المحرر موضوع: أرجو الدخول والمساعدة .. شركة عراقية أعلنت عن توفير الفيزا الكندية متعددة لمدة سنة .  (زيارة 4701 مرات)

0 الأعضاء و 1 ضيف يشاهدون هذا الموضوع.

غير متصل maltay

  • عضو فعال جدا
  • ***
  • مشاركة: 113
    • مشاهدة الملف الشخصي
السلام عليكم أخواني الأعزاء أريد نصيحتكم
هذه إعلان من شركة عراقية .. وتم الاتفاق بيني وبين الشركة المذكورة كي أتنازل عن بيتي لهم مقابل ختم الفيزا لجوازاتنا أني وزوجتي وأطفالي .. وأني متردد لان اذا وقت وتنازلت عن أملاكي يبقى تعبي مال سنين بتوقيع واحد راحت .. و من جهة ثانية أكول خلي أسويها على مود مستقبل أطفالي لان مثل ما شايفين شصار بالعراق . يعني كل شي ما بقى عدنه . وكوني مهدد ما أكدر أبقى بالعراق يعني أختفي من مكان الى مكان . ودائما أغير شكلي على مود المهددين . وحتى ما نتبهدل بدول الجوار وننتظر التوطين من اليو أن .. أقول في نفسي خلي أتنازل من أملاكي لهذاك الشركة . علماً هم طالبين مني 130,000$ .. وبيتي بالكوة مع الأغراض الموجودة يلا يسوة هذاك المبلغ . يعني أصير مفلس .. فحبيت أستشيركم . فما هو نصيحتكم لي . وشكراً
هذا مضمون الإعلان عن الفيزا الكندية . 

ڤيزا مع اقامة كندا (عام كامل)،(متعددة) بدون شروط للعراقيين وجميع (الدول)
يستطيع الزبون فور وصوله (طلب اللجوء) وخاصتآ السورويين .
يستطيع رب الأسرة السفر اولآ،ثم التقديم هناك لــ ڤيزا لم الشمل مجانآ .
للعلم يتوفر لدينا محامي لطلب اللجوء في كندا (حسب رغبة الزبون) .
-----------------------------------------------------
الڤيزا قانونية 100% تستطيع اعطاء رقم تسلسل الڤيزا للقنصلية للتأكد .
وهذه نموذج (قبل 13يوم) ڤيزا كندا مدة ڤيزا سنة كما موضح في الصورة .
------------------------------------------------------------
1- المتطلبات: الجواز الأصلي+4 صور حجم الجواز+صورة من جنسية .
2- بصمة الكترونية نحن نرسل الفورمة للزبون .
3- مدة الأنجاز: (45-60) يوم فقط .
4- مدة الڤيزا: (عام)،(متعدد) تستطيع الأقامة سنة كاملة في كندا .
5- يشمل: جميع العراقيين وجميع الدول الأخرى للعوائل والأفراد .
6- الدفع: بعد الحصول على الڤيزا .
7- الشروط: بدون أي شروط .
8- السعر: (للبالغ 25,000$) ، (للأطفال 20,000$)
--------------------------------
لن يتم الرد على التعليقات والرسائل بخصوص العرض .
العدد محدد جدآ (سعر خاص للشركات والمكاتب)

غير متصل عراقجي

  • عضو فعال
  • **
  • مشاركة: 60
  • منتديات عنكاوا
    • مشاهدة الملف الشخصي
اخي لا تتورط .القفصة مبينة بالاعلان.المبلغ كبير جدا الا اذا كان عدد افراد عائلتك 13 نفر , بهاي الحالة ممكن. الفيزة تتزور يعني ممكن تصدر من القنصل الا انها ليس لها اوليات في وزارة الهجرة الكندية. هنا في كندا ممكن تاخذ جنسية بالتلاعب بالقوانين بس تنكشف بعدين فيتم سحب الجنسية والطرد .والان وضعوا شرط آخر يتضمن السجن ستة اشهر او الغرامة. قصدي من الكلام ان الفيزا المزورة بيها طرد , طبعا ممكن تدخل كندا بيها وهنا لح تعرف مزورة لو لا , ويكون قد فات الاوان . نصيحتي ان تطلع وحدك بهاي الفيزا وبعد ان تستقر بكندا تستطيع ان تكمل اجراءات الفيزا لباقي افراد عائلتك , والافضل ان تاخذ اقامة دائمية وتسوي لعائلتك كفالة خماسية او كنائسية وتطوّل من سنة الى سنتين وتوفّر لك جزء من المبلغ. وتقبل حياتي

غير متصل maltay

  • عضو فعال جدا
  • ***
  • مشاركة: 113
    • مشاهدة الملف الشخصي
اخي العزيز عراقجي شكرًا على ردّك  حقيقة الحل الوحيد هو ان اسافر بوحدي
بس سؤال لو سمحت لي ..
اذا وصلت كندا أكدر أدخل أمريكا عبر الحدود البرية .. لان سمعت من الأصدقاء يكولون أكو طريق بري حوالي نص ساعة مشي .. واعتقد ذاك المنطقة قريب على شلالات ( نياجرا ) فشنو حقيقة هذا الشي .  وشكراً لشخصك الكريم

غير متصل عراقجي

  • عضو فعال
  • **
  • مشاركة: 60
  • منتديات عنكاوا
    • مشاهدة الملف الشخصي
نعم صحيح , تاتي طيران لتورنتو وبعدين تسكن وينزرت , وهي مدينة قريبة من الحدود , واهل ونزرت يستطيعون الذهاب لامريكا لمدينة ديترويت بسهولة , لا يفصل بينهما بس الجسر . بس نصيحة لازم تسكن في ونزرت فترة ثلاث شهور مثلا حتى تتعرف من العراقيين الموجودين هناك وتتاكد عن امور العمل وغيرها من الامور وتصبح عندك فواتير كهرباء وانترنت , وهذا اثبات على انك من سكنة ونزرت, يعني كل شي يصير .
اخي لا تبيع البيت وتمهل حتى تستقر.وتقبل تحياتي

غير متصل mnkamala2000

  • عضو فعال جدا
  • ***
  • مشاركة: 195
  • الجنس: ذكر
  • Iraq-Canada
    • مشاهدة الملف الشخصي
    • البريد الالكتروني
أيد رأي عراقجي 100% ولا تستعجل بالموضوع
" Never say " Too late

غير متصل maltay

  • عضو فعال جدا
  • ***
  • مشاركة: 113
    • مشاهدة الملف الشخصي
أخواني الأعزاء ( عراقجي و mnkamala 2000  أنتم فعلاً شرفاء وعراقيين أصحاب نخوة ومو غريبة عليكم هاي الوقوف والمساعدة .. لأنكم فعلا عراقيين أبو الغيرة . لا أعرف شلون أشكركم .. حقيقة أنتم أكثر الأعضاء بمنتديات عنكاوة ساعدوني . لكن مع الأسف كثير من الإخوة فقط يقرأون المواضيع وبدون أَن يساعدون بأي رد أو كلمة .


قال النبي صلى الله عليه وسلم: «أحب الناس إلى الله أنفعهم للناس، وأحب الأعمال إلى الله عزّ وجلّ سرور يدخله على مسلم، أو يكشف عنه كربة أو يقضي عنه ديناً أو يطرد عنه جوعاً، ولأن أمشي مع أخ في حاجه أحب إليَّ من أن أعتكف في هذا المسجد - مسجد المدينة - شهراً ومن كف غضبه ستر الله عورته، ومن كتم غيظه ولو شاء أن يمضيه أمضاه، ملأ الله قلبه رجاءً يوم القيامة ومن مشى مع أخيه في حاجة حتى تهيأ له أثبت الله قدمه يوم تزول الأقدام ..» صححه الألباني

غير متصل mnkamala2000

  • عضو فعال جدا
  • ***
  • مشاركة: 195
  • الجنس: ذكر
  • Iraq-Canada
    • مشاهدة الملف الشخصي
    • البريد الالكتروني
كلماتك امثر من رائعه والله يسهلك . واحنه هنا لمساعده بعضنا البعض وانت انطينا تفاصيل شحتسوي علىمود نكون بالصوره وياك ونتبادل المعلومات
بالتوفيق اخويه
" Never say " Too late

غير متصل عراقجي

  • عضو فعال
  • **
  • مشاركة: 60
  • منتديات عنكاوا
    • مشاهدة الملف الشخصي
مثل ما تفضلت وتفضل اخوناmnkamala2000 احنا نحاول المساعدة واللي قبلنا كذلك كانوا يساعدونا بهذا المنتدى الرائع مثل الفريدو وشمعة واسامة الهاشمي وغيرهم . والله يا اخي ما كان منطلقي الا قول الرسول صلى الله عليه وسلم:لا يؤمن احدكم حتى يحب لاخيه ما يحب لنفسه.
الله يسهل عليك وعلى كل حيران وينير لك طريقك وكل عراقي اصيل ما ينسى الحليب اللي رضعه , (والله في عون العبد ما كان في عون اخيه). ووصيتي لك ولغيرك من الاخوان:المعلومة اللي تملكها وتحس انها غير ضرورية ولا تستحق الذكر , ثق انها ضرورية وتساعد الكثيرين ويكتب لك الاجر منها وانت قد تكتمها او تلهيك الحياة ومشاغلها عن خدمة العراقيين وكل بني البشر ولكن هي قد تكون لهم سفينة نجاة من الحيرة والتشكيك , وما الذي ينفع الانسان في قبره غير العمل الصالح مصحوب بعقيدة سليمة. وتقبل تحياتي

غير متصل ادم روني

  • عضو فعال جدا
  • ***
  • مشاركة: 143
  • منتديات عنكاوا
    • مشاهدة الملف الشخصي
اخي العزيز maltay لا انصح بهذه الفكرة وبالعراقي اكلك هاي شركة كلاوات ولا تتورط واذا انت اتريد اتضحي بفلوس بيتك الاحسن تعمل بيهم كفاله كنائسية وهاي افضل الطرق واظمنها وفلوسك مضمونه عند الكنيسة بس لازم تلكالك محامي موثوق بكندا او شخص تثق به واعتقد الاخوان المقيمين في كندا يؤيدون كلامي .. ملاحظه اخي لاتظلم كل الناس انه ندخل ومنجاوب بس نتفرج .. نعم اخي اكو ناس متساهم ابدا بأي كلمة واني شخصيا كتبت عن هذا الموضوع في احدى المواضيع ولكن مو الكل يبخل بالافادة بس فقط لمن انطي راي استشير اصدقائي الذين اثق بيهم المقيمين في كندا حتى من اكتب رد او رأي يكون بفائده اكثر من مجرد كتابه بدون فهم الموضوع او اخذ اراء اهل الخبرة .. وبالخدمه اخي الكريم

غير متصل ادم روني

  • عضو فعال جدا
  • ***
  • مشاركة: 143
  • منتديات عنكاوا
    • مشاهدة الملف الشخصي
شكرا وامتنان اتوجه به للاخ العزيز عراقجي على كتاباته وعراقيته الاصيلة وطبعا شكري وامتناني هذا ايظا موجه لكل الاعضاء الكرام الذين يعطوننا المعلومه والنصيحه ولايبخلون علينا بشي من ما يملكون من خبرتهم في افادة الجميع .. جعله الله في ميزان حسناتكم ولكم مني كل الاحترام