اني صارت ضغوط علية وسافرت الى المانيا ثاني يوم اجاني بريد للشقة مالتي فتحتة واذا هو قرار رفض اللجوء في المانيا لان الجيك اكدو قدومي عن طريقهم ولازم يرحلوني للجيك المحامي كال اكدر استانف لكن القار هم جي رفض وتكسب 3 اشهر فقط قررت العودة الى اربيل وقدمت على العودة الطوعية وصلت الى اربيل ورة شهر سقطت الموصل وانلاصت الاوضاع في العراق قاومت نفسي 6 اشهر مراسلت الهجرة لكن مكدرت راسلتهم وخابروني وشرحتلهم ضروفي قيل يومين خابروني كالولي باجر عندك فحص طبي بغداد كلتلهم اني باربيل الموظفة كالت اوكي راح احول الفحص الى اربيل والحمد لله البارحة اتصلو بيه من اربيل وباجر عدنا فحص طبي لكن عندي مشكلة انه جوازي راح يخلص بتاريخ 29/9/2015 وخايف تنلاص اموري

ملخص الموضوع لتغلط غلطي خليك في بغداد واذا انت انسان تحلم بالسفر مراح تكدر تنسى الموضوع حاول تكمل طريقك الاول لتكمز مثلي والاعمار بيد الله واتمنالك التوفيق

تقبل مروري

[نبيل المهاجر]

السلام عليكم
اخي العزيز اذا انته اتكول شغلك زين وراتبك كلش ممتاز وميحلم بيه احد ليش اتقرر اتسافر....

[abu yaseen]

السلام عليكم

الاخ نبيل ولو سؤالك الى صاحب الموضوع والي قصتة تشبه قصتي بس حبيت اكلك ان الفلوس مو كلشي بالدنيا المهم ان الانسان يعيش بكرامة واكو فانون يحمي واكو مستقبل الى اولادة وامان واستقرار بالبلد وهذني كلها مموجودة بالعراق وكل انسان له الحق في اختيار مايريد ومن الله التوفيق

تحياتي

[ammar.a.h]

السلام عليكم

اخي العزيز صاحب الموضوع

هذا الموضوع يحتاج صبر لتغلط نفس غلطي

اني مقدم من سوريا على اليو ان عام 2006 ملفي تحول توطين في بداية 2010 شغلي اتوقف في سوريا واني كنت على الخطوات الاخيرة للسفر دانتضر الموافقة الامنية والفيز وموعد السفر فكنت حاير بين الانتضار في سوريا او العودة الى اربيل غلطت واتخذت قرار ورجعت الى اربيل عتنيت منضغوط نفسية وخاصة بعد علمي انه بعد 17 يوم اتصلو بيه لان تركت السيم كارت في سوريا وكانو ديحددولي موعد سفر خابرتهم من اربيل كالولي شرجعك انت اذا تجي لازم تعيد مقابلة المحلفين وتنتضر كلت الله مكاتبلي السفر بقيت في اربيل راتي زين ومرتاح في عملي لكن كنت اقكر بالسفر باستمرار وخاصة ان كل منكان معي سافر رجعت اراسل موقع المنظمة عن طريق الايمل سنة 2011 و2012 لحد ماتم نقل الملف من سوريا الى العراق انتظرت حتى شهر 11 من عام 2013 كان دائما جوابهم انت على التجيك الامني مليت من الانتضار كان عندي محل في بغداد بعتة واشتريت فيزا شنكن من السفارة الجيكية وقلررت السفر الى المانيا لكن بالسفارة الجيكية اخذو بصماتنة طلعت الفيزا واني دا احضر للسفر يخابروني الهجرة من عمان ويحددون يوم 24/11/2013 موعد للفحص الطبي في بغداد واني فيزتي عشرت ايام من 20/11 ولغاية 30 /11 كلت خلي ما اكنسل شغلة امريكا اجيت لبغاد قبل يوم ورحت سويت الفحص الصبح والتكسي ينتضرني وكبل الى اربيل وصلت للبيت شلت الجنط وكبل للمطار وصلت الى المانيا وقدمت وبقيت بالكامب الاول 17 يوم وحولوني الى شقة ضمن الكامب الثاني ولكن بعد فترة وبيوم 3/4/2014 وصلني ايميل يطلب حضوري الى بغاد بعد 3 ايام والسفر يوم 7 نيسان واني بالمانيا جاوبتهم كلتلهم اني صارت ضغوط علية وسافرت الى المانيا ثاني يوم اجاني بريد للشقة مالتي فتحتة واذا هو قرار رفض اللجوء في المانيا لان الجيك اكدو قدومي عن طريقهم ولازم يرحلوني للجيك المحامي كال اكدر استانف لكن القار هم جي رفض وتكسب 3 اشهر فقط قررت العودة الى اربيل وقدمت على العودة الطوعية وصلت الى اربيل ورة شهر سقطت الموصل وانلاصت الاوضاع في العراق قاومت نفسي 6 اشهر مراسلت الهجرة لكن مكدرت راسلتهم وخابروني وشرحتلهم ضروفي قيل يومين خابروني كالولي باجر عندك فحص طبي بغداد كلتلهم اني باربيل الموظفة كالت اوكي راح احول الفحص الى اربيل والحمد لله البارحة اتصلو بيه من اربيل وباجر عدنا فحص طبي لكن عندي مشكلة انه جوازي راح يخلص بتاريخ 29/9/2015 وخايف تنلاص اموري

ملخص الموضوع لتغلط غلطي خليك في بغداد واذا انت انسان تحلم بالسفر مراح تكدر تنسى الموضوع حاول تكمل طريقك الاول لتكمز مثلي والاعمار بيد الله واتمنالك التوفيق

تقبل مروري

عاشت ايدك اخويه على النصيحه والله يساعدك ويصبرك

[ammar.a.h]

السلام عليكم
اخي العزيز اذا انته اتكول شغلك زين وراتبك كلش ممتاز وميحلم بيه احد ليش اتقرر اتسافر....

حبيبي الغالي اذا واحد ممرتاح وميعرف بعد شويه شيصير وعاشي 24 ساعه بالهبطة وماكو قانون شيسوي بالفلوس

[ammar.a.h]

بالمناسبة اخوان اعتقد ماكو مقابلات هل ايام لان اشو صايره سكته قبل فتره جانت تجي اميلات بيهه مواعيد مقابلات بس هسه ماكو شي سنطه